سالفتي انا ولاب توبي الخرباان - نادي الهلال السعودي - شبكة الزعيم

بـنـ**الزعيم**ــت · #1 19/04/2008, 07:07 PM

السلاااااام عليكم ورحمة الله وبركاته

تسيف الحااال وماهي الاخبار وكيف الاجازه معاكم صح انه خلصت بس ميخالف

والله اني من زمااان عن المواضيع وراجعه وبراسي موضوع ورفض يطلع شيئ الله يهدي هالدميجه ماهيب راضيه تطلع شيئ

بس والله ياأنا بالشهر تلعوزت لعوزه وعرفت قدر لاب توبي

هاااذ الله يسلمكم جاان الكرم والحنيه على غفله وعطيت الاب توب لأخوي الصغير يلعب فيه
وقلت له انتبه له زييين قالي خلاص ماعليتس هاذا الله يسلمكم الساعه 5 العصر

وأدخل غرفتي واخمد خمده كبييييييييييره يوم قمت الساعه 3ونص الفجر والقى الاب توب محطوط على الكنب وش زينه رحت توضيت وصليت وصلحت لي سندوتشه وكأس شاهى عشان امخمخ على النت
وانا افتح الاب توب واثاريه مكسوره نصفين الشاشه نصف ولوحة المفاتيح بنصف ثاااني وأنا يصير وجهي كذا

افااااااا وش اللي صاير وصلت معي وجيت بروح لأخوووي اسئله وش اللي صاار بس لقيته نايم قلت اوريه خليه يقوم واتفاهم معاه وجاء وقت روحتي للمدرسه والبس واروح وانا احلطم عليه

يووم رجعت الظهر والقاه قاام قلت له وش اللي صاار قال انه طااح مني غصب علي

واعطيه ابووي يصلحه لي قالي خليه عندي وروحي جلس عنده اكثر من اسبوعين تلعوزت كل يوم اشحذ كمبيوتر احد مره ابوي ومره امي وحالتي حاله
رحت وسألته وش صاار قالي ضبط بس فيه مشكله وشهي انه رفض يشتغل وسويت له فرمته وراااحن كل ملفاتك

قلت يالله خيره بس اهم شيئ يضبط واول ماعطاني اياااه قال يالله بنروح للرياض قلت ابشغله شوي بس قال لاااا يالله زيني اغراضك

واثبرت وزينت اغراضي وانطقيت ورحت للرياض

وجلسنا اربع اياام اول مارجعنا انبسطت بشغله قالت امي يالله بنروح لجدتي قلت شوي بس قالت لااااا واروح وانا احلطم

ويوم رحنا وتمسكني بنت خالتي الا تنامين عندي وغصب قعدت

وماجيت الايوم الجمعه واشغله يمكن 7 ساعات متواصله بطلع حرتي فيه

مايستفاد من القصه

1-لااااااااااااااااااااااااااااعـــــــــــمــــــــــــركــــــــــــم تعطون لاب توباتكم لأحد لو فيه الموت خلاااص تووووبه

2- اكتشفت اني حبيبه وطيبه لأني ماقلت لأخوي شيئ

وانتهت القصه على خير ورجعت لكم بكامل قواي العقليه والجسديه

ايه ذكرت سالفه ثانيه بس بعدين بموضوع ثاني

وان شاء الله اني اكوون خفيفه ولا طولت عليكم