#1  
قديم 19/04/2008, 11:51 PM
زعيــم متواصــل
تاريخ التسجيل: 26/09/2007
مشاركات: 84
همسه بأذن جماهير الزعيم قد تتحول الى صراخ (( وتنفجر الطبله )) !!!

السلام عليكم ورحمه الله وبركاته


الكثير منا لايفضل الصراخ لانه مزعج ومؤذي

ويخنق البعض ويتضايق منه الكثير


في حياتنا هل نجد احد يتحدث (( يسولف)) بشكل عالي ومزعج ؟؟

بالتأكيد لا واذا كانت الاجابه نعم فتلك من النوادر


اذا كان هناك شخص يتحدث بشكل عالي ومستمر ومزعج

اول ماينطق به من كان حوله ولم يرق له حديثه وصراخه

(( ياخي اسكت )) (( بالله نقطنا بسكوتك )) (( تراك ازعجتنا ))



لكــن !!

حتى من يكره هذا الصراخ ..

يجد نفسه يوماً ما في المدرجات التي تعج بالصخب والصراخ


وعلى قوله المثل (( مثل العسل على كبده ))

لأنه يراقب فريقه ويصرخ من اجله سواء فاز أو خسر


اذاً نستخلص المقدمه ونقول ان الصراخ بعيد عن اجواء الكره غير مستحب


وفي الوقت ذاته اصبح طلباً ملحاً وضروياً

خارج نطاق الحياه اليوميه وتحديداً في عالم كره القدم

بل انه اصبح اجمل من موسيقى هادئه لمن يستهويه الهدوء !!

الصراخ هو حلاوه المدرجات واللغه الاولي فيه بدون منازع

اهم سؤال في هذا الموضوع والذي يطرح نفسه ؟؟



من أين يأتي الصراخ والصخب والتشجيع (( والازعاج )) ؟؟

لا اعتقد ان احد لايعرف الاجابه

بكل تأكيد من الجماهير ومن الألآف التي تحضر

هنا زبدة ولب الموضوع الذي نخص فيه جمهور نادي القرن

نادي التميز ,, نادي البطولات ,, زعيم نصف الأرض

صاحب الـ 47 بطوله

نادي الهلال السعودي



هل يعقل ان هذا جمهور البطل ؟؟

هل يعقل ان أول مباراه بعد تحقيق الدوري تكون هذه مدرجاته ؟؟

هل يعقل ان فريقاً يحقق أهم بطولات الموسم يكون جمهوره بهذه القله !!

بهذه المدرجات التي اجزم انها تهبط من عزيمه الرجال الذين حاربوا

من أجل الهلال ومن أجل جماهيره ..



بأكتبها هالمره بالعاميه حتى تكون معبره أكثر

اقسم بالله اننا ياجماهير الهلال مالنا وجه نقابل اي مسئول او لاعب أو اداري

أو رئيس أو حتى حارس امن بالفريق


وهذا حضورنا !!!



حضور بائس ,, محطم ,, بدون صراخ ,, بدون انفعال

ومع ذلك نريد بطولات لنادي تبحث عنه البطولات


ياخي تبي بطوله رح للمدرجات الله لايهينك وطالب من هناك !!

فريقنا دائماً يجلب لنا البطولات (( وحنا متبطحين بالبيت نتفرج ))


نخذله بدور الثمانيه والاربعه ومباريات حاسمه بالدوري

ونجي عند النهائي ونحضر علشان نفرح بس (( وين نلحق جزاه بالله عليكم )) !!!



في الفتره الكثير يشاهد الاحصائيات والاستفتاءات التي جعلت

من الهلال الاكثر شعبية والاكثر جمهور ومع هذا وذاك


المدرجات شبه خاليه !!!





همسه بأذن جماهير الزعيم


الفريق يعمل المستحيل من أجل ارضائنا واسعادنا

لماذا نحرمه ابسط حقوقه وهي التواجد والتشجيع ومدرجات تزلزل الخصم

وتدعم الفريق لاداء أفضل ..

اتمنى ان يعيد جمهور الهلال حساباته ويدعم الفريق قلباً وقالباً

ويجعل من هذا النادي متميزاً برجاله ,, وبطولاته ,, وجماهيره .




وقــفــه !!!

نريد ان نهمس لبعض دون صراخ ونجعل الصراخ بالمدرجات

قبل ان ان نصرخ ببعضنا البعض لجفاف المدرجات

حينها فقط (( تنفجر الطبله ))





لكم من آرق التحآيا

اخر تعديل كان بواسطة » تشتآق في يوم » 20/04/2008 عند الساعة » 01:28 AM
اضافة رد مع اقتباس
  #2  
قديم 20/04/2008, 12:40 AM
الصورة الرمزية الخاصة بـ متكي بشبكة الزعيم
زعيــم متألــق
تاريخ التسجيل: 09/04/2008
المكان: اٍلِـِقِصِيْـًمَ -ْاَلِـَبّكِيٍرًيًـِةً
مشاركات: 1,124
يسعدني انا اكوووووون اول واااحد يرد علييييييييك
مبببببببببببدع اخوووووي وكلام عين العقل
ولاهنت يالغالي
وبالتوفيييق لزعيمنااا
اضافة رد مع اقتباس
  #3  
قديم 20/04/2008, 12:42 AM
الصورة الرمزية الخاصة بـ الز$عيم
زعيــم مميــز
تاريخ التسجيل: 01/10/2007
مشاركات: 2,772
جمهور الهلال يزئر ولا يصارخ وسنضل اكبر شعبيه ودئو من اعصابكم

وجمهور الهلال تشبع من البطولات
خل نخلي البطولة هذه لهم احسن
اضافة رد مع اقتباس
  #4  
قديم 20/04/2008, 12:49 AM
الصورة الرمزية الخاصة بـ ALAMEER 14
زعيــم مميــز
تاريخ التسجيل: 08/06/2007
المكان: ....
مشاركات: 1,949
ان شاء الله في المباريات القادمه يكون الجمهور افضل << قلناها كثير لكن نتفائل خير . .

،،

اخوي استمر في كتاباتك الرائعه . .

،،


شكرآ لكـ .
اضافة رد مع اقتباس
  #5  
قديم 20/04/2008, 12:59 AM
زعيــم فعــال
تاريخ التسجيل: 10/02/2006
المكان: في بيت الهلال
مشاركات: 375
المشكله ان اغلب الجمهور للاسف (جمهور نهائيات )و ( جمهور مقاهي)
شوفوا الحالمي اليوم مع االحزم امتلى الملعب ...................
وجمهورنا للاسف (استراحات ومقاهي)
اضافة رد مع اقتباس
  #6  
قديم 20/04/2008, 01:23 AM
زعيــم نشيــط
تاريخ التسجيل: 01/11/2007
مشاركات: 681
وهذا حضورنا !!!



حضور بائس ,, محطم ,, بدون صراخ ,, بدون انفعال


ومع ذلك نريد بطولات لنادي تبحث عنه البطولات


ياخي تبي بطوله رح للمدرجات الله لايهينك وطالب من هناك !!

فريقنا دائماً يجلب لنا البطولات (( وحنا متبطحين بالبيت نتفرج ))


نخذله بدور الثمانيه والاربعه ومباريات حاسمه بالدوري

ونجي عند النهائي ونحضر علشان نفرح بس (( وين نلحق جزاه بالله عليكم )) !!!



بالصمـــيــم ابدعــت يالبطل
اضافة رد مع اقتباس
  #7  
قديم 20/04/2008, 01:28 AM
زعيــم فعــال
تاريخ التسجيل: 09/07/2005
مشاركات: 316
لحظه ياحلو
انا كل مبارايات الهلال اكوون حاضر بالملعب ولله الحمد

بس لاتطالبني بالتفاعل والصراخ والتشجيع

انا من عشاق الواجهه في الاستاد

والواجهه معروفه بعدم الحماس وقلة التشجيع
ولو بقووم اشجع واصارخ بيضحكوون علي العالم

لكن شوف اذا عندنا رابطه زي رابطه الاهلي مايكروفونات زي الناس
ورابطه تتفاعل مع الجماهير تعال عاتبنا يالجماهير

معليش رابطتنا لو تجلس بوسط الرابطه ماتدري وش يقولون مايكاتهم زي وجييههم
اضافة رد مع اقتباس
  #8  
قديم 20/04/2008, 02:15 AM
الصورة الرمزية الخاصة بـ SAMI009
زعيــم نشيــط
تاريخ التسجيل: 26/10/2007
المكان: ~مع الهلال~
مشاركات: 579
والله موضوع متعووووووووووب عليه ومبدع فيه وان شاء الله الجماهير ماتخيب فريقها في القادم من المباريات وخصوصا اهل الرياض.
اضافة رد مع اقتباس
  #9  
قديم 20/04/2008, 02:22 AM
زعيــم متواصــل
تاريخ التسجيل: 22/04/2006
مشاركات: 140
نائب الرئيس قال كنا نتوقع جمهور يجي ويحتفل ويانا بمناسبة تحقيق درع الدوري

ومع كذا قال نلتمس لهم العذر طبعا هو ماشاف مباراة النصر والحزم والا كان قال

من المباريات الجاية ماعاد نبي جمهور بنلعب ونحقق بطولات لانفسنا لان ماعندك احد يستاهل التعب عشانه

والله قهر اللي بيقولك اول يوم دراسه طيب اللي حظروا مباراة النصر والحزم عندهم اجازة !!

بيقول بعيد طيب لو كانت المباراة بين الهلال والنصر واله لننسى المسافات

مشحونين ضد النصر على ايه فريق ما يجاري نادي الهلال مكبرينه حنا والله والا هو مثله مثل نجران ويمكن نجران اطلق منه

بس حنا عطيناهم وجه وهم ارادوا انهم يكبروا على حساب الزعيم وتحقق لهم هذا الشي

والله مقهور من ذا الجمهور اللي يجيب الهم

لا والمضحك قال ايش اكثر شعبيه ياعمي طييييييييير

تصبحون على خير
اضافة رد مع اقتباس
  #10  
قديم 20/04/2008, 02:37 AM
زعيــم مميــز
تاريخ التسجيل: 20/04/2007
مشاركات: 1,641
واللــه قهررررررررر

نادي توه محقق بطوله ومفرح الجماهير واخرتهاا حضور يفشل

لمتى وحنااا نقول احضروا ياجمهور الرياض!!!

لمتى ابي افهم؟؟



حسااافه والله ان الزعــيــــم مقره العاصمه

ليته بالشرقيه والا الشمااال كااان عرفتوا وش معنى حضور جمااااهيري وتاخذون دروس بعد


مشكووور عالموضووع اخووووي
اضافة رد مع اقتباس
  #11  
قديم 20/04/2008, 02:45 AM
زعيــم مميــز
تاريخ التسجيل: 15/10/2005
مشاركات: 1,756
اولا الف شكر لصاحب الموضوع حرصه

حقيقة حاولنا جاهدين تحفيز الجماهير لهذا اللقاء وجعله احتفالية كبيرة ولكن لا حياة لمن تنادي
كنت اتمنى لو ردت علي الجماهير ودافعت عن سلبيتها وتقاعسها وتخاذلها الذي اتهمها به

الان لكم وجه تتحدثون عن استفتاء شركة زغبي ؟ يا اخي من حق اي احد يشكك اذا هذي هي مدرجات البطل

الغريب ازعجني تماما تثبيت موضوع منذ ظهر امس يتحدث عن غياب ياسر ولان جمهورنا للاسف الشديد يدور على اي عذر عشان ما يحضر لقاها فرصة ..
للاسف ايضا نحن نفسد عمل بعض احيانا
الفريق في وضعه امام الوحدة يلعب ناقص وهو بطل الدوري كان يحتاج لجماهيره ولكن اكررها لا حياة لمن تنادي
العشم أن نلعب كافة مبارياتنا خارج الرياض فجماهيرنا هناك ارحم واكثر شجاعة وعطاء
اكرر شكري لصاحب الموضوع
اضافة رد مع اقتباس
  #12  
قديم 20/04/2008, 02:53 AM
زعيــم فعــال
تاريخ التسجيل: 15/03/2007
مشاركات: 431

والله عتبنا ع الجمهوور كبيــــــــــــر

المفرووض مالتوواجد الجماهيري الكبير للاحتفال ببطوله الدوري

بس يالله القاااااااادم احلى وان شااء جمهوورالغريبه يملؤؤن الملعب

واللي يقوولوون جمهورالنصر حضوور تراهم بملعب اصغر من ملعبنا بكثيــــــرر
اضافة رد مع اقتباس
  #13  
قديم 20/04/2008, 03:00 AM
الصورة الرمزية الخاصة بـ هلالـي البجاديه
زعيــم نشيــط
تاريخ التسجيل: 03/10/2004
المكان: البـجـاديه
مشاركات: 544
اخي الكريم

اعجبني اسلوبك الراقي في طرح الفكرة

شكراً لك من كل قلبي

لكن دعني ارد على كل قائل بأن اليوم السبت

اخواني جماهير الهلال الأوفياء

هل سبب الانقطاع هو ارتباطاتكم العملية او المدرسية ؟؟

يعني انكم (( تنامون )) بعد انتهاء المباراة مباشرة ؟

غير صحيح

اذاًَ ماهو سبب عدم حضوور جماهير الهلال في مدينة الرياض لمباريات الفريق ؟

انظرو الى مباريات الفريق خارج الرياض حتى وان كانت يوم الاثنين

سوف تجدوون الحضور لماذا لم تمنعهم ارتباطاتهم من حضور المباراة ؟

اريد حلاً مقنعاً ياجمهور مدينة الرياض

تحياتي لكم
اضافة رد مع اقتباس
  #14  
قديم 20/04/2008, 03:26 AM
الصورة الرمزية الخاصة بـ هلالي وحتماوي؟؟
زعيــم متألــق
تاريخ التسجيل: 23/10/2007
المكان: حـآئـل
مشاركات: 1,047
الجمهووور ما حضر

انا من حايل لاحد يقول انت بالرياض ومدري وشو

خلاص خلصنا من السالفه

اليوم كل مواضيعكم عن الجمهوور

خلاص ان شاء الله يتوبون <<خخخخخخخخخخخخخخخخخ

والله ما يعودونها <<ههههههههههههههههههه

ترا والله بعدين تطق بهم عناد وما يجوون

بس ان شاء الله جماهير مكة ما يخيبون املنا

ولا يهونون جدة ووالمنطقة الغربيه بشكل عام
اضافة رد مع اقتباس
  #15  
قديم 20/04/2008, 05:19 AM
زعيــم متواصــل
تاريخ التسجيل: 28/02/2008
المكان: الشرقيه
مشاركات: 63
تدرون وش امنيتي ؟؟

ودي آخذ النادي و استاد الملك فهد وأحطهم بالشرقيه

ولا بجده ولا بالشمال جد في هالأماكن ناس تستاهل ينقال لهم

هلاليين مو جمهور الرياض بس فالح بحضور النهائيات

بس فيه فئه منهم مشاالله عليهم دايما مع الزعيم بكل مباراه

جد يستحقون كلمة زعماء بس والله لو ان البنات عادي

يحضرون انا اول وحده حاضره بس لا حياة لمن تنادي

لاعدمناك يالغالي موضوع اكثر من رااائع
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:24 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube