ربوع ،، وبدايه اجآزه ،، واخر يوم بالدراسه ..!!! - نادي الهلال السعودي - شبكة الزعيم

@ازرق هلالي@ · #1 07/04/2008, 10:18 PM

ياهلا

كيف الحال عساكم طيبين

في آخر يوم في الدراسه وفي آخر يوم من العطله وفي اول يوم من الاجازه والفرص كلها كلها مهيئه وش تبي تجلس في البيت ؟؟

يعني اجآزه وآكثر الناس راح يغيبون وآخر شئ تسحب ؟؟

وهي آخر مباراة للهلال بالرياض وهي المباراة الي تحدد مصيــر الهلال ؟؟

نآس تجي من برا وانت من الرياض وتغيب عن المباراة ، تعال الله يطول بعمرك وشجع وشف ياسر وطارق وهـ الـ 50 الف متفرج ان شاء الله وتستمتع بيومك ماوراك شئ

والله الله بالحضور

alabdali · #2 07/04/2008, 10:23 PM

ان شاء الله مايقصرون اهل الرياض ... اخر مباراة للزعيم في الرياض يعني ماعد بتشوفون له مباراة في الرياض الا الموسم الجاي .....

هلالي الشرق الاوسط · #3 07/04/2008, 10:25 PM

الله كريم عندي احساس انها راح تكون مباراة تاريخية!

ونادي الشباب سوف يتلقى درس لن ينساه!

اخس يالفصحى

هلالي الشرق الاوسط

مفرح 2007 · #4 07/04/2008, 10:29 PM

الزعيم بيفتقد لارض الاصليه ارض المحبه ارض الاخاء فلا تخيبوا ظننا في ملء مدرجات درة ملاعب العالم يوم الاربعاء يوم لن تنساه الكره السعوديه إذا انتصر الزعيم فارجوا من الله العلي القدير التوفيق وعدم تخييب الظن يارب العالميين

♥ N E V E S ♥ · #5 07/04/2008, 10:32 PM

ان شاء الله اننا جآآآين من برى الرياض لعيون الزعيم....!!
والله يوفق..!!
.......................

abusaud · #6 07/04/2008, 10:33 PM

بالتووفيق للزعيم في لقــاء يوم الاربعاء .. وجمهــور الزعيم ماراح يقص مع فريقه

هلالي بن هلال · #7 07/04/2008, 10:34 PM

من جد هالله هالله بالحضوووووووور يا شباب

مالكم اي اعذااار ابدا

NGooOooD · #8 07/04/2008, 10:36 PM

ايه صح ووش عندكم من اعذار ...

لاعندك دوام لانه بوم ربوع ..

ولاعندك دراسه

ولاعندك اختبار

ووووو ,,,, الخ <<من كثرهن مالي خلق اكتب

الزبدهـ انه ماعندكم شي ...

تكفوون ووترى تكفون تهز رجال <<احلفي

وووروونا جماهير الزعيم .. جماهير الرقم الصعب .. خلوونا نوري العبدالهادي الانيق .. انك مهما سووووويت الزعيم زعيم .. وووبعوون الله ربي ماراح يخيب تعبكم ... بإذن الله راح تطلعوون فرحين <<<عاد لاتنسون تدعولي .. تراي انا الي قلتلكم تعالو <<انضفي بس ...

ع ــوافي

شبح الرياض · #9 07/04/2008, 10:37 PM

بالتوفيق للهلال

اما الاجازه فاانا اجازتي بدات من الحين

المغيري 1412 · #10 07/04/2008, 10:48 PM

كلامك سليم والله إذا كنت منتب حاضر هل مبارات اجل متى تحظر جاوبوني

هلالي طرازه نادر · #11 07/04/2008, 10:56 PM

تكفون الله الله بالحضور الزين

الهلال يستاهل اكثر

@ازرق هلالي@ · #12 07/04/2008, 10:58 PM

إقتباس


	انشاء الله نخرب عليكم الاجازه ههههههههههههههههههههههه

كلنا اخوان والتنافس شريف ان شاء الله

لكن كل واحد وفريقـه وتمنياته له