ابو سلطان تنقلة اخباررر مغلوطة........وهذا جزاء المرض يا حقوي - نادي الهلال السعودي - شبكة الزعيم

المجنونة الزرقاء · #1 21/04/2008, 07:47 PM

والله العظيم انة مظلوم وعلى فكرة بدات المشاكل في النادي وهذي اولتها واستقالة ابو سلطان جاية في الطريق وكل واحد من الادارة يشيلة غنيمة قبل ما يمشي ويقولون كلة حرص على النادي الرجال قاعد يتعب وفي الاخير يكافؤة با الطرد من الرابطة ولا هذا جزاء المرض استغفر الله العظيم الله هم اشفي مرضى المسلين واشفى حقوي ورد كيدهم بنحورهم وبدال ما ترد الادارة حقة من قناة صالح كامل الذين لهم يد طولى في ابعادة واخفاء صوتة والذي جعل الجماهي تطالب ببعادة لانهم ما يسمعون صوتة يسمعون روابط كل الاندية الله معك يا
اســــــــــــــــــــــــــــــــــــــــــــــــــــــــــــــــــد

وهذا كلة الاخبار المغلوطة التي تجي لابو سلطان من ناس يثق فيهم

Mr.Scrub · #2 21/04/2008, 08:14 PM

والله الواحـــد ماعاد يدري وش السالفــــه

لكـــن ان شاء الله تطلـــع على قولتك اخبار مغلوطــــه

يعطيك العافيــــه

blueice · #3 21/04/2008, 08:19 PM

مهيب أول مرة

الله يوفق حقوي بعيد عن رابطة الزعيم

الجليد الازرق · #4 21/04/2008, 08:32 PM

آنْآ آشًِْوٍفْ آنْ آلمًوٍضًٍوٍعًٍ آعًٍطُْيَ آكَبٌَِرٌٍ مًنْ حٍّجًِْمًهٍَ

سٌِِّوٍآء كَآنْ مًرٌٍيَضًٍ آوٍ مًتُِِّْهٍَرٌٍبٌَِ مًآ آعًٍتُِِّْقٌٍدًٍ آنْ هٍَذٍَآ وٍقٌٍتُِِّْ مًنْآسٌِِّبٌَِ

للنْقٌٍآشًِْ فْيَ هٍَذٍَيَ آلمًوٍآضًٍيَعًٍ آلمًوٍسٌِِّمً قٌٍرٌٍبٌَِ يَنْتُِِّْهٍَيَ وٍآلصٍْيَفْ

مًآ نْحٍّصٍْل مًوٍآضًٍيَعًٍ خٌِلوٍ مًوٍضًٍوٍعًٍ حٍّقٌٍوٍيَ للصٍْيَفْ لآنْهٍَ مًعًٍدًٍ يَنْفْعًٍ آلوٍقٌٍتُِِّْ هٍَذٍَآ آلبٌَِكَيَ عًٍلى آللبٌَِنْ آلمًسٌِِّكَوٍبٌَِ

هلالي جذاب · #5 21/04/2008, 08:38 PM

طيب شدراش انه مريض ولا انه مظلوم يا وخته ؟؟؟ >>>>>>>

مسوي نفسه يكفششششش

وينك يالزعيم · #6 21/04/2008, 08:45 PM

لكـــن ان شاء الله تطلـــع على قولتك اخبار مغلوطــــه

يعطيك العافيــــه

منطقي جداً · #7 21/04/2008, 08:53 PM

اصلاً منهو حقوي ياخي والله ما نسمعه يعني وجوده وعدمه واحد لا ويقولون ان رابطه الهلال عندها اقوى مكبرات في السعوديه ياشباب معليش والله ما في رئيس رابطه مثل صالح القرني حق الاتي والباقي ما حولك احد

مجنوون بس هلالي · #8 21/04/2008, 08:59 PM

اقول يااأخت مجنونه كيف الحال عساتس بخير بس..

انا كل مارحت الملعب اتحطم من صوت حقوي.. تجين انتي ياللي ماتروحين للملعب وتقولين ان حقوي مظلوم طيب انا اشوف واسمع الحمدلله بس على كثر روحاتي للمعلب مااشوف حقوي بالمستوى اللي نشوفه من الروابط الثانيه..والله اعلم بالنيه..

تقبلي مروري بصدر رحب اختي المجنونه الزرقاء..

اشكرك على اهتمامك..

ويلومني ياسامي · #9 21/04/2008, 09:15 PM

هذا بسبب عدم الأنتــــــــــــمـــــــاء !!!!

العلالي · #10 21/04/2008, 09:35 PM

فكووووووووووووووووووووونا من حمادة المصري واللي يرحم والديكم....

سالتكم باالله ياالربع مين اللي يدخله لارضية الملعب!

العسيماوي · #11 21/04/2008, 09:58 PM

وانتي ليه حارقة أعصابك

بدال حقوي ألفين غيره

مافيه ميزة والله يرزقه وين ماحل

وجوده مثل عدمه

يعني ماشفتي فيه يستحق الطرد إلا مرضه

الاسد الجريح · #12 21/04/2008, 10:00 PM

إقتباس

الرسالة الأصلية كتبت بواسطة منطقي جداً


	اصلاً منهو حقوي ياخي والله ما نسمعه يعني وجوده وعدمه واحد لا ويقولون ان رابطه الهلال عندها اقوى مكبرات في السعوديه ياشباب معليش والله ما في رئيس رابطه مثل صالح القرني حق الاتي والباقي ما حولك احد

صالح القرني عا عليه خلاف بس المشكله يوم الجمعه مين يقود الرابطه اذا كان النائب والله ما احضرؤ الملعب عشان اسمع ها الصوت
الغبي اللي مايدري يشجع مين المباراه الاخيره بمكه مااا حضر احقوي الملعب والله يستر هذي مباراه حسم

هلاليبي · #13 21/04/2008, 10:06 PM

مع السلامة باي باي
يروح يفارق ما نبغااااااااااه
ترا ما شل جمهور الزعيم إلا هالوجه
بعدين تقليد الأعمى يضر
وبكذا الهلال يقلد الاتحاد و ملك الاتحاد صالح القرني
للإحاطة

هلالي الرياض · #14 21/04/2008, 10:27 PM

وش ذا الموضوع؟؟؟؟؟؟؟؟؟؟؟

ما فيه شي مفيد

وش سالفة المرض؟

وش سالفة الاخبار المغلوطة؟

ورجاء الانتباه للأخطاء الاملائية ترى الموضوع صعب الواحد يقراه بهالطريقة

Kk22 · #15 21/04/2008, 10:47 PM

يعني مانعرف حقوووي ....!!

افشل رئيس رابطه في السعودية

ولا تحطون الخطاء على الارتي ..

في الملعب وفي مباراة النهائي مع الاتفاق الجمهور يردد مع رابطة الاتفاق

بدل حقوي النايم ..........

بالتوفيق له بعيد عن مدرجات الزعيم ........