|
قفزت من الفرحه و انزلت الدمعه من عيوني ياخواني الحمدالله |
اول شي قلت الحمد الله ، بس كل 3 او 5 دقايق يا أروح اشرب موية والا افتح النت والا قاعد اشيك على الحساب في التلفون ويوم بقى خمس دقايق رحت للبقالة جبت اغراض للبيت ويوم جيت الا انتهت المبارة ........... بس لحظات قوية وما لها إلا الزعيم |
بصراحة فكرة الموضوع جميلة جدا قبل الهدف كان هناك هجمة خطرة للاتحاد ازعجتني وتركت مكاني وذهبت للمطبخ ( قلت اسوي لي نعناع يهدي الاعصاب ) طبعا كنت مسوي ميوت على الصوت .. المهم ( حطيت البريق على النار وقلت اجي اطل على التلفزيون اتطمن ) ما اشوف الا جمهور الهلال يطامر والصورة جت على الفريدي شكله مسوي شي ما اشوف الا ياسر يركض ويطمر على المدرب اطالع يسار اعلى الشاشة مكتوب الهلال واحد الاتحاد صفر يا الله كل هذا بدون صوت انا انذهلت وصعقت بالمفاجأه لدرجة كتمت تعبيري بالفرحة وابشرك نسيت البريق ما تذكرته الا بعد ما شميت رائحة تشبه الحريق اثاري الموية خلصت وبدت النار تاكل في البريق ... وكان التعبير فور اطلاق الحكم صافرته الحمدالله صرخت بها وسجدت لله شكرا |
انا و الله نقزت من الفرحة و قعدت الين انتهت المباراة اقول يا رب يا رب يا رب |
سجدة شكر لله 000000000000000000000000000 00000000000000 |
انا قعدت اركض وانا ساجد==مايعرف يفرح والله انا شفت المباراه لحالي ودايما اذا كان في مباراه مهمه احب اشوفها لحالي |
انااا قمت أزاعق وأصارخ نبح صوتي من الفرحه بغيت أموووت وسجت شكر لله |
أما أنا فحاااااااااااااااالتي حالة مرة أستغفر ومرة أدعي ربي أن الهلال يفووووووز والحمد لله جاء الهدف رفعت صوت الرسيفر والتلفزيون على أعلى درجة وأقعد أصفر وأصفق وما بقى إلا تلفزيون بنياتي واطمر له وأرفع عليه من الفرحه وهم حاطين دي في دي توم وجيري ومستأنسين وأقعد أطامر :clap: :clap: :clap: وهم قاموا يطامرون معي وما يدرون وش السالفة يا حلاتهم وياحلاوة الفرحه آآآآآآآآآآهـ منك يا الزعيــــــم أنا ما أدري إذا صرت شايب شلووووون بطامر مثل ألحين إذا فاز الهلال |
الحمدلله والشكره له على توفيقه الزعيم في تلك المباراة انا اول ماجا الهدف نقزت واصارخ في البيت من الفرحه وجا العشا وقلت ما بتعشى حتى يصفر الحكم وصفر الحكم وطلعت كورنيش الخبر بألأعلام الهلاليه والشعارات ونسيت العشا ما تعشيت الا الساعه 12 ونص |
تحول مفاجئ طبعا كنت حاضر في الملعب وكنت للاسف وسط جماهير الاتحاد لاني بكل بساطة اريد الوسط وافضل مشاهدت المباريات من الوسط ولكن بعد الهدف مباشرة الى جمهور الهلال اللي كان تحتي مباشرة والاحتفال معهم والانتظار صافرة النهاية وكانت متعة حقيقية ولله الحمد طلب مهههههههههههههم أريد روابط يوم المباراة لأني شاهدتها في الملعب أريد اعرف ردود الفعل مباشرة في المنتدى والآن المنتدى 3 صفحات ما هي الطريقة يا إخوان ؟؟؟؟؟؟؟ |
والله فررررررحة طبعاً بس كااان الخوووف اليييييين خلصت المبارااة لان الاتي يخوووف ما تدري اي وقت يجيب التعادل فـ اللهم لك الحمد والشكر |
والله يا اني نووووقزت تنقيز اليييييييييم :clap: ماقد نقزت مثله من خمس سنين :razz: وفي الدقايق ال20 الاخيرة حالتي حاله مره ساجد ومره ادعي ومره مغمض عيوني ومره زالق على التلفزيون والتوتر ماكلني اكل |
صراحة قمت أصفق واصايح واحمد ربي على الهدف ... واخر ربع ساعة انحشت أدور في الشارع على رجلي والكشّــــــه طايرة والجيب مفتوح !! وما غير ادعو وابتهل يا رب تنتهي .. يا رب تنتهي بالفوز وموصي واحد يتصل علىّ بعد نهايتها بفوز الهلال .. واذا لاسمح الله تعادلوا قلت لاتتصل ولا اسمع صوتك والحمد لله اتصل بالخبر السار فقمت اناقز في الشارع أحس أن العقل أخذ إجازة بس لدقائق معدودة !!:bigeek::bigeek: اللهم لك الحمد على هالساعة:clap::clapping::clap::clapping: |
والله انا ركبت فوق ظهر خويي وفرررررررررررررررراره بالقهوه وتشجييييييييع يوم ان الفرحة بردت شوي حسيت الناس كلهم يطالعون وانا الي ارجع الجلسه انا وخويي نتسحب |
انا كنت جالس مع الشباب طبعا كلهم هلاليين موووووووووووووووت يوم شفت ياسر مرتقي للكورة نقزت من مكاني احمد الله واشكره وخميت اللي بجنبي لكن كانت فرحه مو كاملة حتى يوم صفر الحكم في ذي الساعه دورني ماتلاقاني اول شي سويته سجوووووووود لله شكر وبعدين قمت اطامر واخم كل الشباب وهم نفس الشي الاماكن تغيرت والفناجيل والبيلات تطايرت والكل يتكلم ومافي احد يسمع هههههههههههههه كانت فرحة عظيمه ولله الحمد |
| الوقت المعتمد في المنتدى بتوقيت جرينتش +3.
الوقت الان » 09:21 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd