فاشل فاشل ياحكم اللقاء واللاعبون متواضعون لهذا السبب ... جمهور الهلال موعدنا الأربعاء
 

صدقوني هناك تعمد لإسقاط الهلال ومشكلتنا لانملك دليل واضح لمؤامرات خلف الكواليس فلهذا إسمحولي بالدعاء لأصحاب العقول الفاسدة والقلوب الحاقدة ( يارب تشفيهم .. يارب تنعم عليهم بنعمة العقل ) .

ولكن من حقي أن اقول يارب تكشف وتفضح كل من يتآمر على الهلال واجعل كيده في نحره

الهلال يحارب عيني عينك ومن لايستطيع الدفاع عن حقوق الهلال فليذهب مع الشكر والتقدير ..

فنيا الهلال كان يعاني في الشوط الأول :

من تباعد الخطوط وعدم التفاهم بين خط الدفاع ولعل وجود محمد الدعيع في هذا الشوط بالتحديد هو من جعل الهلال يخرج بشباك نظيفة وهذا بفضل الدعيع وخبرة الدعيع بعد فضل وتوفيق ربي .

لكن في الشوط الثاني عاد الهلال الى نوع من التنظيم ولعله افتقد لتواجد مدرب قريب من اللاعبين يكون سريع التوجيه للاعبين ..

مشكلة الهلال أنه تكتل مبكرا أمام مرمى الدعيع هذا التكتل تسبب في ارباك اللاعبين وجعل الإتكالية تزيد مما ادى الى وجود ثغرات في الدفاع الهلالي .

لاتلومو الدفاع فالزوري جاء من بعد اصابة والهليل كلنا نعرف انه ليس بلاعب اساسي لهذا ليس من السهل ان تلعب بخط دفاعي للمرة الاولى يلعب مع بعضه ... ومع من انت تلعب . تلعب مع الفريق الوحيد في الدوري الذي يلعب بتشكيل منضبط ومتجانس وموحد .


تعالو للحكم الفاشل والذي اشك بأنه دخل مبرمج وسأتحمل هذه الكلمه لوحدي وصدقوني انه كان يبحث منذ الشوط الأول عن سقوط اي لاعب شبابي داخل المنطقة .

والله ياجماعه انا كثير الكلام بالحكام ولكن خبرتي ليست كخبرة الحكم نفسه لكن ياجماعه والله مايصير.. انه فاول .. ويتحول بقدرة قادر الى ركلة جزاء .

بصراحه تحكيم اليوم اجزم انه يدل على شيء ما دار خلف الكواليس ... والله أعلم

بالنسبة للثانية : لاتعليق


أحمد الفريدي : انت لاعب فنان فنان وستبقى ثقتي فيك لحدود النهاية انت لاعب المستقبل في الهلال ولكن يا أحمد .. الغرور سيلقي بك خارج أسوار الهلال وانتبة لنفسك يا أحمد
اترك اسلوب طارق التائب لطارق التائب وألعب بأسلوبك انت كن احمد الفريدي الذي نريد
فقط اسمعها مني يا أحمد فو الله من يتغنى بالفريدي أن سقط اسمك لن ينفعك ولن يفكر بأحمد الفريدي وتأكد أن الهلال بالذات يذهب من يذهب ويبقى من يبقى ولا مكان فيه للغرور

عد كما كنت احمد الفريدي ذالك اللاعب الذي يتسلل بين المدافعين ويسلسلهم .. ألوم فيك يا أحمد مدرب الهلال وادارة الهلال وبالأخص منصور الأحمد لأنه كان علية ان يعمل معك التوازن المطلوب ...

ذات مرة قال لي أحد المدربين في حوار ثنائي انني تعمدت وضع هداف الفريق في دكة الإحتياط لأني سمعته يقول لأحد زملائه لن تفوزو بدوني .. واثبت ذلك المدرب للاعب انه يفوز بدونه .. الحقوا الفريدي ياجماعه ولاتضيعوه بكثرة المديح وكثرة الإطراء لاتقتلو صغارنا بالثناء الزائد .

عودو مع الإعتذار لكم وليس لحكم المباراة والحمد لله على نعمة العقل بدلا من أن يعطي لاعب الشباب كرت اصفر يعطيه لطارق التائب ..

هذا الكرت الأصفر يجعلني اضع يدي على قلبي واقول انتبة ياطارق تاخذ كرت اصفر لو بيسجل لاعب شبابي بمرمى الهلال لاتاخذ كرت اصفر امسك اعصابك ولاتضيعنا من تواجدك في مباراة الإتحاد .

ها .. برد وجهك ياللي تقول ان الدعيع مستواه انخفض واعتزل يادعيع وحافظ على تاريخك
الليله كان رد الدعيع مجاني لمن لايفهم في كرة القدم إلا لغة الخوف والتسرع ..

اواه يابو عبدالعزيز ماهذه الروح العالية ماذا ارى قولو ماشاء الله ماشاء الله يامحمد والله يخليك لعيون ترجيك

لاتلومو بقية اللاعبين فوالله كل اللي تشوفونه من ضغط المباريات وهذا دليل فطانة وذكاء من وضع الجدول الذي انصحه ان يجلس بالبيت ازين واصرف والله ماله مكان بالإتحاد السعودي وحسبي الله على من خلاه جالس ومتربع .

اليوم كانت هناك روح لكن الإرهاق قتل الروح وقتل الأداء وقتل المستوى الفني ولهذا لن اعلق على أي لاعب وعلى مستوى فني اعرف تماما ماهي ظروفه ...

لاتقلقوا على الهلال خلو ها تصعب وخلوها تصير معقده تعقيد وسأقول لكم بالفم المليان : مالها إلا هلالها وستبكي عيناك يافيصل عبدالهادي ستبكي موت ولن يعرف مامعنى دموع الحاقد غيرك ..

جمهور الهلال لاتتخلو عن الهلال يوم الأربعاء فالهلال ينتظر منكم الوقفة الأخيرة ولا اعتقد اننا سنتخلى عن الهلال في هذا التوقيت الحرج .. دعونا نكمل الموسم برفقة الهلال وفي نهاية الموسم ساعدكم بموضوع صريح جدا ...


لاوقت للتهاون والتخاذل الهلال يحتاجنا ويالبية ياهلال العز سنكون معنا ونريد الحضور يوم الأربعاء للأستاذ اكثر مما كان اليوم لنقول للهلال اذهب الى جده وتذكر أن هناك من ينتظر عودتك ياهلال الى الرياض وانت حامل الدوري ..



وفق الله الهلال وفق الله الهلال حيث حل وحيث نزل وفي جده انا معك ياهلال ومتواجد بالملعب ولن يردني عن مساندة الهلال في جده إلا الموت . ومشيئة الله في ذلك


أخوكم : أبو عبدالله

شكرا لك ، وأوافقك الراي فيما كتبت ، ولكن لا بد من وجود من يدافع عن الهلال ويأخذ حقوقه من الظلمة والحساد مهما كانوا ، وحسبنا الله ونعم الوكيل.

والله الحكم اليوووم ماعنده سالفة ... دج في المباراة لليل ...

مهيب عليه ... عاللي جابه

ولا تلومونا ان قلنا جددوا مع تفاريس ,, لان الدفاع اليوم شو11111111رع بدون تفـاااااااااااااااااريـس !!

وياصبرها يالعنقري انت وشلة حسب الله :(

الفريدي : والله يالدكه أنها مشتاقة لك بالحيل ومنت أفضل من فهد مبارك ولا الموري ولا الذياب اللي عمروا فيهآ


الحكم : لك عليه بعض الملاحظات بس ضربات الجزاء صحيحه 100% وفريقنا ماقدم مستوى عشان نلوم الحكم


التايب : الهلال مادفع ملايين عشان تتنرفز كأنك لاعب مبتدئ الهلال يبي لاعب يفيده مو نص الموسم إصابات وربعه موقوف ..!!


العنبر : لايلام المرء بعد إجتهاده طنشك المدرب من بدايه الموسم ويوم طفر مهاجمين رجعلك ويبغونك تكون سوبر مان ...!! سبحان الله


الدعيع : كبير وستظل بعيني كبير يا بطل وأنقذتنا من تاريخيه ..

/
\
/

وشكرا لك يا أبو عبدالله

لويس الخامس عشر..!

سأناقشك بردك كامل مع من قبلك من الأعضاء ولكن اخي الكريم : هل انت متأكد من ان ضربة الجزاء الأولى هي ضربة جزاء وليست فاول ..

اتحداك يالويس هي فاول وليست ضربة جزاء

تحياتي لك

خلني امشيها وآقول فاول وين المشكله يعني لو حسبها فاول بيفوز الهلال ..!!

وبعدين من متى حنا الهلاليين خلينا التحكيم شماعه هذا ديدن الفقر على مدى السنين ..!!

انا معاكـ هو الحكم اذا اي لاعب شبابي طاح
يحسبه خطاء على طول والمفروض ضربه جزاء
للهلال بس ما حسبها ليش الله واعلم اكيد لولا الله
ثم محمد الدعيع كان الهلال اليوم مهزوم.
وان شاء الله ياخوي الوعد يوم الاربعاء وانا ان شاء الله
بكون اول الموجودين بالملعب ولازم كلنا نساند الهلال
وان شاء الله يكون فيه جمهور يملي المدرجات كلها...
مشكووووووووور اخوي على الموضوع .
تحياتي:$ميامي$

دام عزك ياهلال اللهم نصر هلالنا اللهم امييين
والوعد يوم الاربعاء ان شاء الله الفوز لنا
بالتووووووووووووووووووووفيق لك يا زعيم

لاتلومو بقية اللاعبين فوالله كل اللي تشوفونه من ضغط المباريات وهذا دليل فطانة وذكاء من وضع الجدول الذي انصحه ان يجلس بالبيت ازين واصرف والله ماله مكان بالإتحاد السعودي وحسبي الله على من خلاه جالس ومتربع .



لز سمحت اي بيت تقصد بيت الخائن والا بيت البلوي :bigeek::upset:

هلا بالمبدع أبو عبدالله ..

أنا مهيب عادتي إنّي أهاجم أحد ..<<-- أيه واضح !! بسم الله عليك !!


لكن أحمد الفريدي اليوم بصراحة .. يا أنه " ما نام زين " أو " أنه يحس إن له ضروس قداميّة كبار .. ويدينه طوال .. والعالم ينادونه " رونالدينهو" !! أتمنى من كل قلبي أن " ينتبه أحد لمستواه " !!
ويا أحمد تراك " لاعب ناشيء " توّك صغير !!
النجومية يبي لها " شغل وجدّ " !!
معذور .. وضغط المباريات " يهدّ الواحد " !!
بس ( حّرك عمرك يا مال الصلاح ) !! وراك بارد تسذا ؟!
ما بقى إلا تمد يدك .. وتسكّر كل أصابعك وتفرد أصبعك السبابة .. وتأشر على الكورة .. وتقول لها " تعالي" !!
الكورة ما تجيك يا أحمد !! الكورة تبي اللي يروح لها !!
وتراك غالي عندنا !! ما نبي نخسرك يا بعدي .. ودوم معك !!
والله يلوم اللي يلومكم في هالفترة !! الواحد ما يمديه " يطق ظهره " !!
لكن " أنتم قدها " شوي " تركيز " وكل شيء يرجع مثل ما هو !!
إلا ( الغرور ) وإلا ( شوفة النفس) وإلا (الاستكبار على الكورة) !!
الكورة تبي "اللي يقاااااتل عشانها " !! وأنت (قدّها يا ذيبان) !!

مباراة اليوم .. أقل من المتوسط !! والارهاق (الذهني) والـ(جسدي) واضح !!
والمباراة فقيرة فنيا !! ودون الطموح !!

و لا ودنـّا نعلق أخطائنا على الحكم .. ونصير مثل " فريق دموع الشمس " !!
لكن الحكم : اليوم فيه (روعة) !! و تحسون إن فيه " أحدن" مهاوشه قبل المباراة !!
ولو أحد يعطس .. كان صفـّر !!
يعني المباراة ميب ناقصه !! وهو زاد الطين موية <<-- ما اقتنع بكلمة " بلة " !!


بالنسبة للمرشدي ..

أتوقع يوم شاف (تكر) لاعب في سيقان مجرشي !! قال يا ولد .. وراء ما أسوي مثله وأنا وش زودي !!
ماجد !! أنت نجم !! أنت أنيق !!
وشوله كل (هالخشـّات اللي مالها سنع ) !!
شوي ركادة وأنا أخوك !!
باقي لك شبر وتدخل خشتك في (لوحة موبايلي اللي وراء الدعيّع) !! كل ذي تبي تخلص الكورة !!
التركيز مطلوب !! وحنا نبيك بتفانيك .. وبأناقتك !!
سوالف " تكر " وخربطته الفاضية ما نبيها !!


برايفت تكر :

أنا أشوف ترفع أوراقك للرئاسة ..وتطالبهم يحطون لك "رصيف" وعيون قطط !!
ويصبغون خط ( الآوت بأصفر) !! ويحطون بنص الملعب مطبات !!
لأنك (موتر) ما انت بآدمي !!
لعنبوك هذا وأنت ما قصدت تصيبه أجل لو إنك (ناوي) !! تسان وش مسوّي ؟!
شاق (كليته) ؟! وإلا (قالع عاموده الفقري) !!
ما أقول إلا (الله يقاصرنا ويقاصرك بالاحسان) !!
أحس إنك إذا مرضت .. ودوّوك لـ(ورشة) موب عيادة يالـ(بيوك) !!


تحياتي لك يا ابو عبدالله .. وتحياتي لقلمك وتحليلك الراكد المتأني .. !!