من لديـه مشكلة بتحميل الافلام- او سؤال عن torrent يسدح سؤاله هنا - نادي الهلال السعودي - شبكة الزعيم

هلالي(موت) · #1 19/04/2008, 10:31 PM

مساءكم الله بالخــيـر

مثلي ومثل اي واحد جديد بعالم تحميل الافـلام من النت

اعزائي من لديه الخبــر ياليت يفيدنا وراح يستفاد من هالموضوع الاشخاص كثيرين

الان لدى اسئلـة

وش هو تورنيد

وهل في برنامج يسرع من عمليات التحميــل

بصراحة اول فلم امس نزلته امس من رابط مباشر بس انقهرت بنص الفلم وقـف علي

وهل روابط الافلام أكثرهــا كــذا

واتمنى من لديه اي استفســار عن التحميــل ومشاكله يسدح السؤال هنــا وبيفيدونه الشباب

دانكن دونات · #2 19/04/2008, 11:20 PM

خخخخخخخخخخخخخخخخخخخخخخخخخ

مو تورنيد يالغالي

اسمه تورنيت ..

والفلم اللي وقف في نصه هذا لأنك حملته بدون برامج استكمال التحميل

فأنصحك انك تحمله مثل اللي ارسلته لك

تحياتي

معاذالهلالي · #3 19/04/2008, 11:25 PM

اي والله انك صادق
نبغى نعرف وش هي احسن برامج
التورنت مع الشرررح

D e n t i s t · #4 19/04/2008, 11:42 PM

مســاك وررد ورده . .

إقتباس


	الان لدى اسئلـة وش هو تورنيد

التورنت هو ملف تقوم بتحميلة من الموقع، صغير في الحجم ، لكن يحتوي على كل المعلومات
عن كيفية الارتباط بالمتتبع أو بالأنقلش ==> ( التراكر )

إقتباس


	وهل في برنامج يسرع من عمليات التحميــل

لا ما في برنامج يسرع تحميل ملفات التورنت . . لكن فيه طريقة أخرى مفيدة جداً وهي ( فتح البورت )

يعني تفتح بورت أو منفذ مباشر من المودم إلى برنامج التورنت مباشرة . . وهذي الطريقة راح تحسن من سرعة التحميل

** في نقطة مهمة في التورنت .. قد تجد ملف تورنت سرعة التحميل حقه سريع . .
بينما تجد ملف تورنت آخر بطيء في التحميل .. لماذا ؟!
فيه حاجتين تتحكم في سرعة التحميل ولازم تنتبه لها قبل التحميل . . وهي ::
1- المستنزفين ( الليتشرز) ..
2-الموزعين ( السيدرز) ..

قبل لاتحمل أي ملف لازم تشوف عدد الموزعين ( السيدرز) ==> seeders. .
لازم يكون عددهم فوق الخمس موزعين على الأقل عشان تضمن سرعة جيدة . .
ويستحب إنك تفتح لك بورت أو منفذ مباشر من المودم عشان يحسن لك سرعة التحميل أكثر وأكثر . .

وووبس

... هذا اللي عندي . .
أتمنى إني قدرت أفيدكم

. .
أخوكم طـارق . .

D e n t i s t · #5 19/04/2008, 11:51 PM

إقتباس

الرسالة الأصلية كتبت بواسطة معاذالهلالي


	اي والله انك صادق نبغى نعرف وش هي احسن برامج التورنت مع الشرررح

بالنسبة لأفضل برنامج تورنت وبلا منازع هو ..

µTorrent

Olaroiu · #6 20/04/2008, 01:00 AM

شف يا حبيبي ....

اسم البرنامج µTorrent

و سو بحث بالجوجل وراح تحصله وحمله ... حجمه صغير جداً....

المهم ... اذا حملته رح لموقعhttp://www.mininova.org/ اكتب اسم الفلم اللي انت تبيه بالبحث ... وراح يطلع لك قائمة بملفات التورنت للفلم اللي انت طلبت البحث عنه... انت حاول انك تحمل الملف اللي فيه عدد البذور ( seeds ) يكون كبير... ويكون عدد leechers قليل ....

ارعص عليه راح تفتح لك صفحة جديدة ... راح تحصل كلمة Download this torrent! ... حمل الملف و بعدين اسحب الملف وحطه بصفحة البرنامج الرئيسة...

اما عن ترجمة الفلم راح تحصل الترجمة بموقع http://subscene.com/ ونفس الوضع اكتب اسم الفلم للبحث وراح يطلع لك الترجمات الموجودة ... ماعليك الا انك تحمل الترجمة........ وتحطها مع الفلم بملف واحد وتشغلهم بالمشغل BS player ......

اتمنى اني اكون افدتكم ...

وعلى مااذكر انه فيه كل هالبرامج بمنتدى الكمبيوتر والانترنت في هالشبكة الرائعة .... وفيه شرح احسن من شرحي بألف مرة عن التورنت << رحم الله امرء عرف قدر نفسه

هلالي(موت) · #7 22/04/2008, 06:20 PM

D e n t i s t + ملك الغربــة

والبقيــة يا مال العافيــة ما قصرتوو