@@ .. مالك معـــاذ ينـــادي .. @@ - نادي الهلال السعودي - شبكة الزعيم

محامي الفيلسوف15 · #1 21/04/2008, 03:30 AM

السلام عليكم ..

طبعا كلنا سمعنا الكلام اللي يقول الذابح

بيوقع للهـلال <<<-- والله إني أقولها وحاس اني بشـرق

بغض النظـر عن صحة الخبـر أو إنه إشاعه !!

مالك معاذ تزوج .. والظاهر بدأ يفكر بعياله والمدام والمستقبل

أبسط حقوقه ..الرجال قالها في تغطية صدى الملاعب لحفل زواجه .. قال : (( أنا ماراح أكذب على الاداره وأقول أنا مثل السمكة اللي ماتطلع من الماء وثاني يوم تلاقيني بنادي ثاني ))

سأله التويجري قاله طيب انت مثل السمكة ؟ .. قال : (( أنا مثل السمكة أعوم فكل بحر )) وإفهـم يافهيم ..

وهذا رابط التغطيه http://www.mediafire.com/?fdl21c12xne

وفيه التصريح اللي ذكرته ..

يعني اذا الادارهـ الله يهديها لها نية بسعـد الحارثي <<< الله لايقوله ..

فـ أنا من رأي انها تحول البوصلة للجهة الغربية وتشوف مالك معاذ ..

بصراحه أنا ما أدري متى ينتهي عقد الاعب بس الظاهر انه قريب ..

الإدارهـ ماعليها الا انها تحط مبلغ وقدرهـ .. أعتقد 10 مليون والله بتحطهم بحرج كبييير ..

إذا صاحب العبدالله بالقوهـ دبروا مليونين ..

اما اذا الاداره بتسوي مثاليات وهلال واهلي واحد ومن هالخرط

أجل ترييييح وبلا سعد بلا كلام فاضي وتنتظر رجعة الثعلب أحمد الصويلــح

طبعـاً هذا كله إذا صدقت إشاعات التعاقد مع سعد الحارثي ..

هلالى 24 ساعه · #2 21/04/2008, 03:54 AM

ياعمى مستحيييل الاهلى يفرط فيه

ولد الملك عضو شرف فعال

تقولى صعبه يدبروه 10 ملاييين

ههههههههههههههههههه

الله يوفق الهلال

ღKhaLiDღ · #3 21/04/2008, 04:00 AM

والله مالك ممتاز وهداف والله يكفينا شر أهدافه
وسعد لعيب كويس ما عليه كلام

لكن الله يرجع الصويلح بالسلامه والله أنه يكفينا هداف وسريع وبنيه رهيبه ما شاء الله
الله يرفع عنه الإصابه
واذا جاء واحد من اللى سميتهم خير وبركه

لكن الصويلح لازم ياخذ فرصته لان عنده الشي الكثير وكوزمن له نظره بالصويلح وترى كوزمن موب سهل

لا يـهـمـونـك · #4 21/04/2008, 04:08 AM

ما اعتقد انه يكون هلالي ومستحيل يفرطوون فيه

مشكووور

تقبل مروري

محامي الفيلسوف15 · #5 21/04/2008, 04:22 AM

إقتباس

الرسالة الأصلية كتبت بواسطة هلالى 24 ساعه


	ياعمى مستحيييل الاهلى يفرط فيه ولد الملك عضو شرف فعال تقولى صعبه يدبروه 10 ملاييين ههههههههههههههههههه الله يوفق الهلال

ياخي النصر عندهـ ولد الملك بعد

على كذا ادارتنا ماتفاوض سعد الحارثي اذا صدقت الاشاعات

وحنا بعد عندنا ولد الملك

وراح الدوخي وخميس

ليش ماخذ السالفة مهايط وانا عندي ولد الملك وهو ماعنده ولد الملك ؟؟!!

وين محمد العبدالله من تجديد عقد نيبوشا ؟ مع العلم انه رجع بسعر اكثر من اللي كان يطلبه !

وين ولد الملك من مماطلة توقيع عقد صاحب العبدالله مع ان صاحب ماكان طالب كثير .. لكن بالاخير حن عليهم وشاف ان مافي احد بيدفع قام تبرع بجزء من المبلغ ..

وين ولد الملك اللي تقول عليه لما راح خالد مسعد وقهوجي وابراهيم سويد وطلال المشعل للإتحــاد ؟!!!!!!!!

لاحظ انه الاتحاد يعني الهلال أهون .. صح ولا ؟؟

لو هو ولد الملك كان شفت المكافآت على أصولها لما اخذوا بطولتين السنه اللي فاتت !

يااخي الكريم مو معناة انه ولد الملك انه خلاص مايمديك تجيب الاعب ..

إقتباس

الرسالة الأصلية كتبت بواسطة ღKhaLiDღ


	والله مالك ممتاز وهداف والله يكفينا شر أهدافه وسعد لعيب كويس ما عليه كلام لكن الله يرجع الصويلح بالسلامه والله أنه يكفينا هداف وسريع وبنيه رهيبه ما شاء الله الله يرفع عنه الإصابه واذا جاء واحد من اللى سميتهم خير وبركه لكن الصويلح لازم ياخذ فرصته لان عنده الشي الكثير وكوزمن له نظره بالصويلح وترى كوزمن موب سهل

اكيد كلنا نبي الصويلح ولا نبي لا سعد ولا مالك .. لكن مثل ماقلتلك اخوي هذا في حال صدقت اشاعات توقيع سعد .. وانا من رأي ان مالك أولـي بالتعاقد .. ودام كوزمين له نظره بالصويلح فخلاص لانه مدرب داهية ..

إقتباس

الرسالة الأصلية كتبت بواسطة لا يـهـمـونـك


	ما اعتقد انه يكون هلالي ومستحيل يفرطوون فيه مشكووور تقبل مروري

ياخوي كلنا قلنا مستحيل خميس والدوخي يروحون !

وش صار ؟

راح خميس وراح الدوخي ..

مافي شي مستحيل ..

يعطيكم العافيه ع المرور ..

زعــيــم آسيا · #6 21/04/2008, 04:25 AM

الاهلي الان وضعه مدهووور يعني سهل تخطف مااالك

نتمنى الاداره تتحرك...!!

هلالي@مدريدي · #7 21/04/2008, 04:28 AM

موضوع انتقال سعد الحارثي للهلال كذبة من جمهور النصر لحث ادارة ناديهم لتجديد مع سعد بأسرع وقت

محامي الفيلسوف15 · #8 21/04/2008, 04:33 AM

إقتباس

الرسالة الأصلية كتبت بواسطة هلالي@مدريدي


	موضوع انتقال سعد الحارثي للهلال كذبة من جمهور النصر لحث ادارة ناديهم لتجديد مع سعد بأسرع وقت

هذا المتوقع وإن شاء الله هو الصح ..

لكن انا استغربت إني ملاقي هالاشاعة بكل مكان .. كل القنوات الرياضيه تقريبا !!

فقلت أطرح هالموضوع يمكن تصدق هالاشاعات ...

شاكرلك مرورك ..

][ فصول الهلالي ][ · #9 21/04/2008, 04:36 AM

الله لو يجي مالك ويكون هجوم المنتخب هلالي و نلعب خطة بمهاجمين بنتكون أليمه
_________________________

هلالي وربي الله · #10 21/04/2008, 04:40 AM

مــــادم عندك القمر(الصويلح) مالك والنجـــوم

وكوزمين راهن على الصويلح

نزيه المشاعر · #11 21/04/2008, 04:52 AM

يارجال لاذا ولاذاك

ياسر والصويلح والحمد لله على نعمة الزعيم

شاطيء الزعيم · #12 21/04/2008, 05:21 AM

القناص في كفة والبقية في كفة أخرى<<<<<<<<<<<<<<<<<<<<<<<<<<<<<<<<<<<<<<<فهمت

عشقي هو الزعيم · #13 21/04/2008, 05:36 AM

مشكووووووووووووووووووووووور
واتمنى انه يجي للهلال فهذا مكسب كبير

محامي الفيلسوف15 · #14 21/04/2008, 05:38 AM

إقتباس

الرسالة الأصلية كتبت بواسطة شاطيء الزعيم


	القناص في كفة والبقية في كفة أخرى<<<<<<<<<<<<<<<<<<<<<<<<<<<<<<<<<<<<<<<فهمت

فهمت

بس المدرب مو كل مباراه بيلعب بمهاجم واحد .. وياسر مو مزكـى من الاصابات .. <<< فهمت انت بعد

أميرٍ · #15 21/04/2008, 05:41 AM

مالك منخفض مستـوااه هالسنــه بزيااده ،!! ورده

وما اتوقع حنا نبيــه ، نبي مالك السنه الي راحت اوكي ، ماعندك مشكله اما هالسنه مستحيل ،!!

الله يرجعك يالصويلح بـ السلامــه ،!!