مدخل :-


الموضوع مخصص لأصحاب الواسطات اللي ما عنده واسطة يراجعنا الموضوع الجاي



من باب الميانه ((أنت موقوف عزيزي العضو والزائر))

((عن الإحراج شباب ما ودنا تصير زحمه جب لك واسطة او انتظر الموضوع الجاي ))





حبايبي الواصلين

الواسطه صارت مطلب ضروري وجودها اذا ما عندك واسطه

ما تقدر تخلص شغلك بأي دائرة حكومية ((بسرعه)) جوازات-مرور-احوال مدنية- وزارة تجارة.... الخ (حسيت إني معقب)


قطاع خاص مثلاُ تروح تقدم قرض بأحد البنوك يقولك والله راتبك مثلاً ما نقدر نعطيك عليه اللا 50.000 تعرف واحد من الشباب هناك وبالعجب العجاب تصير 100.000 يعني واسطه



وطبعاً كلنا عارفين أن الواسطة موجوده



لكن انها تدخل بالكوره ؟؟؟ هذا شي جديد علي أخوكم المنتصر بالله ((وش عنده الخليفة الأموي) )



فريق يجيب بطولات بحب الخشوم وزنق الدوري والتحكيم والطلايب ما قلنا شي نمشيها ...

غلطة وصارت بالجدوله ميب مشكله نمشيها ((كروكي ميب جدوله ))



طيب الإتي يرفع الإيقاف عن كيتا ليه؟؟ العفو اللي جاه شلون بالله صار ((لا هو اليوم الوطني ولا عيد مسلمين ولا استغفر الله عيد الحب )) ترفع عنه الإقاف ليه ؟؟؟؟!



السالفة صارت حب خشوم؟؟ فريقهم يجيب العيد بالآسيوية ويدهنون سيرهم بالبطولات المحلية؟؟؟؟



طيب يا مستر فصولى مستر البلوي خويك علي عينى وراسي؟؟؟ ((الله يهنى سعيد بمبارك))



الإتفاق وش ذنبه؟؟؟! اذا الاتي هالموسوم من غير كيتا وشيكو وسعود كريري ما حولك أحد ؟؟ مافي غيرهم هم قوة الفريق هم اللى شايلينه؟؟؟

تجي تغربل الاتفاق ليه ؟؟؟ جايبين الاتفاق من جزر الواق واق؟؟؟ نادي سعودي وابسط حق له ينتفع من إيقاف قوة بالفريق ما احد يختلف عليها؟؟؟





طبعاً كيتا مبسوط وحتفل علي طريقته الخاصه








====================================================================================


يالله نمشّي



موضوعنا


والأهم والأحلى والأجمل والأرقى والأرق والأمثل والأكمل البرنس أبو ندين



حبيب ألبي أبو نادين ((يقاله لبناني))



شكلك تستهبل صح؟؟؟



الله ياخذني ((استغفر الله بس طلعت من قلب)) اذا تي شيرت الهلال ما يزهاك ...



تدري أبو نادين أنت مجرم بآسمى ما تعنيه الكلمه ؟؟؟!

مجرم عشق للنادي... أنت من الأشبال والشباب والأولمبي والأول أنت هلالي أصلي واللي يقول غير هالكلام مايفهم ؟؟!

حرام تلعب بالدوري السعودي أنت أرقي من تفكير لجنات عقيمة؟؟!



بس مشكلتك الأزلية أن الهلال فريق سعودي وأنت والهلال مظلومين تدري ليه؟؟

لأنك تحب الهلال والهلال يحبك مو هينا الظلم

الظلم أنكم
حرام تلعبون بدوري واسطات وحب الخشوم.



نطلبك بأسم الزعامة فيك تقديم ما يليق بطارق البرنس والزعيم وجمهوره طارق نبي البطولات ولا تحرمنا تتشاتك (لمساتك بس انجلزتها كيفي)





يقولون لك فريق سعودي طالب تغيير الشورتات الي تنانير تحت الركبه الموسم الجاي يوم سمعوا أن طارق جدد










من القلب مبروك علينا طارق البرنس ومبروك لطارق الحب من جمهور مهو سهل يدخل لاعب قلبهم ما بالك لاعب محترف ((منيب قايل أجنبي لأن دمك أزرق وأبيض ))

خطوة تحسب للإدارة ولـ أعضاء الشرف ((يلومونا فيكم لا خلا ولا عدم))





خاتمة ((عزيزي العضو والزائر يمكنكم دخول الموضوع بعد العفو الصادر من صاحبه ))



كيفي لجنة الإنظباط ميب أعبط مني



نلتقي علي خير



لكم التحيه و التعليق





أحبك يا هلال غصب(ن) عن الراضي و الزعلان