راشد بن عبد العزيز بن سعود
http://upload.alhilal.com/img/013/rashed5.jpg
وهنا القصيده .. صوتياً
http://www.zshare.net/audio/109291212e08e2da/
......................................................................................
وهنا كتابياً
........
16\4\1429هــ
راشد بن عبد العزيز بن سعود
______________________________________________
بسم الله الرحمن ماشاء الله على سيد الرجال
.................راشد ابن عبدالعزيز ابن سعود ال السعود
صقراً يروم المبعدات النايفات من الطوال
...............اليا كفح حول السما ماهاب من برق ورعود
طيب انتساب وطيب ذات وطيب وجه وطيب فال
................وطيبً مع طيب البشر لو تجمعه عنهم يزود
عزام ماله في عزومه لاشبيه ولامثال
.......................عزمه شديه ولالعزمه لاحدود ولاقيود
كله حماس ويشتعل من اشتعالً باشتعال
.......................لو تجمد الدنيا على دنياه ماجاه البرود
يسود باول عمره اليافع ولامن قال طال
......................عساه طول العمر والايام للساده يسود
عند عطا عنده وفا الاجداد ماعنده محال
..........................حرً ابيً صيرمي قادر ونادر بالوجود
يجمع من الحب اكثره ويبعثره لاجا مجال
................ويحوًل احساس الطفوله فعل من فعل الجدود
يسكت وفعله كلمته كلمه ولافيها جدال
...............يوحي بها اللي ماوحى وحي المدافع والفرود
من هيبته تفخر جبال من الجبال على الجبال
.................وفي مشيته تخضًر كل ربوعها (صحرا النفود)
ماهي غريبه عاش ابوه العمر شهم ولايزال
..........................رمز الشهامه في مواطنها ولله الكمال
شاعر ويشعر بالحياة وكل اسرار الجمال
..................... وسامر الا منه سًمر قاد المعاني قود..قود
وان لاحت العليا لراشد قلت لله الكمال
.............................يشتاقها قلبه ويطلبها ولاعنها صدود
كنًه يسابق مهرة الايام وخيول الليال
........................ويطوفها صوب المراجل والمقفي مايعود
مدري خياله من طموح او هو طموحه من خيال
...................محدً درى عن غايته .. لكن يبي يرقى سنود
الله عليه اليا وقف ..من قال( ضلع طويق) مال
.....................والله عليه اليا عطا كنً العطا ماله حدود
ذوقه رفيع ولايقً ذوقه على نادي الهلال
.............. مثل البحر والشمس مايجحد محاسنهن جحود
حتى اسمه اصبح شطر كامل بالقصايد لو يقال
................... يكمل على مغناه في مبناه والمعنى شرود
تخطيه عيناً ماتسمي بالذي حل الحلال
.......... وتصيبه اللي صابت (ال سعود) من بين الحشود
وشعار جمهور الهلال اليا بدا وقت النزال
.......................ركود مادام ان راشد عندنا يعني ركود
راشد وابوه اثنينهم يالله يامنشي الخيال
.....................تسعد لياليهم وتسعد جده الوافي سعود