أول الغيث قطرة ...
 

لا أدري لماذا لم تشر الصحف اليوم عن تواجد سمو الامير بندر بن محمد قبل تمرين الامس .. ولم تتحدث عن اجتماعه مع اللاعبين !! ولا أدري هل (إحترفت) الصحف حرق الجمهور الهلال ودفنه في مقبرة التشائم الى الابد !! فاصبحت تخفي كل شئ جميل وتبرز القبيح وتزيد وتكذب فيه !!

عموماً ..

بالامس تواجد سمو الامير بندر بن محمد مشكوراً في النادي واجتمع باللاعبين والمدرب والجهاز الاداري .. وطالب الامير بندر من الجميع ان يتم نسيان الماضي وفتح صفحة جديد قد تضيف للخزينة الهلالية بطولتين وقال ان لا يمكن ان تهز مباراة واحدة الفريق الهلالي ونحن فريق بطولات (( اليس كذلك)) :) .. وطالب بمضاعفة الجهد .. ونقل للاعبين رغبة الامير سعود بالتواجد بينهم الان ولكن الظروف تمنع سموه .. بعدها فتح الامير بندر المجال للاعبين للحديث .. فتحدث سامي الجابر أولاً عن ضرورة اعطاء اللاعبين حقوقهم من اجل ان يستطيعوا تقديم ما لديهم ورفض سامي ام يتم تحميل اللاعبين كل شئ فالادارة يجب ان تعمل بجد وتوفر الجو المناسب للنجوم لكي يقدموا كل مالديهم .. ثم تحديث كابتن الفريق يوسف وشدد على اهمية صرف الرواتب المتأخرة (3) أشهر ..

بعد ذلك تم عزف السلام الملكي > == خير أن شاء :D

المهم .. الرائع والمفرح ان الرواتب المتأخرة تم صرفها للجميع .. والاورع والاكثر تأثير هو قرار الامير سعود بن تركي بعدم (إقرار) إي خصم أو عقوبة تم رفعها من جهاز الكرة في الفريق على إي لاعب خلال الاشهر الثلاثة التي تأخرت فيها الرواتب .. وهذه بادرة جميلة حيث صرفت المرتبات كاملة دون خصم .. وهو قرار رائع ومفيدة معنوياً للنجوم .. خصوصاً وهم يرون الادارة تطبق العقوبة بحق نفسها نتيجة تأخرها في صرف المرتبات ..

وأختتم الامير بندر الاجتماع بقوله ((( انتم نجومنا وانتم وقود الفريق .. وبالطريق مفاجأة رائعة جداً لكم من أعضاء الشرف ))) ..

@@@

مثل هذه الاخبار والتي اقسم لكم بمصداقتها .. يحتاجها الفريق والجمهور لكي تلطف الجو الهلالي العام ..

والله يكتب اللي فية الخير قولوا آمين ..

@@@

الغريب ان إدارة النادي أو إدارة الفريق الاول لم تصرح بهذه الاشياء للاعلام .. هل هذا يعني انهم (مبسوطين) و (مرتاحين) على الحش والتقطيع ليل نهار !!! سبحان الله :(

الله يبشرك أخوي " ياقاهرهم ياسامي " ...

وعساه .. أولـــــــه :)


وأول الغيث قطــــــــرة ....:) :)

يـــــــــــــاحبيـــــــــلك .....



ألف شكر.....


اخوك \ تركي من فانكوووووووووووفر.

ماشاء الله تبارك الله ,,,,

وش عند ( اليوم ) متغير ؟؟؟ الاخبار اليوم زينه ومضبووووطه , وين الاعلام وين الجهابذه عن مثل هالاخبار ؟؟ وإلا حنا موعودين بالشيء الردي !! الله يعين ,,,
يعني صرفت الرواتب المتأخره ؟؟ والغيت الخصومات كلها ؟؟ طيب من هو اللي صرف هالمبالغ ؟؟ هل هو عضو شرف من اللي هاجمو الاداره قبل فتره ؟؟ نتمنى ذلك ,,,

لكن هالاخبار مافيها اثاره !!! وتعرف ان الجرايد تعتمد على الاثاره والبلبله

الله المستعان ...

مشكور الله يعطيك العافيه...وانشاالله نسمع اخبار حلوه دائما عن زعيييييم اسيا.

الله يعطيك ألف عافيه زمان والله على هذي الأخبار الحلوه
أتمنى التواصل دائما وإطلاعنا بكل شي يصير في النادي أول بأول وعدم الإعتماد على الصحف تنشر أو تكتب , وهذا واجب الشباب الموجودين في النادي دايما مثلك أخوي ياقاهرهم ياسامي و وايزمان وعواكيس وغيرهم من الشباب اللي ماتحضرني أسماؤهم الان بس لايزعلون علي لأننا كلنا واحد والشكر لواحد معناه الشكر للجميع .
وإحنا كجمهور هلالي نحترمهم ونقدر لهم تضحيتهم من أجل النادي وإهتمامهم بكل الجمهور الهلالي وحرصهم على إيصال كل معلومه تهم الجمهور بالشكل المطلوب وبالسرعه والمطلوبه وألف ألف مليون شكر للجميع وشكر خاص لإدارة المنتدى الرائع واللي بسببه إستغنيت عن كل الجرايد................وتسلمون

زعيم القرن .. تسلم .. وعساه :)

@@

nothing but VICTORY : :) تسلم أخوي تركي ..

@@

العوام : ومضت الصحيفة تقول بخخخخخخخخخ وش اخبارك يا أبو ركبة .. وين وعدنا !!؟؟

عموما سؤالك عن من دفع الرواتب المتأخرة .. من تتوقع يعني ؟؟!! اللي توهق وقال ابصير رئيس .. بس اعضاء الشرف واعدين النادي خير .. والله يسهل الامور .. وصدقني تواجد الامير بندر بن محمد بشر بالخير وهو الان يقول بالدور اللي كان يقوم فية الامير خالد بن طلال في الفترة الرئاسة له ..

صدقني كل ما اقترب اعضاء الشرف والرجال المؤثرين راح تختفي المشاكل تماماً ..

يلومونا في ابومحمد .... الله يخليه ويجعله ذخر لنا يارب ....

مشكورين يابومحمد ... وايضا انت ياقاهرهم ياسامي الاسم على مسمى ...

الله يكتب الخير انشاء الله وياليت الأداره تجتمع فى أسرع وقت لان الهلال فى مفترق طرق .
وتسلم على الايضاح .

على البركه اخيرا رجعت الاداره ويليت يرجعون كلهم

اخبار مفرحه الله يعافيك وعقبال مانبارك لبعض البطولتين

هلا والله ابو هيا

يسلم كيبوردك ياشيييخ

والله لازم نغير الاجواء ..

مهما يقولون مهما صار مهما تم :D

الزعيم هو الاهم

اخبار حلوه الله يعطيك العافيه

وان شاء الله ان هذا الدعم يستمر خصوصا في مثل هذه الضروف والمشاركات


تحياتي لك

الف شكر لك على هالاخبار الي توسع الصدر

والله من زمان ما سمعنا بمثل هالاخبار

يالله تتممها على خير ان شاء الله

وبالنسبة للجرائد :::::: ماصدقوا ان الهلال بيصير بالضعف هذا فصار كل واحد ينهش من جهه
اما الادراة :::::::::::::: ان شاء الله يصير قصدهم مصلحة الهلال والعمل بصمت والتمويه عى الفرق الاخرى

مشكور مرة ثانية

تصدق إني حدثتت الصفحة 10 مرات !! ما صدقت ان هالخبر للهلال!!



شيء حلو.. وتوقيت راااائع .. إيه هذا الشغل اللي نبيه .. قربنا من زبدة الموسم لازم نرخي الحبل شوي .. ونوفر لهم كامل مستحقاتهم ..


ما قصر .. والله يعطيه العافية .. ويجنب النادي من أعضاء ( دعم ما فيه لا مادي ولا معنوي) ..

لا والله الا قل تبلد احساس .. وتعود!!

آآآآمين..