@ الأخ الغالي big head
#1#اسمك.وعنوانك .ومركزك. وااول والله العزيم ااوول الحق.
اسمي وليد مثل ماقلت قبل .
عنواني : الرياض
مركزك : مرموق مبغوث مع شوي دجة .
#2#كم مره تعرضت للنطل لمواضيعك.
اسأل نصر تيوس .
#3#لعبه تعشقها لدرجة الخيال ماهي؟>>>>>>متوقع تقول سوني هذا حدكم يالمنسمين؟
مصاقيل وخاصة اذا صار المصقال كويتي .
ياقدمك انت والسوني
الحين فيه مصاقيل على كهرب وخطين بعد
#4# موقف مر عليك وما زلت تذكره (محزن , مفرح).
المحزن :
وفاة خالي الله يرحمه العام الماضي .
المفرح :
يوم تخرجت من الجامعة وافتكيت من الغثاء
#5# طريقتك بتعبية البنزين بسيارتك هل انت من الناس اللي تعبي فل او دايم ماتعبي الا بخمسه.
والله على عدد الركاب اللي معي .
كانهم خمسة عبيت بنزين لخمسة نفر
#6# وش المركز اللي تجيد اللعب فيه بالكوره مع اني اتوقع انك من جنبه.
ظهير ورا الباب
#7 # مامعنى كلمة بندق .
بندق صفة تطلق على كل شخص مدلقم وعكة ونكتة .
#1# من هو مثلك الاعلى في الكتابه.
من قالك اني كاتب علشان يصير لي مثل اعلى .
#2# من يعجبك من الكتاب على مستوى موقعي الزعيم والذيب سامي.وايضا على مستوى الصحافه (الجرايد).
بالنسبة لشبكة الزعيم ذكرتهم في اجابة سابقة .
اما موقع سامي :
الأخ طالب العلم .. وغريبة مادري ليه مايكتب في الزعيم
مع اني شايفة يكتب بموقع جمهور ميلان العربي وبمواقع كثيرة .
وكل كتاباته فيها النصح والتوجيه .
وصراحة كتاب موقع سامي كلهم مميزين ومبدعين ولا يكررون المواضيع .
#3# بشر فيه شيء عقب عدنان ولينا.
إن شاء الله فيه ...بس اصبر علينا .
#4#ليش ما تكتب في احدى الصحف باسمك وخاصة في مواضيع النقد .>>>>>بس عسى مانتب واحد منهم وجاي تشخص علينا.
وش دعوى ياصاحب الرأس الكبيرة ماعاش اللي يشخص عليكم .
وبعدين مادري ليه انت مخليني كاتب كبير ...لاتوهق فيني
$1$ فيه اتهام يقول انك كبرت(ظخمت) موضوع السرقه لموضوعك علشان تكسب تعاطف الجميع معك وتخلق جو من الاثاره.لاحظ انا اقول اتهام .وش ردك.
ياأخ بق هد حب الناس لك لايأتي بطرق ملتوية
انما يأتي بحسن معاملتك للناس فعامل الناس بمثل ماتحب ان يعاملوك به .
والحمدلله علاقتي بجميع الاعضاء علاقة طيبة ومعاملتي معهم معاملة حسنة
وإن شاء الله انهم يحبونني مثل ما احبهم .
وموضوع تضخيم الموضوع كما قلت في الاتهام المذكور انما هو تشهير بالسارق لردعه عن هذه الفعلة القبيحة ولتحذير الجميع منه بأنه كاذب .
وايضا لحماية حقوقي وايضاح الحقيقة للجميع .
فتخيل اني لم اكتب مواضيع التشهير بالسارق .. لأعتقد الجميع بأنه هو الصادق وانا الكاذب
لاني ساكت ولم ارد ... فالسكوت علامة الرضا ..
لذلك كان لزاما علي أن ارد وأن يكون الرد قاسيا له ولاشكاله .
$2$ انك مبدع في خيالك (تنسيمك)>>>>وهذي مدحه لك من قدك....... والاتهام هو انك مقل او بالا صح ما يروق لك>>>>(اقعد ياايمن جاده) المشاركة في المشاركات الجاده ماعدا الدينيه وغالبا الادبيه(الشعر والخواطر).........ردك مثلا على المملكه وما حصل في موضوعها الشعري ...وش ردك.
ابدا حبيبي بق هد أنا مع المشاركات الجادة والله يكثرها لانها هي المفيدة لنا وهي التي تزيد من ادراكناووعينا ومعرفة خبايا الامور ومعتركات الحياة .
أما موضوع الأخت المملكة فكان لي محاولات شعرية فاشلة وأحببت أن تقيمها الأخت المملكة ====> ماتلاحظ اني اتكلم لغة عربية فصحى و ش السالفة .؟؟؟
ولكن جاء تقيمها محبط بعض الشيء ..وأنا اعتقد انه معها حق لانه من امثالي مايتفع شاعر
هذي ما ابي منك يالجمجمه بالرد الا بكلمه وحده او جمله وحده:
مثلا_
* البحر ــــــــــــــــــــ غدار
يله نبدا/ *البعير.
حادث
*حديقة الفوطه.
دوافير
*الدالوب.
ثيابي
*اللاذقبه
وناسة
* البارق,الغريب,الهدف,عاصوف.
تمرد
*جمانه.
نكبة
*نسيم حميد.
ابو يمن
*5.5.
شاهي عقب العصر
*جوز حمام قلابي.
قديم
*شارون.
خنزير
*الخبيبيه.
نفود
*سوق الحمام.
نوير
*ايس تي.
حموضة
*كيبورد مكبوب عليه ميرندا.
مطفوق
*مراصيع الهلال.
تنسيم
*الفيصليه.
الغالة
*الشات.
فراغ
*لاتسيو.
هزايم
*مفك اربعطعش.
الهليل
*الخزف.
ذكريات
مقاطع الى من تهديها(في منتدانا اوخارجه) ,مع التعليق لصاحب المقطع:
مافهمت ؟؟ وش قصدك بالتعليق على صاحب المقطع ؟؟
اناابهديها بس
@لا تجاملني باسـف خلي اسف للجديد ^^^ ياما عددت الرسايل وانت في رايك عنــيد
غريبووووووووف
@هلا جاي تصالح هلا وعيني تراضي^^^ لما صار الا مـر معلقـى بيديـن القاضـــي
بدوي صدم سيارتي
@الك وحشـــــه يابـو الضحكـة الحـلوه ^^^ تعودنا عليــــــك وشـــلــــون بـــــــلــوى
خالي الله يرحمه
@زد صــــدودك صـــدود ولا تــعــــود^^^ خــلك ابــعد علـي مــن السماء
جامعة الملك سعود
@ومنيـــن ابتـــدي يــاجـــرحــي النـدي ^^^ حــسـبي عـلــى الايــــام والحــظ الـردي
يوسف الثنيان
@ابتعــد عــني مـــاحــبك وش تبي بي ^^^ حبــك الغــــالي رمـــيتــــه فـــي الــــثرى
فهد الغشيان
@ان لاقـاكم حــبيبي سلمــو لــي عـليه ^^^ طمنيوني الاسمراني عامله ايه الغربه فيـه
اسمراني ؟؟؟؟؟؟؟؟؟ ما اعرف اسمراني متغرب
@تنتظر مني الرضا وتجاهل مامضى ^^^ماكــن في قلـبي ولع واستوى جمر الغضـى
سيارتي
@باباااول للماماداح بابا اوبـح^^^ انت حبــي انـــي صــح بــابــا اوبــح
وشو ؟؟؟؟؟؟؟؟؟؟؟؟
ممكن سؤال يا أخ بق هدبأي ستريو أنت تشتغل ؟؟؟؟
شكرا على اسئلتك الحلوة
تحياتي