|
قدمت من الشرقيه ... جمهور غريب !! .. + وزن التايب + حظ الشلهوب + بقاء ليلو + برود الفريدي + خوف العنقري + وين انت يا ياسر ؟؟ أسعد الله أوقاتكم بكل خير .. تعادل بطعم الخساره ... الحمد لله على كل حال .. والله كانت بأيدينا ولـــكــن !! بلا مِنه .. حضرت من الخبر من أجل الزعيم هذا اليوم .. كأقل هديه نقدمها للزعيم .. بعد أن أهدانا بطولتين هذا الموسم .. وننتظر الثالثه بإذن الله .. وأنا في طريقي لأستاد الملك فهد .. واجهت إزدحام شديد ... في البدايه فرحت .. قلت لنفسي .. كـــفــــو يا جمهور الزعيم ... ماهو ضروري ألقى مكان مناسب ... وماهو ضروري اتأخر عن المباراه .. مادام هالزحمه من جمهورنا ... تهون .. المصيبه أن الزحمه كانت عند المقاهي المجاوره للأستاد .. !!! توقف السير بسبب لاجئي المقاهي .. مع العلم أن الاستاد لايبعد سوا نصف كيلو !! ليش طيب ؟؟ مستكثرين 20 ريال !! واحد معسل بـــ 10 ... والشاي والمويه ووووو إلخ !! وينكم عن فريقكم اللي لم يمضي أسبوع على تحقيقه أغلى لقب !! عديتها وطلعت من الزحمه وتوجهت للملعب ... حضور يمشي الحال .. أعتقد ان العدد لم يتجاوز الــ 7000 متفرج ..!! اللي يقهر الحاضرين .. والله كأنهم رايحين عرس !! أو داخلين وزاره !! واللي يقول لخويه ياخي الكراسي مغبره ... أمش خلنا نروح القهوه .. طيب ليش تجي مرسم من البدايه ؟؟؟؟؟؟؟؟؟؟؟؟؟؟؟؟؟ وفوق هذا ... هدوء ... كأن على روؤسهم الطير .. ليش الحياء .. أنت جاي تشجع .. لو كنت بتحضر وتجلس ساكت أقعد في بيتكم وريحنا .. أتذكر مباراة الهلال والاتفاق الاخيره في الدمام ... والله لم نهدأ دقيقه ... جمهور واقف ويشجع ويردد مع حقوي وحتى لما كان الاتفاق متقدم !! والله ما أقول هالكلام من باب التعنصر ... لكن والله هذا وجه المقارنه بين جمهور الرياض والدمام .. لاتتعذر بأن الملعب كبير .. وان الهلال يجي مرتين بس بالسنه .. اللي يحب ويعشق يجي .. ماتهمه الظروف !! وحده بــــــــ وحده ** التايب : ظهر وبشكل ملحووووووووووووظ زياده في وزنه مؤخراً مع ثقل حركته ولاحظنا انه أكثر من مره يسقط من دون إحتكاك .. تسبب اليوم في 3 هجمات مرتده كل وحده أخطر من الثانيه بعد إنقطاع الكره منه بسبب لإستعراض !! ** الشلهوب : والله قدم مباراة رائعه جداً .. تبطأ في كره .. وأستعجل في كره .. وعانده الحظ في كره آخرى إرتدت من القائم .. أعتقد أننا سنندم على إجبار الشلهوب بالإستمرار في هذا الموسم ! ** ليلو : أعتقد بقاه لموسم آخر سيكون قرار خاطئ للغايه .. أتمنى من الإداره البدء في البحث عن البديل .. لو كان عندنا مهاجم يريح البال ماراح نشيل هم غياب القحطاني . ** الفريدي : قدم مباراة جميله ولكن يتعبني عند التخليص .. يسوي كل شي بس عند الباب تضيع علومه ويتعامل بهدوء فضيع في الوقت اللي المفروض ان الجمهور ينط فرحاً بهدف محقق .. وصاحبنا مازال يفكر بعمق .. بأي قدم سيلعب الكوره !! ** العنقري : مازالت خانته ممر سهل للخصوم .. اليوم كان أداءه الدفاعي أفضل من قبل ولكن في الشق الهجومي .. ماحولك أحد .. يخاف من التقدم .. بنيه جسمانيه هزيله جداً جداً . ياسر : لك من هذا البيت .. وأعتقد انه المعنى واضح .. بعضهم إن غاب غابوا كلهم *** وبعضهم وإن غاب ماحدً درا به . كوزمين : أنت أذكى المدربين الأغبياء أحياناً ... النقد مقبول والزعل برضو مقبول ... تحياتي بلا حدود ابو فارس |
الوعد ملعب الشرائع،، يالغالي،، والهــلال وقف الحظ ضده. شكرا لك |
كلام سليم الشلهوب قدم مباراه جميله لكن يفتقدللمسه الأخيره وايضاً الفريدي لاعب واعد وبقوه لكن ينقصه السرعه |
للأسف إستهتار واضح من المدرب و الإدارة بفريق الوحدة و أن النتيجة مضمونة مثل ما حصل في مباراة القادسية بالرياض :upset: إراحة لاعبين بحجة عدم الإرهاق مع إنهم لاعبين محترفين و ياخذون رواتب ما شاء الله عليهم :upset: خلي الإستهتار ينفعهم لما تروح البطولة والله بصراحة شي يقهر من المدرب و الإدارة :upset: |
والله انك صاادق في كل كلمه تقولها والله شي يقهر ومشكووووووووور |
تــبــي الصـــدق .................... النآس تخآف على نفسها من السرق والنهــب وانت تعرف الاحياء اللي جمب الاستآد كلهم يجون في نص الشوط الثاني ويجلسون يسرقون العالم ويكسرون سياراتهـم يمكـن انت ما تحتس بس فيه نآس جاها رعـب وبعدين الشرطـه الله لا يهينـهم مب وآجـد انا ما اقولك واحد منهـم انا بالعكس زعلان من الجمهور اليوم بس وش تسوي .. حواري الاستاد كلها سرق من الـ النـظيم - النسيم - الجنادريه -- وطقتهـآ |
الفريدي افضل النجوم في المباراة اليوم ... ومستواء الفريدي يبشر بالخير ..... |
إقتباس:
الصراحه ذكرتني بالجماهير الإسبانية وأعتقد إنك تشجع يالريال يالبرسا |
اوافقك في كل شئ الا في نقطة : إقتباس:
|
كلام منطقي جداً اوافقك الرأي في كثير من النقاط :) |
عوافي ابو فارس جميل ما طرحت ولكن للمجد بقيه وجمهور الزعيم لن يكون له توقف في قادم الايام نجومنا قد نعذرهم بسبب الاجهاد وتعدد المشاركات وفوق كل ذلك حققنا الاهم والمهم وان شاء الله نحقق المزيد من يد الكريم كوزمين يجيد العب بفكر كبير ولابد من الفشل احيانا لكل ناجح فلولا السلبيات لما وجد النجاح بالتوفيق كوزمين ودمتم لنا نجوم الزعيم جميعا بكل سعاده وصحه |
الوعد ملعب الشرائع،، يالغالي،، والهــلال وقف الحظ ضده. شكرا لك |
الفريدي قدم اداااء رااائع جدا وكان افضل واخطر من اصحاب الخبرة ( الشلهوب - التمياط - التايب ) السعود قدم اداء مقنعا الا انه يعيبه اللعب على الاطراف التايب شيء غريب فعلا يستعرض والفريق متعادل بما اشبه بالخسارة!!! وكان الفريق اداؤه افضل ومسيطر قبل دخوله.... الجماهير.. الف علامة استفهام سابقا كنا نقول ان عدم حضورهم كان بسبب اداء الفريق المتواضع ولكن الان بعد تحقيق البطولتين يستمر الحال للاسف الشديد...!!! عموما الفريق قدم اداء جيد بالرغم من النقص الكبير وان شاء الله يحسمونها في المباريات القادمة |
كثر الحديث عن الحضور الجماهيري .. ولاتعليق عندي !! أما المباراة بشكل عام فأتت بعد تحقيق الدوري ، ولعب الفريق ناقص 5 لاعبين ؛؛ لذا كان طبيعيا ً هذا المستوى .. أنا متفائل جدا ً بتحقيق نتيجه ايجابيه في مباراة الاياب .. وبالتوفيق للزعيم .. |
مشكور أخي علي هدا الطرح ولكن اتقول الثائب يستعرض هدة لا ن لو لحظة انة توجد انانية من بعض في ايصال الكرة للثائب. |
| الوقت المعتمد في المنتدى بتوقيت جرينتش +3.
الوقت الان » 11:33 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd