احيانا وحنا ماشين في الشارع نشوف واحد راكب مايباخ وعلى طول نقول ياحظه من قده . لكن انا اقوله ان ا المايباخ مثل الددسن بالضبط في مدينة الرياض انا اقولكم كيف : اذا المايبخ سريعه فنا اقول لصاحبها لاتفرح رادرات المرور ماتفرق بين ددسن ومايباخ لانها ببساطه راح (تكفشك) اذا تجاوزت السرعه المحدده فكيف تتمتع بالسرعه مع العلم ان احسن شارع للسرعه بالرياض هو طريق المطار. عندها بتشوف خوينا راعي الددسن بجنبك صافق الطبلون . ثانيا : اذاالمايباخ فخمه ومريحه فأنا اقول لصاحبها لاتصدق نفسك أسوأ حركه مروريه في المملكه موجوده في الرياض مع العلم ان اغلب الي يسوقون بنقل وباكستانيه وهنود يا حادينك ياصادمينك ولا مالين الشوارع من الليموزينات الي كل يوم تطلع دفعه جديده مع طلوع (تاجر ) جديد ولا انسا طيب الذكر طريق خريص الي يجيب السرطان مو بس الضغط والسكر . نشوف كل صباح حادث والي يتصادمون فيه عليهم قوة وجوه ماشفتها في حياتي يجيك معطل الاف البشر وراه على شان لمبة سيارته مكسوره ولايتحرك لين يجي المرور العزيز ويقرر من المخطيء .. ولايهون الدايري الشرقي ولا طريق الملك فهد ايضا لاتنسى ياعزيزي صاحب المايباخ ان اكثر شوارع في المملكه تجرى عليها عمليات (قص ولزق ) هي في الرياض كل يوم شايفين حفريات جديده تجلس اقل شي شهر شهرين وبعد مايخلصو ونقول الحمدلله نتفاجأ انهم نسو لمبه لهم كانو حاطينها في الليل داخل الحفره ثم رجعو فتحو الشارع من جديد . بالاضافه لوجود ألاف المطبات الصناعيه والحفر الي تعدم السياره وتخلخل توازنها فأي راحه ترجوها ياصاحب المايباخ يعني المراتب الجلد المتحركه والسقف البانورامي ماراح يغيرو شي . يمكن الددسن اريح على الاقل قماش مخمل وقاسي يحافظ على العمود الفقري ويدعمه. ثالثا اذا على المكيف فلاتنبسط ياراعي الميباخ لأن صيف الرياض غييير ماينفع فيه أي مكيف بالعالم اش الفايده بعد البراد المنعش بعد ماتفتح الباب بتستقبلك ريا ح السموم الي تشلوط مسامات وجهك وتعمل منه احجار ركاميه بفعل رياح التعريه .يمكن مكيف الددسن احسن لأن تعبية الفريون ب 40 ريال وأحلى انتعاش من مكيف الددسن واسألو خبير .رابعا اذا على الشكل الخارجي فاأنا اقول لصاحب المايباخ . لاتغتر واجد ترى كأنها فياقرا وراشينها بلونين على الاقل الددسن لون واحد واااااه على ال GL حمضيات على العصر وفرفره على ملعب حارتنا خامسا : ......عرفتو ليش الحين المايباخ في الرياض مثل الدستن باااااااااااااااااااااي