بالله وش اصـــل السعوديــــن >> ممكن جوااااااب - نادي الهلال السعودي - شبكة الزعيم

هلالية بنت هلالي,, · #1 29/04/2008, 11:21 PM

الســـلام عليـــــــــكم ..

وش اخبـــــــــاركم ؟؟

ان شــــاء الله تمـــــــــام ..

بصــراحــــــــــــه فيــه شيء محتـــــــــارين فيـــه انــــــا وصديقتي وابغــــــــاكم تعلمووووني الحقيقه!!>> وحدهـ مصدقه استاذتها

امس الله يسلمكم في حصة التـــــــاريخ كــان درسنا عن دول مجلس التعــــــاون المهم والاستاذه مندمجه مع الشرح قاعده تقولنـــــــا احنــا يالسعودين اجدادنــا(بــــــدو ) وتكمل شرحها بعدها قالت وتشتهر دول الخليج بصيد الاسمــاك واستخراج الؤلؤ(حشى صار جغرافيا لكن معليه) فكلنا نعرف اول اجدادنــا( البحاره ) كيف كانوا يستخرجون الؤلؤ بالغوص ؟!!!!

التفت على صديقتي وقلتلها بالله احنـــــــــا وش اصلنا بدو والا بحــــــــاره؟؟

قالت ماادري !!

واطرح عليكم يالاعضاء نفس السؤال احنا بدو والا بحاره!!؟؟

ــــــــــــــــــــــــــــــــــــــــــــــــــــــــ

وبعد هذي سالفه ثانيه لها مالها دخل بالاولى لكن يله خل اوسع صدوركم !!

اليووووم الله يسلمهــا قالت لنــا نفس الاستاذه من اول رئيس وزراء لدول الخليج ؟؟

قلنــا الملك فهد (الله يرحمه) قالت خطأ !!

قلنــا (الامير سلطان ) قالت خطأ !!

عاد عطتنا محاضرة (هذا كبركم وماتعرفون اول رئيس للوزراء وش لون بتختبرون قدرات او ماتبون تدخلون الجامعه !)

قلنالها مانبي ندخل الجامعه

وعاد قالت مادامكم ماعرفتوه خلاص بكرة تجيبونه لي وعليه درجتين نشاط !!!

اليوووم بنات ابو دفره جابوا لها الجواب ! طبعاً انــا والمصونه صديقتي ماجبنا >> مب شيء غريب كالعاده المعتاده

قلنا لها علمينا الجواب مدام البنات جابوه قالت لاااااا مااعلمك ابحثوا عنـــه !!

قلت انــــــا لا لا تكفين نبغى نعرفه !!

..>>اتطنز

وبس \\

بس اهم شيء جااااوبوا ع السؤال الاول

اختكم / هلالية بنت هلالي,,

بنت عبد العزيز @ · #2 29/04/2008, 11:36 PM

خخخخخخخخخخخخخخخخخخخخخخخخخ

والله سؤل محير

بس الي اعرفه العرب كلهم اصلهم من اليمن !

بعدين عاد توزعوا

يعني السعوديين الحين اتوقع اصولهم القديمه متنوعه بعد اليمن طبعا
وحتى كل الوطن العربي

يعني مثلن العنوز اصلهم من الشمال ( الشام و عرعر )
و كذا يعني على حسب القبايل

اما بدو و بحاره هذي ما اتوقع يعني فيه بس مو كلهم زي بعض يعني فيه احد منهم بدو وفيه احد اصلهم بحاره وفيه احد مب بدو و احد مب بحاره وكذا

اتمنى اكون افدتك واذا فيه خطا في المعلومات اعذريني

.
.
.
بنت عبدالعزيز

الهلال عشق لاينتهي ! · #3 29/04/2008, 11:37 PM

والله اني دخلت على قوووووووووقل وماطلع لي شئ
اسفه اختي لاني ماعرفته
تقبلي تحياتي
اختك

هلالية بنت هلالي,, · #4 29/04/2008, 11:46 PM

إقتباس

الرسالة الأصلية كتبت بواسطة الهلال عشق لاينتهي !


	والله اني دخلت على قوووووووووقل وماطلع لي شئ اسفه اختي لاني ماعرفته تقبلي تحياتي اختك

يحليك

انا بس كنت بقوووولكم عن هالاستـــــــاذه يعني شيء غريب مره بدو ومره بحااااره بس

الهلالي الثقفي · #5 30/04/2008, 12:04 AM

هلا و الغلا

بالنسبة لأصل السعوديين حامل الجنسية السعودية ممكن يكون عربي أصلي أو متجنس

و كلمة ( سعودي ) يعني يخضع لحكم آل سعود سواء كان بدوي أو بحارة أو كستنائي ههههههههه

و كل قبيلة أو عائلة تعود لأصلها الأول بما فيهم آل سعود نفسهم ( من قبيلة عنزة من وائل )

أما بالنسبة لأول وزير لمجلس التعاون

فالمعروف إنها أمانة عامة و ليست وزارة و أول أمين عام هو عبد الله بشاره

إن شاء الله أفدتك

Al Suwalih 9 · #6 30/04/2008, 01:44 AM

إقتباس

الرسالة الأصلية كتبت بواسطة الهلالي الثقفي


	و كل قبيلة أو عائلة تعود لأصلها الأول بما فيهم آل سعود نفسهم ( من قبيلة عنزة من وائل )

غلطان

حنا بكر بن وائل من عنزة ولا نرجع لعنزة نفسه لكن انتسبنا اليه فقط لتداخل القبائل ببعضها

اخوك سامي التويجري

بريماكس · #7 30/04/2008, 02:29 AM

^^^^
وش عنده عبدالله بن عبار

ياعزيزي التواجر من عنزه وانت اسمحلي اقولك ماعندك سالفه

واذا تعرف احد معه شجرة قبيلة عنزه تشوف التواجر ومعهم ال سعود
وكلاهما يرجعون لعنزه

وللمعلوميه التواجر مكتوبين التواجره

اجل تداخلت هاه خخخخخخخخخخخخخخخخخخخ

عالعموم اذا شفتك ابهديك شئ يثبت لكلامي

اما البدو فالجميع بدو واللي ماله اول ماله تالي !!!
البعض تحضر والاخر لازال يسكن بالبدايه وهكذا ..
اما اول سوالك فصراحه مابي اوهقك خرااااص لاني مابعرفش

سلامو عليكم ،

LBa your heart · #8 30/04/2008, 02:52 AM

^
^
ياحلوين هي تسأل تقول السعوديين اصلهم بدو ولا بحاره؟ ومن زين السؤال بعد

ماجابت طاري عنزه

جمسml7oos · #9 30/04/2008, 02:57 AM

اصل العرب من اليمن

بعدين وش دخل العنوز يالسالفه

الي اعرف ان ال سعود يرجعون عنوز

والتويجري بعد

هامور البورصه · #10 30/04/2008, 07:42 AM

انا اصلي ارتيري

متجنس سعوودي

الله يرحم المواضيع خخخخخخخخخخخخخخخخخخـ

عاشق الزعيم من اليمن · #11 30/04/2008, 09:25 AM

ترا أصلكم كل أبوكم من ديرتي <<<<<<<<<<< أبو يمن قام يهايط

يعني كلمكم أبو يـــــــــــمن

وأي واحد ينكر إن أصله من اليمن فهو ليس عربي ولا فيه عرق عربي

شكراً

Hilali88 · #12 30/04/2008, 09:28 AM

السعوديين إذا نزل المطر يطلعون من الأرض مثل الفقع

هذا سوعال أختي هلالية الله يهديك بس

العرب يرجعون إلى قحطان و عدنان

ورده

Al Suwalih 9 · #13 30/04/2008, 09:30 AM

ردي كان على رد احد الاخوة قال عنزة من وائل والصحيح بكر بن وائل من عنزة وفرق بين اقول مو من عنزة وانكاري للقبيلة وفرق بين اقول اننا لانرجع لعنزة الشخص لأن احفاده اليوم يسمون بالعنزي

إقتباس

الرسالة الأصلية كتبت بواسطة بريماكس!!


	^^^^ وش عنده عبدالله بن عبار ياعزيزي التواجر من عنزه وانت اسمحلي اقولك ماعندك سالفه واذا تعرف احد معه شجرة قبيلة عنزه تشوف التواجر ومعهم ال سعود وكلاهما يرجعون لعنزه وللمعلوميه التواجر مكتوبين التواجره اجل تداخلت هاه خخخخخخخخخخخخخخخخخخخ عالعموم اذا شفتك ابهديك شئ يثبت لكلامي اما البدو فالجميع بدو واللي ماله اول ماله تالي !!! البعض تحضر والاخر لازال يسكن بالبدايه وهكذا .. اما اول سوالك فصراحه مابي اوهقك خرااااص لاني مابعرفش سلامو عليكم ،

يا بريماكس يا ولد عمي ما قلت اننا مو من عنزة قلت بكر بن وائل من عنزة وركز في كلمة من عنزة

المتعه 9 الجابريه · #14 30/04/2008, 09:55 AM

العرب نوعان عاربه ومستعربه العاربه هم قحطان والمستعربه هم عدنان وعدنان احد ذرية اسماعيل وقبيلة تميم على سبيل المثال ترجع الى عدنان وهم عرب ولكن ليسوا من اليمن

A B B O D · #15 30/04/2008, 02:11 PM

بالله الموضوع نسيت وش عنه ..

عنزه والتويجري وآل سعود ..

ولا من أول رئيس لدول مجلس التعاون ..

الله يديم نعمة العقل بس ..