19/04/2008, 07:47 PM
|
زعيــم فعــال | | تاريخ التسجيل: 23/08/2007
مشاركات: 268
| |
الى كل منتمي للكيان الأزرق السلام عليكم ورحمة الله وبركاته مبروك الف مبروك البطوله مع انها متاخره بس هذي مشكلتي لاني انتمي للهلال والموقع كان متعرض لهجوم وهذي ظاهره تحدث لكل نجاح عموما هذا ليس موضوعي الموضوع الي اتكلم عنه هو مايحدث بعد كل مباراه يتعثر بها الهلال او لايؤدي المستوى المطلوب وانا ادري ان الأكثريه يكتبون من باب حرصهم على زعيمنا ومن ثم يدخلون في باب (اجتهد واخطأ) لما نلاحظ ياشباب ان كل من يخدم النادي لازم يتعرض لهجوم بعد اي تعثر ولونمشي على كل الأعبين بتلاحظون الدعيع طالبناه بالأعتزال مع انه من وجهة نظري الأفضل بالدوري دفاعنا المفرج ماقصرنا فيه خاصة بعد كأس اسيا مع ان الغلط من المبدع تفاريس وتفاريس قلنا فكونا منه لانه يحب الكروت ومندفع المرشدي قلنا روح لرالي حائل وريحنا الظهير الأيمن وقلنا مافيه احد عوض الدوخي مع ان ربعنا اكثر من مبدعين ونجي للوسط لخالد عزيز وقلنا انه مايعرف يوزع كوره بس يقطع ويضيع ونجي للغامدي وقلنا انه مزاجيه اما الشلهوب تحطم من كثر النقد وياليت ياخذمن صبر الفتى الذهبي الي حتى لو ابدع شغلنا الشاغل ننتغده ونبيه يعتزل والبرنس الي قالوا عنه استعراضي وطالبوا بإبعاده وحتى ياسر ماسلم قالوا نجم فلاشات ويبحث عن مجد شخصي .... الخ هذا بالنسبه للأعبين وماقصرنا بعد بالرئيس و الأداره والجهاز الفني و الأداري . انا ياشباب معكم بالأنتقاد بس مو معكم بالتشكيك والأنتقاد الاذع لان كل الي نتكلم عنهم يدعمون ويمثلون الكيان الأزرق واحنا من بوابة منتدى الجمهور الهلالي ندعمهم ليواصلون المشوار لان الموقع هدفه الأول خدمة الكيان واطلب من اخواني المراقبين (الله يعينهم ) انهم ينتبهون على بعض المواضيع لان فيه شباب (الله يهديهم ) ينفعلون ويكتبون مواضيع يكثر بها الهجوم على من يخدم هذا الكيان . طلب1:تكفون ياخواني وقفوا مع الهلال واعرف متى تنتقد وبالذات الشباب الجدد لان اشوف اذا لعبوا مباراه وبدع طيرناهم والمباراه الثانيه يخفق وخذلك نقد تكفون لازم نوقف معهم لانهم هم الهلال القادم طلب 2:تكفون يادارتنا العزيزه جددوا للمدرب كوزمين خلوه عندنا على طول مثل فيرجستون مدرب المانشستر الي من يوم طلعت على الدنيا وهو مدرب للمان لازم يكون معنا لاكبر فتره ممكنه اسف على الأطاله واعذروني ان اخطأت
اخر تعديل كان بواسطة » هلالي يحب تشلسي في يوم » 21/04/2008 عند الساعة » 08:39 AM |