|
انا عن نفسي قمت اررررررركض واصفق واصرخ باعلى صوت وسجدت شكر لله ومن جاب الكاسر قووووووول وانا واقف على رجلي ومتوتر وادعي الين اخر المباره...................................... يقولون العقل السليم في تشجيع الزعيـــــــــــــــــــــــم... |
بعد الهدف ارتقيت ذاك الإرتقاء اللي على كيف كيفك وخميت ولد عمي وولد عمتي ولاعاد أذكر بالضبط وش اللي صار وبعد ماهديت شوي شفت ولد عمتي جاثي على ركبه وحاط يده على اذنه , قلت في نفسي يسجد سجود شكر !!! الا يوم طولت الدعوة وقلنا وش فيك يا محمد عسى ماشر ؟؟؟ أثري صارخن باذنة ذيك الصرخة اللي الا هالحين يسمع الوزيز !!! وتابع المباراة طبعآ بدون مايسمع التعليق ... |
انا قمت اناقز من الفرحة قدام ابوي بالرغم انه كان عندنا عشاء وقته وكان في المجلس رياجيل اجانب |
أنا والله كنت معزوم وكان وقت العشاء وكنت منهمك وأضرب ضرب وما دريت إلا الشباب الله لا يهينهم طابين فوقي :D .. هذي ردة فعلي <--= احلف قووووة .. .. تحياتي .. |
انا عن نفسي قمت اناقز من الفرحه وشكرت الله على الهدف ودعيت بإتمام هذه الفرحه |
بكل صرااااااااحه اغمى علي لان عندي هبوط بالضغط ولي يومين لانوم ولااكل بس افكر |
انا قمت اصايح و اقول قووووووووووووووووووووووووووووووول قووووووووووووووووووووووول ( عندي قطوه في غرفتي يوم شافتني اصايح وهجت شوي الا وتجي عندي وتلعب وتماوي عاد حنيت حليها ) ايوه يا ياسر صح وبعدين حمدت ربي و شكرته والدقيقة 62 طلعت برا البيت ما قدرت اتحمل الضغط طلع عندي الف<<<<<<<< الله لا يقولها واروح اشرب مويه وعصير وبنادول اكسترا الين جا ولد اختي وبشرني انها انتهت 1-0 عاد واشرهه 50 هي اللى كانت بجيبي يوم طليت فيها ( 50) قلت ان شاء الله عقبال البطولة الخمسين |
والله ياشباب اني مااكذب عليكم من الي حصل لي بعد الهدف كنت مشدود مررررره خاصه بعد ماانتهى الشوط الاول ومع ذلك كان بداخلي تفاؤل الفوز اول ماسجل ياسر الهدف واجيك انقززز من الفرحه ويجيني ذاك الشد في ساقي ولا احد عندي شد ابن كلب لدرجة اني لزقت في الجدار رافع رجلي حتى خف علي وطول اليل ماقدرت امشي على رجلي ويوم اصبحت خف تمامااا والحمدلله |
انا كل ماسبق احس اني سويته وحسيت فيه الا راعي النعناع ههههههههههههه |
إقتباس:
:d:d والله ما ألوم أبوك شكلك نشبت لهم خخخخ .! أنا الحمد لله حضرت المباراة في الملعب مع اني من الرياض بس الهلال يستاهل وبعد الهدف وأنا على أعصابي وأدعي والحمد لله انها انتهت على كذا .! تحيتي للجميع ،، |
طبعا أشوف المباراة لحالي كعادتي يوم جاء الهدف جلست أصفق بقوة مع إني مسوي عملية بيدي وعورتن شوي بس ياسر يستاهل أكثر ورفعت صوت التلفزيون ...وبعد الهدف حطيت يديني على وجهي ومابانن إلا عيوني ..وقلبي مغير ينبض بالنبض والخفقان لمين انتهت المباراة والحمد لله |
والله قنا جالسين وقان معنا واحد نصراوي واول مجاء الهدف انواع المناقز ونخمم بعض وصراخ وووووو وبعدين انواع التصبيخ جاء النصراااوي؟؟؟؟؟؟خخخخخخخخخخخخ بس بالاخر تحملنا لان حبووووووب مررررررررره وطيب... |
إقتباس:
ضحكت على ردك ضحك ...تخيلتك أنت والجدار تقل حديدة وماص :d |
احم احم . انا كنت مركز مرة ((يعني ملزق خشتي في التلفزيون )) ويوم جاء الهدف ::طبعا كان البيت هدوء كلهم ساكتين مهجدهم (( ايه هين )) :: واصارخ وانقز للسقف وينكسر السقف من الصقعة ((آآخ يا راسي )) وانا نازل حمدت ربي وفرحت واخر الدقايق قلبي اشوي ويطلع |
اكيييييييييييييييييييييييييييييييييد الله لايعوووق من شر طامرت اليييين صفا اللي براسي من جد لان المبارات ماهيب مبارات اعصاب وبس الا مباراة خط 220 الحمد لله على الفوووووز وعقبال كاس خادم الحرمين انشاء الله |
انا متصل علي واحد اتحادي قبل المباراة باسبوع يقول المباراة بشوفها عند هلاليين.. يبي يضحك علينا قلت تعال... عاد احنا 4 هلاليين .. الشوط الاول متحمس..وفرحان مسكين.. يوم جاء هدف ياسر... اشوفه يناظرني... يقول عادي اتكلم,,,,.؟لانه مايعرف اللي جالس معهم.... عاد اللي معاي ما قصروا ... طول الوقت تصفيق |
طقيت صدري لين حمر صدري وكنا جالسين بالمجلس عند عيال خالتي بالكويت وهم مالهم باكورة ابد ثمن سجدت شكرلله وعقبال كاس الملك........... |
والله طامرت شوي :d وبعدها سجدت لله شكرا واللهم ولك الحمد |
صراحه شعور لايوصف عالطول قمات حمدت ربي كملت المباره ع الصمت تحياتي |
اول شيء طامرت ورجمت المخاد على خويي ثم سجدت وبعدين مع الفرحه حلفت اني اعشيه وليتني ما حلفت |
انا عن نفسي افضل اني ما اقول لكم مراعاة لشعور الاعضاء الاعزاء... |
انا قمت انطط تقل مهبوووول وقعدت ساعه بس الصرآآآآآآآآآآآآحه جالس على اعصاابي خفت احد من لاعبينا يجيه شي بسم الله عليهم تعرفوون الاتهاديه اذا عصبوااا ودوك المقبره على طووول |
تعودنا دائم نشكر الله علي فضله وهذا ما قمت به رفعتي يدي الي السماء وشكرت الله وسجدت لله علي نعمه ... ولاكن زادت دقات القلب اكثر من اول |
هههههههههههههههههههههههههههههههههههههههههههه اول ماجاء الهدف نقزت من الفرحه لحد السقف وخميت خويي لانه ناقز مثلي وطلعت لحوش الاستراحه اركض ورجعت لهم وعند الباب ضربت اقوى تحيه عسكريه مره على العالم كلها اغلب اللي بالاستراحه ضبااااااااااط طبعا من الدقيقه 78 خرجت اتمشى لحالي وقفلت الجوال |
انا و الله نقزت من الفرحة و قعدت الين انتهت المباراة اقول الحمدلله ان القناص جاب الهدف ولا تنسون العملاق محمد الدعيع اهديله الدوري والله ما قصر الله يعطيه العافيه |
أنا من ناحيتي بصراحة ما فرحت كثير بالهدف لأني أعجبت كثير فيه عشان كذا قمت من الذهول وحطيت يديني الثنتين على راسي "إني مضيع بلنتي" سلام s102s |
.: كنت اتابعها مع الوالد وأخواني <<< طبعا كلناء هلاليين s60s .: ويوم جاء القول تنطيط وصراخ وحمد لله وسجود شكر :yes: .: وقمنا نخم بعض :d |
اما انا يمكن تكون حالتي غير لاني كنت بمجلس كله اتحاديه<< وفيه ثلاثه نصراويه وواحد اهلاوي اللي وقف معي وشجع الزعيم وهم متواعدين معي اننا نطلع برا المدينه << حايل على شان نزعج ونستلج ونفرح المهم كنت على اعصابي وتخيل اني لحالي بوسطهم هلالي والعام ماخذين البطوله من بين جماهيرنا وارضنا وهم داخلين بفرصتين والله الشوط الاول كنت بس ساكت وعلى اعصابي المهم دخل الشوط الثاني وكنت متفائل يوم جاء الهدف جاني كف من واحد اتحادي بس يالله مشيتها له واللي يقول عادي اهم شي ياسر ما سجل الهدف <<ههههههههههههههههههههههههههههههههههههههه يا عمهم وحارق دمهم المهم انا سجدت ورحت اركض على ملابس واحلى سمكه بالمسبح يوم طلعت وهم يضحكوون خربو علي فرحتي قال طلع الهدف لياسر بس تسلل << يالله معقووله والله بغيت انصفر بس رفعت عيني لقيت النتيجه واحد صفر المهم ضحكو وقال اهم شي فضخنا قلبك ياخواف هههههههههههههههههههههه واستمريت اضحك كل هذيك الليله الى هذا اليوم ((الحمد لله يا ربي اني مسلم وسعودي واشجع الزعيم)) |
اول شي سويته سجدت سجود شكر وحمد لله رب العالمين مع دعوه للفوز وبعدها طول الشوط الثاني وانا امشي كأني بالصفا والمروه ومغمضه عيوني خايفه واسترق النظر اذا صرخ المعلق اللهم لك الحمدوالشكر ويظل الزعيم زعيم |
قمت اناقز واصايح بأصوات هستيرية ...بشكل غير طبيعي .. |
رجمت ولد خالي بعلبة مويه (( الهدا)) لأنه كان يتكلم عن ياسر ويقول انه ماراح يسجل ولكن سبق قضاء ربي |
انا ابدن ماصفقت ولا نقزت ولا صارخت ولا حتى ضميت اخوي مادري اختي مادري منو :D <<< من الدوشه ما اذكر ايش سويت بالضبط بس اللي اذكره بعد ما دخل ياسر القووول ما استوعبت الا بعد ما شفت ياسر يفرح ومو مستوعبه شنو السالفه الا بعد ما شفت بابا نط ووصل للغرفه اللي فوق الصاله هع وبعدين قلبت عيوني على التي في اتاكد الا لقيت الكوره في المرمى وتوني استوعب ( صباح الخير :o ) وبعد ما دريت ان ياسرنا سجل قول جلست اصفق وبعدين ما دريت عن نفسي الا جلست اصارخ وانطط :D هع واشوف كائن قدامي واضمه << مادري منو للحين ما عرفت اخوي الصغير اللي بالابتدائي والا اختي الصغيره اللي بالمتوسط :o هع |
انا اذكر انه يوم جاء الهدف كنت على السرير اناظر:surprised::surprised: ماحسيت بنفسي الا وانا على الارض من الفرحه مع اختلال بسيط في الذاكره:upset::upset::upset: |
والله انا كنت في مقهى في جده وكل اللي حولي اتحاديه بس مامنعوني من الفرحه وقمت اناقز من الفرح وهم ميتين من القهر ههههههههههههههههههههههههههههههه |
قبل الهدف بدقيقه كلمني رئيسي المباشر (غثه) يسال عن اخر اوضاع العمل (كانت فيه مشكله) وقعدت اشرح له وانا مندس في غرفه بابها يطل على التلفزيون في المجلس ويوم جاب الهدف الكاسر واسمع الصياح من الشباب و تخمبقت وقمت احوس في الشرح وجبت له سوالف مالها سنع وحس الرجال ان فيه شي وماصدقت انه يقفل ورجعت ابغى اكمل المباراه لقيت واحد من شيابنا (اول مره ماينام بعد العشاء) مسنتر عند الشباب وقعدت اسولف معه استحيت اتابع المباراه واطنشه وانواع الانبراشات في السوالف مع الشايب الي كان في مزاج رايق وانا اشوف بسالة الدعيع وقلبي يقرقع لين انتهت المباراه بعدها راح الشايب مباشره بديت اصيح وادعي للدعيع دعاء ما بعد صار وحمدت ربي على الفوز قسم بالله هذا الي صار معي والحمد لله على الفوز ومبرووووووووووك للجميع |
والله انا كنت اطالع المباراة في البيت في غرفتي... وابوي كان نايم ...... ويوم جاب ياسر الهدف قعدت اصارخ واصيح ....>>>>> اهلي يحسبون اني انهبلت ويجيني ابوي وانواع التسفيل والهواش >>>>> تبون الصدق والله ما كنت ادري وش يقول المهم بعد المباراة قعدت اطامر واصيح >>>>> بالعربي خربتها كل انواع الفرح سويتها يوم ابوي شافني كذا قال والله الرجال ما ينلام ......... الف مبرووووووووووووك الدوري و عقبال كاس الملك |
انا طرت من الفرحة بعد ما انتهت المبارة سجت لله والحمد لله على نعمة |
والله بكيت من الفرحة واخر خمسة دقايق انهار اعصابي ههههههههههههههههههههههههههههههههههه |
انا بصررررراحة ما كنت عند التلفزيون لحظة الهدف كنت جالس أصلح شاهي لكن الشباب قلبوها صياح وخبال وانا بالمطبخ واجيكم طاير للتلفزيون والله موقف مضحك تركت الشاهي وجلست أتابع المباراة حتى العيال يقولون صلح شاهي يمكن يجي هدف ثاني قلت والله لو الموت منيب مصلح شاهي |
يوووووووووه كانت ليلة اعصاااااااااااب .. بس الحمدلله على الفوز ... انا عن نفسي لما اقلق اشرب مويه كثير ... هذيك الليله شربت 7 كاسات مويه تقريبا:) وانا وخواتي ندور في الصاله كاننا قطاوه :) اللهم لك الحمد حتى ترضى ولك الحمد اذا رضيت ولك الحمد بعد الرضا.... |
أنا كنت في المطبخ من قبل ما تبدأ المباراة جالسة أعمل دونات ولما جا الهدف وأنا في المطبخ جالسة أصرررررررررررررخ وأنقز من الفرحة وطلعت عند التلفزيون ويداتي معدوومة وجالسة أحضن أمي وأخواتي وبنات خالاتي وما خلصت من الدونات الا الدقيقة 79 وبعدها جلست أشوف المباراة وأدعي ربي الين خلصت كل البيت قام يصرخ وجلسنا نبكي وغنينا وصفقنا كان مررررررررررررررررة حمااااااااس الله يديم الأفراح الهلالية |
أنا ما صدقت الهدف مدري كيف جاء بس قسم بالله بغت تضيع علينا بس ياحظ من عنده الدعيع<<<<<سوالف آخر الليل |
ماتوقعت إنها تبي تدخل بالمرمــى هذا اول شي :naughty: قمت أناقز وأسوي كذا :clap: :clap: ,, وبعـده جت هجمات الإتحاد الخطيييييييييييييييييييييييييرة اللي ورا بعض :( :( وجلســت أعيــّــــط وأهلي مطلقيـن ( الهبـال ) علي يقولون منتب صاحيـه وش يصيحـكـ تراهم فايزين :d :d ,, وكملت المباراة وأنا واقفـه وبعد ماصفر الأشقراني :d رجعـت أصفق :clap: وأعيــّــط مره ثانيـة ,, بس من جد والله من زمــــــــــــان ماطلعت دموعي على مباراة مثل هذي s60s ,, |
انا صابني جنووووووون جنوووووووووووون ماعمري فرحت بهدف مثل هذا |
مشكوور للموضوع....... الصـراحه يوم سـجل ياسر الهـدف كان عندنا عشاء>>>>> واول مادخله صفرت 15 مره وجالس أنادي فلان فلان وشوي والتفت يساري والى أخوي بصف خامس بجنبي وانا اعطيه >>> مخـمس على كيـف كيـفك s60s.. الي بعدها حزنت عليـه ..... الى وشوي وابوي يجي>>>>>> وبـهدلني بـهدلـه مميـزه مثـل الهـدف>>>>>>:d والله وبـعد البهدله >>>> حرمت أتحمس اذا دخـل هـدف:razz: |
عااااد انــا دورنــــــــي يوم جاب يااسر الهــدف |
طحت غشياااااااااااااااااااااان علي ودمعت عيناي بعد المباراه |
والله كان بجنبي 3 نصراوييين .. ويوم جاء الهدف نقزت نقزه الظاهر اني صدمت الجدار الي فوووق وصرخت صرخه غير عاديه .. وصار النصراويين كل شوي يقولون اقلب خلنا نشوف مباراة النصر والاتفاق الي انهزمووو فيها 3 هههههه يوم شافو ال3 والزعييييم اخذ الدوري جاهم اكتئاب غير عادي اللهم لك الحمد بس |
انا عن نفسي نقزت الين السقف وصحت الين اننقطع صوتي وبعدين نقزت على اختي الي سوت مثلي بعد وبعد بنت أختي الصغيره ضاعت وسط الطوشه وقامت تصيح وتناقز معنا |
انا عبدالله القحطاني كدت اموت من الفرح ارتسمت على وجهي ابتسامة المنتصرين |
قمت اناقز في الشقه من غير رايي وهمن سجدت وقعد اشوف الاب توب وانا واقف والعيال نصراويه ويضحكووون بس اشهد انهم نصراويه رجال كانو يشجعون الهلال معي ياليت جمهور النصر كله زي كذا |
أنا لما سجل ياسر الهدف قمت أنا وخالي من الفرح ندور على السور لا أحد يضحك |
كنت في المدينة المنورة أتفرجها في الفندق وطبعا أنا في البداية سويت زحمة لهم في الفندق أول ما وصلنا يوم الأحد شغلت التلفويون أدوري أي قناة تنقل المباراة حصلت الرياضية بعد كذا ما عجبني الوضع قلت أبي آي آر تي اتصلت على الاستقبال قلت حطو العين وقالوا ما نقدر قلت جيبوها عندكم ساعتين على المباراة وجابوها ورفعت الصوت على الأخير ومسوي ازعاج غير طبيعي في ذاك الدور .. ويجيك الهدف وكان الوالد اتحادي بس غير متعصب وخالي أهلاوي يشجعنا وولد خالتي هلالي وأطير طيران وأدور كل غرف الشقة وأضم ولد خالتي بقوة وأجي أبي أطلع برة الشقة الا الوالد عند الباب في وجه يقول .. انثبر مكانك :D طبعا في الوقت المتبقي الأعصاب منتهية ونبضات القلب مرتفعة لدرجة ان حسيت ان ممكن يصير فيني شئ .. وآه يالدعيع بس .. الحمد لله .. بعد المباراة ضميت ولد خالتي وأغني كل أغاني الهلال الا أعرفها بصوت عالي .. |
والله العظيم أنا كنت في البيت وجالس على أعصابي وعندما سجل ياسر الهدف صحت صيحة قوية جدا وصرت أطامر وأبوس في الأخوان وكل من واجته في المنزل وكان الجميع في فرحة عارمة وصياح عفوي وبعد صافرت النهاينة فاضت عيني غصباً عني وخاصة بعد ما شفت أبو سلطان وياسر وهما متأثران بالفرحة بهذا الفوز 0مبروك لنا وخاصة أنها من أمام الإتحاد فهذا الدين كان يجب رده لهم على أرضهم والحمدلله فقد تحقق 0 |
ااااااه قووول وش اللى ماسووويته 1- طااااامرت لين تفقعن رجووولي 2-سجدت شكرر قدااام كل خالااتي وبناااتهم وعماتي وبناتهم والشعب الكريم >> اااايه انتم ماتعرفوون تاريخ عائلتنا الكريم خخخخ 3 - كنت توني امس رااجعه من المجمع وشاااريه بلوزه مخططه ابض وازرق (( مااتذكر اني شريتها بس فرحت يووم شفتها)) وامسك القلم الخطااط الازرق واشخبط لين ماعااد تفهم شي (( بصورها لكم ان شااء الله)) وشاافتها امي وتعطيني تهزيئه بعنووان (( انتي بقره ولا ماتفهمين )) طلعت هي اللى شرتها ياحبيلها بس من قوو التهزيئه خلالاص قلت العيد الليله 4- بكيت لين دخلت عيوني دااخل شاافتني امي وقااالت (( غريبه ((ابوي)) جايب شغااله من دون مايقوول )) وانا اللى اقووول يمه هذي انا بنتس ماعرفتيني خخخخخخ 5 - اصرخ واستهبل لين ما ابوووي خلاص وصلت معه يووم عطااني ظهره وانا اقووول بصووت خفيف (( الكاس يلمع والعين تدمع )) ويلف ويقووول وش قلتي واقوول ابعد سلامتك الحمد لله والشكر له والله فرحتي لا توصف الين نمت وانا انااقز واصرخ وما انمت الا الساااعه 7 ونص عااد هنا خلاص عييييوني قفلت واخر خمسة دقايق انهار اعصابي الحمد لله وان شاااء الله كااس الملك يله عاااد طولت عليكم |
ههههههههههههههههههههههههههههههههههههه ياحلليكم قسم بالله عليكم مواقف :D بس والله ماتكمل حلاة الموضوع اللي بموقف لمغــــــــــــاط لبى قلبـه :D انا فرحتي تقليديه :D مثل اي مشجع قعدت ارررركض بس مدري وين الوجهه له المهم اني اركض قعدت شوي استوعب رجعت للتلفزيون اكمل بس والله ياااهي مباراة خصوصا بعد الهدف ذبحووني الاتحاديين :( اللهم لك الحمد يارب |
((((((((((((((((((((( كان كالرؤيه في المنام او الحلم ))))))))))))))))))))) ولم استوعب الا بعد مرور ثواني تقريبا:bigeek: فاصبت بشيء غريب بالتمام ذكرني بهدف سامي في مرمى الفريق الشبابي في كاس الملك عام 99 اعتقد |
انا عن نفسي سجدت لله شكرااااااااااااااااااااااااااااااااااااااااا |
والله انا كنت في عزيمه في بيتنا وانا قاعد اصب شاهي وقهوه للعالم اللي في بيتنا يوم سمعت العالن في الملحق يزاعقون واروح ركض للملحق وانا ادعي انه هدف واشوف زحمه في النلحق وادخل وادف واحد قدامي واشوف الشاشه ياسر ساجد واقوم ازاعق واللي في الملحق يناظرون يقولون سلامات المهم صار اللي دفيته في الملحق هو الوالد وقالي احسبك الوحيد اللي مهبول صار كل اللي فيى الملحق مهابيل مثلك المهم الشوط الثاني كله اشوف دقيقه واطلع في الشارع خمس دقايق من الخوف والحماس وادعي واحمد الله لين انتهت ومن بعدها جوالي ماسكت |
انا كنت مجتمعه مع بنات خالي وكلنا هلاليات بس معنا وحده نصراويه (يانا قهرناها قهر)المهم خالي رجل مطوع وطبعا ما رح يخلينا نشوف المباراه بس خلاتا نشوفها بدون تعليق (يعني على الصامت)وبين الشوطين طفى التلفزيون ولا اشتغل الاالدقبقه60يعني بعد عشر دقايق والله اني يوم اشوف النتيجه ماني مصدقه عيوني وكل وحده منا تتلفت في الثانيه وماسكين انفسنا عشان ما نندبج بس شفناها في الاعاده على راحتناالساعه 2والحمدالله على الفوز.. |
| الوقت المعتمد في المنتدى بتوقيت جرينتش +3.
الوقت الان » 02:36 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd