|
من بدايه الموسم وجمهور الرياض ما يحضر اصلا فقدنا الأمل فيهم ما تحضرون بكثافه غير ضد النصر او لما يير الحضور مجاني يعني بدون دفع تذاكر شكل الهلال لو خسر الدوري غير تعلنون المقاطعه لخمس سنوات قادمه |
أخوي عذرا بغض النظر عن الموضوع لفت نظري نقطة في موضوعك تقول جمهور الرياض ملاء أستاد الملك فهد بالرياض لاتنسى الجماهيير من باقي مناطق المملكة وأنت تعرف أن عددهم ليس بالقليل بل الكثيير جدا للأسف جمهور الرياض من بداية الموسم حضوره متواضع |
إقتباس:
.................................. |
جمهور الغربية وبس الجمهور المحارب اللي يحضر لو كانت المباراة في ايام الاختبارات النهائيه ومباراة الوحده بنرفع روسكم بالحظور في مكـــة وتذكرو كلامي زين اما حضور جمهور الرياض من الباب الى الباب الله يخلي جمهور الشرقيه والغربية ترى 50% منهم ولكم موعد مع جمهور الغربية يوم السبت القادم في مكه وشوفو الحظور (( جمهور الرياض .. حظورة في المنتدى فقط )) |
جمهورررررررر الهلال كفوووووووووووو متواجدون في كل مباراه |
الحضور اليووم قليل جداٍ صراحه قهـــــــرررر بس ان شااءالله القادم احلى وحضوور اكثرر |
ما قول الا ماشالله على جمهور النصر الليله يقولون عندهم اجازه بكرا مخصصه من الاتحاد السعودي فقط لجمهور النصر اما جمهور الهلال بيقدمو وقت الطبور والدوام عليهم ما اقول الا ومن الحب ما قتل >>>>> ترا ذي لجمهور النصر اما زعيمنا الله يخلف عليه |
صدق ماأ دري وش فيهم جمهور الهلال بالرياض ما يحضرون .. ما أدري هو ملل أو إتكاليه .. ما أدري والله وش السبب !! يعني والله مفروض ترفعون روح اللعيبه اللي ما نكدوا علينا بالإجازه .. وجابوا لنا إغلى بطوله .. والمشكله إنها قبل أيام .. و بعدين ترى مو بس جمهور الرياض اللي ملى إستاد الملك يعني فيه جمهور جاي من القصيم والشرقيه ومكه والمدينه كلهم ملوه معكم .. و أتمنى إنكم ما تتحججون بتوقيت المباراة .. اللي يحب فريقه يسانده بأعسر الأوقات .. |
إقتباس:
قل والله على نفسها جنت براقشـ, ,‘ , ................................... |
جمهور الرياض 90% منهم طلاب جامعات وثانويات بس مايعذرون عن الحضور |
إقتباس:
لاتقعد تهاااايطــــ |
ياناس الغايب عذره معااااه ولاكن اللي يقهر ان فيه ناس تقدر تجي ولاكن تفضل المقاهي وهم قريبين من الملعب ااااااااااه لو ان الهلال يلعب كل مبارياته في خارج الرياض بعدين ماسألتوا انفسكم سؤال ..؟؟؟ في مباريات الدوري خارج الرياض كلها فوز وحضووووووور جماهيري كبير اخواني الصغار 4 وعيال عمي 2 مزعجيني لهم اسبوع لاتنسى ياجاسر مباراة الهلال والوحده نبي نروح معاك نبي نشوف الهلال على الطبيعه اطفال تقدر هذا الكيان انا سنة تخرج من كلية الهندسة مامنعتني اني ارتب جدولي واحضر مباريات الهلال في الغربيه سوا في جده او في مكه شدووووووووو حيلكم ياجمهوووووور الزعيم |
يا أخوان ليه العصبيه ..!! ماهي جديده على جمهور الرياض من سنوات وهو على هالحال الجمهور بمباريات النصر او النهائيات أما غيرها حدث ولا حرج يالبى قلب جمهور الشرقيه بس :) |
والله مشكله هذي كل يوم والثاني طالع احد جمهور الرياض وجمهور الرياض احنى افضل جمهور مررر على السعوديه اجل المدن الصغيره 5000 متفرج( يعني ملعب نادي الهلال اكبر) ويمتلي ويطلعون شوفو ياجمهور الرياض وتعلمو ياخي والله مشكله هذي النادي ونادي الكل ومارح احد يحب الهلال اكثر من احد الثاني انتم يا جمهور المناطق الثانيه ما تشوفون الهلال الى في السنه مرررره احنى نروح النادس ونشوف مبارات كل اسبوع تقريبا يعني تفرق كثيييييييييير وغيير هذا كله اليوم كان سبت بعدين ياخي الجمهور مايبي يحضر انت وش عليييك؟؟؟؟؟ خلاص ياخي ياتطلع وتتكلم بأدب يا لاتطلع ولا تقول ولا شي |
طيب لو نقول عندهم ضروف معقوله كل جمهور الرياض عنده ضروف مستحيييل هالشي السالفه وما فيها انهم طفشوا من كثر المباريات أغلب المباريات اللي يحضرونها يطلعون فرحانين رقص وأغاني رقص وأغاني شي أكيد بيطفشون << بدت تتفلسف يووه بس لو يتركون البنااات يحضرون والله نفّلل الملعب ونصير اطلق منكم آآآآآآآآخ بس لو يتركون البنات يحضرون والله ثم والله ما أخلي مباراة ما احضرها بس ترى تخاوييني ما أدخل الملعب إلا رجلي على رجلتس وانا اختس<< حلم إبليس بالجنه والله وانا اختس ما لنا الا التلفزيون واحيانا مالي حق بالتلفزيون ابوي ياخذه ويحط ع العربيه وانا مسيكينه اشب نار صدق ان البنات مضلومات مو يجيني واحد يقول مالكم الا بيوتكم ومالكم بالكوره ترى حتى حنا نعشق الهلال مثل ما انتم تعشقونه ويمكن اكثر منكم |
| الوقت المعتمد في المنتدى بتوقيت جرينتش +3.
الوقت الان » 05:35 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd