اخوي الخراشي مو احسن حال من العنبر حبيبك

وحنا ما حكمنا على العنبر من فراغ الا بعد مباريات كثيره كان فيها بنفس الاداء المتدني

كلمة مهاجم ماتطلق على اي احد هذي موهبة من الله سبحانه وتعالى

و الله لو تلعب العنبر 10 سنين .. هذا مستواه داج و لياقته على الزيرو و مدافع إضافي للفريق الخصم و حسنته الوحيدة في الحياة هدف الغفلة اللي سجله في كوريا ... و مكانه الحقيقي درجة أولى أو ثانية و تخب عليه!!
أنا هلالي و لاعب كورة و مشجع أحب الهلال أكثر من أي شي و غيرتي على الهلال اللي لبس فنيلته النعيمة و سامي و الثنيان و الله العظيم حرام يلبسها واحد زي العنبر ولولا الواسطة غير المبررة و الله ما يطقها بالهلال لكن الله أقوى و بالتوفيق في المباراتين الجاية بدون تدخل في شغل المدرب ، أو شيلوه و ريحونا!

انا ماادافع عن لاعب ولاعب

انا ابي نوقف مع الهلال بس لو في هالاسبوعين وقت الحصاد

أقوووووووووووووووول الدوووووووووري راح وانتم باقي امل نشووووووووووووووووووف

يرحم والديكم لااحد يقول العنبر هذا من لقبتوه بالصقر اي صقر بس بوم ويخب

بطى الحركه

لاتوجد فيه مهاره

دائما في التسسل

سلبياته كثيره

حرام الجمعان ينسق والخراشي والعنبر موجودين طقها والحقها

حبيبي المشكله مثل ما قلت انت بلسانك ياهلالي الديره ..

الحين وقت حصاد يعني مو وقت اننا نصبر على العنبرولا الخراشي ولا غيرهم ونعطيهم فرصه
خلاص احنا في نهايه الدوري وكل نقطه تضيع يعني انك ترجع خطوات للخلف عن اللقب ..

بالعربي واسهلها لك : الان وقت حسم الي مو قدها يقول للمدرب مو وقتي الحين .. ماني مستعد اي شي .
اما تقولي اصبروا عليه وعطوه وقت هذا الكلام قله بدايه الموسم الجاي مو الحين ولا انا غلطان

ما اقول الا مافي حسم وياسر غايب .

لو تجيب الفريدي والعنبر والكلثم والسعود وتحطهم في خلاط وليلو معهم اذا تحب الشوكولاته وتخلطهم وتصبهم بلاعب واحد ما يبردون القلب قدام الباب مثل ياسر .

ياخي هذا ملك المعجزات ياسر لما يلعب والله ان اعصابي بارده على الاخر ومطمن وعندي امل الين يصفر الحكم اننا نفوز ولا عمره خيب ظني وان شاء الله ما يخيب

لكن مع اللاعبين الي ذكرتهم لك من بدايه المباراه الين يصفر الحكم وانا اقول الله يستر والاعصاب مليووووووون

والله اني احبهم وافرح بمستوياتهم الي قدموها لكن مو لاعبين حسم افهموا ياناس فرق بين لاعبين موهبه ومبتدئين
ولاعب مثل ياسر موهبه وخبره وعقليه خرافيه اقل ما يقال فيه مجنون كوره .

لا ينط واحد يقولي انت وانت متحامل عليهم وكذا وكلام مهايط ومندس ومدري وشو , فكر وارجع للمباريات الي مالعب فيها ياسر وقارنه مع الي لعبوا مكانه واحكم بنفسك مع انها مقارنه غير عادله
ياسر لا يقارن الا بياسر وبس

والي بيقول لازم نوجد بديل لياسر اقوله مالك امل اغسل يدك . واحمدو ربكم عندنا ياسر القحطاني
والي يقول لازم نعطيهم فرصه ولا عبين شباب وكلام استديوهات تحليل , اقوله هذا الكلام ياشاطر عطهم فرصه في كاس الصداقه الي في ابها ولا في كاس فيصل بما انه للفئه العمريه تحت 23 سنه اما الدوري مو مكان لاكتشاف المواهب بالذات في نهايته من جد مو وقته .

كل الي نقوله بالتوفيق للهلال وان شاء الله نفرح بالدوري كلنا سوا
وباذن الله ياسر يرفع الدرع في المنصه ويعوضنا عن الي فات
وثقوا تماما ان قلوبنا مع كل من يرتدي الشعار الازرق ولكن من حبنا للهلال لازم بعض النقد . عشان كلن يصحصح ويعرف قيمه الشعار الي لابسه

تحياتي للهلاليين

غاب الكاسر و غاب الصويلح فضاع خط الهجوم

لا تقول العنبر ولا الخراشي كلهم ما يستاهلون اللعب بالهلال

تكفووون خلو الموضوع ينزل تحت هذا وين عايش!!

قال العنبر قال....... عمي الحج الطير الحر يبان من البيضة!!

العنبر لاعب جيد على المستوى الجسماني ينصدم فية المدربين ويعتقدون انة الفلتة ولكن هذا ليس زمانة وليس مكانة

اخوي العنبر ليس له مكان في الهلال
وهو لاعب مصارعه والله الخراشي افضل منه

صحيح الخراشي مرهق امام النصر لكن
فية المؤشر وينه

مع احترامي لك العنبر منتهي من ا لموسم الماضي يعني طلع فقاعة صابون وفرقعت مثله مثل الحيائي وحسين هادي وغيرهم كثير يعني نجوم الموسم الواحد؟
العنبر والعنقري وجودهم حتى على دكة الاحتياط يعتبر خدش بتاريخ الزعيم؟
بالله عليك شفت العنبر امس يلعب مدافع خامس للشباب ولا يهون بو عنقر العنقر يجري ماتدري هو حكم خط او مدافع شبابي او واحد من الجماهير داخل بالغلط يعني ممكن يكون العنقري اي شخص من هؤلاء او شخص اخر الا ان يكون لاعب هلالي ؟ صدقوني ليس متحامل ولا يهمني من يلعب لكن انا طول المباراة ماشفت تمريره صح له وياليت بس يغطي خانته؟
ابي اعرف مين كذب عليه وقاله انك لاعب والادهي مين المفتري اللي عطاه رقم (15) والله هزلت؟ انا مااتكلم عن شخص العنقري ولا احب مثل هذا الكلام قد يكون العنقري مثالي وخلوق وابن حلال هذا موضوع اخر انا اتكلم عن مستواه كلاعب اسألكم بالله ماتشعرون ان الهلال يلعب ناقص لاعب؟

إقتباس الرسالة الأصلية كتبت بواسطة khalid_1_1999 و الله لو تلعب العنبر 10 سنين .. هذا مستواه داج و لياقته على الزيرو و مدافع إضافي للفريق الخصم و حسنته الوحيدة في الحياة هدف الغفلة اللي سجله في كوريا ... و مكانه الحقيقي درجة أولى أو ثانية و تخب عليه!! أنا هلالي و لاعب كورة و مشجع أحب الهلال أكثر من أي شي و غيرتي على الهلال اللي لبس فنيلته النعيمة و سامي و الثنيان و الله العظيم حرام يلبسها واحد زي العنبر ولولا الواسطة غير المبررة و الله ما يطقها بالهلال لكن الله أقوى و بالتوفيق في المباراتين الجاية بدون تدخل في شغل المدرب ، أو شيلوه و ريحونا!

.................................................
والله انك صادق

انى اشك ان العنبر يقربلك والى من الجماعة

شفت لو العنبر يلعب الي ماتخلص الكورة ماراح يسجل ولاقول

تدري لية لان هو اصلا مو لاعب انى ودي اعرف هو وش كان من اول لو انى لاعب ماضيع هجمة قدام المرمى ومع مين مع القادسية

بس الواسطة فوق كل شي

واتمنى تنسيقة عاجلا غير اجل

بالتوفيق للزعيم إن شاء الله و بإذن الله راح نوقف مع فريقنا في اللقاءات القادمه بحول الله ومو وقت ذم لاعب

ولا مدحه

كلها إسبوعين و سوو اللي تبونه

تحياتي لكم ......

?????????????????????????????????????
العنير..
لاعب اخذ اكبر من حجمة وطيرتوا فيه بعد الهدف على كوريا وبعده ..
جته الإصابة.. وصار حبيس دكة الأحتياط وبدا مستواه من سيء لأسوأ وهو ما حاول انه يطور مستواه وينافس زي الخراشي
صحيح ان الخراشي ما يبعد عنه بالمستوى الا ان الخراشي حاول.. وحاول.. وحاول .. حتى وصل لهداف فيصل بن فهد وعلى مكانة الخراشي والوضع اللي كان فيه يدل على انه بذل مجهود عااالي ولا رضي بالإحتياطي عكس العنبر !!!
احنا محتاجين العنبر والخراشي واتمنى انهم يطورون من مستواهم ويبدعون وينافسون على التشكيلة والمنتخب
ولاهي بعيده عليهم
وكل شي بالتوفيق من الله والله يوفقهم بدينهم قبل دنياهم
تحياتي