03/04/2008, 11:06 PM
|
زعيــم فعــال | | تاريخ التسجيل: 03/01/2006 المكان: الرياض
مشاركات: 420
| |
يعلم الله اني احب نواف
نواف زمان اما الحين نواف يمر بظروف
قولها بالفم المليان يانواف ارحل
مو عشان اللي صار امس لا وربي من زمان نواف انتهى
لانجامل انفسنا وعلى حساب مين ...هلالنا
لا والف لا
نواف فيه غيره وحقد على كل نجم
ولاوش يعني المثالية هذي مع اللاعبين الصغار وينه قبل سنتين يوم حقق الهلال بطولة كاس فيصل امام الاهلي
كان نواف ماتواجد مع اللاعبين الصغار
ويوم جاء وقت الحصاد طقها زي الحلاوه
ليش ماقال الصغار هم اللي تعبوا لازم يكملون المشور
ولا الحقد والكراهية للنجوم اللي قادرة تحسم
مثل ياسر والتايب
نواف انتهى ورضينا فيه يجلس على دكة الاحتياط تقديرا له
اما انه يزرع بذور المشاكل والحقد والكراهية
لا والف لا يانواف قف مكانك
انت لاعب انتهيت ولاتحمل في نفسك اي طموح همك الاول والاخير نفسك وبس
وعموما الادارة هي السبب في ان تسمع له
كان عليها ان تقول له الباب يفوت جمل
هل نخسر بطولة لعيون نواف
انا في الوقع لست ضد اللعب بالفريق الاولمبي
ولكن لماذا نطعمة بلاعبين كبار لايقدمون ولايؤخرون ويحسب علينا اننا استعنا بهم
هل هي المجاملة القاتلة
التي تعصف بنتائج الفريق
الهلال كبير وليس نواف الامر الناهي
ولكن من وافق نواف هو من يتحمل موافقته والا نواف لايغدو عن كونه لاعب اضاع طريق النجومية
وهاهو يسلك طريق الكراهية والحقد
القانون يسمح لنا بخمسة ولم نستغلها للاسف خير استغلال
يانواف هل انت وصي على لاعبي الهلال
لو سمحت انظر الى نفسك وراجع مستواك لانك بالعربي عاله على الفريق وحظورك حاليا يضعفنا ويكون ثغره علينا
ادري راح يزعل مني كثيرين لكن هذا رايي
والهلال غني بنجومة ولم تلده امه من يفرض رايه على الفريق فما بالك والفريق هو الهلال
وبعدين بعرف نواف ادخل نفسه في تحدي
بسبب اصراره على عدم مشاركة القوة الظاربه في الهلال
ولكن فشل بمرتبة الشرف في ان يصنع اي شي او يضيف للفريق اي قوه بل العكس كان مصدر ضعف
وما ان تم استبدالة حتى كدنا نصل للتعادل لولا حكم ظالم وعدم توفيق
والله المستعان
احبك يانواف لكن مو على حساب حبي للهلال
والزمن يشهد اننا وقفنا معك في كل ظروفك
وماقصرنا لكن وقف ابن التمياظ فالهلال ليس ملكك |