|
لماذا نحزن .. ( وكلام يثبت ان كلام محمد بن فيصل أن الحكم سيء باطل) بسم الله الرحمن الرحيم السلام عليكم ورحمة الله وبركاته لماذ نحزن ؟ ولاعبونا قدموا مستوى فني عالي يجعلني افرح بهذه الكوكبة من النجوم التي رسمت لوحة فنية كبيرة لم يكتب الله لها النجاح والظفر بالبطولة والحمد لله على كل حال .. قبل المباراة حدثت امور كثيرة تصيبك بالإنهيار ولو لم اكن هلاليا لحدث الإنهيار لكني اشعر ان هلاليتي تجعلني قويا كقوة الهلال . تعال معي لكوزمين الذي نال عقوبه لاتصدر إلا من رجل ........ عندما قال سلطان بن فهد واصدر تعميم بفصل البطاقات في المسابقات اليس من البديهي ان تفصل ايضا للمدربين يبدوا ان الشخص المسئول يحتاج الى قرار بضرورة الفصل بين المدربين حتى يفهمها ... اما تأجيل مباراة الشباب والذي قوبل بالرفض من الشباب وانا لا ألوم الشباب بكل امانه على رفض التأجيل ولكن الوم الإتحاد الموقر والذي جعلنا نلعب مبارتين الأولى نهائي والثانية تحديد مصير في ظرف توقيت متقارب جدا ... ماذا نسمى هذا ؟ هل نقول انه إعلان صريح من لجنة المسابقات للهلال على وجه التحديد بضرورة التخلي عن إحدى البطولات وكأني بهم يقولون ( مابتشيلها مابتشيلها رضيت ولا مارضيت ) ليتها كذلك لكن الأمور اكبر من ذلك فهي تدخل بالجهل مع الحقد واختلاط الجهل بالحقد يسوي البلاوي ويارب انك تفضحهم ... اشك بأن من وضع ترتيب المباريات وتنظيم المباريات في دوري اليد هو نفس الشخص الذي قام بوضع دوري القدم ولاتستغربون او تعتقدون اني قاعد انكت .. اما الحقد فهذا واضح ولكن مالقينا اللي يقطع دابره في ظل تقصير سلطان بن فهد ومجاملته واصراره على الحاقد فيصل عبدالهادي .. تعالو معي للحكم السويسري بوساكا ( أول مرة اشوف واحد اسمه بوساكا ماهو كوري ) هل تذكرون تصريح محمد بن فيصل عندما قال ان هذا الحكم هو اسوأ حكم دخل في الملاعب السعودية .. هذا التصريح طبعا قبل المباراة خلونا نشوف المباراة طيب وبعدين نشوف محمد بن فيصل يمكن انه استعجل بحكمه ولا انه متحامل على هالحكم ولا في شيء بينهم واحنا ماندري .. وش سوى الحكم ياجماعه غير اعطاء نواف التمياط كرت اصفر غير متسحق .. وش سوى الحكم ياجماعه غير عدم اعطاء ايلتون لكرت اصفر اثناء اعاقة احمد الفريدي وش سوى الحكم ياجماعه غير اعطاء ضربة جزاء للنصر وهذا موجود بنص المسابقات في الإتحاد السعودي للي ماسبق انه اطلع على النص هذا إقتباس:
وش سوى الحكم ياجماعه غير انه تجاهل كرت احمر نتيجة كوع خطافي تعرض له احمد الفريدي خلال الشوط الثاني هذا من غير الكوع اللي تعرض له نواف التمياط واللي الشاشة ماجابته .. وش سوى الحكم ياجماعه غير انه تجاهل كرت اصفر للمدافع النصراوي الأسمراني اللي لو اخذه كان اخذ البطاقة الحمراء من خلال اللعبة التي تلتها وش سوى الحكم ياجماعه غير انه تجاهل اعطاء حارس مرمى النصر كرتين صفر الأول للإحتجاج على قرار الحكم والثاني اضاعة الوقت وش سوى الحكم ياجماعه غير انه تجاهل كرت اصفر يتوجب اشهار الكرت الأحمر خلفه لتمثيل ظهير ايسر النصر كل ماذكرته يثبت ان كلام محمد بن فيصل ان الحكم سيء باطل :d وبعد العوده لما سبق من تصريح ابو سلطان وجدنا ان الحكم مظلووووم ومسكين اتركوا كل هذه الجوانب وتعالو معي للإشادة بكل النجوم بدون استثناء وبدون ان نعلق بتعليق الافضلية الظالم هذا كويس وهذا مشيء حالك كل اللاعبين الذين رأيتهم مساء البارحه كانو نجوم ويجب ان نعتز بهم وبدون مفاضلة لاعب على لاعب فهنيالنا بهذه الكوكبة التي ستكون نواة فريق بطولات وستكون بإذن الله امتداد لجيل سابق جلب للهلال البطولات كسبنا العديد من المواهب وهذا المكسب اتفق فيه مع كل من ذكر انه اهم من كسب البطولة نقاط صريحه جدا 1- من الظلم اقحام بدر الدعيع بمنافسة منذ الان مع محمد الدعيع ( عمه ) ووالده عبدالله الدعيع ومن الظلم ايضا الحكم على هذا الحارس الذي اتنبأ له بمستقبل كبير بأنه سيكون حارس بالمجاملات .. بدر الدعيع حارس مميز والإستعجال بالحكم على هاللاعب ليس له مكان بخارطتي 2- أحمد الفريدي نجم مميز ولكنني سجل عليه ملاحظات التمثيل المبالغ فية ليلة البارح والغرور ليلة الاهلي فالتعالي يابو احميد لن يقودك للأمام بل سيعود بك الى الوراء .. انتبه يا احمد الفريدي فأنت لاعب مميز ومستقبلك سيكون باهر ليس على الصعيد المحلي بل اكبر من ذلك ولكن الغرور قتلك وقتل أداؤك وتواضعك ليلة البارح دليل على ما أقول 3- عبدالعزيزالدوسري على الرغم من قناعتي بتوجيهات استاذي بالمنتدى ( هلالي ثنياني ) بمسألة الثناء الزائد على اللاعبين لكني بخالف وبقول انت لست محمد الشلهوب كما قلت في مقالي السابق ولست ميسي كما قال عبدالله الحربي انت اكثر من ذلك ياعبدالعزيز ومستقبلك سيكون كبير اذا لم تنجرف وتيار الغرور الذي قتل نجوم كبار كانو بالهلال كما قال استاذي امثال : فهد الغشيان وفهد الحميد 4- في كل خانه كسبت لاعب جديد قادر على ان يكون لاعبا اساسيا في الموسم القادم ولكن ساضع تساؤل كبير : هل سنرى التجديد بعناصر الهلال والمزج بين هذه العناصر وعناصر الخبرة في الموسم القادم ... 5- فرحة النصر بحصولهم على كأس فيصل بن فهد ضعوها بالذاكرة وتذكروا جيدا هذه الفرحه إن حدثت معجزة اخرى وحققت الصين كاس العالم ... اتركو النقطة الرابعه للقادم ولاتنسو مباراة الشباب بالتوفيق للهلال في الدوري اعتذر منكم على التقصير فالموضوع الذي تعبت فيه ثلاث ساعات ذهب وادراج الرياح ( بسبب كمبيوتري الأحمق ) وهذا ما أثر على نفسيتي اثناء كتابة هذا الموضوع لكني اتمنى ان يكون موضوعا يليق بمقام القاريء الكريم اخوكم : ابو عبدالله |
جزاك الله خير وانا متفائل بالدوري ان الزعيم يبي يحققه |
يشرفني اني اكوووووووووون اووول من يررررررد علييييييك.. الحكم بريء مررررررررررررررررررررررررررة .. مشكووووووووووووور ع الطرح المميز والاميز انه منك ... |
الله لايهينك يآبوعبدالله ..! والله اني مازعلت عشان الخساره بالعكس زعلت عشان لاعبينا الشباب اللي نزلت دمعتهم ..! لكن بحول الله راح نعوضها بالدوري ان شاء الله ..! آهم شي الحظور الجماهيري في مباراه الغد ..! بالتوفيق للزعيم ..! |
جزاك الله خير وانا متفائل بالدوري ان الزعيم يبي يحققه |
يعطيك العافيه .. قدمنا مستوى جيد .. وكسبنا ابطال شباب ان شاء الله مستقبلاً سيحصدون البطولات تلو البطولات .. وان شاء الله نفووز في الثلاث مباريات اللي جايه ويكووون الكااس من نصيبنا .. |
أضف إلى ذالك أخوي ضرب التون للفريدي وإعاقته من الخلف ومع ذالك حتى الورقه الصفراء لم يبرزها ويعطي كرت أصفر لنواف لأن لعب الكوره بدون صافره حكم سويسري من نوعا آخر .. |
مشكور ابوعبدالله والله اني حاس بتعبك بضياع الموضوع المتعوب عليه00بنفس احساسي بضياع البطولة المتعوب عليها من صغارنا نتمنى التوفيق للزعيم بالقادم والاتحاد السعودي متعب ظالم اناني رحمك الله يا فيصل بن فهد |
كعادتك مبدع ياأبو عبدالله ..! اللاعبين قدموا أداءاً رائعا ورجوليا وخيالياً ..! ولكن هناك من قتل هذه الروعة في مقدمتهم حكم اللقاء ومن وراءه لجان الإتحاد السعودي ..! وعاندهم الحظ ..! أما الحكم فحدث ولا حرج أما سالفة البلنتي كوم والباقي كوم ..! الفريدي إنتبه إنتبه ..! الدوسري إنتبه تصير مثل زميلك ..! تحيتي لإبداعك أبو عبدالله ..! تحياتي .:. raul 4 ever |
إقتباس:
ان شاء الله النقطه هذي راح تكون مباركه بالدوري . . . كل الامنيات للهلال بالتوفيق ان شاء الله . . . . وصراحه الهلال امس لعب ضد 12 لاعب . . الحكم والله شوّه المباراه . . وقتل اللاعبين بقراراته . . لكن لانه ضد الهلال فالموضوع عادي ومشيها . . . . وسلامة نفسيتك ان شاء الله :d . . . والله ماله حق الكمبيوتر :naughty: . . . . . على العموم موضوع رائع ومشكوور وماقصرت . . وان شاء الله القادم احلى للهلال . . . . ALAMEER 14 |
إقتباس:
اخوي مو مهم انك ترد اول واحد . . المهم انك تقرا الموضوع ويكون ردك لما في داخل الموضوع . . وليس العنوان . . الله يعطيك العافيه . . والسموحه من ابو عبد الله ورده |
هلا والله بالقحماني ,, .. منور المنتدى بموضوعـكـ وكلامكـ سليم 100 % . .. بطولة ( الكأس الممهــدة (( المهداة )) ) . .. بالنسبة لجمهور الهلال فهو جمهور واعي يعرف الظروف و يعرف كيف كان الظلم لـ شباب الزعيـم الذين أعمارهم تحت 19 سنة ؟.! والدليل على أن جمهور الهلال لم يكن حزين على تلكـ البطولة ( الماصلة ) هذه الصور من تدريب اليوم ( المغلق ) http://upload.alhilal.com/img/013/DSC_0028.jpg http://upload.alhilal.com/img/013/DSC_0032.jpg http://upload.alhilal.com/img/013/DSC_0034.jpg .. .. أشكركـ يالغالي على الموضوع وكـلامكـ ( فوق الصـح ) ورده .. .. s34s |
القحماني كالعادهـ طرحك راقي .. والله يوفق الهلال بباقي مباريات الدوري .. |
أنا أقول .. باركوا للنصر بـ بطولة بوساكا الأولومبية ..!! وباركوا للهلال بـ نجوم المستقبل ... :) algohmani .. موضوعك .. (معبر) ! يعطيك العافية ورده |
إقتباس:
لا أقل شي ذا (الفنس) عندهم ذمة !! ولو تجيب له (خيشة رز مسلوق ) وهي أغلى ماشافت عينه !! ما باع ضميره !! وذا يا رجال .. يا أنه داق في (هالجريش .. قبل المباراة ألين صار ما يشوف ) يا أنه لاعب في (طاسة = غضارة ) حليب نياق !! الين صار يشوف كل شي " حليبي كذّاب" !! يخوك أول مرة أشوف حكم محايد " يحكم ّ لنا أكثر من الحكام المحليين " :d تدري يا أبو عبدالله إنه يدل في الرياض أزين مني ومنك :d !! --------- أسئلتك يبي لها " أجوبة " !! لكن وش نقدر نقول .. إلا إن خطر البنغالية وصل (ملاعبنا) !! وزرف .. وسرق .. وبجاحة عينك عينك !! وتسانك ولدن لأبوك .. تكلم !! يا ( صح ) و ( شاهق ) !! يا خل عنك ( المناقشات اللي ما تودي ولا تجيب ) !! لكن نسوا إن فيه ( رد ثالث ) !! وهو الرد الهلالي !! وقريب يبي ينكد عليهم الزعيم " أفراحهم" !! بحيل الله وقوته !! تحياتي لك ولتسليطك الضوء على " نجومنا الصغار " !! وبالله ركزّ لي على الفريدي !! لأنه بدأ يمشي بالطريق الغلط .. والله نحبّه ونبيه يستمر على طريق الكبار !! لكن " الغرور" والبرود والترييش !! عمرها ما صنعت (نجم) !! أحمد نبيك (زي ما أنت ) !! أحمد الفريدي !! وبإذن الله نبي نسمعك الرد منك " في الملعب" !! وكلنا معك .. وننتظرك !! الدوسري بيّض الله وجهه !! لو إني بعمره .. وألعب قدام 60 ألف متفرج .. كان مع (اللخمة) .. تصافق ركبي !! وتطقني النفاضة !! ولا عاد ( أميّز) !! لا أقوى أتحرك من مكاني !! والله إن يدخلون بسيارة الهلال الأحمر يطلعوني :d فعلا أثبت إنك " كبير" .. تراه وصلني " سالفة دعاء الشلهوب لك " وعلاقتك فيه .. ودامك تمشي على "طريق محمد" ما عليك خوف !! بدر الدعيع !! زي ما قلت لا يمكن مقارنته في هالعمر لا بأبوه ولا عمه !! لكن مشكلته الله يجزاه خير .. (يحوقها في بعض الكور) .. ويقدّر شي اسمه (أمسك الكورة) .. ما يدري من اللي مرجعها له !! "أمس جالس له ساعة إلا ربع يهوجس .. أمزعها وإلا امسكها !! أمسكها وإلا أمزعها !! والله لو إني رجل (خط) .. لا أدخل عليه الملعب .. وأقول إن (عدتها يا بدر) ابمزعك بهالعصا اللي بيدي !! ينقص بدر .. (التركيز) وإلا أمس " طب طبة على الكورة فك الله راسه من العارضة .. وجت الكورة بين يدينه " !! لكن ما نلومه !! لعوامل كثيرة !! رهبة الجمهور !! سرعة الكرة !! عدم الجزم التام إنها راح تجي بهالمنطقة !! وبإذن الله يتعلم من أخطاءه ويستفيد من تواجد " عمه " في الفريق !! ويصحح أخطاءه .. واللي ما يخطي !! ما يدري وين الخلل !! فحلو نتعلم من أخطاءنا !! ------------ تحياتي لك .. يا أبو عبدالله .. أخذت لك (جزئية ) معينة من " لقاء الأمس " كلنا بحاجة ماسة لمناقشتها .. وقدرت "تشرحّها" وتحط يدك على مكامن خلل !! ونقاط "يجب تبيينها " !! تحياتي لك ولقلمك صديقي .. :yes: |
| الوقت المعتمد في المنتدى بتوقيت جرينتش +3.
الوقت الان » 03:30 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd