|
الــســيــكــيورتي ... Security السلام عليكم .. مساء الخير إخواني الأعضاء ,, مساء الخير يا أبناء بلاد الحرمين .. بلاد الانسانيه .. بلدي الحبيب المملكة العربية السعودية .. :smilie47::smilie47: دعوني ادخل في صلب الموضوع .. للأسف في الاونه الاخيره بدأت ألاحظ تصرفات يقوم بها رجال الأمن الغير عسكريين و العسكريين ايضا سواء كان في الشارع او في الاسواق .. او في اي مكان عام .. التي تدل على قلت ثقافتهم واستغلالهم للسلطة التي يملكها البعض منهم في التنكيد على الشباب .. :bigeek::bigeek: انا بسرد لكم حادثة من الحوادث التي حصلت لي شخــصيــا مع بعض منهم .. في مره كنا طالعين في بريك الغداء وما قصر الدكتور وطلعنا قبل الاذان يمكن بثلث ساعه فتشاورت انا و واحد من الزملاء وقالي مالنا الا واحد من المولات لان مطاعم ركاء تصك وقت الصلاه وبيطلعونا وحنا ما امدنا نتغداء .. قلت له خلنا نروح الفيصليه .. لانه اكثر مطاعم ومحد يقولك شئ لو تاكل وقت الصلاة .. واذا خلصنا غداء نرجع نصلي في الجامعه قبل محاظرة الساعه وحده .. المهم رحنا وحنا عند الباب قالي السكيورتي ممنوع قلت له ان الوقت ضيق ولا يمدينا نروح مكان ثاني نتغداء فيه .. قالي مو انا اللي حاط النظام رح كلم الاداره .. قلت له ما فيه مشكله اكلمهم وينهم فيه .. وبعدها وصفلي مكانهم .. وانا في نص الطريق طلع لي واحد ثاني .. خير خير انت وياه وين رايح .. وقلت له وبكل ادب انا مستاذن من زميلك اني اروح الاداره استاذن منهم اني اروح فوق للمطاعم .. قال ايه ايه .. تعاال معي انا اوديك الاداره .. ومشيت معاه انا و خويي الين دخلنا غرفه ما ادري وش تبي .. وفيها حجز و شئ يروع كنك في مركز شرطه .. ويطلع لي عسكري من المجاهدين ويصرخ في وجهي جب اثباتك .. قلت له ليه وش فيه .. قال مو شغلك جب اثباتك وانت ساكت .. وعطيته اثباتي وبعدها قلت له ممكن تقولي وش السالفه لاني مستعجل والله ..و ابي اتغداء والحق المحاضره .. قال ادخل جواء ونعلمك ..واخذنا وعطينا معهم انا وزميلي وآخر شئ .. طلعوا يحسبوننا داخلين غصب و اللي فهمت منهم انهم كانوا مشبهين علينا .. ولكن للأسف بعد هذا كله من تاخير ورفع صوت وايضا وصلت الى السب من المجاهدين ( العسكريين ) آخرتها كتبني تعهد اني ما ادخل الفيصليه الا بعائله .. حسبي الله عليه .. :upset::upset: وقال لي لا عاد تتعودها .. المراد من الموضوع حتى لا يفهمه البعض بطريقه خاطئة انا ما اطالب انهم يخلوني ادخل الاسواق بدون عائله .. لا انا اللي ابيه ان الاسواق قبل لا توضف واحد من ذا السيكيورتيه الا وهي مختبرته.. مختبره ثقافته و اسلوب تعامله مع الناس .. و لا يهونون العسكر ايضاً .. نااااادر ما تلقا واحد يعاملك بأسلوب زين .. انا من دخلت الجامعه من 3 سنوات تقريباً و انا منقهر منهم .. اذكر مره اقول لواحد منهم ترا فيه واحد ساد علي في المواقف .. يقول لي وش اسويــلك دبر نفسك :bigeek::bigeek: .. ياخي ما ابي منك شئ اللي ابيه اقل شئ اللي تشوفه واقف بالنص وساد على احد عطه مخالفه .. بس .. و بعدها بدا ينافخ علي .. و يقول لي انت تعلمني شغلي .. و زعل وقال لي توكل على الله .. الله يهدينا ويااهم بس .. آســـف على الاطاله .. أخوكم .. Golden 11 Boy |
أخوي عادي تصير هالمواقف بكثرة أنا أخوي نفس الشي صاير له بالمملكة (البرج ) يعني مسوين قويين عليه بس اللي يسكت عليهم غلطان الله يعينك على هالمواقف تقبل مروري أختك : بني حارث |
الله يعيــنــا عليــــهم بــــس شكراً اختـــي بني حارث على المرور .. |
شــــي طبيعــي إذا ما قارنته بشهاداتهم آغلبهم ناس مو متعلمه اللهم لاشماته يارب لا تبلانا بما بليتهم فيه بس |
العودة مطلوبه مع مثل هالمواضيع الحلوه ... فاصل ونواااصل |
شهادة متوسطة ..! وابتدائي .. ومسكوا سلطة ! وش ترجي من وراهم ..! مع ان الحق يقال !! فيه ناس مادخلت مدارس خير شر .. بس احترام واخلاق عالية .. مع اني اشوفهم زقرت يزبنونك لاجت دورية والا حتى هيئة :D |
سألت أحد أقاربي والذي يعمل بإحدى الشركات الأمنيه عن حاله بالعمل فقال : نادراً ما ترى من يحمل الشهادة ( المتوسطة ) والعمل قد يمتد من 8 ساعات إلى 16 ساعه إن لم يأتي زميلي ليغطي مكاني أو يتم إرسالي لموقع آخر لأغطي مكان ( الغائب عن العمل ) وإن رفض قد يفصل من العمل !!!!!!!! أما الرواتب فتبدأ من ( 1200 وتصل إلى 1800 ) ولا تسأل عن تأخير الرواتب من ثلاثه أشهر إلى سته أفبعد هذا الحال كله ترجوا من موظف الأمن أن يهتم بمن أمامه _________________ أنا لا أقول بأن موظفي الأمن معهم الحق بما يفعلون فهم بحاجه إلى دورات تأهيليه للعمل وما يحصل من أخطاء من موظفي الأمن يعود للضغوط النفسيه التي يعانون منها |
وعليكم السلام إقتباس:
مجرد ذكر أسمها قلب ينبض :smilie47::smilie47: لها أحبها وأعشقها وأموت بترابها دمتي لنا منبع الخير منبع الطيب يا بلدنا :smilie47: إقتباس:
إلا من رحم ربي :stoned::naughty: وبيجي الصيف عااااااااااااااااد ينقلب الشعب للبناني :d والأخلاق s60s بس عموما خيو تقدر تكسبهم بلسانك أنا دائما أشوفهم وأضحك عليهم في الفيصيله إلي يدخل ويدحس خط :bigeek::bigeek: وإلي يقول بس محل واااااااااحد وطاااااااالع وبعدها بقدره قادر أشوفه فووووووق :bigeek::d ذكرتني بسالفتك سالفه مشابه نوعا ما هاليومين ماسكتني حقت الأمن في الكليه تقول مخااااااااااالفه في لبسك وأنوااااااااااااااااااع طواله اللسان تقول مصلحه جريمه :bigeek: وغيري لبسك !!! سكت إلى أن خلصت وخذتها بلساني :stoned::stoned: طبعا مو طواله لسان وقله أدب والزود عندي وما غيرت لبسي هيه خجلت من نفسها كيف قابلتها بردي وطلعتني يعني خذ النااااااس بلسانك وبطيبتك تكسبهم في صفك صدقني :yes: وهذا أسلوب تعاااااااملي في الحياه حتى السكيورتي رااااااح تكسبه :d:d إقتباس:
:d:d:d:d:d تعيش وتأكل غيرها :d عوااااااااافي خيو ولا تحرمنا جديدك موضوووووووع s60s أتمنى تكون أضافتي لموضوعك مو طويله :d |
سالفة صارت لنا مع عسكر:upset:...... كنا طالعين مخيمات منطقة بعيدة (النعيرية) طبعا كلنا شباب الزبدة اول يوم ثاني ثالث يوم اخر الليل اللا ثلاث دوريات ومعهم سيارتين بحث حنا تروعنا والله لو ارهابيين ولا مهربين جانا عسكري والله ماسلم ولا شي من زين الاخلاق يقول مين صاحب الجيب يقصد خوينا ....خوينا جته ام الركب:d قال تعال معنا القسم وحنا ليه شمسوي يقول تعالوا القسم وتعرفون كل شي لاحووول عاد خوينا عاقل وماعنده سوالف وبلاوي حتى صلاة الفجر يصحينا.......زبدة الموضوع رحنا معهم مسافة 50 كيلو على ماوصلنا القسم ويوم وصلنا قالوا خلاص بس شبهنا على السيارة:upset::upset::upset: وين اصرفها شبهتوا على السيارة <<<الى الحين قلبه محترق ااااااااه من بعض العسكر |
هلا Golden 11 Boy إقتباس:
يالله جوع وشمس وقلق الله يعين :cry: إقتباس:
صح هذا المطلوب وحسن التعامل والاخلاق عمرها ماكانت حصريه لاصحاب الشهادات بالعكس ناس مامعهم الى شهاده بسيطه بس بأخلاقه يكون كبير بعيون اللي قدامه :yes: ونحاول نلتمس لهم العذر لظروفهم الله يرزقهم ويعينهم على العموم ان شاء الله تعوضون هالغداء الي شكله راح عليكم من هالسالفه بوقت ثاني :stoned: على طاري عنوان موضوعك مره في منتدى الرياضه السعوديه اختلفوا الأعضاء حول كلمة سيكيورتي واحد يقول سكرتير :bigeek: وحده تقول سكرتي :bigeek: عاد جابتها باسكن وحلت الازمه وقالت سيكيورتي :d << مدري وش دخل هالسالفه بالموضوع بس جت على بالي وقلتها :stoned: سوري حاسه اني طولت بالرد :stoned: وبالتوفيق لك ولجميع الطلاب والطالبات ورده عوافي.. |
وعليكم السلام ورحمة الله وبركاته .. مساء النور والسرور .. هلا فيك اخوي Golden 11 Boy.. للأسف ان السيكورتي في الكثير من الاماكن العامه ليس إلا متسلط وفاهم الامن خطأ .. والسبب يعود إلى ان نسبه كبيره منهم من خريجي الابتدائيه والمتوسطه .. ولا يمتلكون أي اسلوب للتفاهم او حل المشاكل ووجودهم يزعزع الامن لا يضيفه .. حصل مع نسيبي موقف مشابه .. تعرض فيه للاهانه امام الجميع بسبب انهم كانوا يعتقدون ان من معه ليست زوجته .. وبعد الاكتشاف قالوا آسف !!!؟؟ بعد ايش! الحل .. هو تثقيفهم وتوعيتهم او اشتراط حصولهم على دورات قبل المباشره بالعمل .. الف شكر لك على الطرح .. تقبل احترامي وتقديري.. دمت بخير |
ذكرتني بمجمع كنت رايح أنا والأهل ووقفت أنزلهم قال السكورتي حررررررررررررررررررررررررك قلت سم بحرك الحين ماتشوفني انزل الاهل !! المهم اخذت لفه وحصلت موقف بجنب البوابة اللي عندها السكورتي ..! لما طلعنا من المجمع احصل فان عائلي مسكر على السيارة !! واروح للسكورتي قلت ليش ماقلت لذا حرررررررررك واصرخ بوجهه زي صرخته قال ياخي ماشفته ..!! قلت عطه مخالفة جب سطحة شله اهم شيء تخليه يمشي .. راح ينادي بالجهاز ويقول فيه سيارة مسكرة "بذكر التفاصيل " ... قلت يالأخو ليش فيه أحد منكم معه صلاحيات ؟! قال : لا قلت اجل ليش تكلم ولا بس تصرفني ؟!! اتصلت على المرور وبعد نصف ساعة جت دورية وأثناء تحرير المخالفة يجي البنقالي سواق الفان يرفع يده يقاله يعتذر !! على إيش سكورتي ماأدري ..!! مادام مامعه صلاحيات ليش غاثيننا فيهم عند المجمعات يعني وجودهم من عدمه ..!! ومشكوووووور على الموضوع الرااااااااااايق وتقبلوا تحياتي ،،،، |
Golden 11 Boy ورده السكيورتي وما ادراك ما السكيورتي :d الصدق هم نوعين كويسن ومش كويسين :stoned: مثلا شفتوا السكورتيه حقين ملعب استاد الملك فهد وهم يطاردون مذيع اي ر تي :bigeek: حقيقة مشهد لا يحتاج الى تعليق :stoned: اذكر كنت اشوفهم بازين ببذلهم احسبهم كباتن طيران من الخطوط السعودية :surprised: الصدق كثير من السكيرورتيه ورجال الامن يحتاجون الى تثقيف ووعي .... وبصراحة مفروض ما يحطون في ها الوظيفة شخص دمه حار :stoned: لانه تحتاج الى صبر وحكمة وتفاهم ... لانهم يقابلون اشكال وانواع من المجتمع فيهم النصاب وفيهم الكويس وفيهم الحرامي وفيهم الطيب !! فيجب ان يكون عندهم صبر وحكمه وحنكة :d شكرا لك اخي Golden 11 Boy طرحك ولاعاد تدخل الفيصليه :naughty: دمت بخير ,,, |
هم مشكلتهم الهياط الزايد يجيك واحد ما عنده شهاده وكارفينه في الشغل وإذا جيته يحسب نفسه لواء معظم السكوريته وحتى رجال الأمن يحتاجون دورات في الأخلاق والتعامل |
الــســـلام .. شــكل غالبية الاعضاء سواء كانوا رجالاً او نــســاء .. متــأذين من السيكيورتي .. :d:d عـــمـــومــاً شكراً لكل من علق او شارك في الــموضوع .. |
| الوقت المعتمد في المنتدى بتوقيت جرينتش +3.
الوقت الان » 04:27 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd