نادي الهلال السعودي - شبكة الزعيم - الموقع الرسمي - تخريفات .. ( كاتب ) .. !! موضوع على النية ..!! ( ادخل ولاتبخل بالدعاء )

صباح / مساء .. الهلال

السلام عليكم ورحمة الله وبركاته ..

تنبيه1 : الي مافيه حيل يقرآ .. يديور .. :smilie47:

قال عنهم بندر ابن محمد ..
(هم هواة تضليل الحقيقة) فهم يعرفون الحقيقة .. ولكنهم يطمسونها .. ويحاولون تضليلها .. بشتى الطرق والسبل والوسائل .. وهم بالتالي لايقبلون بالحقيقة .. فالتشكيك ديدنهم وهذا ماعهدناهـ !!

المهم وبدون مقدمّات .. ورسميات ..

لي صديق نصراوي .. جاني مع الصباح .. للدوام يبي يفطر .. ومعه جريدتهم الاولى ( اكيد عرفتوها ) .. طبعاً مثل (اغلب الاخوان الاشقاء) من نادي النصر .. ألعن شي في حياته ( ان الهلال ياخذ بطولة ) ...!!
وبصراحة .. هذا من ضمن فسيلوجيا المشجع النصراوي ، ان شعور الكره للهلال متعمق داخل كريات الدم في جسمه .. وهذا طبعاً ناتج عن العادات والتقاليد النصراوية المكتسبة على مر العصور والأجيال .. وناتج كذلك عن زعامة الهلال الأبدية إن شاء الله .. وهم في هذا الشعُور بصراحه ( ماينلامون ) .. ولا نقول إلا الحمد لله لك يارب .. اللهم لك الحمد إني هلالي :smilie47:

نرجع لمحور الحديث وهو ( جريدتهم ) .. طبعاً من فاز الهلال ..صديقي الصدوق النصراوي .. مايحب يفتح أي سالفة رياضية .. وانا بصراحه من النوع إلي احمد ربي على الفوز ولا أحب اهايط .. مثل طبايع بعض الاخوان .. واتمنى ان كل الشعب الهلالي يتبع هذا الديدن الحميد .. إلا لاصارت الأمور تتعلق بمحاولة التشكيك او الإساءة للهلال <== (( فيها قبايل ))

ماأطول عليكم ..(( عقب الفطور )) .. خويي جلس على الجهاز يتصفح الانترنت .. وانا اخذت الجريدة .. وسبحان الله شفت في الصفحة الأولى عناوين .. الهدف الاول منها الإساءة للهلال .. ومحاولة ايهام الشارع ان الهلال فريق ( فوضوي .. يعج بالمشاكل ) .. حتى في غمرة افراحه <== والله لو ( النصر ) .. ع غفله :smilie47:

وانا اتنقل من صفحة لصفحة ..(( ولا اشوف فيه اي سبق صحفي او لقاء هادف .. او شي مميز )) .. ماعدا بصراحه شيء واحد لفت إنتباهي ومميز في هالصحيفة .. وهي الاخبار ( الملفقة ) .. والكتّاب .. اللي لو ابصم باصابع ايدي ورجلي .. إني يوم إني بـ رابع ابتدائي .. اقدر إني اكتب موضوع مفيد أكثر منه .. والسبب ( إني ابكتب على النية وبدون تعصب ونوايا سيئة ) ...!!

طبعا .. الرابط المشترك ،، بين كل كتاب صحيفتهم ..!!

1- لملمة اكبر قدر ممكن من حزن جماهير الاصفرين اذا ماحقق زعيم البطولات .. انجاز جديد ..!!
2- تحريف الحقائق بكل حرفنة وإتقان وطبعاً هالفن أجادوا فيه لان اسهل شي على أي جاهل ، النصب !!
3- محاولة الايهام ان فرقهم المفضلة ( افضل من الزعيم ) .. وهذا طبعاً ماراح أتكلم فيه أنا بحكم العاطفة الهلالية .. لكن سأتركه ..لنجوم الزعيم والبطولات في كل المجالات والالعاب فهي اللتي تحكي الواقع الهلالي .. :smilie47:

4- عندما يتعلق اي امر بالهلال .. اليمين عندهم يصير شمال .. والشمال عندهم يصير يمين .. والحق يصير باطل .. و الباطل يصير حق .. ويمكن بعد المسلم يصير كافر .. والكافر يصير مسلم .. مثل ماشاهدنا في حادثة سجود ليلو .. :smilie47: نسال الله العافية ..

ومن هذا المُنطلق .. يجب أن نعلمْ بإن الهلال .. ولتميزه فإنه دائماً .. مُحارب .. من بعض من تحركهم الغرائز الداخلية .. من غيرة وحسد ..!!

وبينما اقلب صفحات تلك الجريدة .. والزهق لاعبن فيني من الاخبار النايمة .. والمقالات .. المتواضعة .. اطيح على ( عميد الكتاب واسطورة المشجعين والاخوان في نادي النصر الاستاد والمحامي .. محمد الدويش ) .. وطبعا كـ مشجع هلالي احترم شخصه الكريم لكني .. احتقر بعض كتاباته اللتي لاتختص بناديه .. ودائماً تنم إما عن جهل وإما عن الفسيلوجيا النصراوية اللتي سبق وذكرناها .. وهي تضليل الحقيقة

يقول .. في مقال اسماه بالثاني الأول <=== لآحظُو العنوان المتعوب عليـه :d

الواقع أن البطولة سرقت من الإتحاد وأهديت للهلال .. << قل قسم .. :)

يقول أيضاَ .. أعتقد أن ماحدث في الدوري لم يحدث من قبل .. وقد لايحدث بعد .. فالدوري بالنسبة للهلال ( تحوّل إلى مباراة واحدة نهائية يإن فاز بها فاز باللقب وهو ماحدث وهذا أسوأ من نظام المربع الذهبي ،، )

وأنا أقول يامحمد يادويش .. الضاهر إنك خرفّت ..(( تخيل لو ان النصر بدآل الهلال )) !! (( اكيد سيصبح هذا النظام افضل من نظام المربع الذهبي وبمراحل )) هذا في قاموسك طبعاً ..!! :)

يرجع الكاتب الرياضي << ايه(( هين)) .. ويقول (( فالفريق الذي حقق البطولة ليس هو الاكثر نقاطاً .. فهناك فريق يساويه بالنقاط ويتفوق عليه بالاهداف ))

وهنا يتضح لنا قمة التنسيم لهالـ ( عجوز القدير ) ! شوفو معي شلون يبي يقنع القاريء الغبي من انصار ناديه .. ان الهلال اغتصب البطولة .. وكلنا يعرف ان الخبر منشور في شهر اغسطس .. في اغلب الجرائد بتعميم لكل الأندية ومن ضمنها ناديه !!

لكن مثل ماقلت لكم .. هالجريدة فيها اشكال واصناف من الناس ( الجهلة ) بالقوانين .. لكن الطريف ( والي خلاني افطس ضحك ) .. وارجع مترين لـ ورآ .. ان الكاتب رجل قانون .. لآ .. واسم الزاوية ( الكلمة هدف ) << (( امحق ))

ويتجلى جهل هالكاتب .. او مثل ماقلنا يمكن ماهوب جاهل بس ( نصراوي يملك شعور اي نصراوي في هذا الكون الفسيح ) .. يوم يقول في آخر المقالـة ..

(( أعرف أن تحديد بطل الدوري في بعض الدول الأوروبية << (( منت بهيّن والله :surprised: )) من خلال لقاءات الفريقين المتعادلين بالنقاط ولكن كـ نظام معلن قبل بدء الدوري وليس قبل نهايته باسبوعين ))

وانا اقول الله يجزاك ويحفضك ويخلي لك عيالك .. يابو دويش .. ترى هالنظام من شهر اغسطس ..!! ومعطين ناديك تعميـم بهالنظام .. يعني والله مأأدري وش اقولك انت كبر أبوي .. بس (( اتق الله في نفسك يارجُل )) .. الكذب والدجل .. حرام :smilie47: وان شاء الله تحقق امنيتك قبل الموت وهي الشهرة .. لكن اشتهر بأمانه .. علشان نشوف فريقكم ينافس الهلال منافسة شريفة .. :)

طبعاً المقال مليء .. بالحقائق المزيفة لكن احلى مافيه .. انه ونسني مع هالصبحية .. وخلاني اضحك شوي واعرف ان ابو حقوي ماأخطا يوم قال ( هلالي قاهرهم ) ..!!

وياليت السالفة فيها كاتب واحد او كاتبين .. الامر يتعدى ذلك .. وانا ابصم بالعشرة ان كل كويتب في تلك الجريدة .. << ينام ويصحوا على حلم الكتابة عن الهلال .. بهدف ( الشهرة ) .. اللتي يسعون إليها .. بسبب عقليات جمهور .. عانى من القحط والجفاف .. طوال سنين عجاف .. فهو مهيأ تماماً .. لاستقبال اي مقال ( فيه اساءة للزعيم ) .. وتمجيد لانجازات .. تخيّل لهُم .. ولأنديتهِم ..

الكويتب ( عادل الملحـِم ْ ) ..!! كاتب لنا مقال .. اسمه ( بطولة منزوعة الدسم ) << قل قسم ؟؟

يقول الكاتب ..

( قد يظن البعض انني اخترت عنوان هذه المقالة لان الفائز في بطولة الدوري لهذا العام فريق الهلال ولو قدر ان فريق غير الهلال حقق هذه البطولة لما كتبت هذه الأسطر ) ...

( الكل يعلم ان العميد البطل غير المتوج ) << قصده النصر (لوحده يعلم) !! بس ماأدري ليه متحمس الله يهديه ..!!

بس فيه كلام (( انا ماأدري هالكاتب .. هو صاحي يوم انه كاتبه !! ))
ولا يحسب (( انه بيدخل تاريخ عظماء الكتآب يوم انه يورينا مهارته في النصب ؟ )) !

يقول طال عمرك .. الكاتب

(( يقول احد العقلاء .. قبل ان نبدا بمراسم الفرح يجب علينا أن نشرح ونعلن لكل من يتابعنا بأننا طبقنا في هذا العام طريقة الأسبان في كيفية تتويج بطل الدوري فنحن لانعترف بطريقة ( الطليان ) اللتي تجبر الفريقين المتعادلين على إقامة مباراة فاصلة .. ولا طرق ( الفرنسين والألمان والأرجنتينين واللذين ) ..{{ على ماأضن }} <<(( اجل على ماتضن ؟ )) .. يتوجون الفريق الأكثر تسجيلاً للاهداف اذا ماتعادلا في النهائي .. بالطبع طريقة الاسبان اللتي طبقناها في هذا الموسم ليست موجودة عند الفراعنة ولا عند المغاربة ولا التوانسة ولا حتى عند دول الخليج المجاورة .. احد الهلاليين استشاط غضبا من كلام العقل والمنطق فوضع جدول الترتيب النهائي للدوري الاسباني قبل موسمين يوضح كيف كان انتهى الدوري الاسباني وبرشلونة هو المتصدر وله من الاهداف ضعف مالدى ريال مدريد ومع ذلك خطف الريال اللقب !! وهل مايجري على ارض الاسبان يجب ان يعتد به ويأخذ به ؟ مرى اخرى طار صاحب المركز الثاني باللقب لأننا اردنا ان نقلد الليقا الاسبانية اتمنى الا يستمر هذا النظام في الموسم المقبل حتى لايذهب جهد فريق سدى ...!!)) .. << خلصت ؟؟

أولاً .. ياكويتبي العزيز .. من العيب ان تناقض نفسك .. فكيف لاتشكك في بطولة الهلال .. وكل مقالتك .. ذم في هذا النظام العادل .. لانه يحمينا من التلاعب باخر المباريات واللتي غالباً يكثر فيها المعدل التهديفي .. !! لهبوط بعض الفرق ..

اول ماأنهيت المقالة عرفت ان هالملحم (( حده هياط بالمنتديات )) ..!!

وانا ابصم بالعشرة لو .. ماسالفة برشلونة هاذي ولا مادرى .. النظام وين هُـو به !!

المصيبة .. ان هالنظام من شهر ماسمعنا أحد يشكك فيه .. الا عندما فاز ( الهلال ) ..!! وهذا دليل على ان مثل هؤلاء هم [ حثالة الصحافة ] << يالبى روحك ياخلف ملفي ..

* ولكن من هم على شاكلتك .. اصبح ديدنهم الاول .. وعملهم اليومي .. ولن ابالغ ان قلت مصدر عيشهم .. ذم الهلال .. وشتم لاعبيه .. وتحريف تاريخه .. وتمجيد نواديكم .. لو بالكذب .. على حساب .. عقول المساكين من الجماهير .. وعلى حساب امانتكم الصحفية .. وأي امانة تلك اللتي .. تجعلك تخفي الحقائق .. لم لم تعترف بان لكل قانون عيوب .. وايجابيات .. وايجابيات هذا النظام . افضل من سلبياته .. كل الدعوات لمن هم على شاكلة هؤلاء .. بالشفااء العاجل ...
ام ان كل قانون .. في عهد تميز الهلال يجب ان يتغير .. الهلال هو هوسكم الدائم .. وسيستمر هذا الهوس .. ونسنستمر في الانجازات .. والفرح .. وسنحاول قدر الامكان .. ان نزيح التعصب الاعمى .. من قلوبنا .. وان نزيد من التنافس الشريف .. وان نكتب بأمانة الحرف .. وصدقه .. وان ندعوا الله ان يسامحنا اذا ماأخطأنأ .. هداك الله واصلحك الباري ..!!

وكما وفق الله فريق الهلال لتحقيق لقبين في هذا الموسم .. سأدعوه ان يشفيك ويشفي بعض العقول المتكتلة بـ قرف خيانة الأمانة الصحفية.. وتضليل الحقيقة ..

تستمر أصداء الفرح الهلالية .. ويستمر التألق والإعداد لـ ثالث الألقاب .. ولكن في الجانب الآخر يستمر ( التشكيك ) .. و ( التحريف ) .. و ( الضحك على الذقون ) .. ولكن بإذن الله .. نحن الجماهير .. وهم اللاعبين .. وتلك إدارتنا .. وذاك مدربنا .. والتتويج ينتضرنا .. بعد توفيق الله .. سبحانه جل في علاه ..

وآسف على الإطالة
اراكم في لقاء الوحدة يازعماااء ..

تنبيه 2 : لاتبخل علينا .. بتعليقك .. :smilie47:

<< مستحي ورده