|
النصر زعيم الكرة السعودية ب64 بطولة ,,, النصر الزعيم وليس الهلال .. والنصر 64 بطولة .. والهلال 37 بطولة .. النصر 19 بطولة معروفة وال45 الباقية المعروفة أيضا هي الفوز على الهلال .. أنظروا حتى الآن يحتفلون بالفوز على الهلال وهذا من حقهم لأن الفوز على الهلال بطولة .. حتى البطولات التي خطفوها من الهلال وهي قليلة جدا كان الفوز بالبطولة الواحدة كبطولتين .. الهلال سيظل الزعيم في نظر الكثير والمحايدين والنصر أيضا سيظل الزعيم في نظر الكثير من النصراويين وعلى رأسهم عبدالرحمن بن سعود .. وب64 بطولة .. تحياتي للجميع .. والسلام خير الختام .. أخوكم بندر ,,, |
لا تنسى الدورات الرمضانية والحواري |
من حقهم فهم فازوا على الزعيم و هي بحق بطولة تسجل لهم |
أولأ آآآآآآسف على التأخير .. ومبروك كاس آسيا لكل الهلاليين .. شكرا فيجو شكرا الزعيم الأبن ,,, |
صح ... نعم بطولاتهم فوزهم على الهلال .. وأعتقد هذي أغلى وأهم البطولات في تاريخهم .. وبيني وبينك ماينلامون .. الفوز على الزعيم بطوله |
دش وشوف طريقة تشجيع البنات للكره ...ابي رايكم صراحة أعجبتني فكرة التشجيع النسائي في الملعب...وتخيلت إن مظاهراتي جابت نتيجة ووافقوا يحطون في الملعب قسم نسائي... أقلعوا معي وتخيلوا..... هلالية ونصراوية يتهاوشون..النصراوية تقول: تكفين من زينكم أنتم وبطولاتكم ولاعبينكم عشان تحطون راسكم براس العالمي؟؟؟؟ الهلالية: وع على لاعبينكم القواطي مالت عليهم...ما عندكم صاحي إلا صايب وبدا يخرب بعد...بعدين لو فيك خير ما لبستي عباية كتف أم تهاوش بنتها المراهقة: وجع إن شاء الله تغطي...شوفي هذاك من اليوم يناظرك...ترى والله لأعلم أبوك عليك..... وحدة عربجيةتصايح: يا حارثي يالنذل...لا تكسّر سامي حسبي الله عليك بلا... وحدة تبكي قلبها متقطع وأختها تقول: خلاص يا بنت الحلال... قسم بالله التيماوي إصابته بسيطة...شوفيه بيرجع للملعب مرة ثانية.. حرمة كبيرة: الله يهديه أبو عبدالله ما لقى يعزم إلا اليوم..خليت الجريش على الفرن والله يستر ما يحترق... وحدة دلوعة: لو سمحتي معك كريم واقي من الشمس؟ ما لقيت كريمي وحدة فاضية: ما شفتوا عدستي الرمادية؟ طاحت الله ياخذها... وحدة ثانية فاضية: من يعرف طريقة محشي ورق العنب؟ عجزت أضبطه وحدة تزعّق من الهجمة اللي ضاعت واللي وراها ناشبة بحلقها: "لو سمحتي..لو سمحتي..وش اسم عطرك؟"...طرااااخ صوت كف متعوب عليه هلالية ونصراوية يتضاربون والهلالية تصايح: آي آي كسرتي ظفري الله ياخذ عمرك.....يا عسكرييييييييي.... وحدة بريئة: يا حبي لك يا شلهوب ياصغيرور... وحدة ما تدري وين المباراة معه: أحلى على الطول يا مفرج... وحدة مسوّية نفسها فاهمة: يوردانيسكوووووو...طلّع النزهان ودخّل بداله سيرجيو (سيرجيو يلعب من البداية) وقدّم خميس قدام...ونزّل أبو يعقوب الله يقلعك...... وحدة تسأل اللي جنبها: من أحلى عندك السلومي والا حسن والا أحمد ضاري؟ الثانية ردت : تركي العواد.... وحدة تراقب الفاول ويدها على قلبها واللي جنبها تقول: البارح رحت العقارية..بس ما لقيت شي حلو الله يقطعهم...عبايتك مشتريتها من سيدتي الجميلة؟؟؟؟؟؟؟ ( والثانية معطيتها أشكل ) هذي بعض الهتافات والأحاديث الجانبية النسائية في الملعب كما تخيلتها!!! |
مالنا ومالهم مفروض نتركهم ونهتم بزعيمنا وبس . |
شكرا لكل من رد على هذا الموضوع .. الشكر لك يامحب والشكر لك يالسلطانة والشكر لك ياأسير .. تحياتي للجميع ,,, |
فعلا الفوز على الزعيم بطوله بحد ذاتها |
:D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D |
آه وأنا أقول ليش مرشحينه لفريق القرن . |
يا سلطانه المفروض تخلين هالرد موضوع لانه غر طبيعي ياسلطانه والف مبروك |
السلام عليكم كيفك انشاء الله بخير وصحه وسلامه ايه هم صادقين ليه انتو عليهم الحين [gl]وربي ايه 64 كأس جبن ابو ولد عشانه من الرخيص [/gl] :D :D :D :D وربي انتي يا السلطانه بطرانه من جد احسن شي قلتي عن هذيك اللى تقول احلى المفرج على الطووووووووووووووول :D :D [mover]_+*^*+_+*^*+_+*^*+_+*^*_+*^*+_+*^*+_+_*^*+_+*^*+_+*^*+_+*^*+_+*^*+_+*^*_+*^*+_[/mover] <==========<<< متأثر بالملعب من كثر مايطامر مع الامواج الهلاليه لووووووووووووووووووووووووووووووووووول خالص تمنياتي لكم بالتوفيق مع الف سلامه الوافــــي ;) |
لا صدقني الفوز على الهلال بالنسبه لهم انجاز عالمي يعني بطولتين( 2 كراون فيكتوريا) ههههههههههههه |
بصراحه ياشباب النصراويين اجتمعوا وفكرو وقالو اذا عمنا الزعيم جايب 36 بطوله وحنا جايبين 19 ولنا سبع سنين ماجبنا بطوله يعني بحسبه بسيطه اذا قلنا اننا بنجيب بطوله كل سنه يبي لنا 17 سنه عشان نلحق الزعيم واذا استمر الحال مثل ماهو عليه وصرنا نجيب بطوله كل سبع سنين بحسبه بسيطه تصير 7سنين*17بطوله=119سنه -والعياذ بالله تحمدو ربكم- عشان كذا قالو مالنا الا نحسب بطوله عبدالله بن ناصر الرمضانيه وبطوله الشهداء وبطوله فلسطين وبطوله رزابو كاس وطبعا البطوله الاهم وهي الفوز على الزعيم..خلاصه القول شباب..تحمدو ربكم بس على البطولات وكما قال الشاعر:عندك بطوله مستعصيه؟؟اتصل بنادي الهلال 4312222 |
| الوقت المعتمد في المنتدى بتوقيت جرينتش +3.
الوقت الان » 05:25 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd