يوميات موظف 905 كان الموظف مرهق ومزاجه مش ولابد وخصوصا والمايك معلق على رأسه و هو يستقبل مكالمات المشتركين: المكالمه الاولى : شايب كبير السن الموظف : الو ..استعلامات الدليل محمد الــ......, مرحبا المواطن : الو .. ممكن لو سمحت تعطيني رقم عبدالله فهد سعد الموظف : وين ساكن اخوي لو سمحت المواطن : ساكن هنا قريب منا . الموظف : وين قريب منكم بالظبط . المواطن : ياخوي هنا جمبنا جارنا ماتعرفون رقمه . الموظف : ياعزيزي انا مادري انت وين بعد . المواطن : اقول والله ماعندك ماعند جدتي بس . طوط طوط انقطع الخط . المكالمه الثانيه : صوت ناعم الموظف : الو ..استعلامات الدليل محمد الــ......, مرحبا الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم تعطوني اياه الموظف : اي فرع تبغون رقمه . الصوت الناعم : تدري ايش فيه فرع النسيم بايخ لآن البيتزا حقتهم توصل بارده .. وبعدين شكلها خبز تميس . الموظف : بيموت من الضحك بس ساكت ... طيب خوذي فرع العليا اجل الصوت الناعم : ياخي ليه ماتضحك .. لايكون انت صاحب بيتزا هت ..مالت عليكم وعلى دمك . طوط طوط انقطع الخط. . المكالمه الثالثه : طفل يرفع الضغط الموظف : الو ..استعلامات الدليل محمد الــ......, مرحبا الطفل : الووووووو عطني رقم وشسمه ..هذا..وشسمه ياربي .. ايه ... حمود بادي فرج الموظف : طيب خذ رقمه ؟؟؟؟؟؟؟؟؟؟ الطفل : لحظه ابي رقم ثاني بعد . ابي رقم هذا وشسمه ... مانع فالح سامي الموظف : طيب خذ رقمه ؟؟؟؟؟؟؟ ( مع انه ممنوع اكثر من اسم في مكالمه واحده ) الطفل : طيب ابي واحد ثاني هذا رقم ابو نادر عمي سعد . الموظف : اتصل مره ثانيه لانه ممنوع اكثر من رقم في اتصال واحد . الطفل : اقول وجع .. يوجع بطنك (الفا ظ قبيحه).. ترى مالك فضل ... انا ماكلمك مجاني اكلم بريالي . الموظف : يخرج من طوره ( اقول اسمع ............. طوط طوط قفل الخط . المكالمه الرابعه : كانت صوت ناعم الموظف : الو ..استعلامات الدليل محمد الــ......, مرحبا الصوت الناعم : عوافي اخوي . الموظف : الله يعافيكم يارب ........ ( اول مره احد يعطيه روح معنويه) الصوت الناعم : لا انا قصدي ابغى مطعم عوافي اللي في العليا . الموظف : طيب خوذي الرقم ؟؟؟؟؟؟؟؟؟؟؟؟؟ المكالمه الخامسه : كانت صوت ناعم اوي الموظف : الو ..استعلامات الدليل محمد الــ......, مرحبا الصوت الناعم : مرحبا اخوي ممكن تعطيني مستشفى العيون للولاده . الموظف : كيف ..؟؟؟؟؟ الصوت الناعم : مستشفى العيون للولاده .. تسمع يا اصقه . الموظف : يبي يصرفها المكالمه مسجله طبعا ( هذا رقمه غير معلن ) . الصوت الناعم : طيب ظف وجهك . طوط طوط انقطع الخط . المكالمه السادسه : كان صوت ناعم.. بنت الموظف : الو ..استعلامات الدليل محمد الــ......, مرحبا الصوت الناعم : هلا اخوي ممكن تعطيني رقم صيدلية السقاف الموظف : تفضلي الرقم ؟؟؟؟؟؟؟؟؟ الصوت الناعم : لا لا لا هذا رقم صيدلية السقاف اللي في الروضه الموظف : طيب ايش فيها . الصوت الناعم : ماهي زينه ... مايبيعون الا فقس .. طوط طوط انقطع الخط . المكالمه السابعه : كانت فتاه ايضا الموظف : الو ..استعلامات الدليل محمد الــ......, مرحبا الف تاه : عيوني. الموظف : بلا هالكلام ايش تبغين ...............(عشان المكالمه مراقبه). الفتاه : لا انا ابي محل عيوني للعدسات والنظارات اللي في التحليه . الموظف : ايش اسمه عيوني. الفتاه : لا مو عيونك عيوني انا ياعيوني . الموظف : خوذي رقمه الفتاه : طيب شكرا لعيونك اللي كنها عيون بقره ...ههههههههههههههه عندها بنات يضحكون . الموظف طلع وترك الدوام .وراح يشرب عصير ليمون . |
والله حاله يرثى لها ,,,,,, ومساكين حقين 902/905 أنواع الأزعاج والأهانات ..... |
الله يعينهم . اخوك المنسجم |
موضف905 هههههههههههههههههههههههههههههههههههه كهههههههههههههههههههههههكه حلوه ياحلو |
ههههههههههههههههههههههههههههههه |
خلهم يعبرون عن شعورهم،، طبعاًكلكم تعرفون شركة الاتصالات ،، بس ياخي وش ذنب محمد ال...... مشكور أخوي،،0 |
الله يكون بعونهم . |
ههههههههههههههههههههه هلا والله...بعمر... رووووووووووووووووعة الله يعطيك العافية... بس والله مسكين محمد ال... مدري اشلون صابر... الله يعينه.. ويسلموووووووووووووو اناملك اخوي... اختك: جورية الهلال... |
والله المفروض يصرفون لهم بدل راتب اسمه بدل تهزئ:D الله يعطيك العافيه بس ابسألك سؤال:أنت محمد حق 905؟؟؟؟ أمزح معك :D |
والله حاله.......................................................... ماصارت ذي |
يعطيك العافيه |
مسكين هالمحمد يومياته ترفع الضغط .... انصحه يشتري كرتون برتقال...وكرتون فاصوليا...وعلبه عسل... ومشكور على هالموضوع المسكت. |
الوقت المعتمد في المنتدى بتوقيت جرينتش +3.
الوقت الان » 04:41 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd