#1  
قديم 21/04/2008, 11:06 AM
الكاتب الساخر
تاريخ التسجيل: 19/06/2006
المكان: Najd
مشاركات: 1,022
Cool أصصصصصصصصصصصصصصص ولا كلمة !!

ونجومنا كالنجوم حينما تكون في الليل .. ونحن يا أبي كأشعة الشمس .. كيف لا ؟! ونحن هنا وفزنا أيضا ببطولة أمامهم !! وعشان كذا هم يقولون ليه ؟ ولكن لا يجب أن نقول زيّهم .. فنحن أيضا كشعاع الشمس ..........


أقول وراء ما تنطـّم وأنا أبوك ؟! لعنبوك ما تستحي .. هذي كتابة ؟! والشمس .. والشمس !! تشجـّع أوادم أنت وإلا تشجع (ضببه ) ؟! و أنا اللي مأمل فيك .. وقايلن ولدي يبي يصير خليفة "طرطور" الكتــّاب .. قصدي " عميدهم" !! وأخرتها (نجوم كالنجوم في الليل) !! يعني وش ظنك ؟! قد شفت نجوم وأنت طالع من صلاة العصر؟! اترك عن الخراط .. ورح قل لأمك .. تزّل الشاهي في الزمزمية .. صيفنـّا على الشباب في الإستراحة !!


و انطلق "الكاتب الكبير" بـ معيّة "ابنه الغرير" .. والأمل (يقطـّر مع خشمه) بأن يصبح كاتبا ً نحريرا !! و سيفا ً مسلطاً على أعدائه !! و الخيبة تعلو (وجه أبيه ) !! واتجهـّا سويّا ً إلى (المركبة) .. والوالد ُ يرمق عيني ابنه .. وكأنه يريد أن يقول : ( تفوووو على هالخشـّة) !!


شغـّل أبو الشباب السيارة .. وولده (خايب الرجاء) متكـّي بجنبه .. ومعه "الزمزمية"!! وانطلقوا إلى " وكر" تجمعاتهم !! طوط طاط طيط طي طآآآآ .. ألو ؟! هلا ( أبو دعج) .. يالله أنا جايكم في الطريق !! وش تبوني أجيب معي غير (بسكوت التمر) و (فحم الشيشه) ؟! .. جب معك شوي " طرشي" مشتهينه الشباب !! أما طرشي ؟! وشيشه ؟! لا وبسكوت تمر !!( شهوة وحدة في الثامن) ؟! على العموم مسافة الطريق وأنا عندكم !!


أسمع وأنا أبوك .. خلك ثقيل في الاستراحة .. ولا تطلـّع الكلمة إلا وأنت وازنها !! وخل مداخلاتك في مكانها !! ولا تكثــّر بربرة !! وبعدين كم مرة قلت لك قبل لا تطلع من البيت .. مّر (المراية) ؟! خذ منديل وأمسح خشمك الله يحوم تسبدك بلا !!



أدار الوالد عجلة مركبته .. و "زمزميّة" الشاهي تقــّطر على "سيقان ولده" !! متجها إلى (محل ِ تموينات ٍ) لـ تلبية رغبات (أخوياه) !! .. ثم أكمل الطريق َ إلى إستراحة (شلة حسب الله ) !! موقِفا ً العربة خلف (ددسن أبو دعج ) !!


هلا ومرحبا .. عسى ما أبطيت عليكم ؟! لا يا رجـّال !! اللي يشوفك يقول مواعد (دكاترة أنف وحنجرة) !! لا شغل ولا مشغلة !! اللهم نرسل هـ(المقالات) للجريدة !! ونرجع ثانية .. شيشة وسعة صدر .. و ترانا (ثبتنا موضوع ولدك في المنتدى) !!

أما ثبتـووووووه !! لا يا أبو دعج .. ترا الحق ينقال !! أخطاء إملائية !! وأسلوب "مبزرة" .. وبرابيس مالها أول ولا آخر !! ولو أوريـّك مقاله الأخير .. كان نتزاعل !!

يا ابن الحلال .. هي واقفة على ولدك !! ومن زين عاد كتـّابنا !! كل واحد (أثور وأدّق رقبة من الثاني) !! وترا الأعضاء ملــّوا من (هالتصاريح و هالبيانات) !! العالم شغاليّن مكافآت !! وتحفيزات !! ومشاريع !! وتطوير !! وبطولات !! وتخطيط !! و حنا شيل و حط مع هالكديش !! ولو تنكسر ماصورة في النادي .. كان تطامروا وضبطوا لك ذاك (البيان) اللي يشجب ويستنكر هالمؤامرة الهلالية !! لمحاولة "إغراق النادي" !!


وبعدين ترا الجماهير إلى ساعك تحتفل في هالبطولة !! ولا أحد لمـّك يا رجال !! و أها من تبينا نثبت مواضيعه ؟! لا نوسّع وجيه العالم !! واللي يبي يحتسي في المنطق (ينـّطق في بيتهم) !! حنا نبي (تبعية عمياء) !! شكلك ناسي ؟! وبعدين (الأقربون أولى بالمعروف) هذا ولدنا .. بكرة يكبر .. ولا لنا إلا هو وأمثاله .. في (جرايدنا) !!


أخذ كل (طبل ٍ) مقعده من الجلسة !! والتقط (الطبل) الصغير .. "ريموت" التحكم ِ بالتلفاز !! و كبس الزرَّ .. ليستقر الإرسال ُ على " قناتهم العالمية " !! وإذا بـ(أظرف كائن بشري في شبه الجزيرة العربية) يمارس ُ نوعا من " مصالته " المعتادة !! وظرافته "المستهلكة" !! محاولا ً (استجداء " بسمة مصطنعة" من خشة المذيع المغلوب على أمره) !! مرتديا ً (جاكيته الصوف) علما ً بأن " درجة الحرارة الصغرى " تكفل لك (سلق طبق بيض بأقل من خمس دقايق) !! .. ليتنهي الحوار .. بما يمكن إيجازه بـ(أن استفتاء زغبي انترناشونال) ما هو إلا (جناية صريحة على كيانهم " الطاهر") !!


هههههههههههههههههههههههههههههههههه يبه والله إنه زاحف !! يا اخي مدري ليه انبسط إذا شفت (دقنه هالمعـّرم) و إلا لمحت (طاقيته الزري) !! وإلا سمعت "ذباته " صح إنها " ما تنبلع" لكن أقدّر شي اسمه (رجة وخبال) !! يوووه ليته أبوي !!


غيّر القناة وخل عنك التميلح وأنا أبوك !! لا أغطس وجهك في موية (هالطرشي) !! إلا يا أبو (دعج) أنت شفت وشلون هالتلاعب في " استفتاء زغبي" ؟! أجل (البنات) ما دخلوا في " استطلاع الرأي" !!

بس يبه هماك دايم تقول .. إن البنت مالها إلا المطبخ !! وإن جمهورهم فيه عنصر (نسائي) واجد !! يعني إن دخلوا (البنات في الاستفتاء) تبي (تطربق) نسبة التصويت على راسنا !!

هماي قايل لك (انطم) وأنا أبوك لا يجيك (راس المعسّل) ؟! وبعدين يا(أبو دعج) .. تخيـّل إنهم مستبعدين اللي أصغر من (13) سنة ؟! شف قمة التلاعب !!


بس يبه هماك تقول إن جماهيرهم (صغار) وإننا (شواكيش وعرابجة) !! ودايم في (مقالاتك) تقول .. إنهم (جمهور فتي) وجمهور (صغير) !! فلو دخلوا اللي (أصغر من 13 سنة) كان قشعونا قشع في عملية التصويت !!


لا حووول ولا قوة إلا بالله !! يا أبوي أنت ورا ما تعض على طرف (هالزولية) وتاكل تبن !! إذا سألتك جاوبني ما سألتك انثبر .. لا أدس (ليّ) هالشيشه في " إثمك "!! وبعدين تصّور يا (أبو دعج ) كانوا يقولون : حنا جمهور" نصف الأرض" وشلون رضوا إنهم يكونون (42 %) شفت وشلون إنهم (نصابيّن) !!

بس يبه حنا كنـّا (نهايط) ونقول إننا (أكثر) وحنـّا أول (من تحدّى) !! و حنـّا أصحاب (الفكرة) .. وبعدين هم (زعماء نصف الأرض) ما قالوا (عددنا نصف الأرض) !! صدق الشاعر اللي قال : وآفته من الفهم السقيم ِ !!

عمى يعمي قلبك بلا !! جعل والله (الآفة ) تشـّق (لهاتك) !! يا ملـعـ.... الخيّر !! وتراها وصلت !! وإن شفتك فاتح(ن) إثمك منتب داري إلا أنا (شالخ هالزمزمية بجبهك) !! .. لا وأزيدك من الشعر بيت يا (أبو دعج) .. مخليـنـّا أكثر نادي مكروه !! ليه ؟!


تبي تطقـني طقني !! لكن علمنـّي من هو أكثر نادي مشاكل ؟! من فيه ما (تلاقطنا) وتهاوشنا معه ؟! وأعضاء (شرفنا قطة ) من كل نادي عندنا عضو شرف !! ولا يهشـّون ولا ينشـّون !! و كل العالم ( كرموّا لعيبتهم إلا حنـا نحتري 2-2-2222) !! لا ومن زين الطبايع (تطريد في أعضاء هالشرف) !! و نجومنا إذا جبناهم يدربّون الفريق .. احترينا أول (خسارة) وشتناهم مع الباب (شوت) !! و كل ما طرت عليهم قالوا (مابه دعم) (مابه دعم) !! وهم كل ما شافوا لهم (لاعب رجل في الدنيا ورجل في القبر) طلعـّوا دراهمهم .. وجتك هالملايين !! ثم صجونـّا ..(الخزينة فاضية !! الخزينة فاضية) !! وتشكيك في (بطولات خلق الله ) !! و (لعب في ذمم العالم) !! و ( سب ّ وشتم ) !! وطقاق مع هالجرايد!! ولو نجمـّع (تصاريح الإدارة في شهر) !! صارت أكثر من عدد (الكديش) في مختلف الفئات السنيّة مع عدد أفراد عائلة كل لاعب باستبعاد (النساء و اللي أصغر من 13 سنة) !! كل هذا وتسأل (ليه مكروهين ) ؟!


ههههههه لا تشره عليه يا أبو دعج !! والله ميب عادته !! غربله الله من غرابيله !! ولدي (ثور) وأعرفه .. وهالحتسي موب حتسيه .. أكيد (مغرّر به) .. !! صدقنـّي الموضوع فيه ( إنّ) !! وفيه سوء فهم !!


هذا ولم يكترث ( أبو دعج ) لـ " تبريرات " الكاتب الكبير دفاعا ً عن ابنه .. الذي (استيقظ ضميره ) !! فقام - أنت يا أبو دعج- بـ (فك تثبت الموضوع ) واتجـّه للوحة تحكم المنتدى .. وقام بـ(شطب اليوزر) !! مكررا ً إخراص كلّ ِ من تسّول له نفسه .. أن يستخدم ( عقله ) !!

اخر تعديل كان بواسطة » مغاط في يوم » 21/04/2008 عند الساعة » 11:33 AM
اضافة رد مع اقتباس
  #2  
قديم 21/04/2008, 11:10 AM
زعيــم متواصــل
تاريخ التسجيل: 03/03/2007
مشاركات: 199
الله يرجك يامغاط << < فاطس ضحك



لآهنت يالغــلآ , والله يعطيك العافيه



وماهو غريب عليك الآبداع يامتألق ..
اضافة رد مع اقتباس
  #3  
قديم 21/04/2008, 11:13 AM
زعيــم مميــز
تاريخ التسجيل: 18/05/2007
المكان: الـــــرٍ يـــــــــاضِ
مشاركات: 3,108
الله يعطيك العافية

موضوع مميز كصاحبة


الله يرجك
اضافة رد مع اقتباس
  #4  
قديم 21/04/2008, 11:15 AM
زعيــم متألــق
تاريخ التسجيل: 05/08/2005
المكان: أمريكا .. كانساس
مشاركات: 1,455
لووووووووووول


قسم بالله يامغاط انك منسم

اما سالفة نحتري تاريخ 2\2\2222 عشان يسون حفل الاعتزال


ياترى من يقصد؟؟

اما سالفة البيانات حاجه ثانيه

الف شكر لك



؟؟!!
اضافة رد مع اقتباس
  #5  
قديم 21/04/2008, 11:19 AM
موقوف
تاريخ التسجيل: 11/03/2007
مشاركات: 1,144
يووووووووووووه يامغاط .. ياولد لعبت في الخلق ..


خف عليهم شوية ياخوك ..

ههههه

حرام أني فاطس ضحك على تاريخ التكريم 222222


يسعدك ولا يبعدك ..


تحياتي لك يالذيب
اضافة رد مع اقتباس
  #6  
قديم 21/04/2008, 11:20 AM
زعيــم فعــال
تاريخ التسجيل: 23/06/2005
مشاركات: 393
ههههههههههههههههههههههههههههههههههههههههههههههههه

ولده حجرله

الحق باين

بس هات الى يفهم
اضافة رد مع اقتباس
  #7  
قديم 21/04/2008, 11:26 AM
الصورة الرمزية الخاصة بـ القمر كله
زعيــم متألــق
تاريخ التسجيل: 30/06/2005
مشاركات: 1,201
والله يامغاط أنك جبتها على الجرح

بالفعل هذا هو حالهم جميعاً بلا أستثناء

هل تعلم بأن أحدهم هدد أبنه الذي يعشق الزعيم بأنه لن يكتب له في وصيته في الورث لو مات وهو مازال يشجع الزعيم !!!!!!!

أصحاب العقول في نعمه
اضافة رد مع اقتباس
  #8  
قديم 21/04/2008, 11:27 AM
زعيــم فعــال
تاريخ التسجيل: 18/07/2004
مشاركات: 417



موضوع روعة وسرد رائع من الأروع



شكراً ولا تحرمنا مواضيعك ،،،
اضافة رد مع اقتباس
  #9  
قديم 21/04/2008, 11:30 AM
الصورة الرمزية الخاصة بـ ابوهياف
زعيــم متواصــل
تاريخ التسجيل: 12/01/2007
مشاركات: 73
يعطيك العاافية يا مغاط مبدع ومميز

ووكلام حلو

بس اول مرة اشوف مغاط عنده غلط إملائي

أبيطت أبطيت

لكن ما يضر الموضوع كبير مثل كاتبه

تقبل مروري
اضافة رد مع اقتباس
  #10  
قديم 21/04/2008, 11:34 AM
الصورة الرمزية الخاصة بـ Dr Messi 10
زعيــم نشيــط
تاريخ التسجيل: 23/01/2007
مشاركات: 672
خخخخخخخخخخخخخخخخخخخخخخخخخخخخخخ

قسم بالله مسخرتهم .. خخخخخخخخخخخخخخخخخخ ابو دعج اجل .. الله يعطيك العافيه على هيك موضوع ..خخخخخخخخخخ
اضافة رد مع اقتباس
  #11  
قديم 21/04/2008, 11:40 AM
زعيــم نشيــط
تاريخ التسجيل: 29/03/2007
مشاركات: 934
قصه في الصميم تحكي حالهم

اللهم عافنا مما أبتلى به كثيرا من الناس

مشكور اخوي مغاط لمواضيعك الي توسع الصدر <<< ماجبت شيء جديد

نتظر ابداعاتك اخوي

تحياتي....
اضافة رد مع اقتباس
  #12  
قديم 21/04/2008, 11:42 AM
زعيــم نشيــط
تاريخ التسجيل: 16/07/2005
مشاركات: 838
هههههههههههههههههههههههههههههههههه


يامرجوج



وربي بالأدب هالمقال




تسلم صوابعك ياصديقي


ماتستاهل وسام شهر مارس


تستاهل وسام السنة على المقال


ههههههههههههههههههههههههههه


أضحك الله سنك
اضافة رد مع اقتباس
  #13  
قديم 21/04/2008, 11:42 AM
زعيــم فعــال
تاريخ التسجيل: 04/07/2007
المكان: الــــــرياض
مشاركات: 404
مشــــكوووور يامغااااط على الموضوع اللي يستاااهل......
اضافة رد مع اقتباس
  #14  
قديم 21/04/2008, 11:45 AM
زعيــم مميــز
تاريخ التسجيل: 11/07/2005
المكان: وسط المدرجات
مشاركات: 7,319
ههههههههههههههههههههههههههههههههههههههه

دائماً مواضيع فكاهية وفيها من الصحة الشيء الكثير

وهذا هو واقع كتاب شلة حسب الله

الله يعطيك العافية مغاط وننتظر جديدك
اضافة رد مع اقتباس
  #15  
قديم 21/04/2008, 11:46 AM
زعيــم فعــال
تاريخ التسجيل: 23/09/2007
مشاركات: 200
والله جد ماعطوك الوسام الا وانت كفو يا مغاط
مشكورررررررررررررررررين
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:05 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube