الحلم شيء .. والواقع شيء.. !!

الحلم أننا حلمنا بتحقيق الهلال لحد الآن منذ بداية موسم 1422هــ ثلاث بطولات وتـتبقى بطولتان من الصعب التفريط بهما .. لكن الواقع يقول أننا لم نحقق من هالثلاث بطولات ولا بطولة!!

الحلم أننا نرى فهد المصيبيح يشيد به الجميع ويشكرونه على خدماته التي تصدر من شخص فاهم ( وُلد في عصر اندثرت الإنظباطية والإلتزام ).. وبذلك أصبح أبو محمد من أهم مطالب الجمهور الهلالي لتمديد فترة الإشراف على الفريق( الأول) أربع سنوات قادمة.. لكن الواقع يقول وللأسف أنه من المغضوب عليه وأن أية خسارة مُقبلة حتى ولو أن المباراة بالتمرين ( ستعلق على فهد)!!

الحلم يقول أن سعود بن تركي من شدة إلتزامه بالنادي وملاصقته للنادي !!.. جماهير الهلال تطالب وهي بكامل عافيتها أن يستريح سموه ولو لساعات.. يبتعد عن أجواء الكرة لأن ألزم ما عليها راحة سموه .. لكن الواقع يقول أن سموه عارف صحته مظبوط .. لدرجة أن سموه حاسبها صح قبل ما يطلع الشتاء ويدخل الخريف إلا وسموه خارج أرض الوطن خوفاً من تغير الجو على سموه!!..

الحلم يقول أن أعضاء شرف نادي الهلال قبل أية مباراة رسمية نجدهم مُلتفين على اللاعبين والشّد من أزرهم وبث الحماس والحيوية فيهم لتحقيق المزيد والمزيد من رفع الضغط لبعض الناس .. وأننا نعرف أعضاء شرفنا واحد واحد .. ولو بغينا الحين ( قسّــمنا الداعمين منهم .. عن غير الداعمين) مع الأخذ بالحسبان لأن الغالبية تمثل بالأعضاء الداعمين .. وأن دينهم ودين التصريح بالجرايد وأي واحد فيه ( غلقة بصدره .. يجي ويفضفضها للنادي واللي يصير يصير) .. بشرط تكون بالنادي!! لأن مصلحة الهلال فوق كل اعتـبار ..

لكن الواقع يقول أن أعضاء شرف نادي الهلال ( انقرضوا )..!! ولم يعد منهم سوى ( 3) فقط بعد ما كانوا بعشرات العشرات!! ولو واحد منهم ( ما رقد زين)!!.. راح لأقرب جريدة و( معط له صحفي من حقين اللي يحبون يمططون الكلام) وقال أكتب يا شيخ .. ترى فيني تكة وضيقة صدر!! بس قلي من أطب فيه !! يقول له الصحفي :- طال عمرك المصيبيح لا زال ظهره مشدود وش رايك نكسر ظهره!!
يقول له وبراااااااسك .. أكتب ...!!..

للأسف هذا وضع أعضاء شرف نادي الهلال اللي كنا نتغنى فيهم .. كانوا ( في الماضي) أقرب إلى الأسرة الواحدة .. تجدهم بالنادي عند كل مباراة .. ولو كانت ظروفهم ستحول بينهم وبين هلالهم .. أخذوا من شد هِمم اللاعبين بالصحف بدلاً من التفريق واللي صار في مطلع عام 2000ميلادي ( موضة أعضاء شرف الزعيم)!!..

الجمهور الهلالي ضايع بالطوشة!!.. لا يدري الخلل أين هو!!..
هل بالرئيس ( السائح المشجع على سياحة المكسيك)!!
أم بأعضاء شرف النادي اللي نسينا أشباههم وملامحهم !!
أم بأشباه اللاعبين الذين ما إن تبدأ المباراة إلا ويستذكر اللاعب رصيده الحالي بالبنك!! لكي يستخدم طريقة ( لي الذراع ) وإلا طيارةالبلوي جاهزة!!..

إخلاص اللاعب لناديه.. أصبح مثل حديث المجنون للعاقل!!..
حضور الجمهور للملعب ومساندة الفريق .. أصبح مثل حلم بعض الناس ببطولة واحدة لم تدخل مقرهم من عام1418هــ!!..

بالهلال نختلف عن الجميع بأننا ( محامين بدرجة إمتياز) و محللين وناقدين بدرجة تفوق الخيال..يستند الجميع على مقولة ( من حقي أتكلم وبأي وقت أبغــى )!!

لا ألومهم .. لا ألومهم .. من جـّـرب تشجيع الهلال ( من القلب ) ولو لدقائق .. انــساق بأكمله للولع بهذا الأزرق .. ولكن أين هذا الأزرق !؟!

شخصياً أرى أن الهلال الذي شجعناه غاب من عام 27/1/1421 هــ ( مباراة الهلال بجابليو ايواتا الياباني بنهائي كأس آسيا أبطال الدوري) لحد الآن !!؟؟!! .. ولكن إذا ما علمنا بأسباب ( غيبوبته) قلنا بصوت واحد ( الله يفـّرج عنه كربته) ..


ما فيه تسلل !!..

@ يتفق الجميع بأن مشكلة الهلال ليست باللاعبين .. ولكن نسأل .. روح الهلال من الذي قتلها!؟!

@ أن تشاهد غبي فهذا وارد في بهالدنيا .. ولكن أن ترى إمعة يتبع الناس في ما يقولونه فهذا يجب أن يُستأصل !؟! وهذا حدث خلال الايام الفائتة!!
@ لو سألت مشجع هلالي قديم.. توارت عليه آثار مشاق الحياة ومتاعبها .. وتسأله :- ( وشي زبدة الدوري)!!؟!! سيضحــــــــــــــــــــك كثــيراً ويقول ما يبي لها طقة عصا .. زبدة الدوري في آخر مباريات الدوري ..
ولو تعمقت بإسترسالك له مزيداً من الأسئلة وتقول له:- طيب وعقب نظام الدوري الجديد واللي يمنح المتصدر ميزات ( ممتازة) .. يقول :- المفروض أن رئيس النادي وأعضاء شرفه ( يرقدون بالنادي آخر الدوري) ..

للأسف ( الرئيس في قارة بعــيدة .. ونائبه ( حلمه واااااجد) ورئيس أعضاء شرف النادي ( ينسحب من ناديه بوقت عصيب ..!! احتجاجاً على حقائق مزيفة أتوا بها هادموا الهلال !!؟؟!!) .. وأعضاء شرف يجهزون مشالحهم خوفاً من تأهل الفريق إلى نهائي قد يفسد إلتزاماتهم!! ومشرف الكرة هو السبب في نظر البعض واللاعبين باردين !!
وضع مخيف .. سقوط متوقع.. <<===== حال لسان جماهير الهلال بعد المآسي والتي خلـّفها ( المستهترين) !؟!!

@ أسئلة عريضة وصريحة ..
هل النكسات التي نمرّ بها الآن ستكون لها إيجابيات!؟!
هل سنرى أشباه اللاعبين خارج أسوار النادي!؟!
هل وهل وهل وهل .. ( الإجابة كعادة بني هلال مبهمة) ..!؟!..

@ شخصية محبوبة ومشهورة وعدت بالآسيوية والدوري .. الله يكثر خيرك يا غالي .. بركة يا غالي وحدة بس إن بغيت التخــيـير فالدوري أطعم .. لان الثنيان وسامي أبطوا عنه .. الله يحققها لنا ما وعدت فيه إن شاء الله ..

@ بعض أصحاب الأعمدة الأسبوعية بالصحف المحلية .. لا يختلفون عن عدم الاستقرار الحاصلة بالأسهم والبورصات !؟!
مرة مدح في هذا وذكر محاسن هذا .. ومرة العكس في نفس الشخص!؟! لهدرجة التلقين يختلف عن كل مرة!؟! .. على الأقل تعاقدوا لكم مع واحدٍ راسي على بر دايم.. أفضل لكم وللقراء المغلوب على أمرهــم..

وآآآآآسف على الإطالة ..

أخوي الغالي مخاوي البطولات كلام سليم وفي محله لكن من يجيب على كل هذه الأسئلة وبالتحديد : من قتل روح لاعبين الهلال ؟؟؟؟

أخوك: الصوت الهلالي

أحسنت أخوي مخاوي

بس بحت الأصوات ولا مجيب وحسبي الله عليك ياللي بالي بالك

.. لدرجة أن سموه حاسبها صح قبل ما يطلع الشتاء ويدخل الخريف إلا وسموه خارج أرض الوطن خوفاً من تغير الجو على سموه!!..


@@ you don't know, they said SPRING BREAK in mexico gulf beach is amazing & beautiful


الله يوفق الزعيم

thank you

you are right

تسلم أخوي

والمسألة ما فيها تخيير ( من زندك وإلا مت )

ولا عذر للفريق مع عودة الدوليين وبطولتي الدوري وآسيا

أقل ما يمكن أن يقدم .

أما رئيس النادي فخل الطابق مستور .