اقول ريحنا ماتبي تتفرج مو ضروري اقلب على اي قناه وريح رأسك السلام عليكم ورحمة الله وبركاته كثيرة هي المباريات في الموسم الرياضي وكم قلنا ملينا وكم قلنا زهقنا لا أحد يسمع كلامنا ... والبعض من قوة الوجه يقول : اقول ريحنا ماتبي تتفرج مو ضروري اقلب على اي قناه وريح رأسك . وين اريح رأسي والهلال بيلعب ... هذا مايحدث لي ويحدث لكثير من المشجعين .. تعرفون كابتن ماجد المسلسل الكرتوني المعروف هذا سلملكم الله يقعد كابتن ماجد فيه ثلاث ايام لين يوصل للباب وبعد ثلاث ايام تصدم الكوره بالعارضه ويطلع فوق العارضة ياسين عشان يرجعها للكابتن ماجد مره ثانيه .. وعلى هالسيناريو الممل يجلس الأطفال مع متعه مزيفه ... عاد هذا حالنا مع مباريات الدوري الممله .... للأمانه مسابقات اربع تجربه فاشلة في ظل تخبط تنظيمي واضح ومن هنا أرى ان تلغى مسابقة كأس الملك للأبطال أو ان تقام بالتناوب بينها وبين كأس ولي العهد بمعنى سنه ولي العهد وسنه كأس الملك سؤال ملخبط ووجيه : وش قاعد تهذري وتخربط :d جواب : الحل لكثرة المسابقات هو الغاء مسابقة من المسابقات الأربع ومن حيث الأهمية الدوري نظريا وتطبيقا ليس عقلا أن نفكر بإلغاءه ... طيب كأس فيصل من حيث انه يهتم بالمواهب الشابه والمواهب الجديده هو ايضا ضرورة ملحه ولايمكن الإستغناء عنه ... تبقت مسابقتي كأس الملك وكأس ولي العهد هذي الثنتين مسويه تزاحم بالجدوله ولا حل إلا حل التناوب بين المسابقات ... هو للأمانه فيه حل ثاني مميز وهو إستقاله بعض الأشخاص الموجودين بلجنة المسابقات لعل وعسى يجي واحد ينظم الدوري تنظيم اوروبي ويخلينا نتفرج بعيدا عن سماجة التداخل وسذاجة تنظيم كل يوم مباراة ... هذا مايخص لجنة المسابقات ... اللجنه اللي جنبها ... واقصد لجنة التحكيم هذي اللجنه ماشاء الله تبارك الله قدرة خارقه في تحسين صور بعض الفرق تعالو معي ناخذ بعض من مما رأته عيني في موسم واحد فقط لايمكن ان نصفها بأنها اخطاء بشريه ولا حتى ان نقول عنها جاءت بالصدفه كذا ... فريق ما ... وش رايكم بفريق ما انسوها معاي ماحبها .. بدينا بالألغاز ياحبي للصراحه انا اقصد النصر ... ايه اقصد النصر احد عنده مانع :d النصر ياسادتي : شفت بعيوني ماحد كلمني ولا حد فهمني ولاحد سمعني بلنتي يحتسب للنصر في مباراة النصر والهلال التي انتهت 1/1 يارجال مشي حالك وقفت على بلنتي تعوذ من ابليس بس:naughty: بلنتي للنصر في مسابقة كأس فيصل في مباراة الإتحاد والنصر ياحبك للتلقف وش دخلك الحين بالإتحاد ... طيب وغيرها:d هدف باليد ف مباراة الأهلي والنصر في نفس المسابقة طيب ياخي لخبط اللاعب يحسب نفسة يلعب طائرة وجاي بيكبس وين المشكلة:) بلنتي فاضح ماسخ في مباراة الحزم والنصر بالدوري 2/1 المباراة الأخيرة بالدوري يارجال يقولك الأندية الصغيرة ماوراها احد يدافع عنها ولا الجماعه يحسبونها زي اول المباراة ماتنقل ولامن شاف ولامن درى ..:naughty: بلنتي المسابقة الجديده بلنتي فله وختامها مسك في مباراة الحزم 3/2 لا ويقولون الوليد بن بدر يقول البلنتي واضح وصريح ههههههه اقص يدي خمس قطع وحده بحطها بثلاجتنا واربع بوزعها على واحد نصراوي اعرفه اذا هذا بلنتي .... الرياضه السعودية ليست بخير والسبب ان هناك اشخاص فوضويون باتحادنا الموقر اشخاص لايملكون من الفكر الرياضي إلا القليل فقط ... اكمل الطين بله تصريح البلطان الذي قال انه اتصل على الجهاز الفني وامرهم بتوجيه عطيف للحصول على كرت احمر .... تبون الصراحه دورينا بينقلب فوضى ... كان بودي ان لايعترف البلطان بهذا الشيء حتى وإن كان ذلك يحدث بلا جدال في ملاعبنا. اما اكبر احداث الموسم فهو هروب الأهلي الغير مبرر حتى وإن كان الضغوطات النفسية على اللاعبين هائلة جدا .. حتى وإن كان الأهلي تعرض لظلم تحكيمي فاحش وبطريقه غير مسبوقه في الملاعب السعوديه ... ( اللاعبين قبل الهروب : فحط ياولد فحط قبل السابع ) كل ذلك لايشفع للأهلي وان ارادوا السير بخطوات من جديد فعليهم بتغييرات من الألف للياء .. ختاما سعدت بتواجدي بينكم ولي عوده في نهاية الموسم معكم بإذن الله عاد ماني متعود على الموجودين بمجلس الرياضه السعوديه وعشان كذا ما أحب اطول بموضوعي تحياتي وتقديري لكل المتواجدين بالقسم.. اتمنى ان لا اكون ضيفا ثقيلا عليكم <<<<< أقول مع الباب ورنا مقفاك:d اخوكم : أبو عبدالله |
لي عودة للرد على الموضوع الرائع والجميل ,, ويعطيك ألف عافيه أخووي وماقصرت , |
و عليكم السلام و رحمه الله و بركاته بالعكس انا عجبني تصريح البلطان لأنه ما عنده لف ولا دوران رجل اللي بقلبه على لسانه اما موضوع بلنتيات النصر الظالمه هي اللي خلته ما ينزل الموسم الفائت للدرجه الأولى وهي اللي جا بتله بطوله شلون من الأمور اللي تصير من تحت الطاوله |
كل اللى قلته سليم اخوى والله ملينا كل يوم مباراه |
هروب الأهلي ... ذكرني بمسلسل الهروب الكبير خخخخخ! شوووووقرن ع الموضوع! |
عليكم السلام ورحمه الله وبركآته إقتباس:
وبالنسبه للمسابقات !! والله ضغط في الدوريات السعوديه مو طبيعي اللحين اذا كان الهلال هذا الموسم نافس على جميع البطولات ..تخيلو انه كان مشارك ببطوله خارجيه :bigeek: زياده على منافسته للبطولات المحليه جميعهآ .. !! للأسف الدوري السعودي يمشي على هامش دون تخطيط ولا شي !!:d وبالنسبه للنصر سمعت ان فيفا عطوه بطوله اكثر فريق يحقق بلنتيات هذا الموسم:d وان شاءالله تضاف لهم !! إقتباس:
وش صار على موضوع الافـ....:d |
[اقول.... الحق حط على سبيستون المباراة النهائية بين فريق كابتن ماجد:clap:وبسام:upset: .....الحق بسرعة لا ويقعد 2حلقة عشان دخل قول كلها ييفكر والكورة تختفي في الشمس:d |
إقتباس:
هههههههههههههههه صدقت والله :d:d اخي القحماني فعلا نحن مللنا من كثرة المباريات .. واعتقد حتى اللاعبين ملوا وفقدوا روح الحماس بينهم :yes: الدوري له سنه كامله .. تخللها بطولتين ولي العهد وكاس فيصل .. انتهى الدوري .. اليوم الثاني جدول كاس الملك ..:d:d والله لو ان اللاعبين آآلاآآت مايصير كذا ارحموهم وارحمونـا ..:upset: القحماني .. مشكـور على طرحك اللي في محله ..s60s |
كلام سليم السيم .. والله لو تسوي وتهد وتردوحتى لو تشيل المسابقات كلها وتخلي الدوري بلحاله صدقني بيحي تأجيل وخربطة في الجدول ,, لازم الكادر بكبره يتغير بكبره وخاصة الاشكلاني هع هع هع ينطيك العافية على الموضوع ياغالي ودمتم ودام حضورك |
اهـلين خيـوو والله مووضووعك ع الجـرح:clapping: انا ارى انوو كاس الملك مااله داعـي خصـوصا اننا بنهاية المـووسم والاعبيـن طفشـوو اصابات وارهاق وتعب:upset: اللحين المشاهد زهق من كثرة المسابقات فما بالك بالاعبـين امـاالنصـر ههههههههههههههههههههههاااااااي انا مايقهرني الاانهم يسبوون الحكام مسووين فيهاا انهم مظلوومــــــين:naughty: مع كل جهه لهم بلنتي شكل بكـرا الحكم اذا لاعب من الخصم ناظر الاعب نصراوي داخل منظقه الجزاء بحسب بلنتي :d >>ياخي نظره قاتله ههههههههههههههههههههههههههاي تسلم يمناك يامبـــــــدع |
إقتباس:
وأنا برضو راح أقصد يدي لو كان فيهـ مجرد شكـ .. الحين ساكتين النثراويهـ , لو كان للزعيم كان تكلموا عوافي يالقحماني |
ايه والله انك صادق على الكلام اللي انت قلته بصرااااااحه اهنيييييييك ومشكووور جدا جدا جدا ت ح ي ا ت ي @@المحتــاره@@ |
شكرا للجميع على المرور وقرأءة الموضوع ولاهنتم يالربع |
بسم الله الرحمن الرحيم اللهم بارك له في هذه النعمة أقصد هنا نعمة الكتابة ما شاء الله عليك موهوووووووووووب أنا والله ما عندي تعقيب على كلامك بس بصراحة شدني اسلوب كتابتك الممتع تقبل تحياتي |
الوقت المعتمد في المنتدى بتوقيت جرينتش +3.
الوقت الان » 07:31 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd