أقسم بالله لو أحد ينفخ على فيصل عبدالهادي !! وإلا يتكلم عليه !! وإلا يحاول يزعله !! وإلا يرّد على تصاريحه !! وإلا يقول له ( أأ ) !! إن يصير شي !! ما صار ولا استوى !!
أمش فصّولي ما عليك منهم !!
خذ هذا جدول الموسم الجاي .. وهذي علبة ألوان "أم ريحة" .. ههههههههه أعرفك تحب الشخاميط يالشقي يالدب !! وتحب (تشّم) كل شي !! نبي (إثارة) وحماس !! نبيك تكرف أم الفرق كرف !! هاه فصولي؟!
لعبّهم " شجرة نملة " !! وشفنا شارين لك (فرجال) موب تحك به (خشمك عشان تعطس) ترانا نعرفك تموت على هالحركة !! لذلك لا تسويها " عند أحد" إذا صرت بلحالك .. فهو خشمك وأنت حر فيه !! ترانا شارينه لك نبيك بلمساتك "الهندسية" تلعب بحسبة أم أم الجدول !! وراك تناظرنا كذا ؟!
أها فهمت قصدك !! ههههههه يا أخي والله إنك شقي !! يالله شغلوا لفصولي أغنية (شخبط شخابيط .. لخبط لخابيط ......)
ويالله فصوّلي غمّض معي لك مفاجأة !! أنا أقول (غمّض) ما قلت " حاول تعطس" !!
( دددددددددددي ) !! هذا مفتاح (كابرس صابونة) .. صح إنها (مستعملة ) لكن إذا شدّيت حيلك طقيـّنا لك جديدة .. وتراها (مظللة كاتم ) ..وأبيك (تشيل التظليلة ) !! نبي بجاحة !! فإذا جيت تروح ( تعدّل جدول لأحد ) !! وإلا تبي تقلط عند (رئيس نادي ) أبد دق سلف ولا يردك إلا " عتبة بابه " !!
أي صح قبل لا أنسى .. هذا كتاب ( كيف تتعلم الإنجليزية ) في أسبوع !! وشفني "شاطب على كلمة "أسبوع" وكاتب بدالها " على السعة " !! ولا تحسبني أشكك في إمكانياتك !! أنا خابرك (طير برّ) !!
ولا تفهمني غلط وتحسبني ألمّح (لخطابات الفيفا) اللي أنت جايب فيهن العيد !! وشفني مرسل (أحمد عيد) يشتري لك "مترجم أطلس اللي يحتسي" وشاشة لمس اللي يجي معها (قلم) !! عاد بتحك فيه خشمّك حكـّه .. ما علي منك !!
معك "خمسين ريال" وإلا ما معك ؟! إذا فضيت مرّ (الخطاط) اللي بآخر الشارع .. شفنا طالبين منه "ثلاث لوحات" كاتبين عليهن ( لا لـليزر) ( لا للشيشة ) ( لا للمطاقـّات) !!
ولزقوا لكم في كل ملعب وحده .. عشان نقضي على هالظاهرة الخطرة !! ونرّد على المشككين !!
وإلا تدري وشلون؟! .. (بلا مشككين بلا زيت فرامل ) .. أشتر لنا (صبّـة) من البوفيه اللي وراء "الخطاط" .. وانتبه يحط لي " بيدجان"
ترا أبوقفك مباريتين منفصلتين خخخخخخخخ !! يالله رح !!
لا قبل لا تروح !! خذ هالمفتاح !! طبعا هذا مفتاح الكيلون اللي بين (المنصة) والملعب !! .. لأن وضعك ذاك اليوم ما اعجبني !! ( أمين ورزّة وهيبة ) و قاعد (تصّوت للسيكيورتي) يفتحون لك !! هزلت !! متى ما بغيت (تطب) طب ّ !! ولا يردك إلا منطقة الجزاء !! أكلف ما عليك تفصخ "نعالك" على المضمار !! وشفنا حاطين لك بشنطة "الكابرس" كنادر حبوب !! ألبسهن و طب !! يا حلاّل المشاكل !!
----------------------------------
حينما تكون الجهة (المنظِمة) مصدرا ً لبث (الفوضى) ونشرها والتسويق لها .. ومعلنة ً (الحربَ) ضدَ كل من " حاول رصْدَ أخطائها " أو " كشفَ تخبطاتها " !! وضياع َ آلياتها !!
فالأمر يحتاج لـ (وقفة) !!
ولا بد للمنطق من (رأي) !!
- لكل مؤسسة (رسالة ٌ) يجب تأديتها .. و(رؤية ٌ) تحدّدُ مسارها !! وتكفل استمرايتها .. وتزيد من فعاليتّها !! و (مراحلٌ) مترابطة .. متصلة ببعضها .. تقود في نهاية المطاف (لتحقيق أهدافها ) !! و عند اتقضاء (كل مرحلة) يكون هناك ( سلبياتٌ ) و ( إيجابيات) !!
فالسلبيات " إما تقصير ٌ في أداء مهمة " !!
أو " سوء تخطيط أدّى لانحراف ٍ غير متوقع بعيداً عن ما ترجوه هذه المؤسسة" !!
والإيجابيات " هي مجموع النجاحات التي تحققت " !!
-----------------------
ولن أتحدث َ عن ( سلبيات رئاستنا العامة لرعاية الشباب ) !! لأن ليس لديها سلبيات ٌ (تستحق) الذكر !!
- فهي (قد تعاقدت مع شركة ٍ أجنبية .. لها باعها الطويل في جدولة البطولات حتى 2009 ) !!
<<---- أحلق (شعر ساقي ) يا شيخ !!
- وقامت بزرع ( كاميرات ِ مراقبة ٍ في المدرجات ) للسيطرة على كل محاولة ِ تخريب ٍ !! أو تشويه ٍ يفسد (صورتنا الناصعة ) ويدنـّس رداء (إسلاميتنا ) !!
<<--- أحلق (حجاجي على شكل شنب هتلر) يا شيخ !!
- و قد أوكلت مسؤولية لجنة الانضباط .. لـ (متخصصين في مجال القانون ) !! فـ هم "أبخص" من غيرهم في فهم أبعاد (عقوباتهم ) !! و (رسم لوائح هذه اللجان .. لتسير في طريق ٍ لا تفسده التناقضات !! ولا تخربّه الأهواء ) !!
<<---- (أنتف شنبي بحلاوة) يا شيخ !!
- و كم عانى (المجتمع الرياضي السعودي "المسلم" ) من مشكلة (التحكيم) !! فقد قامت الرئاسة .. بفتح مدينة ٍ أطلق عليها ( مدينة الحكم السعودي ) !! يدرّس فيها كل فنون (بناء الشخصية المتكاملة .. نفسيا !! وفنيا !! وفكريا !! وقياديا !! و عقديا <<-- وركزّت الرئاسة على هذه النقطة ) !!
وقامت بإحضار (أشهر حكّام العالم ) للإستفادة من تجاربهم وخبراتهم !! وقامت بالتنظيم مع الاتحادات الرياضية الأخرى "سواءا الإقليمية أو العالمية " بتبادل "التعاون" بين حكام البلدين !!
وقامت الرئاسة برفع (مكافآة الحكم السعودي ) وجدولة "مباريات كل حكم " ووضع بديل ٍ للحالات الاضطرارية !! و التعاقد مع مكتب (محاماة ) محايد .. للدفاع عن "الإساءات التي تنالهم " !!
و تحفيز المتميزّين منهم .. وتكريمهم بإقامة حفل خاص يحضره جميع وجهاء المجتمع الرياضي !! والمساهمة بكل (قوة وثبات ) لإعادة (هيبة الحكم السعودي) !!
<<------ (أحلق رمشي ) يا شيخ !!
- وقامت بترشيح (أحد كفاءاتها ) من الملميّن (بأهدافها وتوجّهاتها ) و من قضوا (زمناً) بين " لجانها ومكاتبها " !! ومن يحملون "فكرا متزنا " بأن يكون ( متحدثا رسميا ) !!
ناقلا لتطلعاتها !! ومجيبا على (استفساراتنا ) !!
<<<----- مستعّد أحلق شعر يدي .. بـ خيط !!
- وقامت باستحداث لجنة (رقابية ) هدفها الأساسي (مطالبة اللجان ) بـ (تقارير دورية ) عن ما (أنجزوه) !! ورصد لكل ما (قاموا بـ اقترافه من أخطاء ) !! ساهمت بانحراف الرئاسة عن (هدفها المنشود) !!
<<------ ما عندي مشكلة (أطب بذيك المكينة حقة نتف ريش الدجاج ) !!
---------------------------------------------------
وبما أن الرئاسة (تعمل كمجموعة ) بكل كفاءة واتقان !! فلن نسمح ( بالنقد ) !! فـ(المدح) البنـّاء !! هو ما نريده !! وهو ما (يثلج صدورنا ) !! نريد ُ (مطبليّن) لإنجازاتنا (المتوالية ) !! ونجاحاتنا (المستمرة) !! وأما (النقد أيً كان نوعه ) فسنقوم باتخاذ الاجراءات اللازمة !! فنحن (ما قصرنـــّا بشيء ) !!
زرعنا لكم الملاعب !!
وصبغنـّا لكم "صبات مدرجات الملز وجدة" بـ برتقالي !! عشان تكونون (رياضيين متفائلين) !!
وحشرناكم حشر بملاعب "المناطق الصغيرة" !!
و شفرّنا مبارياتكم !! عشان اللي ما عنده اشتراك يا يشترك (بالقوة) !! أو يروح يحضر بالملعب !! والإنسان العادي ( ينطـّق موب لازم يناظر كورة !! وش فيه الكيرم ؟ !! )
وخططنـّا حدود الآوت ونص الملعب ومناطق الجزاء !! وش تبون أكثر ؟!
-----------------------------
برايفت (الأمير محمد بن فيصل ) :
سيكون ُ (الذهب) ردا ً (مؤلماً) !!
فـ (عروس الحجاز) تنتظر (عريس نجد) !!
و لن يـفسد (تصريحهم ) تجهيزات (حفلنا) !!
و سيغربل ( صمتك ) مخططات مكرهم !!
وسيحرق (صمتك) أوراق تدابيرهم !!
وسيخترق (صمتك) آذان صعاليكهم !!
سيكون كـ(السم) يتجرعونه حتى ليلة (الأحد) !!
سيكون كـ(الحمّى) يفتت أضلعهم !!
سيكون (قاسيا) !!
فما أبلغ (الصمت ) حين يكون (الكلام ذهبا ) !!
(سنمازح اللاعبين .. امتصاصا لتوترهم ) !!
و (نحفزهم .. شحذا لهممهم ) !!
و (نعانقهم .. تجديدا لثقتنا بهم ) !!
ونحن (هناك في الموعد ) سنلبي (الدعوة) !! و سترانا (عيناك ) !! وسنبادلك (التحايا) !!
و سنكون (بقسوة صمتك ) !!
وستلامس (أعيننا ) أجساد ( نجومنا ) .. دون حجاب !!
وهتافاتنا (وقودا يحرّكهم ) !!
وأهازيجنا ( دعمـا يساندهم ) !!
ودعواتنا ( روحـا ً تسيرّهم ) !!
تيرا ريرا رتـّا !! متى يجي (فيصل) .. (فيصل عبدالهادي) .. ماشي وإلا راكب !! راكب (بسكلته ) !! 
الوضع العادي
