@@ .. تذكــرة مباراة الهـلال × الإتحـاد ..@@ (( صورهـ )) - نادي الهلال السعودي - شبكة الزعيم

محامي الفيلسوف15 · #1 12/04/2008, 01:33 PM

شخباركم طيبين عساكم بخير

طبعا شفتوا التذاكر .. تراها درجة ممتازهـ

...

أول شي بقولكم قصة هالتذكره .. حطيت الرحال في مدينة جدهـ الساعه 10 الصباح << -- لاتدققون

.. وأول ماوصلت قلت لخوي تركي

اللي الله يجزاه خير استقبلني وعيونه مغمصه وضاحك علي يقول ترا مافيني نوم

المهم قلتله توجه على نادي الاتحاد خل نشوف التذاكر لان بيعها يبدأ 10 الصباح .. رحنا لنادي الاتحاد قالوا مافي الا درجة عادية ..

عاد أنا وتركي ماسكه غلط يانتفرجها بالبيت أو درجة ممتازه .. بيني وبينكم ملعب جده مايجمل درجة عاديه .. لاتحسبونه مثل استاد الملك فهد

تراه صبه وتتزاحم بوسط هالاتحاديين عاد والله مشكله ..

رحنا لاستاد عبدالله الفيصل قالوا مافي الا درجة عاديه بعد

قلت خيييييييييييير وين المنصه والممتازه .. قالوا شايلينها ادارة نادي الهلال والاتحاد .. قلتله تذاكر المنصه 1500 تذكره والممتازه 2000 يعني 3500 تذكره كلها لادراة الناديين !!

والله لو تجمع اداراة اندية الممملكه كلها على الدرجة الاولى والثانيه ودوري الصعود مع عيالهم وبزارينهم واللي يعزون عليهم انهم مايخلصونها ..

المهم رقعها النصراوي << مسؤول شركة صله

قال يمكن تجينا بعد الظهر .. قلنا طيب طيب ننتظر وش ورانا .. كله عشان الزعيم يهووووووون ..

رحنا انا وتركي للسكيورتي حق البوابه .. شرحناله القصة .. قال ماعليكم عندهم بس شوي ويطلعونها اقعدوا على قلوبهم انتم بس ..

المهم فرجت وناداني النصراوي قال تعال ياللي صاجنا من اول جتنا التذاكر .. قلت ايه رقعها والله انك مطلعها من الدرج قال جتنا قال .. (( للحين أحاول أفسر السبب انه يقول مافي تذاكر عجزت ياعالم ))

بس بيني وبينكم النصراوي يدعي من قلب يقول ياااارب الهلال

ملاحظـه: وانا اقص تذكره في مطار الرياض كان في واحد قدامي ماسك صف شكله مو غريب علي .. المهم قعدت أدقق فيه نص ساعه لين ما اكتشفت انه الطبيب النفسي اللي استعان فيه الهلال يوم نهائي الاتفاق .. المهم أثاريه ماسك صف لنائب الرئيس عبدالرحمن النمر

اللي ما أدري الا وهو طامر قدامي قالي معليش .. قلت ياشيخ لو تبي اعطيك تذكرتي بس يرحم والدينكم الدوري ترا والله نهائي العام واقف بحلقي .. قالي ماعليك أهم شي دعواتكم والحضور .. قلت ابشر يادحومي ماطلبت شي << إيه هين

..

هذا الكلام كان الساعه حوالي الساعه 6 ونص الصباح ولما سألته ليش طالع قبل الاعبين .. قال عشان الفندق والترتيبات .. وكان معه بالرحله واحد يشبهله شكله أخوه مدري مين

والطبيب النفسي ..

المهم دعواتكم ياشباب .. وكل الجماهير اللي بالمنطقه الغربيه لازم تحضر وتساند ..

في أمان الله

ترا في عضو بشبكة الهلال لطش الموضوع والله يهديه ماكتب انه ناقله .. للاحاطه فقط ..

SALEHYA · #2 12/04/2008, 01:39 PM

يعطيك العافيه حبيب قلبي محامي
الله يوفقكم بالحضور والمؤازرة
اللهم يارحمن يارحيم تكون بطولة الدوري من نصيب الزعيم

راعي البعارين · #3 12/04/2008, 01:44 PM

بالتوفيق ان شاء الله

للموج الازرقى وان شاء الله ترجع للرياض مبسوط

ابو نانسي الهلالي · #4 12/04/2008, 01:44 PM

الحمد الله على السلامه

ومبروووووك عليك التذكره اللي اطلعت بالغصب

وان شاء الله ما راح ترجع وانت خسران

0الساحر القناص2 · #5 12/04/2008, 01:45 PM

يا سلام عليك يابطل كان عاد شبكت واحد من اللي شفتهم ترا مو عيب

мя.ħάίţħάм · #6 12/04/2008, 01:46 PM

مشكووووووووووووووووووووور

يعطييييييييييييييييييييييييييييييييييييك

العافية

بس احرص تحضر مبكر عشان تلقى مكان

راكان _20_ · #7 12/04/2008, 01:50 PM

الله يعطيك العافيه على الصور الروعة

و بالتوفيق للزعيم و يا ليت رحتوا مع عبدالرحمن علشان يعطيكم التذاكر ....

jEd_snake · #8 12/04/2008, 01:54 PM

حبيبي محامي الفيلسوف .. انا الحين طيران على الملعب وباخذلي تذكرة
رحت قبل الظهر ماعطوني .. يقولون سحبت مثل ماقلت .. لكن بوريك فيه بـ خش في عينه

شف ايش صار معاي

التذاكر بدأت تنفذ والــ .... تم سحبها من إدارة النادي

يارب ياكريم انك توفق الهلال وتجعل الفوز من نصيبة في مباراة الغد

>>الكاســر<< · #9 12/04/2008, 02:09 PM

أووووووووووووووه لذيــــــــــــــــــــــذ شكلهــــــــــا
ماشالله لااله الا الله
ويارب ماترجع الا وأنت رااابح<<صقر

Nasssser · #10 12/04/2008, 02:25 PM

الحمد الله على السلامه

ومبروووووك عليك التذكره اللي اطلعت بالغصب

وان شاء الله ما راح ترجع وانت خسران

ولـد حـايـل · #11 12/04/2008, 02:34 PM

يعطيك ربي الف عافية ..

بإذن الله تروح و ترجع بـ السلامة ,,

ولد هـلالي قـديم · #12 12/04/2008, 02:43 PM

بالتوفيق للزعيم غدا

...........................................................

azoze996 · #13 12/04/2008, 02:45 PM

الحمد الله على السلامه

ومبروووووك عليك التذكره اللي اطلعت بالغصب

وان شاء الله ما راح ترجع وانت خسران

هلالي جدهـ · #14 12/04/2008, 02:54 PM

كفوووووووو والله بالذيب .. ..

اجل ان شاء الله بقابلك ترا معاي الممتازة نفس اللي معاك اخذتها الساعه 12 الظهر .. .. وع فكره المطوع اللي يوزع التذاكر وربي نصرواي

سئلهـ واحد من الشباب وقال نصرواي .. ..

وبــاذن الله ما ترجع خـآيب .. .. واذا احتجت شي بجدهـ آمـــــــــرررني ولا يردك الا رسـآ’لهـ خآصه يا بعد رأســي انت .. ..

الأزرق الخلاب · #15 12/04/2008, 03:00 PM

خخخخخخخخخخخخخخ ,, كفو ياذيبان ..

والله يوفق زعيمنا , وبإذن الله لن تخرجون خائبين من الملعبــ .. ..