بهذه الطريقة أخذ (جمهور الكوكيز) ثالث العالم .. تحقيق سريع سويته بنفسي .. (روابط +اقتباسات) - نادي الهلال السعودي - شبكة الزعيم

الصـدقي · #1 18/04/2008, 03:39 AM

.

السلام عليكم ورحمة الله وبركاته

في أحد المنتديات تلاقطت أنا وكم واحد من الإخوة النصراويين بخصوص الإحصائيات

فكانوا يتكلمون إننا أفضل حسب كلام موقع أنترنت ،، المهم نزلت الموضوع هذا بشكل سريع وكنت أقول فيه:

أنا عارف إن كثير من الناس راح تزعل علي

لكن شوفوا

أنا حبيت نتكلم بحقائق ونحط أدلة قدامنا وبراهين

)

,,,,,,,,,,,,,,,,,,,,,, ما راح أمدح شركة زوقبي العريقة ،،،،،،،،،،،،،،،،،،،،،،،،

لكن هم قالوا إن زوقبي مهيب معتبرة لأن النصر أخذ الثالث بموقع

أنترنت

حسيت إن كلمة أنترنت مقدسة يعني شيء ما يمكن يكون خطأ

طيب ما ودي أطول بالمقدمة

ندخل بصلب الموضوع

.

.

أول شيء راح نآخذ الإعلان والخبر الذي أذهلنا ورفع من قيمة الكرة السعودية

)

إقتباس


	قفز من المرتبة الـ22 متقدماً على أندية كبيرة النصر ثالث أندية العالم جماهيرية في سباق مركز التصويت العالمي على الإنترنت دفع نادي النصر السعودية إلى احتلال المركز الثالث عالمياً على صعيد الدول في سباق مركز التصويت العالمي على شبكة الإنترنت للأندية الـ80 الأكثر جماهيرية في العالم خلال شهر يوليو الماضي، والذي تشارك فيه أندية من 109 دول تتقدمها البرازيل بمجموع أصوات بلغ 632160 صوتاً، وآخرها إندونيسيا بـ17 صوتاً فقط. وتقدم النصر بشكل كبير في قائمة الـ80 الذهبية بحلوله بالمركز الثالث متقدماً على أندية عالمية شهيرة سواء برازيلية أو إيطالية أو إسبانية أو أرجنتينية، بمجموع أصوات شارفت على 88 ألف صوت. وأصبحت السعودية بالتقدم النصراوي المذهل في مقدمة الدول الآسيوية على حساب إيران الأقرب، حيث جمعت السعودية بأنديتها الـ4 النصر والأهلي والهلال والاتحاد 137214 صوتا، فيما لم تجمع الأندية الإيرانية سوى 43963 صوتاً. وتحظى القائمة الذهبية هذه بتصويت جماهيري على شبكة الإنترنت على المستوى العالمي، وحل النصر بالمرتبة الثالثة عالمياً ليكون بذلك النادي السعودي والعربي والآسيوي الذي يحقق هذا المركز، بعد أن كان قد حل في المركز 22 ثم تقدم إلى المركز الـ11 ثم الخامس، وذلك في سباق محموم مع منافسه العربي الأقوى النادي الأهلي المصري الذي احتل المركز السادس، فيما حل منافسه التقليدي الزمالك في المركز التاسع. ودخلت أندية سعودية أخرى في حمى التسابق الإلكتروني الجديد على مستوى التصويت العالمي كضرب من ضروب المنافسة الجماهيرية لكنه بتنظيم ورقابة محايدة، وهذه الأندية السعودية هي: الأهلي الذي حل بالمركز 24، والهلال صاحب المركز 35، والاتحاد في المركز 48 في هذه القائمة المحددة بـ80 نادياً عالمياً فقط تشمل أندية العالم في جميع القارات. ويحظى التصويت باهتمام جماهير أندية عالمية عديدة تتقدمها أندية البرازيل وإيطاليا على وجه التحديد، حيث نجد أن الأندية البرازيلية المتنافسة 16 نادياً أبرزها أتليتيكو وسانتوس وإنترناسيونالي وجريميو وفلامنجو وجميعها ضمن الأندية العالمية الـ10 الأوائل في هذا السباق المثير، كما أن جماهير أندية تورينو ويوفنتوس وروما وميلان هي الأكثر حرصاً ومشاركة في هذه القائمة وإن كانت مشاركتها لم تمنحها سوى المراكز 29 لتورينو و36 ليوفنتوس و41 لروما و58 لميلان

طيب حلو

مبروك للنصر ويستاهلون

خلونا نروح ونشوف وش اللي يصير من ورى الكوالييس

خلوكم معي

من منتديات إي سي ميلان يقول الكاتب الكبيــ 3 ـتانو

إقتباس


	كما ذكر مسبقاً (النصر) ثالث الانديه جماهيرياً في العالم عن طريق الانترنت... تم تحرير الرابط لأن الروابط ممنوعه Nasr.aspx طريقه التصويت: قم بالدخول على الرابط الموجود بالاعلى وسيظهر لك اسم نادي النصر بالانجيليزيVote [AlNasr] .. قم بالضعظ عليه سيظهر لك كود ارقام وحروف قم بإدخال الارقام والحروف.. وانتظر الى ان يظهر لك علامه thankio وهكذا تكون قد صوت لناديك... ملاحظه: بإمكانك التصويت 24مره في اليوم اي التصويت كل ساعه اما اقل من ساعه فلا يمكنك ... آآآسف على الإطاله ودمتم بألف خير

طيب أنا أذكر كل شخص يصوت مرة وحدة :S

يعني كل 24 شخص طلعوا شخص واحد بس

أفا

ولا أقول لكمـ ،، هالكاتب هذا مهوب صاحي

خلونا نروح نشوف غيره

خلونا نروح نشوف منتديات مالها دخل بالنصر ولا بغيره

بس أهم شيء تكون رياضية

)

طيب امممممممم خلونا نروح نشوف منتديات مسي

يقول الكاتب الذابح الجارح

إقتباس


	الف الف مبروك تصدر العالمي التصويت العالمي (نادي النصر السعودي ) وبفارق كبير عن اقرب منافسيه بعد ان تم اكتشفت ادارة الموقع ان هناك تزوير في التصويت من قبل جماهير نادي بنفيكا البرتغالي والنادي التشيكي الاخر ... تم تحرير الرابط لأن الروابط ممنوعه يعني بنفيكا والنادي التشيلي صاروا غشاشين :68: يعني نقدر نقول النصر صار الأول الحين :lipssealed: طيب كمل تكفى الله يرحم وآلديك يمكن ان تصوت لاكثر من مرة ولاكن بعد 60 دقيقة ( ساعة )

عيب يالجارح

من الغشاش الحين :S

.

طيب هذي منتديات رياضية فكونا منها

وخلونا نشوف منتديات مالها بالكورة ،، يعني زاحفة ورجة ومن هالعلوم السنعة

)

خلونا نروح مدرسة المشاغبين ونشوف وش عندهم

لا لا

لا

لا

لا

اسمعوا وش يقول وليف الروح

إقتباس


	السلام عليكم ورحمة الله وبركاته ارجوووووا الجميع ان يصوتوا لجمهور النادي السعودي نادي النصر جمهور (الشمس ) المركز الاول : نادي برزيلي المركز الثاني: نادي تشيكي المركز الثالث: نادي برتغالي المركز الرابع: نادي سعودي (النصر) تكفووووووون صوتوا لجمهور نادي النصر يكفي انو نادي عربي

ولتحيا العروبة

إقتباس


	رسالة للجمهور الغير نصراوي وخاصة الهلاليين: مثل ماصوتنا لياسر القحطاني لافضل لاعب شعبيا صوتوا لجمهور النصر

تكفى ترى تكفى تهز الرجاجيل

خلاص الهلاليين بيعطفون عليكم وبيعطونكم أصواتهم ،، وش تبون بعد

)

إقتباس


	ياااا عرب مثل ما صوتنا لاسماعيل مطر و ابو تريكا وياسر لانهم عرب مثلنا فصوتوا لجماهير النصر [جماهير الشمس]

ردوا الدين مالكم داعي بصراحة

إقتباس


	طريقة التصويت : ادخل الرابط ستجد امامك مربع يحتوي على ارقام واحرف اكتباالارقام والحروف في المربع الخالي ثم اضغط على (VOTE)والتصويت ياتي كل ساعة تكفى صوتوا بسرعة خلال شهرين سينتهي التصويت نريد نادينا العربي يحصل على المركز الاول خلال الشهرين تكفى صوتوا تكفى تهز رجاجيل تقبلووا تحياتي .....

حياك الله

كل شيء إلا العروبة عندنا

خلاص بنروح نصوت لعيونكـ

.

.

طيب يا جماعة هذي منتديات فيها رجة وهبال

وأكيد ضارب فيهم شوط ،، ولا حنا عارفين ،، التصويت ما يجي بالطريقة هذي

خلونا نشوف منتديات عاقلة

يعني منتديات أسرية تهتم بالبيت والأسرة

خلونا نشوف مثلا

منتديات بيت واحد وأسرة واحدة

.

.

.

أوووووووووه

شف وش كاتب هذا اللي اسمه

عالمي 999

يقول يا طويلين البقى والسلامة

إقتباس


	بسم الله الرحمن الرحيم هناك موقع عالمي لكرة القدم يستقبل التصويت لكل الاندية في العالم وحسب علمي انه تصويت معتمد من قبل الفيفا

سرى

إقتباس


	من يصدق ان نادي النصر السعودي حاليا في المركز الثالث بعد ان كان في المركز الثاني

لا تقول لي نزل ترتيب الأندية السعودية

إقتباس


	ولكن نادي بنفيكا البرتغالي يهدد النصر السعودي حيث ان اصوات نادي بنفيكا تتصاعد بشكل خيالي 70 صوت في الدقيقة من يصدق ؟؟

الصراحة ما أحد يصدق

إقتباس


	اصوات نادي بنفيكا البرتغالي حتى هذه اللحظه هي 155497 صوت اصوات نادي النصر السعودي حتى هذه اللحظه هي 154919 صوت اما الانديه السعودية الاخرى الاهلي الهلال الاتحاد بعيدة تماما عن المنافسة ؟؟....

طيب وش دخل الأندية الأخرى يعني وش جاب طاريها

كمل كمل حبيبي

إقتباس


	الرجاء من جميع الاعضاء والزاور التصويت حتى نلحق بالنادي البرتغالي لنادي النصر السعودي تم تحرير الرابط لأن الروابط ممنوعه

أها ،، قصدكـ إننا حنا بعيدين يعني نضمن على الأقل إن نادي سعودي يفوز

طيب شلون نصوت طال عمرك

إقتباس


	طريقة التصويت /////// الموقع طبعا بالانقليزي يظهر في الشاشة في الوسط النصر بالانقليش اضغط عليه ثم يطلع مربع التصويت وجنبه حروف اكتب الحروف في المربع واضغط تصويت فوتو ..

على طاري فوتو أعجبتني هالكلمة قعدت ربع ساعة أدورها بالموقع حقهم

فوتو :S

إقتباس


	التصويت مره كل 60 دقيقة شــــــــــارك باسم العرب وصوت

يعني نقدر نقول إن المسألة الآن فيها حميّة وفيها تكفوون وطلبتكم

)

خلاص ولا يهمك كل شيء إلا العروبة

إقتباس


	فلنــــــــــــــــــــوحد اصواتنـــــــــــــا العربيــــــــــــــــــة

كنا نسمع أن الرياضة تؤلف القلوب ،، وتوحد الأمم

لكن توي أعرف شلون ^_^

تم تحرير الرابط لأن الروابط ممنوعه

وإذا قلنا صوتّ لهم 154919

وقسمناها على 24 ساعة اللي هي المدة المسموح خلالها بإعادة التصويت خلال اليوم يطلع لنا

6454 وكسور

طيب التصويت مدته شهرين وخلوها لعيونكم شهر واحد

يطلع كل اللي صوتوا 215 شخص مسنترين عند الكمبيوتر

أو 107 أشخاص قعدوا شهرين

تحية للعالميين

خخخخخخخخخخخ

اعذروني يا جماعة مهيب عادتي أكتب مواضيع بالرياضة

عشان كذا الموضوع بربسة شوي وسواليف

لكن أهم شيء

العالمي ثالث نادي بالعالم ،، ولتحيا العروبة

سحقا لكي شركة زوقبي يا عميلة

قاعدة تآخذين الأرقام من نوتة عبدالله بن مساعد

جمهور النصر دايم يملى المدرجات خخخخخ

حسيت إن الجمهور اللي يدخل الملعب يروح ولا يرجع مرة ثانية ويجي غيره

يا حبيبي

شفت اللي عبّوا الملعب ؟؟

تراهم هم بس الـ 11%

) ويروحون ويرجعون مرة ثانية

بالإضافة إلا 10 أشخاص أعرفهم ما يحبون يروحون للملعب

يعني العدد مضبوط تمام

طيب اللي بيقارن صدق بين جماهيرية الهلال والنصر بخصوص المدرجات بلغة الصور هالمرة

تفضلوا هنا

شعبية النصر في النهائيات والهلال يليه في المرتبه ..صور وحقائق

لكم صادق الأمنيات وأعطر التحايا

أبو عبدالرحمن

SAM 6 وبس · #2 18/04/2008, 03:45 AM

يالغالي صدقني تعبت عمرك على خالي بلاش ...

وبالنسبة للموقع حقكك ترا الهلال كان متصدر اول شهر لكن شبكة الزعيم يوم شافت ان التصويت كل ستين دقيقه وراعي طويلة ومهوب منتهي وكل واحد يقدر يصوت اكثر من مره قامت تحذف لمواضيع وصارالنصر الأول ,,

ياخوك وربي حرام نقارن بالشعيبة يكفي ان أعضاء شبكة الزعيم اكثر من اعضاء جميع الأندية السعودية يعني وسع صدرك ولا تتعب عمرك ,,

عموما مشكور على الموضوع...

عشقي هو الزعيم · #3 18/04/2008, 03:47 AM

لا يا اخوي هو يصوتون في اليوم 20 صوت لكل واحد من مقاهي الانترنت ومن كبيوتر امه واخته وغيرها....
ومشكوووووووووووووووووور

زعيم يابعد حيي · #4 18/04/2008, 03:48 AM

ابووووووووو عبدالرحمن خشمك

انا اشهد انك ذيييييييييييييب يابعدي .. فضحت مهايطهم خخخخخخخخخخ أجل صوتو لياسر واسماعيل مطر لازم نرد الدين اصبر خلن اضحك عليهم شوي هههههههههههههههههههههههههههههههههههههههههههههههههه

يالله يالله يالله ياحي ياقيوم نرجو ثبات العقل

موضوع يستاهل التثبيت دعما للموارد البشريه

اخوك سعود

هلالي @ برساوي · #5 18/04/2008, 03:49 AM

يعطيك ألف عافية تقبل مروري .............................................

Glory Madrid · #6 18/04/2008, 03:49 AM

مجهود كبير قمت به وتستاهل الشكر عليه ورده

وهذا اثبات جديد أن النصراويين يخدعون أنفسهم بانهم الأكثر جماهيريه .!!

looleen · #7 18/04/2008, 03:56 AM

بيض الله وجهك وبالفعل النصراوية دايما يحبون التزوير وتضليل الحقيقة وليتهم يعرفون يزورون الا دايم تنكشف الاعيبهم

عظيم الشوقـ1 · #8 18/04/2008, 04:01 AM

ههههههههههههههههههههههههههههههههههههههههههه
ياخي التصويت الحقيقي هو اللي تصويت مره وحده فقط
مو 24 مره باليوم !
على العموم
تسلم يدينك على هالتحقيق التحفه
والمداخلات الجميله

تحيتي

أميرٍ · #9 18/04/2008, 04:11 AM

ههههههههههههههههههه الله يرجك ياشيخ

ولـ تحيا العروبــه ،، اجل يوم جاء التوصيـت لـ ياسر يقولون صوتو لـ ابو تريكــه ,, ولا اسماعيل مطــر .!! ورده

ههههههههههههههههه " وتقولون عروبه بعد "!! ههههههههه

الزعيــم الهلالي.. · #10 18/04/2008, 04:30 AM

اقسم بالله ان ها النصراويه هم اعداء النجاح وما قالوا لهم ..

يموتون ولا يفرح الجمهور الهلالي ...

وغير كذا اي شي ما يصلح لهم يقولون هذا كذب ..شكلهم من كثر ما يكذبون علي بعض صار عندهم تكذيب العالم عادي .. ومن كثر مايكذبون صار نص البشر عندهم كذابين ..

ولو تقولهم ها الكلام وتحشرهم صدق قالو..ا ماجد عبد الله احسن من سامي الجابر

ناس ماعندهم موضوع
وصراحه انا استغرب يوم الهلاليين يردون عليهم
ياجماعه خلوهم يتكلمون الي بكره انا متاكد انهم دارين ان ماعندهم الا خرابيط بس يطلعون عشان يعكرون صفوكم
يعني شوفوا الادارهـ الهلاليه ماعمرها طلعت وردت علي ها النصراويه ولا تشوفهم شي

وانتم خلوكم كذا

والله انهم من جد ناس فارغين

Le Capitano · #11 18/04/2008, 04:42 AM

منتدى الجمهور الهلالي منتدى خاص لمناقشة الامور الهلالية

هلالي وحتماوي؟؟ · #12 18/04/2008, 04:47 AM

الله يعطيك الف الف الف عافيه ع الموضوع والتوضيح والروابط وكل شي

سراحه ابدعت ماشاء الله عليك

هذا وانت ما تكتب عن الرياضه اجل شلوون لو تكتب !!

المهم يعطيك ربي الف عافيه والله موضوعك مرتب وفيه مصادر وكل شي

ما ينقصه الا كلمة

مـــــشـكــووور

مغاط · #13 18/04/2008, 04:57 AM

هم صادزين !!

هذا وهم محققيّن كاس (فيصل) !!
أجل لو إنهم آخذين بطولة الخليج وش يبي (يسوّون) يبي يرشحون (الوليد) بدل " بلاتر" ؟!

ابوضي الهلالي · #14 18/04/2008, 04:58 AM

يالصدقي تسلم على المجهود الطيب
وجهة نضري المثبت لا يحتاج إلى إثبات يعني لو كان موضوعك في المواقع من باب التنبيه وكشف الاوراق اما الزعماء والله ما يحتاجون مثل هاللي انت كاتبه ووجهت نضري تقودني إلى عتب المحب لك ولبعض الاخوان لأنهم يتفاعلون مع اي تشكيك في عز فرحنا
بالدوري يعني امس في الرياضي بالبنط العريض ميه بالميه مسرحيه والمقصود الاستفتاء تعرف ليه؟؟؟
عشان يطلعون الجمهور الاتحادي من جو الهزيمه إلى المساجلات مع الجماهير الاخري وتعدي الصدمه
انا نتأثر بموضوع زي موضوع النصر ونرد عليهم او بالاصح نرد على انفسنا والمثبت لا يحتاج لإتبات بكذا خسرنا افكارك ومواضيعك المهمه عن النهائي والبطوله
تحياتي لك على طبق من الذهب
ابوضي الهلالي

أبوحربي · #15 18/04/2008, 05:00 AM

ههههههههههههههههههههههههه

ويلوموني فيك يا شيخ ..

صحيح موضوع متعوب عليه ..

بس اقسم بالله انك بطـــــلللل ..

وتسلم ما جابته يمناك ..

ويعطيك الف عافية ..

وفي انتظار جديدك لا تبطي علينا ..