|
كأسٌ من الغدر ، تجرعوها !! ،،، ،، ، بسم الله الرحمن الرحيم تحية عطرة (صادقة) .. تجوب نسمات (طاهرة) ... تنثر عبقها (الأمين) ترمز ( بصدق وطهارة وأمانة ) لهلالها! أيها المنجل السابح في فسحة الفضاء .. أُسعدت (هلالاً) وعمت (زعيماً). في هكذا ليلة ظلام .. تساق آيات القهر إلى مقام رفيعٍ أقر بأن يجر الكأس إلى مغبرة التاريخ .. ويسجل في صحف التحريف الكثيرة .. لتكون الشمع الأحمرَ بعد ليالي قاحلة !! أن نخسر بهذه الكيفية ، فهو الفوز بعينه ، ليعلم الجميع أننا المستهدف الأوحد دائما ، وذنبنا أننا ننافس الجميع ، وذنبنا أننا العنصر الثابت والبقية متحركون .. فالله درك ياهلال !! كفكف دموعك ياحارسنا ، فالمستقبل أنت ، حيث أنت ، ولاعزاء لمن أراد بك حطاما أن هباء .. سيكونون هباء وسرابا .. وأنت يابن التاريخ تارخٌ سيخطه الذهب رغما عنه في سجلاته !! اكتب أيها التاريخ بحبر الزور .. في صفحات الظلام .. ربح المدلّسون .. وخسر الشرف .. وضاع الشرف .. وأنت ياهلال حبري الحقّ ، والقمر ليومٍ يغيب ، فهل تفينا النجوم ؟! أن تجابه ( اتحادا ) و ( لجانا ) و ( حكما ) و ( حظا ) ثم تثبت أنهم ليسوا سوى ريح سموم تهب لبرهة لهو شرفٌ ياهلال .. يا أيها الشرف الماشي في حقول الكذب .. نُزّهت عنهم .. وأكرمت !! امسحوا كل دمعة خالطت لوننا الأزرق .. يانجوما أخفت القمر ولاشته .. ستبقون متربعين في سويداء القلوب لايزاحمكم أحد .. كونوا كالصباح يمحو عتمة الليل الكئيب .. ألا أيها الليل الطويل ألا انجلِ !! كنّا ونكون .. وسنكون .. بفضل الله وحده سنكون فوق القمم .. لن يصلنا أحدٌ وإن فعل مافعل .. فسر زعامتنا لايخرج من موطنه الأزرق .. وإن دفعت الملايين في سبيل غيرنا ضاعت ولانفع بها !! كأسٌ من الغدر !! منذ أن بدأت البطولة .. والنيّة واضحة .. والتوجه بيّن .. وكأن الكأس فُصّل على أجساد ضيّقة .. فلم تترك شاردة إلا درست من قبل عصابة صنعت من النكتة منجزا تخجل الأجيال أن تذكره .. وصولا بإيقاف كوزمين الغريب ( اللائحة تنص أن الطرد مفصول في كل بطولة ) ، ثم اختيار الحكيم السيء ، وزاد الطين بلة اجتماعه على الغداء مع سعادة الأمين فيصل عبدالهادي .. كم أثقلوك ياهلال !! كوزمين .. مع كل التحايا أسست وبنيت ووصلت في غضون موسم واحد .. بينما غيرك استمر بنائه لشعرٍ عجافٍ .. من كان يتوقع أن صغار الهلال سيجعلون من كبار النصر أضحوكة .. وترهة تحكيها الأجيال .. فلتتناقل كل الدنيا أن لنا جيلا لن يقتله أحد أي أحدٍ .. واسمعوا يا أولئك !! شكرا كوزمين .. ودوما في القلب :smilie47: إلى ( ابن الزامل ) لاتضيقي به أيتها الرحبة .. انبسطي مد بصره .. طاوعي دموعه .. شاركيه الهم ثم العنيه .. لن يجدي دمعك .. ذكّريه بمجد الزرق .. وهيمنة الزعيم .. سنجري بدموعهم الأنهار ياصديقي .. واحفظ كلماتي للأبد !! آخر حروفي يامركب حب يرسو في القلبِ .. وفي العقل ِ .. ياعشقي بالأمسِ .. وباليومِ .. يا دائرة الحسن الأولى .. في عيني .. ياكل الأشياءِ .. وسحري .. كن زعيما !! أيها المنجل السابح في فسحة الفضاء .. أُسعدت (هلالاً) وعمت (زعيماً). {النمر15} ،،، ،، |
يعطيك العافيه اخوي نمر 15 بس يالغالي هذي بطوله كأس الامير فيصل ما لها دخل في الدوري ولا عليه طرد في هذي البطوله وعلى العموم بكل صراحه الهلال سوا اللي عليه والنصر كان يستحق الفوز بكل جدارهـ ومن ناحيه البلنتي البلنتي ما عليه حرج كلنا نتفق على كذآ وهارد لكم يا شباب وخيرها بـ غيرها |
مشكور على الموضوع الحلو من بين كل المواضيع اليوم ..... كوزمين يوم قال ابستقيل .. قال وش المهزلة اللي صاارة يوقفوني طيب مي خالف لكن في بطولتين كل بطوله ما لها دخل !! بلعها وسكت ! ولكن بعد مباراة الجار ... اتوقع ان الرجال في بيتهم !! |
أقووووووووووووووووووووووول خلووووووووهم يفرحون فيها هالمرة والباااقي أحلى |
والله لا لجان ولا شيء!! راجع المبارة وشف الخراشي والفريدي وشلون يلعبون ثمن قلي رايك؟! |
سلمت الآنامل على ما خطت من إبداع ،، وإن شاء الله شباب الزعيم يواصلون حصد البطولات في المواسم القادمه فهم الثروة الحقيقيه لنا |
يعطيك العافيه اخوي الله يوفق الهلال دنيا واخره وصدقني صدقني لو ان النصر يستاهل كان انا اول من يبارك لاكن الواقع يقول ان الهلال كان الاحق وكان هو الجدير في هذي الكاس وشباب الهلال شرحو كيف يبداء البطل وكيف يسر البطل في اول الخطواته كوزمين انت كبير واتمنى ان تجلس لسنوات بعيده الهلال انت البطل في كل الاحوال (لاتأسفن على غدر الزمان لاطالما رقصة على جثث الاسود الكلابا لاتقصدن برقصها تعلو على اسيادها تبقى الاسود اسود والكلابا كلابا) |
كلامك يا اخوي عين العقل بس ايش نقول الحمد لله على كل حال وان شاء الله تكون هذه البطوله درس للاعبين يستفيدو منه وبالنسبه للاعبين ففي مثل هالمباريات يبان الاعب الصح من الاعب العادي وبكل امانه اثبت الخراشي انه لاعب عادي وانا اطالب من الان من الاداره انها تبحث عن مهاجم سعودي مميز وتحضره للفريق وانها تستغني عن المهاجمين العاديين امثال الخراشي والعنبر وفي النهايه العقل السليم في تشجيع الزعيم |
الحمد لله على كل حال .... مبروك للنصر .... وهاردلك لابطال الزعـــــــيم انشاء الله خيره ويكون التعويض في بطولة الدوري الحمد لله اليوم الخساره واحده وليست اثنتين ؟؟؟؟؟ لأن كوزمين لو اشرك عزيز والتايب وياسر ممكن نخسر الثنتين.. ولا كن الحمدلله ..... أتعجب وأستغرب من المدرب تهميشه ل عبدالعزيز العبدالسلام والفلسفه في تغيير موقع المفرج مع ان المفرج ادى افضل من الذياب ولاكن في وجود العبدالسلام يجب اشراكه فقد ابدع مع بيسيرو س : أين عبدالعزيز الكلثم فقد أبدع مع الفريق الاول كأساسي واليوم احتياطي مع الاولمبي؟ |
كلآم رآقـي وسليـم من قلم رآقي لكن مآباليـد حيله :( |
بسم الله الرحمن الرحيــم .. لك الشكر على موضوعك... يعني فريق ينااافس على كل البطولااات .. كل يومين مباره ... وش تبغى منه ... اسجد شكر والله ان فريقي الين الحيــن يقدم هالمستوى .. الصرااحه اليوم الشباااب بغض النظر انهم مافوز او عن النتيجه .. لعبو بشكل جيد وممتااز .. وابدعووو... والصراحه انا كمشجع متعصب وعاااشق لنادددي الهلال والله اني مبسووووووط تدرون ليش ؟! اطمنت ان عندي فريق وااعد فيه هالنجوم ... مشالله عليهم .. الدوسري ..قمة الابدااع والى الاماام ان شالله الفريدي ... لاعب مهاري ... الله يوفقه ...هذا وهو صغيــر استنو عليه شوي.. المفرج ... دفااع ممتاز ... الكلثم ... لاعب يلعب بروووووووووووووووووح :clap: بدر الدعيــع ... ابدع اليوم ... ((بغض النظر عن البلنتي ... العجيــب!!)) ولو اذكر اسم كل واحد منيب مخلص الين بكره لانهم بالحق نجوم .. الصراحه كسبــنا هالموسم بطولات مهمه .. الاولى .. المدرب ... اعتبرها بطوله الثانيه : فريق الشباااب .. لاعبين ماعليهم كلام وهذي اكبر بطوله الثالثه والمهمه واللي لازم كل مشجع هلالي انه ينظر لها ... ((((الزعيــــــم طرف ثااااااابت في جميــع النهائياات )) ياشيخ الحمدلله يااارب فريقي يناافس على كل البطولات ... واخيرا: رجال الهلال .. ماقصروا ... بندر بن محمد لك الف شكر طلعت فريق .. ينااافس الفرق الاولى بكل اماانه ..لكم الشكر.. غيــر بطوله كاس ولي العهد..والبطولات اللي بتجي ان شالله .. بطولة اليوم ... من اول وهي معروفه للنصــر ..:surprised: انا اقولك ليش؟! فريق ماوصل للنهائيات من 10 سنين ..((فما فوق)) !! اللهم لاشماته.. وتوه يوصل اكيد بيفوزونه !! بحكم انه المنافس للهلال.. فريق من اول الموسم وهو يعتمد بس على هالبطوله ومركز عليها !!!!!!!!!!!! حكم اجنبي ... فقط جنسيته !! نسخة السعودي واسوء ...!! بلنتي!!!!! ضغط مباريات !! الف الف الف الف الف الف مبروووووووووووك للهلالين على هالنجوم الشاابه الواعده والقادمه بقوه .. يعني لاخوف للزعيــم .. والكبيــر كبيــــــــــــــــــــــر.. واشكر كل لاعب اليوم على حماسه وروحه والمستوى الجيد ... واقول للهلاليــن لاتزعلون ولاتظيقون صدوركم ... باذن اللي ماتنام عينه الدوري هلالي باذن الله ... ((الله الله بالوقفه مع زعيمكم البطل)) دام السماااا زرقاء وقلوبنا بيض:smilie47: أكبر فخر لاقلت اني هلاااااااااااااالي:smilie47: العذر والسموحه طولت عليكم :) |
إعداد :: blue tiger 30 :: Mohanad :: عـكـوز :: الزلزال الهلالي :: يعطيكم الف عافيه ، !! وهاردلك .!! |
http://upload.alhilal.com/img/010/a2-1.jpg +++++++++++++++++ كود: كوزميــــ :smilie47::smilie47::smilie47::smilie47: ـــــين .. اتمنى من الادارهـ عدم التفريط فيه .. النمر شاكر لك الطرح الراقي .. |
مبدع انت وأتمنى في كتاباتك القادمه ان تكون أكثر وضوحا وتبين الحيثيات بايجاز وتكون اكثر شجاعه كاتبنا مبدع |
أن تجابه ( اتحادا ) و ( لجانا ) و ( حكما ) و ( حظا ) ثم تثبت أنهم ليسوا سوى ريح سموم تهب لبرهة لهو شرفٌ ياهلال |
| الوقت المعتمد في المنتدى بتوقيت جرينتش +3.
الوقت الان » 01:35 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd