كوني له أمةً .. يكون لك عبداً ( وفي هالحالة وش يصير ؟) - نادي الهلال السعودي - شبكة الزعيم

ابو طـــــلال · #1 04/04/2008, 03:06 PM

بسم الله الرحمن الرحيم

أعضاء المجلس العام .. تحية طيبة

اخباركم .. فرداً .. فرداً ... وكلن بإسمه .. يوزر .. يوزر ...

كثيرة هي تلك المواضيع الموجهه للرجال ... كنقد .. وتركيز على اسلوبه في بيته .. وفي معاملته مع أهله

والأكثر هي الردود اللتي تخرج من الرجال لمثل هذه المواضيع ويكون الرد .. توجيه اسباب القصور والتقصير على النساء ..

وكلن يرمى الكره في ملعب الآخر

المراءه تقول .. الرجال كله عيوب ...

الرجال يرد ... انتم سبب هالعيب .. ولولا التعامل مع الرجل ماكانت تلك القصور من الرجل ..

وفي الأخير نتفق ان التقصير من الجميع ...

لذلك .. اعيد واكرر هالمقوله واللى اعجبتني : كوني له أمةً ... يكون لك عبداً

قبل كشف عيوب الآخر .. هل فكرت .. او فكرتي في عيوبك ؟

هناا .. انتهى الفصل الأول من موضوعي ...واتمنى تعجبكم الجملة مثلي :

========

الفصل الثاني : كلاكيت أول مره

برنامج 99 للمذيع المتألق صلاح الغيدان .... ركز هذه المره في حلقته الأخيرة على جرائم العمال .. ومشاكل العماله !!

مبالغ كبيره ... تجاوزات وجرائم أكبر ... جرائه ..بل وقاحه غير طبيعيه من هؤلاء المساكين ظاهرياً وللاسف .. نحن المساكين !!

مبالغ تهاجر .. تهرب .. اموال نحن احق بها من هالعماله .. كل العماله ينهشون ويسلبون خيرات بلدنا .!! وحنا يااهل البلد نحسد بعض والغريب يضحك علينا ويتشمت !!

شعب مشغول بالتصويت لشاعر المليون .. ولستار اكاديمي .. وعمالنا بالملاييين يحولون لبلدانهم بطرق غير مشروعه ومن مصادر مشبوهه وسرقه...

من هالبرنامج لعلنا نستفيد بأن أي حركه مشبوهه او تصرف غريب يجب التبليغ عنه وسيجد كل الإهتمام من الجهات المختصة ..

طبعاً لاجديد .. البرنامج والمقدم وكل من ساهم في ظهور هذه( 99 )يبدعون دائما ولهم منا كل الشكر والتقدير على حسهم الوطني والديني .. وليس لإظهار اخبار فنانه ..او لمعرفة بطاقة شخصية راقصة ...

هذه البرامج ومثلها من نقف لها احتراماً ونرفع لها قبعاتنا ونصفق لها بقوه .. شكرا لك صلاح .. شكرا لكل من قام واجتهد معك ..

============

الفصل الثالث

بيض الله وجه صاحب الفكرة ::

جملة دائماً يرددها شعراء المليون .. رغبةً منهم لكسب رضاء الشيخ محمد بن زايد ...

لكن هل تعلم بأن صاحبة الفكرة هي : نشوى الرويني ؟ مذيعه مصرية .. فبيض الله وجهك يانشوى .. اللى جمعتي هالكوكبه من الشعراء الشعبيين المميزين

888

وينك ياسوق عكاظ تجي وتشوف من يجمع الشعراء ويفرقهم

============

الفصل الرابع

سؤال :

لو أكتب موضوع من ستة اجزاء مختلفة ..

( الموضوع عاوز كده ) اظطريت يعني ( مثلا )

الجزء الأول يكون موضوع اجتماعي يناقش مشكله سلوكيه معينه .. ( في المجلس العام )

وجزء ثاني يتحدث عن نادي الهلال وأخبار أو تقرير .. او اي شي يخص نادي الهلال ( في قسم الجمهور الهلالي )

وجزء ثالث يتحدث عن نادي برشلونه .. وبعض لاعبينه واخبار عن هذا النادي وغيره ( قسم الرياضه العالميه )

وجزء رابع مجموعه من الفتاوي والأسئله المهمه واجوبتها من أحد مشايخ المملكه المعروفين ( قسم الثقافة الإسلامية )

وجزء خامس تذكرت الملك فهد في هاليوم وحبيت اترحم عليه .. الله يغفرله ويرحمه ( قسم خادم الحرمين الشريفين الملك فهد )

وجزء سادس .. سويت لي تصميم وحبيت انزله ( منتدى التصاميم ) و ( الإبداعات ) >> بعيده ادخل هالقسم

في هذه الحاله ... اكتب هالمووضوع المتجزء في اي قسم ؟؟ وانا مااقدر اجزءه لانه مجموعه من الأفكار إللى جت مره وحده ..

مع العلم اني مصمم انزلهن كلهن ... ومااحذف شي .. وابي انزل الموضوع كامل ؟؟

وين ينزل برأئيكم هالموضوع ؟؟ او وش يصير له ؟؟ او وش الموقف القانوني تجاه هالموضوع ومثله من المواضيع المنوعه ؟؟