03/04/2008, 03:55 AM
|
| زعيــم متواصــل | | تاريخ التسجيل: 15/05/2005 المكان: آمريكا
مشاركات: 103
| |
|
ابيك تفهمني بس
بسم الله الرحمن الرحيم
الحمد لله على كل حال والجايات اكثر ان شاء الله
بعدين لا نصير طماعين عاد خذينا بطوله بفريقنا الاول وليس (تحت 23 سنه)
ثاني شي ليه نزعل وبالاساس عارفين ان الهلال ماراح ياخذها ؟ بتقول لي ليه ما ياخذها
انا اقولك ليه
تعال نشوف كيف تأهل النصر للنهائي
تاهل بعد مقابلة الشباب وانتهت المباراه بركلات الترجيح (الحظ)
طيب وش صار قبل المباراه تم استدعاء لاعبين المنتخب من فريق الشباب والهلال وكم فريق معهم
طيب ليه قلت الشباب والهلال ؟ لانهم مقصودين بهالشي والخطه مدروسه من قبل يبون النصر يتأهل عن طريق الشباب والاهلي عن طريق الهلال ليه لان الاهلي فريق بهالبطوله اقدر اسميه فريق (متهالك ) واتمنى يسامحوني الاهلاويه
العمليه الاولى من الخطه نجحت بعد ما فاز النصر على الشباب بس بتوفيق الله اولا وفكروفن لاعبين الزعيم قدرنا نتأهل عن طريق الاهلي بأرضه
طيب نجي للنهائي
انا اتوقع انه صدر قرار بالعقوبات يقول ان العقوبه تطبق على اللاعب بنفس البطوله المعاقب فيها يعني ما تشمل البطولات الثانيه
الي الحين حلوين
توقف ليلو بمباراه نجران واتوقع انه يمشي القرار اللي فوق يعني بس بالطوله هذي . طيب لييييييييه شمل كل البطولات الثانيه
طيب خلونا نقول ان توقيف ليلو على اساس الحركه اللي سواها
طيب مهي مشكله راضين (نمشيها)
وبالدوري انطرد مدرب الهلال وما اتوقع انه نزل وضرب الحكم او رفس لاعب
كل اللي سواه انه احتج على قرار الحكم وتم طرده
طيب وش دخل الدوري بكاس فيصل ؟؟؟؟ هنا السؤال
ثاني شي انا اتوقع والعلم عند الله ان الشباب رفض تأجيل المباراه بعد ضغوط مهي صاحيه وما تعودنا هالحركه من الشباب واللي يثبت كلامي انه وافق بالبدايه بعدين رفض اعتقد هذي الاجابه
النهائي سالفته سالفه
الهلال دخل المباراه وهو مضطر يلعب باللي معه وانا اشوفها من حق اللاعبين الشباب انهم تعبوا ووصلوا للنهائي
والنصر لاعب بفريقه الاساسي وهنا اثبتوا لاعبين الزعيم انهم عقدة النصراويه مع صغر اعمارهم الا انهم احرجوهم واتوقع لو وقف الحظ معنا شوي كان ما نطلع بأقل من خمسة اهداف لكن اقول هدف الدوسري (يدرس)
مع كل اللي صار كله قدرنا نلعب مباراه بشكل اكثر من رائع اشوفه بس كانت مشكله الهلال بالحارس اولا وثقافة اللاعبين الصغار ثانيا
هذا اللي عندي واتمنى اني وصلت لكم الفكره اللي صايره
سبحان الله وبحمد سبحان الله العظيم |
الوضع العادي
