هلا هلا هلا هلا ..ffice
ffice" />
خير أن شاء الله ...
وش تبوووون 
؟؟؟ أحدن قايلن لكم أن عندي شي .. ولا مع الخيل يا شقرا
... أبد ما تنعطون وجه درعمون ولا تدرون شسالفة 
.. ويلكمو في بارتي الجميل
>>>> اشوى خلصت المقدمة
.. تسن بنت هكتور سابتن
.. تقول اني أنام بالتوسعه .. اتقي الله يا أمة الله .. هذا بوهتان وزور عظيم
.. هاللحين من اللي ما غير تثاوب ويشهد بذلك كنب الصالة .. وبق بق >> بقايا تقول انها ما بيوم نامت على سريرها مدري وشوله متكلفين وحاطين لها غرفة مابقى غير الدرج ما نامت فيه وهذانا حريصين أنا وبقايا للحيلولة دون وقوع ذلك .. أي والله معاناة بس الذنب ذنبهم اللي ما جابوا لي قهوة ولا تسان سهرة للصبح
.. تصدقون عاد تطنزنا بالأجنبيات من ناحية التصوير والنوم وصرنا أردى منهن .. أجل بالله واحد واقف عند أبراج البيت يصور البوابة ومكتوب عليه (وقف الملك عبدالعزيز للحرمين الشريفين)) مدري وش بوه يصور
؟ وعلى طاري الوقف .. يا جعل الملك فهد بألف جنة
.. كلما دخلنا بابه وهكا التكييف والبرااااااد مع هالحر والزحمة التي لا تطاق ..
وفي مرة من المرارير وبينما كنا نتسامر بالتوسعة إذا ببنت كالقمر تطل علينا
(تشتروا ساعات ؟) ماشاء الله تبارك الله تاخذ العقل ونينتس تهبل
..
جلسناه وسولفنا معها طلعت أفغانية .. سواليفها تجنن
, سابقة عمرها
..
ومن بكرا برضو جتنا ومعها أمها ..ما كانت تتكلم عربي مرره بس البنت فلتة بالحجازي ..
وهاذي صورتها بعد أخذ الأذن من أمها ..
ياربي يا حبيبي ترزقني ببنت مثلها .. أم فلان من دولة .......... الشقيقة : كنا جالسات مالنا من الشيطان طاري .. ننود>>نعسانينن لغير الناطقين K.S.G كالعادة وبقايا رايحه تطوف يا عين أبوي هي .. وتطب علينا أم فلان كالصاروخ وتجلس جنب ريري >> يا حظها الشين .. وتستلمها سين وجيم .>>> مروووقه قووه وحنا مستمعات ..
بدأت تهذر وتشكي حالها لريري >>> والله ما عرفت تختار .. حظن ردي
.. تقول ولدي ما يصلي وبس يضربني قالت ريري : وراه ما تعلمين عليه الهيئة .. حنا بعد هالكلمة ما تلقوننا من الضحك .. كيف المره تتكلم جد وهي تهستر بها .. وتقول بناتي مدري وش بهن وأبونا عاجز كبير >> تشحذ بطريقة غير مباشرة .. وماشاء الله ما تشكى إلا وريري مطلعه لها حل >>> ما تعوق ..
أن كيدهن عظيم عارفتن أنها تبي فلوس بس مسويه نفسها ما تدري ..
وعقب شافت ما عندنا شي راحت وقالت لها ريري بصوت واطي لا عمرك
تعودينها وحنا أنواااع الضحك ..
ومن بعده جتنا بقايا يا عين أبوي جايه من الطواف ودموعها أربع أربع والعيون
حمر
.. وش بتس يا غلاهم ؟ من اللي مخانقتس ؟ قالت .. هالأجانب .. بحب الحجر وفغصوني
. . قسم بالله بغيت أموت لولا وحده من الشرقيه فزعت لي >> قلوب من هنا للخبر
طبعا قلوب بقبق .. قلت : ازهليه يا عين أبوي .. مالتس إلا اللي يقتص لتس منهم 
.. أبد البيت بيت أبونا والقوم طردونا ..
طبعنا طوال السفره ماننادي بعض بأسامينا
ننادي بيوزراتنا خخخخخخخخخخ ( ليز وبقايا وريري ) اللي يسمعنى يقول وش ذا الاسامي مره كنا جالسين بقسم الحريم بالتوسعه وفيه فاصل متكين عليه وسوالف باليوزرات
وقام ولد بسم الله علينا شكله جالس مع الجهه الثانيه بس يناظرنا
قالت ريري : يؤ يؤ كانه مب مواصل خخخخخخخخخ ..
وأنا اللي تطير عيوني .. قلت تخيلي عاد ...
اللي وراي تصير لورين !! (( يـــــــــوم المبـــاراة 
)
طبعا منذ الظهر الباكر .. وانا ونيني نشيل ونحط بها المباراة ..
دخلنا أبراج البيت وقت العشا .. دقيت على أخوي آخذ مجريات الشوط الأول ..
قال لي سخافه والرتم هادي
.. بين الشوطين قلنا لأهلنا : مع السلامة باي باي بالإنجليزي جود باي .. عاد ما يصدقون خبر .. ايه روحن وسون قهوة الله يعافيكن ..
رحت أنا ونيني للفندق .. وتابعنا المباراة .. كنا مرررره متحمسات
.. وأنا رجل بالغرفة ورجل بالمطبخ ..
أما يوم هجمة الإتحاد اللي صدها الدعيع .. صرخنا 3 صرخات متتالية على عدد
الكور 
.. خطير أن الأتراك اللي جنبنا هجوا ..
بعدما انتهت نزلنا للأهل وكان نفسي ألقى كابات أو شالات للهلال أحطهم للأطفال
>>> لزوم التشجيع بس للأسف ما حصلت ..
ومن بكره .. كنا ناويين نروح لمول بعيد عن الحرم وكان لازم ناخذ فان >>>
يالله يضفنا ماشاء الله ..
حصلنا بسهولة في الروحة ... لكن بالرجعة ..
أنواع المرمطة .. وقفنا بالخط وكل ما نلمح من بعيد ميكروباص نأشر له ..
الاول كان فل ...
الثاني لما مر من عندنا مكتوب عليه ((( بعثة الحج النيجرية )) وكان السواق رافع يده يسلم ع باله نأشر نسلم ما درى أننا نبغاه يودينا .. والثالث ... نكتة .. طلع ( نادي الوحده الرياضي)) هع
وبالأخير استسلمنا للأمر الواقع ورحنا سيارتين ..
من بكرا نزلنا لجده ..
وكنا راح نواعد عاشقة الزعيم 15 ..بس ربي ماكتب وخيرها بغيرها ان شاء الله .. ((آخـــــــــر ليــــلة ) اتفقنا اننا نسهر نصلي الفجر .. وقلنا لازم نطوف .. ونرد إعتبار بقايا >>> كتل وكتيل
...
دخلنا الطواف وكلنا جازمين نروح للحجر ونحبه بس العالم تذابح عليه ما لكم
مطاة رجل ...
قلنا بس نروح للملتزم وهذا منيتي ومرادي 
..
والله يا كانت زحمة والرجال صافين والله ما يحركهم أحد ..
واللي قاهرني انه المفروض جزء للرجل وجزء للحريم ... بس الرجال كانوا ما خذين كل المكان
, قررنا ندخل وكانوا الأجنيات مكافخ بالأكواع وباليدين وانواع الترفيس ماكن اللي قدامهن أوادم 
.. صرنا ندخل بينهن حيث ان الوحده كبر أمس وقبل أمس وغصنا بينهن 
.. ماعاد بالجو أكسجين ..
بس تماسكنا ووصلنا صرت أنا وريري مسويات حاجز : ممنوع مرور الأجنبيات 
... قامت ريري تنظم الدخول ونتكلم عليهن بس ما يفهمن ووحده تركيه قامت تدهر
على ريري وتخانق 
, قالت ريري : شوفي تقولين ولا ما تقولين لا تقعدين تبربرين عندنا تراي ما أفهم وش تقولين ادعي وطسي ..
دخلت نيني وبعدين ريري ..
وأنا مصريه وراي تقول خوشي ..
قلت وين أخش وقدامي الجدار أدخل جوا الكعبة يعني ؟ وين عايشين ؟ ودي والله هو يحصل ؟ وتزاحم المصريه ماعليها وأنا اللي اعطيها ها الكوع عشان تأدب ... >>> حشا حلبة مصارعة ..
وبعده دخلت أنا ودعيت رب اغفر لي وللوالدي وللمؤمنين يوم يقوم الحساب ...
وكانت ورانا مره كبيرة تقول : قولوا اللهم صلي على محمد عشان يستجاب
دعاكن ...
والتفت لريري : قلنا لزوم نفزع لها وتجي بعدنا .. وفعلا دخلناها وطلعنا
.. ونتذكر الأخت بقايا والتفت ولعل الشيخ يخانقها يقول ارجعي لا تزاحمي الرجال ... قلت يا حلولاة لو انه هارجن علي
...أجل كل شي للرجال والله ما قاله ربي ...
ومن بعدها صلينا مع ماهر >>> قلووووب من هنا لأبعد من الحرم أكثر من
ريري ... وفي يومنا الأخير نزلنا جده ... كانت رحلتنا 4 العصر ..
كنا متفقات أنا وريري نجلس جنب بعض سواء كانت المقاعد قريبة ولا بعيدة ,
نتكي بالمكان اللي نبيه ..
وطلعت الطيارة ثلاثة أرباع المقاعد للعائلتين ..
خادمات وطفلين وبنات و نساء و رجال .. جلست أنا وريري ... ها ها ها .. وحسنا أبو المقاعد , ياويلي بقايا وأخوي كلما جلسوا مقعد قومهم المضيف ,
آخر شي جا المضيف قال اقعدي انتي وأخوكي سوا قدامنا وحنا ميتين ضحك ..
جلست بق بق جنب أخوي .. نطت ريري تنادي المضيف :
تقول : تعال هنا .. فيه إختلاط غير شرعي .. لا يجوز .. . ياويلي كسفوا بأخيي وبق بق نفسها تجلس معنا , بالأخير جلست جنب نيني .. صرنا نسولف بالنوتات . نكتب من السواليف والتعليقات .. والمضيف طايره عيونه ما يدري وش سر هالأوراق اللي تروح وتجي ؟؟؟!! والأحزمة حدث ولا حرج .. المضيف بس يمر ينبه ونسوي أنفسنا ما نسمع ..
ما أذكر اننا ركبنا طيارة وربطناهن >>>> معاندات روسن يابسه ...
ووصلنا المغرب بحفظ من الله ورعايته محفولا مكفوفا بما ودع به من حفاوة وتكريم ..>> هع
ونترككم مع مقتطفــات من الرحلة
الفندق ...
يا قاهر النجديين >>> هع
كوستا كوفي
الأميرة ديانا والكونت إدورد ... يا حلالي ...يالأيام الخوالي وهاذي الصورة هي اللي ماخذه طاقتي .. لكن لأجل عين بقايا تكرم كل المدن ....
ياعين أبوي يا أنا, قاعده أشرح لها شعر >>اييه ذكرتيني بالأيام الخوالي
... بالتوفيق يابقبق يا فؤادي يا مهجة قلبي يا ودادي ... سلم لي على ايميلي والتسلب إديجر ولا يهون د . محمد >>>> كفووو والله ما أدبكن وخلاكن تدرسن على سنع غيره .. Good Luck
ملحوظه مهمه ...
قبل الكلام>> فيس مستحي مايقدر يرفع عنونه ..
والله اني أحبكم .. صز اني ما عدت أرد ع مواضيع بس وربي اني أرد بقلبي مدري من اللي ناحتني لا بغيت أكتب أعجز >>> اقرو علي ..
ولولا اصرار ريري والبقية ما كان هالموضوع شاف النور ..
حقكم علي يا لغوالي ولا تحطون بخاطركم 
رحلة K.S.G تــــــوه (1234...الصفحة الاخيرة) 
الوضع الشجري
