السلامون علكيمو ورحمة الله وبركاته

كيف هو حالكمو ؟؟؟ ومااهي اخباركمو ؟؟؟ وتسيف الكرف معاكمو ؟؟؟ << اقوول ماتحسون اني طولته

الموهيييم خلونا من السلام ونخش في السالفه دووغري تذكرون سالفه لاب توبي قلت لكم بقوول سالفه ثانيه وهذاني فااضيه بهالليول قلت وراي ماأكتبها



هاذا سلمكم الله من كل شر صحيت ذاك اليوم السااعه 4 الفجر على المنبه لانه كان عندي اختبار وقمت غسلت حسيت اني جووعااانه رحت ادور شيئ اكله مالقيت فتحت الثلاجه ولقيت زبادي مع اني مااحبه بس قلت يالله نمشي حالنا فيه واخذه مع سندوتسه واكل وااخلص واروح ادرس ويجي وقت روحتي للمدرسه ورحت


دخلت متأخره وكاان الاختبار الحصه الاولى وانا ماذكرت زين قلت له باأجله قالت خلاص جلست شوي الا المراقبه حقت الثانوي تنادي من تحت باأسمي استغربت قالت المدرسه عندكم احد بهالاسم قلت ايه انا قالت روحي شوفي وش تبغى


المهم نزلت لقيتها قالت لي انتي فلانه الفلاني قلت ايه قالت ابووك اتصل ويبغاك ضروري فيه شيئ يابنتي قلت لا مافيه شيئ هنا قلبي وجعني حسيت انه فيه شيئ خطييير لانه مايتصل بالمدرسه لأي شيئ


المهم قالت روحي لمكتب المديره كلمي عليه
رحت ودخلت قالت لي انتي فلانه قلت ايه قالت خوذي كلمي ابووك
اخذت ولقيت اخر رقم بيتنا


واعيده ويرد ابووي وكاان صوته هااادئ من نوع الهدوء اللي يخوف
قالي : وش لونك ؟؟
قلت : الحمدالله
قالي : وش اخبارك ؟؟
قلت : بخير
قلت : وش فيكم ليش متصلين ؟؟
قال : انتي اكله زباادي اول ماقمتي ؟؟
قلت : ايه ليش ؟؟
قال : منتهي ؟؟؟؟؟؟؟
قلت : كم صاار له ؟؟ يوم يومين اسبووع مايضر ان شاء الله ..
قالي : توقعي كم صار له منتهي

انتم توقعو كم صار له منتهي ؟؟؟






قالي : صاار له منتهي 6 شهوور



انا يووم قالي هالكلام جتني نووبة ضحك هستيريه


المديره احولت وش جااه البنت بدت تضحك الموهيم قالي اذا حسيتي بمغص اتصلي بسرعه زين قلت له خلااص ماعليك لاتوصي حريص
يوم سكرت قالت وش السالفه يابنتي قلت لها مسكت راسها قالت هاذا يابنتي يحط بالوجه مو يوكل

الموهيم وعدا اليوم على خير ولاجاني اللى العافيه بس الله لايوريكم وش جاني تعليقات على الغداء من ابوي يقول بسميها سنة الزبادي


وبس

مايستفااد:
1- لاعمركم تاكلوون زبادي بدون ماتشوفون التاريخ
2- ماتحسون ان كل القصه قالت قلت يقول
3-وهو الاهم سلامتكم

والسلام خير ختاام << حسيت اني بالاذاعه حقت متوسط

هههههههههههههههههههههههههههه ياحراااااام

هاه شخبار بطنك ماجاك شيء
الله يستر

وثاني مره انتبهي

تقبلي مروري


بيونه

خخخخخخخخخخخخخ

اصلا انا ماأحب الزبادي ..

سلام انا بطلع جاني غثيان يوم جبتي سيرة الزبادي ..

<<<<<<<<< متعيجز يرد فقام يصرف

مديره ماجت بلااااش تعرف وش تاكلووووون <<< هع

زبادي وسندويش ماتجي بس عساتس حطيتي سكر مع الزبادي << دايم يحط نصيحه حطوا

مشكوووووره اووووختي ووننتظر قديدك

.....................................

شكل الزبادي

جابلك الهستريه وخالك تقولين كلام مخبط

هههههههههههههههه


بالعافيه اختي

واحمدي ربك ماجاك شي

اجل زبادي هااه
عوافي خيتو
لاعدمناكـ
ــــــــــــــــــــــــــــــــــــــــــــــــــــــــــــــــــــــــــــــتتت

ههههههههههههههههههههه



أهم شي ماناكل زبادي منتهي تآريخه ههههههههههههه










اللي ربي كاتبه بيصير اكلتي الزبادي ولا مااكلتيه



بنت الزعيم ورده ..


الحمدلله على سلآمة قليبـك ..


ولآهنت على الموضوع التحييييفه ..






لكـ ورده ..

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههه

والله انتِ سالفة مسولفه مثل سواليف زمان وياسبحان الله زبادي من زمان ؟؟؟!!!!

<<<<<<<<<<<< لو بقى على صلاحية الشي 2 خفت وسويت حالة طوارىء في البيت لا تاكلونه وانتبهوا خخخخخخخخ<<<<<< الإسعافات الاولية مأثرة عليه

هههههههههههههههههههههههههههههه
أنا الي مستغرب منه يعني صايرله ست شهور منتهي
معقوله ما انتبهتي لطعمه الظاهر الاختبار نساك طعم الزبادي المنتهي
الحمدلله عدت على خير
بس من جد اليوم جيت أبشرب لبن والحمدلله امي لحقت علي قالتلي طالع لتاريخه لقيته منتهي صايرله اسبوع
الحمدلله ما صارلي مثلك
وتقبلي مروري