|
هزلت والله بيسوون لـ ماجد عبدالله وحاتم خيمي حفل إعتزال الظاهر مابقى إلا حسين هادي .! هزلت والله كل من هب ودبّ سووله حفل اعتزال .! حاتم خيمي واحمد جميل وماجد عبدالله وحمزة ادريس ما بقى إلا حسين هادي .! المفروض بعد إعتزال الأسطورة تُمنع إقامة أي حفلات إعتزال ويُستثنى أفضل لاعب مر على الكرة السعودية / محمد الدعيع .! بالله عليكم فيه فرق بين ماجد عبدالله وطلال المشعل ؟ سبحان الله نفس الشكل واللعب والنمونه، بس الفرق ان الاول طلع في وقت مافيه إلا هو لحاله والثاني طلع في وقت كله نجوم في نفس الخانة مثل : الشيحان وعبيد ومرزوق واليامي والجمعان وووالخ .! اللي يغبني شيء واحد بس طول هالسنين ما فكروا يسوون لـ ماجد حفل إعتزال لكن يوم شافوا إعتزال الأسطورة سامي ذبحتهم الغيرة اللي تعودناها منهم وعلى طول قرروا إقامة حفل لهذا اللاعب العادي جداً .! ياشين الغيرة .! تحيتي للجميع ،، <!-- / message --><!-- sig --> |
والله الضاهر انت صرت مثل النصراويين غيران منهم لايهمك خلهم يزينون حفل غعتزال ويستانسون |
ياخي خلهم يسوون حفل اعتزال لماجد ولغيرة حفل الإعتزال ما هو مقصور على احد اللي يبي يسوي يسوي بس يرخي مخباه شوي .. هم جوا للهلال وطلبوا منهم تكريم ؟؟ حتى لو جوا الهلال ما راح يقصر معهم بشي ماجد خدم فريقة ووطنة ورضينا والا ما رضينا ماجد من الأساطير السعودية التي لا تنسى كما هو الحال مع سامي وغيرهم كرة القدم تتكلم بالأرقام وماجد لغة الأرقام تعبة وراه هذي حقيقة لا خيال انا اقول لو نترك عنا التعصب شوي ونصفق لكل من كرم نكون بخير واحنا الكسبانين نشاهد ونستمتع ونضحك .. وش ضرنا؟؟ الله يوفق الجميع .. |
الحين صارت مكاسب مالية كبيرة في الأعتزالات مو عشان سواد عين اللاعب |
بصراحه .. نكك عكس كلامك :d وكلامك غير منطقي ,.. خلنا هاديين وواقعيين ... اذا سامي اسطورة ايضا ماجد اسطورة والكل يعرف كذا .. ليه تحكر حفل الاعتزال بس على لاعبين الهلال .... اذا انت مو خاسر شي من فلوسك وجهدك .. مايحق لك تتكلم .. وياليت تكتب مواضيع افضل من هذا .. لاني بصراحه شفت اسمك واغتريت بالموضوع ... :d عذرااا .. |
إقتباس:
.................................................. |
اخوي ابراهيم وسع صدرك !!:) لو ان النصراويين مقتنعين باسطورتهم ماجد عبدالله !! كان كرموه بحفل الاعتزال اولـ ماعتزل الكلام ينطبق على احمد جميل والاتحاد:d إقتباس:
يارجال بعد اعتزال ][ الظاهره ][ يوسف الثنيآن .. من بكره مكتوب بالجرايد ريال مريد بكامل نجومه..:d وتكررت الحاله هذي بعد اعتزال الاسطوره سامي !!:d عمومآ نتمنى التوفيق لـ ماجد عبدالله !!:)واتمنى يكون فيه حيل يلعب مع ريال مدريع بالاعتزال:d |
ونت وش حارق رزك خلهم يسوون الي يبون لو انك انت الي بتدفع |
ياخي خلهم يسون حفل اعتزالي لماجد عبدالله وش حارق رزك |
وااله كل واحد يشوف لاعب فريقة اسطورة وانا اشوف ماجد عبدالله بصراحة اسطورة خدم نادية ووطنة ولعب بكأس العالم يعني انا اشوف من حق النصراويين يحتفلون بلاعبهم وانا بحتفل معهم بلاعب الوطن الله يوفقة ان شاء الله ويوفق كل الاعبين السعودين |
ياخي خلهم يسوون حفل اعتزال لماجد عبد الله مدري باقي يعرف يدق كوره ولا لا بس انا عارف انك ماكتبت كذا إلا عشان عشقك للزعيم |
والله اذ تبي الصراحه والصراحة ماينزعل منها مااجد يستحق حفل التكريم لانه لاعب خدم الكرة السعوديه وخدم ناادي النصر وجاب بطولات للمنتخب ولنادي النصر |
ياخي خلهم يسوون حفل اعتزال .. بكيفهم انت مووب دافع شيء |
حرام عليك يا شيخ اذا ماجد ما يستحق التكريم من يستحق التكريم اجل ولا تستعجل قبل ما تكتب موضوع |
خخخخخخخخخخخخخ انا ابي اتخيل شكله وهو يهرول خلاص الرجال انتهى يالله يشيل نفسه بس تصدق عاد قبل شهرين ايام احتفال الاسطورة سامي الجابر كانوا النصراوية يتفلسفون فوق مخنا الاساطير ما تسوي حفلات اعتزال والحين تغيرت نظرتهم واتوقع انها بتصير زي سالفة ايام الفيلسوف يوسف الثنيان على العموم لو انا مكانه وكان الوضع أكيد كان سويتها في 9/9/2009 خخخخخخخخخخخ بس اتوقع انه ماراح يسويها إلا في عام9999/9/9 |
1 - ماجد يستحق التكريم 2- وش حارق رزك انت !! خل اللي يبغى يكرك يكرم ,, ان شاء الله يسوون حفل اعتزال للي ما نعرفهم حتى 3 - يكفي الهلال فخراً انه من حرك هؤلاء للأحتفال فلا تغار من احد ولا تحسد احد 4 - اكثر ما اعجبني ( يوزرك ) !! لا هدوء ,, لا عقلانية .. شكلك متوهق فيه 5 - اتمنى ان النقاط السابقة تضيف للطرح ولا تسيء اليه 6 - تقبل تحياتي ولو اني عارف اني كنت ثقيل .. |
والله لون نترك التع ـصب كان افضل ياخ ـي لاعب مثل ماج ـد خدم الكورة السعودية وج ـاب انجـازات مع المنتخب والنصر مايسون لة حف اعتزال اجل لمين يسووون اذا انت تعتبر نفسك هلالي ياخي خلك مثل فريقك كبير حتى اسطورة المملكة سامي والله ماكانت اخلاقة كذا طيب لية ماتقتدي بسامي وبلعيبة الهلال الدوليين انت مرة سمعت انهم قالوا انة النصر والنصر والنصر مايتكلمون الا عن الكورةالسعودية بشكل عام واتمنى ماتزعل من ردي لانة موضوعك مولايق على نك نيمك |
إقتباس:
:bigeek::bigeek::bigeek::bigeek::bigeek::bigeek::bigeek::bigeek: ياخي عيب عليك لا تصير متعصب للدرجه هذي وش سوى لك ماجد عبدالله عشان تقوله كذه افضل لاعب سعودي يخدمك داخل الصندوق وهذا لا يعني انه افضل من سامي فسامي افضل لاعب سعودي على الاطلاق ولا يلغي التزوير الذي اضافه النصراويين الى تاريخ ماجد انجازاته المميزه وارقامه القياسيه فهي كافيه جدا لنفتخر به كلاعب سعودي بعيدا عن التعصب الاعمى |
الله يخلف علينا اذا هذا تفكير جماهيرنا ,, يا اخي خلهم يحتفلون ويكرمون نجمهم ,, ماجد عبدالله اسطوره وكلنا نعرف هالشي .. خدم الكره السعوديه وقدم كل شي ,, وماجد اسطوره من الاساطير السعوديه طبعا بعد سامي ويوسف الثنيان,,, |
إقتباس:
فأنت غلطان ماجد أسطوره وأتحدى أحد ينكر عليه وبعدين وش حارق رزك خلهم يزينون الي يبون |
تو ما جت فلوس بطولة فيصل خلهم يفرفشوها على أنفسهم ويتمشو ويعسكرو برا وحفل إعتزال والله يستر لا تخلص فلوسهم وهم برا المملكة بيجون بعد موسمين لأنهم بيرجعوا كعابي |
الرجل متوقف عن اللعب له أكثر عشر سنوات .. فالأولى يقال حفل تكريم .. ويكرم معه المعصرين له .. خصوصا من كان يخدمه من لاعبي الوسط .. ولا يطلق عليه اعتزال .. اعتزاله كان مقرر في 9 - 9 - 1999م الله المستعان .. |
هلا وغلا بهدوء وعقلانية :) ساكلمك من خلال المعرف الذي تكتب به ماجد عبدالله ،، وأحمد جميل ،، وغيرهم من اللاعبين الذين خدموا فرقهم ،، وخدموا الكرة السعودية كلهم يستحقون الإشادة الثناء والتكريم :) يعطيك العافية |
وانت وش الي محرق رزك يعني حفل الاعتزال حلال علينا وحرام عليهم وبعدين ماجد عبدالله يستاهل خدم ناديه وخدم المنتخب وطلع الي عنده وبعدين الحفل الي يبي يحطونه من جيوبنا خلهم يفرحون بلاعبينهم علي كيفهم واحب اقولك كبر عقلك وخل عنك هالتفاهات والتفكير الطفولي |
إقتباس:
شر البلية ما يضحك ارقام ماجد القياسية كفيله بالرد على المتعصبين امثالك يا اخي يكفي انه سجل في حياته الكروية اكثر من 600 هدف !! ويكفي انه حصل على هداف الدوري 6 مرات منها ثلاث مرات متتالية !! اعوذ بالله من التعصب اغلب الجماهير الهلالية فرحت باقامة اعتزالة الا المتعصبين وانت واحد منهم اكيد للاسف عن نفسي اذا كنت فاضي سأحضر اعتزاله واتمتع بماجدونا مثلما استمتعت باعتزال الفيلسوف وجابر العثرات |
يا خي خلهم يسووووون حفل الاعب طفش و هو يطلبهم (( يشحثهم )) يقووول سووولي بس الإداره مسنشه نادي واعي ما شاء الله |
يارجال إذا كان الريال بيجي فهو بيجي بالفريق B بسبب مشاركة أغلب لاعبيه في اليورو وأحسن مافي موضوعك إنه طلع المندسين من جحورهم |
مشكلتهم سوو حفل اعتزال ولا ما سوو بـس مين راح يجيب ماجد ؟؟ |
إقتباس:
___________________________________________________________________ |
معلييش ماجد اسطوره زيي سامي الله يوفقه وترى التعصب مووو حلوو |
حياكم الله جميعاً .. الغريب واللي أشوفه أن شبكة الزعيم مليئة بالمندسين وميزتهم انهم حافظين الأرقام " المُلفقة " من منتدى النصر فلا تستغربوا إذا خرج علينا أحدهم وادعى ان ناديه يملك 35 بطولة .! حبايبي الفرق الوحيد بين طلال المشعل وماجد عبدالله ان الثاني كان حظه ممتاز وظهر في وقت لا يوجد فيه أحد غيره أما المشعل فـ ظهر في وقت يعج فيه خط الهجوم في المنتخب السعودي بالنجوم أمثال : ( عبيد الدوسري، الحين اليامي، عبدالله الشيحان، عبدالله الجمعان، مرزوق العتيبي ) وغيرهم .! أما ماجد فقد ظهر في وقت كان هو المهاجم الوحيد الذي يستحق المنتخب وطبيعي ان يصل إلى هذا الكم من الأهداف وهذا الكم من المشاركات الدولية، ولكن إذا أردنا أن نتكلم بمنطقية وواقعية فإن المنطق يقول : أن عبيد الدوسري وفهد المهلل أفضل من ماجد عبدالله بكثير ولكن الظروف لم تتوفر لهم كما توفرت له .! هذه هي الحقيقة وهذا هو المنطق، إذا أتينا إلى المهارات فـ يوسف الثنيان وفهد الغشيان أفضل من ماجد إذا أتينا إلى الإنجازات فـ سامي الجابر ومحمد الدعيع أفضل ماجد، إذا تكلمنا من ناحية ميزة التهديف والمراوغة داخل الصندوق فأنا أرى أن عبيد الدوسري ومرزوق أفضل من ماجد ولكن الظروف والحظ لم تقف إلى جوارهم كما وقفت إلى جواره .! هذا اللاعب خدمه الحظ والإعلام والوقت الذي ظهر فيه، وإلا لو ظهر في هذا الزمن سيكون لاعباً عادياً .! أحد أقربائي وهو "نصراوي الميول" يقول : أن ماجد عبدالله "مايعرف يلعب" والله انها يقولها بالحرف الواحد ما يعرف يلعب وكل الأهداف اللي أشغلونا عندها أربعة أهداف وكل يوم يعيدونها .! هذه قناعة النصراويين ولكن ربما قناعة بعض المندسين عندنا تختلف .!:) ماجد أحترمه كشخص وكـ لاعب سعودي ولكن الحق يُقال أنه لاعب عادي جداً والظروف هي التي خدمته، وبالنسبة لإنجازاته والتي يدندنون حولها لن تصل إلى ربع إنجازات الدعيع أو سامي أو يوسف .! تحيتي للجميع ،، |
| الوقت المعتمد في المنتدى بتوقيت جرينتش +3.
الوقت الان » 02:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd