الثرى يقارن بالثريا؟؟!

أكيد لا ((اللا اذا كنت نصراوي )) وحط تحتها خطيين اثنين

مشكلة العقلية النصراوية إنها لا زالت عايشه ومتشربه ومتشبعه ماضيها

أنتم نادي جماهيري من يقول غير كذا؟؟؟؟ زغبي ما عندهم سالفة ما عليكم منها
انتم المجتمع الرياضي كله ضدكم؟؟! صح من يقول غير هالكلام ما يفهم
انتم يجبون لكم حكام بس مستقصدينكم كذا من الباب لطاقه (ملعنه) ؟؟؟؟ يا أخي لجنة حكام عقيمة وش تسوون
أنتم أقل نادي مشاكل داخليه ؟؟؟؟ ما عمرنا شفنا عضو شرف يشرشح بعضو زميل (( ميانه)) علي الهواء مباشره
أنتم النادي الوحيد اللي عندكم رؤول العرب وديدا العرب وفانستر روى العرب حتى مدربكم كابلو الأرجنتين ((تشكيلة بلي ستيشن)) ايه العذر والسموحه نسيت بيليه العرب
من يقول غير كذا؟؟؟؟؟؟؟؟؟؟ أكيد وانه ...... (فكر تفكير نصراوي بتعرف تملي الفراغ)

الهلال ينافسكم اللا يهبون الهلاليين أنتم المرفوض ما تلعبون بآسيا أبد وش أوربا اذا ما ضفتكم ما تفهم كوره
بالله أحد عنده حارس اسمه راضي وباك يسار اسمه مشعل وليبرو اسمه برناوى وباك يمين اسمه شراحيلي ومحاور فهد الزهراني وعبد الله الواكد ((ستوك مخزنين وجايبينهم نشاط)) وخيري ((اسمه تحفه بطل من جد))
ومهاجمين الشهراني وبلال ((ممنوع اللمس)) وتلعبون بآسيا الله يسامحك يا بلاتر قدم استقاله وفكنا شرك
هذا النصر بمن حضر

الهلاليين ضعوف حارسهم حرام نظلم تاريخ راضي ونقارنه فيه ((ظلم يا شيخ))
سناتر مرشدي وتفاريس ما يفهمون ولا يعرفون وزن الكوره وخشنين ((جزاره موب دفاع))
محاور عزيز والغامدي والغنام من جنبها حرام يطقونها بالمنتخب ((الله ياخذ الواسطه))
شلهوب وتايب وتمياط والفريدي كوره الواحد فيهم ما يعرف يثبت وشلون يعطي باص
ياسر مقلب يا شيخ البلوى لعب عليهم وشربهم اياه مقلب يا اخي مهوب لاعب حسم
والمشكله ياخذون بطولات يا أخي قهر وتحكيم وإتحاد معهم ليه ما يخذون بطولات

هي مشكله أزليه عند العرب والعرب بالذات
عندهم عقدة القهر اللا من رحم ربي ومنهم الهلاليين

يحس انه مقهور يحس ان كل الناس ضده
نظريات المؤامره بالسياسه والاقتصاد وكل شي وشلون الرياضة والكوره عاد

إذا ما قدرت تاخذ بطولة خدر جمهورك قل لهم الحكم مستقصدنا ومرتشي وأقدح وشكك بالذمم ((مافيه جنه ونار وحساب ويوم دين))
ما وقف معكم التحكيم بهدف النوايا ((علماً أن التعادل كان يأهل الهلال لنهائي)) بلنتي ريان بلال الأخير لا حشي مهوب تحكيم ولا له دخل الواير لس آه بس وغيره كثير عد وأغلط 14 بلنتى هالموسم لدرجة انكم طالبين تصميم التي شيرت الجديد وعليه استكرات (( ممنوع اللمس))




تدرون بالطقاق الدوري السعودي التحكيم فيه مثل وجه فوده يسد الرزق

انجلترا فازت علي المانيا بكأس العالم لاحظ كأس العالم مو بطولة محليه بهدف ما يدرون هو دخل الباب واللا لا ((الكوره عدت الخط واللا ما عدت))
الخبل ماردونا جايب له كم هدف بيده بكأس العالم ما طلعوا الناس يقولون بلقوله وما بلقلت

انت انسان عاقل تعرف أن الكوره فيها أخطاء تحكيميه؟؟؟؟؟؟؟ مثل ما لك عليك
وينك يوم يجيك بلنتي ما نسمع احد فيكم يشرشح ويقول البلنتى اللي لنا ظلم واللا الطرد اللي عليهم مو صحيح والهدف اللي لهم حرام يلغي لأنه صحيح ما نسمع أحد ينفس ولا حرف ؟؟! معناته مقتنعين أنه مثل ما لك عليك ؟؟!

يا ناس بـ البلي ستيشن أعرف نصراوي يسب الحكم ؟؟؟؟ كومبيوتر نسبة الخطأ فيه 0% مبرمج؟؟؟

يا حبيبي اللجنة الفنية بالإتحاد السعودي باركت لكم البطولة الأخيرة يبون يفتكون من شركم

((يقولون لك أن أحد الشخصيات البارزة بالإتحاد السعودي -الله يرحم أبوه وجده- نصراوي الميول وحلف أنه ما يتزوج اللا إذا أخذ النصر بطوله,,,, طيب الذكر فصولي عبد الهادي طق علي صدره وقال عندي طال عمرك))

وزنق أبو الهلال وناديه وهد حيله بمباراة الإتفاق وكسر جنحانه بممباريات الشباب وحط النهائي ما بينهم
ما طلع هلالي وسب وشرشح بالتحكيم
بعد ما انتهت مباريات الشباب بكل ذوق ولباقة أول تصريح لمحمد بن فيصل عن اللجنة المختصة بتنسيق المسابقات ((حبيب أبو سلطان ما وده يضيق صدوركم ويشكك بأنكم آخذتوا الكاس ويسوى سوايكم ))

فريق يبي له ترميم مو بس لعيبه لا, لعيبه واعضاء شرف واللا انتظروا 10 سنين ثانيه يمكن يطلع لكم كم سعد
مع ان ما ظنتي
الفقر علي قولة عبد الرحمن بن سعود رحمة الله عليه وضعه الحالي مثل العقيم اللي بشر بولد
و ولدهم سعد وسعد ودع الكيان اللي ما يعز ناسه

اللا تبون سعد؟؟؟
سجل عندك يا بلوي الهلال يبي سعد ((عسي الله يطرح فيه البركة ويجيب لهم 12 مليون لا خش البلوي))


سؤال ممكن يا شباب ؟؟؟
ليه عندنا بالمنتدى ما نستخدم ألفاظ جارحه ونسب علانية بالمواضيع؟؟؟؟ مشرفين الشبكة شداد؟؟؟
ليش ما نقول
زعيق؟ نيفيا ؟ وهالكلام الفاضي؟؟
ليه ما عندنا مواضيع سب في النصر أو أي نادي ثاني وتتثبت؟؟؟

لأننا وبكل بساطه زعماء.. وهمنا هلالنا
وحكم إننا نشكل 42% وهي أكثريه
وهذا ثقفتنا ودينا اللي المفروض أي أخ عزيز من الدول المجاورة ((دول الخليج –ليبيا – الدول العربيه)) وهم كثر بالمنتدى بحكم شعبية الهلال وشعبية لعيبته لما يشوف طرحنا يعرف عقلية الشاب السعودي المفكر مو المؤجر ((لأننا واجهة الرياضة السعودية بحكم الجماهيرية والبطولات))
ولأن لنا إدارة واعية وأعضاء شرف متماسكين وجمهور راقي ولاعبين قمة في الذوق والتعامل الراقي

لأننا الموج الأزرق ((دعاية لموبايلي بلاش ))

هذي عقلية الزعيم والقدح والسب ما نعرفه
واللي بيسألني عن الفقر أقوله معناه شح البطولات
=====================================================================================

طيب فصله شوي عن الموضوع وهذي بيني وبين كوزمن ((عن اللقافه))



Dear coach Mr. Cosmin Olaroiu,,,, I would like to take this opportunity to think you for service to AL-Hilal club and to wish you every personal and professional success in the future, this is the first time I saw everyone agreed on one man who's you (player, management and fans) really need you to be with us, let me say for the next five years ,cause it's to hard just to think that we'll lose you one day.

(بس كيف الصوره رومنسية صح )

=====================================================================================

كأس الملك نبيه وأن ما جبتوه الله يلوم اللي يلومكم
يا ناس أنا جاني تشبع خلاص مو موسم رياضي كأنه prison break وصلنا سيزون 4 وللحين ما خلص

السنة الجاية كاس فيصل بن فهد يصير تحت 23 لاخمسة ولا هم يحزنون عشان ما نتابعه لأن طوله علي قلة سنع
وكأس الملك قدموه أنا أول مره أشوف كاس بعد دوري
فصولي انت والحكير لا يدري عنكم الإتحاد الدولي يسكرون المكتب اللي بسويسرا ويفتحونه بالرياض لعيونكم عليكم جدوله شخابيط

نرجع لموضوع كاس الملك أنا متفائل مو تقليل بلعيبة الوحده 6 دوليين
لكن مدربهم خواف (خوف رياضي)
وأحس أنها مباراة الفريدي
الله يوفقهم ان شاء الله وعاداتهم يفرحونا ويا التايب لا تفوتك العمرة دامك وصلت مكه


صورة اليوم





ولكم التعليق
ونلتقي علي خير



أحبك يا هلال غصب(ن) عن الراضي والزعلان

هههههههههههههههههههههههههههههههه

الله يسعدك بالصميم جبتــتهاا

تسلم يمينك يامبدع


واااااصل ابداعــك