04/04/2008, 03:12 PM
|
| شاعر هلالي | | تاريخ التسجيل: 22/11/2003 المكان: قــصـ(الـهــلال)يدة
مشاركات: 4,103
| |
|
شاركيني في نشيدي ياجماهير الهلال!!
الطموح كبير ...والا ..شي مايكتب عسر
............ والاماني .. اكبر... اعلى . من شواهيق الجبال
ليلة البارح ضحكت وقلت...( عفواً يابشر )
.................انهزمنا ؟ مانهزمنا ..انهزمنا !!!! لاااا محااااال
ياهلا ل النور .. نورك كم تمناه القمر
........................ماتهون .. ولاتكون الا على قدر وجلال
ياهلا العز ..كل من لايحبك يشتهر
................. مثل شجره مثمره .. باحجار ... ترميها العيال
في عيون اعداك نقشك مثل نقشاً في حجر
.........................غمضوا!! او فتحوا!! او كحلوها بالكحال
ونحمد الله ربنا وثماننا صارت عشر
......................... بعدما بانت نوايا اهل الظليمه والضلال
موغريب ان البطوله تذهب لنادي النصر
.......................بعد ماقصوا جناحين الصقر بعض الجهال
للدموع حقوق ..مادام انها سالت نهر
....................... واه ياحظ العيون اللي لها دمع ً وسال
واضحه !!! والعيد له ليله تبين من عصر
.................... انها تسلب.. وتهدى... بالحرام او بالحلال
بعد عشر سنين جات لهم بطوله من قصر
.............. طلعوها... نزلوها ... من يمين ... او من شمال
وانت يا(راعي الا مانه ) ويش عندك من خبر
...............يومي ترمى الذائقه ..وتشوه احساس الجمال
بعد وليت الامر .. ويش لون تعبث بالامر ؟
..........................والأمانه كايده .. وتعذرًت منها الجبال
للنصر . او للهلال . او للهلال ..او للنصر
.......................... وانت مالك في ثناياها جنيه ولاريال
ليش تبغاها ؟ نكد !والا حسد !والا كدر
....................ليش عين الشمس تتركها وتعمل بالظٍلال
صار ظهرك يا(قليل المعرفه) اطول جسر
.....................وصار يضرب بك على (قل الوفاء) اكبر مثال
جبتها بالخبث لكن الصبر.. ثم الصبر
.........................ماتقل عزومنا.. ...والمجد باقي لايزال
لو(مدى عينك )يزيد بنظرته حول الشبر
........................ كان ماخليت جمهور الرياضه في جدال
حظك من الطيب كنًه حظ (لحًاس القدر)
........................وفالك (السود الفضائح)تبتديك بكل فال
شيمة الغدار فرصه .. ينجلي فيها العدار
.....................يرضي (النفس المريضه) والمصابه بالهزال
والا حنا قدرنا ..ابعد من ابعاد البحر
........................يشهد التاريخ .. واوقات التحدي والنزال
والمواقف ماتضيع بها البصيره والبصر
.....................غير لامن سلموها .. جاهلا!! يلبس عقال
الغبي اللي يقول الــ(موج الازرق ) ينقدر
...................لا .. حاشا ..مايقدرونه .. كلهم ( شلة عيال )
ياجماهيرً لها في داخل اعماقي قدَر
............................والله ان المرجله ماتكتب الا للرجال
للرجال اللي تحلوا بالصبر وقت القهر
....................ويحمدون الله على محصولهم في كل حال
ذا نشيدي كنًه الغيث المغيث اليا انهمر
......................وشاركيني في نشيدي ياجماهير الهلال |
الوضع العادي
