|
ـــ ـــ ـــ تكفون لا يلعب التايب مباراة الشباب القادمة !! ... ولا ترهقون أنفسكم ياللاعبين لأن الفوز والتعادل شيء واحد !! .... السلام عليكم ... يا شباب الكل يعلم إن طارق التايب لديه كرتين وإذا لعب مباراة الشباب وتحصل على كرت أصفر .. بالعربي باي باي التايب في مباراة الاتحاد التي هي بلا شك أهم من مباراة الشباب .. لأن مباراة الشباب لا يهمنا فزنا ولا تعادلنا ( كله واحد ) لأننا في الفوز على الشباب لابد من الفوز على الاتحاد و عند التعادل مع الشباب أيضا لابد من الفوز على الاتحاد .. إذا لا يلعب التايب مباراة الشباب ويكفينا التعادل معهم .. وعاد أنتم تعرفون التايب الكرت عنده مثل شرب الماء للأسف .. باختصار ... #### (( قلق نلعب مع الاتحاد بدون التايب )) #### نحب نسمع آرائكم حول هذا الموضوع بعد تكرمكم ولطفكم :d |
اسمحلي أخالفك أخوي,,, أنا أتمنى كوزمين يلعب بجميع الأوراق المتاحة لديه ومن ضمنها (طارق التايب) أمام الشباب ,, وإذا فزنا على الشباب وهذا الأهم يحلها ألف حلال قدام الإتحاد ,, تخيل كوزمين سمع كلامك ومالعب التايب قدام الشباب وانهزمنا ؟ يعني نلعب قدام الاتحاد مباراة تحصيل حاصل .!!! |
مشكور أخوي على ردك الرائع .. وفيه اقتراح منصف بيني وبينك .. إنه يكون احتياط بالشوط الاول ويدخل في الشوط الثاني اذا كان متقدم الشباب بهدف .. واخوي كلنا شفنا مباراتنا مع الاتحاد في الدور الاول . لعبنا بدون التايب في جميع المباراة لا يوجد الا هجمتين خطيرتين لا والمباراة بالرياض بعد .. بالعربي صعبة تفوز على الاتحاد في جدة لا وبدون التايب .. ولكن ان شاء الله الزعيم قدها وقدود ... |
طيب تخيل مالعبه الشوط الأول,, وتقدم الشباب بهدف ونزله الشوط الثاني أكيد التايب وجميع لعيبة الهلال مع مرور الوقت إذا ماسجل الهلال راح يتنرفزون وياخذون كروت ! ونجي قدام الاتحاد بدون أهم أوراقنا ؟!! |
مباراه الشباب اهم من مباراه الاتحاد واذا مالعب التايب والهلال خسر راح تكون مباراتنا مع الاتحاد تحصيل حاصل وبالاخير راح اسالك هل انت ظامن الفوز او التعادل قدام الشباب ؟؟؟؟؟؟؟؟؟؟؟؟؟؟ |
جد التايب يتنرفز بسرعهـ بس وجدوه لازم بمباراه الشباب ولو مادخله ماتووقع الفوز طارق هو المتفاهم مع ياسر بقوووه واذا خسرنا لاقدر الله بتكون مباراه الاتحاد تحصيل حاصل |
الحين بدل ماتحمس الاعبين يلعبون ويفوزون تقول تعادل وماتعادل حنا نبي الفوز ومانبي غيره وان شاءالله الدوري هلالي |
إقتباس:
بالعكس خل التايب يلعب ولو يأخذ كرت أحمر الاعب يسوي اللي عليه ترى مو عالم للغيب غير ربك سبحانه وألا تبي التايب يتمشى بالملعب ترى في لعيبه ينرفزونك ويرفعون ضغطك وسب وقلة حياء وتبي التايب يسكت صدقني صعبه ولنا في زيدان بنهائي كأس العالم عبره ماطلعت الصحافه وشرشحته وشككته بذمته وتراخيه من اللعب وهو غلطته أكبر من الكرت الأحمر الزبده:يلعب التايب ويقدم اللي عليه وماعلينا من الكروت أهم شي الفوز |
أنا أوافقك الرأي بخصوص التايب لا يلعب يكون احتياطيا وإذا احتاجه كـــــــوزمين في الشوط الثاني ينزله على حسب النتيجة لاقدر الله إذا كنا متأخرين بهـــدف |
اتمنى ان المدرب ينزل طارق في اخر 20 دقيقة للفعالية التامه وللحرص على عدم حصوله على البطاقه |
ترى المباراة مع الشباب طريق للنهائي وهي بمثابة مفترق الطريق للهلال فمن الواجب التعامل معها على أنها مباراة مفصلية والزج بكل الأوراق الممكنة كي لايضيع الدوري كما ضاع كأس فيصل وساعتها ماينفع الندم والمبررات التي لاتسمن ولاتغني من جوع .. والله ينصر الزعيم .. قولوا آمين...s60s |
اللي يلعب على التعاااااااادل ..يخســــــــــــــــــر يابطـــــل.. لازم ندخل هالمباراهـ بكل قوتنااااااا.. والتاااااايب لاعب خبير .. ويعرف كيف يضبط اعصابه في مثل هالمباريات.. رغم اننا تعودنا عليه انه دايم يغيب عن المباريات الحاسمة ..بسبب كروت مالها أي داعي.. عوافي |
أنا أوافقك الرأي بخصوص التايب لا يلعب يكون احتياطيا وإذا احتاجه كـــــــوزمين في الشوط الثاني ينزله على حسب النتيجة لاقدر الله إذا كنا متأخرين بهـــدف |
شف اخوي لو تعادلنا مع الشباب وفزنا على الاتحاد بناخذ الدوري لكن ماله طعم لاننا نفس نقاط الاتحاد .!! باذن الله يارب نفوز على الشباب ونفوز على الاتحاد ان شاء الله يارب وعلى فكره التايب قبل مباره النصر بالدوري لو اخذ كرت اصفر ماراح يلعب ومسك اعصابه والتايب قالها بعد المباره الي على ماعتقد مع الحزم قال انا لاعب خبره وهالاشياء ماتفوتني يعني لاتخاف على ابو نادين ماراح يتنرفز بس بيمتعنا بس هههههه |
طارق التايب لاعب كبير..ولاعب محترف وعارف وش اللي له ووش اللي عليه وبالعكس مباراة الشباب لا تقل أهميه عن مباراة الاتحاد وان شاء الله الزعيم بيكسب مباراة الشباب ومباراة الاتحاد |
لاتخاف على التايب يعرف متى يمسكـ اعصابهـ وان شاء الله الفوز هلالي والبطولهـ هلاليهـ بالتوفيق للزعيم |
رأيي أن التايب يلعب الشوط الأول ويكون هادي وإذا تقدم الهلال بهدف يتم إخراجه والحمد لله البديل موجود |
انا اتمنى انه يكون تهيئه نفسيه للاعبين عشان يلعبون المباراة بصوره مريحة لهم |
لا يلعب يقال له يهدي اللعب شوي ولا اذا راحت المباره علينا صارت المهمه صعبه كذا. وبعدها نبي نفوز على الشباب بقوه وذا لاسمح الله طرد التايب فيه اوراق كثيره في مبارة الاتحاد وانشاء الله بعد نفوز عليهم.. شكراً... |
الرأي السديد ان يكون التايب على مقاعد الاحتياط ومشاركته تكون اذا تقدم الشباب مبااشرة واشراك التمياط بديل للتايب |
أري أن يلعب التائب من بداية المباراة وأن يدخل الهلال بكامل عناصره لأنهاء المباراة مبكرا ثم من بعد التفكير في إراحة بعض اللاعبين للنهائي, وعلى الادارة أن توصي جميع اللاعبين بأن يتمالكوا أعصابهم, لان الخصم يستعمل سلاح النرفزة عندما يعجز عن مراقبة اللاعب وإيقافه عند حده , لإبعاده عن جو المنافسة. وهو ما يحصل مع التائب بالخصوص. |
ياجماعه الخير توكلو على الله ولايخيب املك بالله وبالاخر مايصح إلا الصحيح ومافي بطوله تجي على طبق من ذهب والزعيم دايما يجيبها من أصعب الطرق وإن شاء الله البطولة هلالية |
لاحووووووووووووووووووووول تفكرووووون باشيـاء ماصارت ولا بتصير ن شاءالله ولا بياخذ كرت بس قولوا الله يوفقهم |
مشكورين على المرور .. والله يوفق الهلال في المبارتين القادمتين امام الاتحاد والشباب .. وانا ما قلت نلعب على التعادل .. بالعكس نطمح بالفوز ولكن أردت تذكير البعض أننا في حالة التعادل لم نفقد الأمل .. وصحيح مثل ما قلتوا كل المبارتين مهمة وكل وحدة مكملة للثانية .. |
السلام عليكم ورحمة الله وبركاته نسأل الله سبحانه وتعالي ان يوفق الزعيم في المبارتين القادمتين تحياتي،،،،،،،،،،،،،، |
إقتباس:
يسلموووووووووووووووووووووووووووووووو كلام 100%:clap::clap::clapping::clapping: |
ماعليش ياحبيب قلبي راح نلعب المباراتين ان شاء الله ( ب نكون او لا نكون ) بنلعب بالنجوم كلهم التايب ياسر حتى لو اضطرينا نرجع ابو عبدالله الله يوفقه في المنصب الجديد ... يستاهل |
طيب واللي يقولك انك لو فزت على الشباب ب 3 اهداف ( بما انك واثق يعني :surprised: ) راح يكفيك التعادل مع الاتحاد .. وتاخذ الدوري بفرق الاهداف ... واحسبها وشوف :yes: |
أنا اخالفك الرأي يحب أن يلعب التايب لأنه هو ماسك الوسط وتمريراته مميزة و بصراحة يجب على التايب مسك أعصابه شوي |
مشكورين على المرور .. وبإذن الله مع التايب او بدون التايب فايزين فايزين ... ونتمنى نشوف الدوسري والتايب في المباراة القادمة ... |
| الوقت المعتمد في المنتدى بتوقيت جرينتش +3.
الوقت الان » 05:21 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd