أهلين جماجم، وتسلم لي جمجمتك الكلاسكيه،

لــــــــــمـــــــــن تـــــــــــقــــــــــــول؟؟؟؟ :

- ليت الفقعسي صلى ولاصام؟؟؟

- عساها تعرس لو صاحت؟؟؟

- جت الحزينه تفرح مالئتلهاش مطرح؟؟؟

- الباب الي يجي لك منه الريح لاتلحسه كله؟؟؟

- شارهيني بفرهيـتكب؟؟؟

وياليت ياجماجم باشا تقلد لنا صوت كل من:

- البياله؟

- النمله الي بجخر غرفتك ؟

تحياتي.............

بسم الله الرحمن الرحيم

والصلاة والسلام على اشرف الانبياء والمرسلين
نبينا محمد صلى الله عليه وسلم .

في البداية احب أن اشكر إدارة الموقع على اتاحة الفرصة لي في هذا اللقاء
مع اخواني واخواتي الاعضاء .

والمتمثلة برئيس مجلس الادارة الأخ الامير بندر بن ثامر
واعضاء مجلس الادارة الأخوان ( الاعصار , سلمان 99999, كوكتيل )

واشكرهم على جهودهم الجبارة في ابراز هذه الشبكة العملاقة ضمن المواقع المميزة

ولا انسى الأخوة المشرفين المحبوبين
(ابوسليمان , البارق , حبي تيماوي , شيروكي , , هلالي الجوف , مخاوي البطولات ,
العوام , ابو ناصر ,كايدهم , ابو منار )
اشكرهم على اشرافهم المتميز في جميع المنتديات
الذي هو من اهم اسباب حبنا لهذه الشبكة من خلال تواصلهم معنا وتوجيهنا التوجيه الصحيح .

وايضا اشكر اخواني واخواتي الاعضاء الكرام ,,,


وبهذه المناسبة اقدم لكم هذا التصميم المتواضع عن هذه الشبكة العملاقة
اتمنى ان يحوز على رضاكم .



وأرجو أن اوفق في الاجابة على الاسئلة بما يرضيكم ,,

ولكم فائق التقدير والاحترام

@الأخ الغالي ابو شهد ( محترف توقعات )

1- البطاقه الشخصيه...؟

الأسم : وليد ( ابو خالد )
العمر ( 28 )
أعزب
وش بعد ؟؟

2- ماذا يعني لك يوزر< جمجمة الهلال>...؟

دريشتي اللي اتواصل معكم من خلالها ..
وعن طريق هاليوزر كسبت صداقتكم ومحبتنا لبعض الله يديمها .

3- يغلب على مواضيعك...الكوميديا الهادفه....وهي فن صعب بمعنى الكلمة....حدثنا عن هذه التجربه...؟

تصدق يابو شهد توي ادري ان مواضيعي كوميديا هادفة

والله الدعوى كلها يابوشهد لاتجربة ولا شيء
كل الدعوى افكار تجي صدفة وعادة يغلب عليها طابع الكوميديا على قولتك
وهذا طبعي ...أحب الضحك وسعة الصدر ...

ودايم أحاول استخدم الاسلوب الجاد في مواضيعي
وكثير من الأحيان اجزم اني ابكتب موضوع بأسلوب جاد

وإذا نزلت الموضوع لقيت الردود اكثرها تقول:
يامنسم .. الله يرجك ...وهلم جرا
الشكوى لله مايدرون اني جاد .

الا عاد المواضيع اللي تخص الدين غصبن علي يكون الاسلوب جاد

4- ياليت وهذا طلب اشوف لك موضوع بنفس طريقتك المعتاده...عن الوضع الراهن للزعيم...؟


ابشر والله .. بس ان شاء الله يبي يتغير وضع الزعيم وان شاء الله يصير الموضوع ماله داعي بعد تغير الوضع .

وعلى فكرة ترى نقطة ضعفي الزعيم ومشاكله

يعني إذا حاولت اكتب موضوع عن الزعيم تلقاني انفعل
وأخشى اني اغلط على أحد وهذا اللي ماابغاه .

شكرا على اسئلتك الحلوة اللي على قلبي زي العسل على الشهد يابو شهد

ــــــــــــــــــــــــــــــــــــــــــــــــــــــــــــــــــ

@الغالي قول هلالي

إقتباس وبما أن الضيف هالمره هو الغالي جمجمة الهلال قررت لأول مره أطرح سؤال لعضو من الأعضاء

لي الشرف طال عمرك


1- كم عدد حلقات عدنان ولينا؟ يقولون أنك قلبتها مسلسل مكسيكي


كانت 10 حلقات وصارت 9 حلقات عقب عرضها على الرقابة
وشلون مسلسل مكسيكي وهي تعرض على القناة الأولى ؟؟
حدي مسلسلات صعايدة
2- لماذا لانرى مشاركاتك الا في المنتدى العام؟

والله ياحبيبي أنا اجد نفسي بالمنتدى العام مادري ليه ؟؟
يمكن لتنوع المواضيع فيه

أما باقي المنتديات فأنا اشارك فيها ولكن بشكل قليل .


3- ماهو رأيك في من يقول أن سبب تدهور الهلال الغير مباشر هو عبد العزيز بن فهد المتمثل في سعو بن تركي(ممكن تشرح لنا من وجهة نظرك الجمجمية هذه المقولة

تصدق توي ادري ؟؟ من يقول ؟؟

هلا وغلا فيك

ــــــــــــــــــــــــــــــــــــــــــــــــــــــــــــــــ
@ الأخ الغالي عــــ الهلالي ــارف


س1/ماهو مؤهلك الدراسى وسنه التخرج ؟

بكالريوس علوم ادارية / قسم محاسبة
خريج سنة 1418 هـ

س2/ من هو مثلك الاعلى في الحياه مع ذكر السبب ؟

الرسول صلى الله عليه وسلم
السبب أن الله تعالى حثنا على أن يكون رسول الله صلى الله عليه وسلم اسوة حسنة لنا وقدوة ومثلنا الأعلى في الحياة الدنيا .

س3/ ماهو رايك الاعضاء المشرفين البارق ، حبى تيماوى ، والاعضاء نجمه الابداع ، الصدقي ، وعارف الهلالى اللى هو انا ؟

والله شهادتي فيهم مجروحة
كلهم اخواني واصدقائي وحبايبي مثل ما انت اخوي وصديقي وحبيبي
مثل باقي الاعضاء .

س4/ من هو نجمك المفضل في الزعيم ؟

يوسف بن ناصر الثنيان

س5 /ماهى الرياضه التى تمارسها ؟

كرة الطجمة

فيه غيرها القدم همن سلاح الشيشة

شكرا اخوي عارف

@ الغالي مومو515

سؤالي ماذا يعني لك كلا من

1)البردقان
2)السياره
3)امك
4)عيال اخوك
5)شبكه الزعيم
6)الرقم15
7)جامعه الملك سعود
8)الحمص
9)الصناعيه
10)مومو515

البردقان :
فاكهة تقشرها بسنونك
وهي من منتجات الميرندا ماسمعت دعاية ( قشر ميرندا )

السيارة :
حديد مجمع بشكل متناسق ومتجانس يحركه صنف من البشر
أما يكون بشر متمكن من كومة الحديد التي يقودها
أو يكون بشر سواق ليموزين يجيب العيد
أو بشر مابعد بلغ يعني بزر وبرضه يجيب العيد الثاني .

امك :
الله يخليها لنا
هي حياتي كلها
عسانا نلحق جزاها بس .
والله يمتعها بالصحة والعافية ولأمهات المسلمين أجمعين .

عيال اخوك :
احبهم جدا لانه لهم منافع كثيرة مثل :

يمسك حارس لك وانت تشوت عليه .
يقولك ياعم ...تحس انك مهم
تقوله رح جب لي مويه

شبكة الزعيم :
شبكة عملاقة مميزة جدا
تواجد فيها أكثر من 12,000 شخص يجمعهم حب الهلال .

الرقم 15 :
اشين رقم بالعالم قبل مايطلع يوسف الثنيان .
واحسن رقم بالعالم عقب الثنيان .

جامعة الملك سعود :
جهاد ...كفاح ... ازمات نفسية ==> ماصارت جامعة صارت حزب الله

الحمص :
بليله بدون ملعقة

الصناعية :
منطقة يدلونها راعين السطحات والونوش

مومو515:
ياحبي له
أحس انه دب وخفيف دم

هلا والله بمومو الحلو

ـــــــــــــــــــــــــــــــــــــــــــــــــــــــــ

@ الغالي الغانم عساك سالم

س) وش رايك بالميراندا!!

والله ونعم من حمولة طيبة .

بس ميرندا القوارير ماكد كلمتها

س) لو جاك ولد ويوم كبر شجع النصر وش تسوي به؟؟

مافيه امل يشجع النصر تدري ليه ؟

لانه اصلا ماراح يكون فيه فريق اسمه نصر يبي ينقرض قريب وبيقلبونه مطعم مندي

س) افترض انك جاي من الدوام تعبااان وتوك حاط راسك وما دريت الا البارق طاق عليك الباب وش تسوي؟؟؟

تزلبه !!!!!!بس تعرف المشرف وش يسوي

او تنزل له وتصرفه بكم كلمه..


ليه ازلبه ؟؟

بالعكس افتح له الباب بس قبل ماافتح الباب افرش له بالمجلس واخليه ينام
واقوله ابصحيك إذا قمت انا من النوم


س) تكملة للسؤال السابق وعلى افتراض انك نزلت له وطلب منك تخاويه غصب للحراج وش بيكون موقفك وقتها؟؟


ابجيب له كومة جرايد واقوله تكفى قصقص لي الكاريكاتيرات الحلوة
ترى ذوقك حلو .
وبوقتها اروح انام


س) من تتوقع اقوى: البارق والا الغريب!!

انت أقوى منهم==> توهق ..

ارفق علينا بالأسئلة

هلا بغنومي باشا

ـــــــــــــــــــــــــــــــــــــــــــــــــــــ
@ الغالي الغريب

1- وش نوع زيت السيارات اللي تفضل دايم تنعم فيه شعرك الكستنائي ؟!!

زيت الغربان الخالي من الكلسترول

2- مارأيك في الكاتب الرائع في المنتدى الأصفر " نصرنتوس " ؟ ألا تعتقد أنه يسرق بذوق ؟!!! أي أنه لايسرق حيا الله موضوع ؟

اشوفك تمدحه لايصير انت بس ...ترى آخر موضوع كتبه (يوميات مدرس ابتدائي )


3- لو خيروك بين وجبة مكونة من ساندويش " صبة " مشكل فلافل مع ميرندا أو وجبة مكونة من كبدة حاشي مع فش فاش وسنكرس .... وش تختار ؟!!!


لا... أختار مقلقل لحم وصحن مصقع مع شاني حار ولبن محمض وعلى شرط اكلهن بأحد مطاعم محطات طريق مكة وانا جاي للرياض علشان إذا مت
يقولون الله يرحمه توه جاي من عمرة بمكة

4- متى آخر مرة رحت لبنشري وخليته يكشف على راسك ؟!! بصراحة فيه شكوك كبيرة بوجود تنسيم غير طبيعي في راسك !!!

والله اني ناسي متى آخر مرة رحت لك ... بالله ذكرني


هلا بغريبووووووووف

@ الغالي القلب الأزرق


وش قصت الشباب معلقين عل ميرندا ؟!! هههـ ـههه


أنت ماتدري ان أكبر شبكة ترويج للميرندا عند الشباب المذكورين اعلاه
يسون دعاية لبضاعتهم

** إلا على فكرة من وين تحوس وتحوس وتطلع أسألت مسابقتك سِــــتا فـــواحد

ولا أحوس ولا هم يحزنون ...
الله يبارك بالكتب حقت المسابقات .

** من أكـــــــــثر واحد تموون عليه ( في المنتدى العام ) ؟!؟!؟!!

القلب الأزرق الملقوف .. شفت وشلون امون عليك


*** ** * وش "لون" عيوونك * ** ***

آخر مرة كان لونهن فسفوري
تعرف هاليومين كاثرة الحوادث ..
حسب الجواز سود ...وحسب الصز برتقاليه


وش رايك بــــــــــــــ ــــــ ـــــالمدرســــين ؟؟؟؟؟ ههههههههــ (( وخاصت ذولا إللي يدرسون إبتدائي )) ــهههههه

المدرس للأسف بس ....
هالحين المدارس صارت مثل مكاتب الاستقدام
المدرسة تجرب المدرس ثلاث شهور وان عصلق والا شيء
رجعوه للمكتب وسفروه وجابوا غيره

هلا وغلا بحمودي

ـــــــــــــــــــــــــــــــــــــــــــــــــــــــــــــــ


@ الغالي عاشق الفن اليوسفي

إقتباس هلا والله بالغالي الجمجه حياك الله ومن زمان وحنا ننتظر هالجمجه وامثاله عشان نذبحهم بهالاسئله وانا ابختصر اسئلتي الى سؤالين

هذا وانت تبي تذبحني بالاسئلة سؤالين بس ...الله مير يسلمك ياحبي لك

س1: من هو افضل لاعب عربي هذا الموسوم شد انتباهك لاحظ اقول
عربي ؟؟؟؟ وايضا عالمي ؟؟؟؟
بالنسبة لي العربي : محمد الدعيع في مركز الحراسة
وسامي الجابر .
والعالمي : مونتيلا لاعب روما الايطالي
والاسبوع اللي راح سجل 6 اهداف في مبارتين من المباريات المهمة في الكالشيو وقرب روما من انتزاع السكوديتو من الانتر .


س2: من من المشاركين بالمنتدى يعجبونك وتعجبك مشاركاتهم ومواضيعهم
بدون تحيز لاحد ؟؟؟؟؟

والله الشباب كلهم فيهم الخير والبركة ..
بس الأخ محترف توقعات والأخت نجمة الابداع والأخت السلطانة مواضيعهم هادفة مايحبون التنسيم

اما المنسمين والمصرقعين وااااجد

وفيه ناس رومانسين وشاعريين مثل المملكة والوليد ورااي

وفيه ناس يحبون الصور وعلى رأسهم سهل ابوثمنيات

يعني صراحة المنتدى مشكل وكل الكتاب مميزين بدون استثناء ..

هلا وغلا اخوي عاشق
ـــــــــــــــــــــــــــــــــــــــــــــــــــــ

@ الغالي العابـــــر

ابيك تجاوب على هذا السؤال بكل صراحه...

ماذا يعني لك يوسف الثنيان؟



يعني لي الشيء الكثير ..ماتصدق كثر ايش ...يعني لي ابو ناصر .

ابو ناصر هو اللي خلاني اعشق الهلال حتى الثمالة

تصدق من حظي وحظك اننا نشجع الهلال
ومن حظ الهلال ان الثنيان لاعب فيه.

ولا أدري وش مصيري عقب الثنيان
هو أنا ابصير زي الحين والا ابترك الكورة ...مادري صراحة

بس سأظل اشجع الهلال شيء طبيعي بالثنيان والا بدونه لا محالة البتة ==> متعوب عليها البتة


شكرا اخوي العابر ويازين سؤالك

الغالي ابوسند

أخوي جمجمة حبيت أنكد عليك وأبسألك سؤال :

ماذا يعني لك كل من : النزهان ، المسعري ، تركي القحطاني ؟


النزهان :
لاعب مقبول نوعا ما ..
لانه ممكن ينفع بابداعاته الخراصية
والمشكلة فيه الثقةالزائدة واسأل الثنيان في مباراة النصر الأخيرة

المسعري :
المفروض يوضع على لائحة الانتقال لانه ممكن ينفع بفريق ثاني مثل سدوس والا الشعلة والا الحمادة
بس مع الهلال ..انس ينفع .
لاعب ثقيل من يوم عرفناه
بس بعد الاصابة صار لاعب ثقيل وغثيث

أما القحطاني وما ادراك ما القحطاني
الظاهر يبي له موسوعة كاملة علشان اقولك وش يعني لي ...خلها على ربك بس ..قرب الفرج

لابس كنادر بيض ... زيدان على غفلة ...حسبي الله ونعم الوكيل


تحياتي حبيبي بأبو سند
ـــــــــــــــــــــــــــــــــــــــــــــــــ
@ الأخت الغالي السلطانة

جمجمة انت تملك اسلوب رائع جدا اتمنى من كل قلبي ان تستخدمه في النقد المفيد والدفاع عن الاسلام
نقد المدارس
الاسواق
000000000وما يخطر على بالك


شكرا اختي السلطانه على اطرائك وهذي شهادة اعتز فيها
والله يقدرني على كتابة مثل هذه المواضيع

التي فيها صلاح للإسلام والمسلمين

ولكن تأكدي اختي ان جميع مواضيعنا وردودنا يجب ان تكون دفاع عن الاسلام
ولا يجب ان نجعل لها مواضيع خاصة .

جزاكي الله خيرا

ـــــــــــــــــــــــــــــــــــــــــــــــــــــــــــ
@ الغالي عاصوف

س1) يقال بأنك شخص (ارستقراطي) ما ردك على هالكلام و وش معنى هالكلمة؟

والله انا اللي اعرفه عن نفسي اني شخص كنفوشي فيدرالي

اما ارستقراطي : يعني شايف نفسه من زود الدراهم ولا أذكر اني شفت نفسي على احد بحياتي
اصلا انا دااااااج جدااااااااا
ممكن اصير داجوقراطي

س2) وشلون تعرفت على شبكة الزعيم؟

تعرفت عليها من ساحة الاقلاع قبل سنة تقريبا

س3) وش رايك في هالمثل(من حفر حفرة لآخيه عرف قدر نفسه )؟

والله المثل معبر وفيه من الترهيب الشيء الكثير والدليل تكملة المثل وهي ( لاتلحسه كله )

س4) لو صرت مشرف على منتدى وما فيه إلا اثنين يكتبون فيه وش تسوي؟


أكسر لمبات المنتدى واشب ضو واسوي حليب بزنجبيل
واجيب الاثنين اخليهم يسون لي مساج


س5) يقولون إنك تسوي دورات في صيد الضبان؟

وش دراك ؟؟؟
لاتكون انت مراسل الضبان من الصمان


س6) لو انك تمشي في الشارع بموترك ويجي شايب ويصدم فيك ويحول عليك يبي يدبغك مع أنه هو الغلطان وش تسوي؟


هههههههههه حلوة لو انك تمشي بالشارع بموترك ...
أجل امشي في البيت بموتري اكيييييييييد بالشارع

جوابي على سؤالك على حسب الشايب اللي صدمني
كانه استعمال امريكي يعني من الشيبان الجدد اقوله : خابر لك بنت تبي زوج و تراها مدرسة بدال مايدبغني يبي يجغفن من الفرحة

أما إذا كان استعمال خبوبي يعني شايب قديم ..

اشغل له سميرة توفيق

هلا وغلا بعاصوف افندي

هلا والله هلا وغلا بالجمجمه على وزن الفستقه ماودي اطول عليك ابقولك سؤلين بس تجوبني بصراحه



1-- وش معيارك يوم انت صغير؟


2-- ماهو برنامجك اليومي مافي شك انك (يقالي احم احم مافي شك) تقضيه بالفائده بس ابي التفصيل

@ الغالي برنس الهلال

اخوي وجه كلمتين لكل من:

1- رئيس الهلال
2- مدير الكرة فهد المصيبيح
3- المسعري والقحطاني والمطيري
4- ابو ثمامة ( أكلامك الله )


1- رئيس الهلال :
الله واكبر ياهوى البال وش فيك*** وش غيرك وش جاك طبعك غريبي

2- مدير الكرة فهد المصيبيح
ما أصعبك *** أصعب من اني أفهمك
ما اظلمك ***و ما اظن كلامي يجرحك

3- المسعري والقحطاني والمطيري
آخر كلام انت وانا مانتفق *** آخر كلام والأفضل انا نفترق

4- ابو ثمامة
اتق الله في نفسك
ولا تشبه اخوانك المسلمين باليهود الكفرة .. فمن كفر مسلما فقد كفر .

شكرا اخوي برنس

ـــــــــــــــــــــــــــــــــــــــــــ
@ الغالي Blue Fire

إقتباس هاي مستر جمجوم

منتب عاقل ياتوني ادمز



1/ من وين جايب اللقافه ؟


والله اللقافة اللي عندي تايوانية يعني تقليد .
ولا كد اشتغلت من يوم هي عندي ..

بس انا لاحظت ان اللقافة اللي معك اصلية شكلك فاكها وكالة بالله من وين جبتها ...؟؟؟؟


2/ كم ساعه تقعد على النت ؟

بمتوسط حسابي اسبوعي ساعتين يوميا

3/ هل تتوقع اني في يوم من الايام راح اصير خليفتك؟

===> لاحد يصدق نفسه



ما اعتقد ..لانه انت نظام عتقليزي يعني NTSC شريط صغير .
وانا نظام شريط كاترج بقراند بركس كحلي ===> إذا فهمت وش اقول ابخليك خليفتي

4/ ابي اعرف متى اخر مره غسلت فيها راسك المروح ؟

شكلك انت العضو المنتدب لمملكة القمل اللي براسي والا شلون دريت عن الحالة الاجتماعية التي يمر بها رأسي



تحياتي اخوي بلو فاير

ـــــــــــــــــــــــــــــــــــــــــــــــــــــ
@ الغالي هلالي النت

لــــــــــمـــــــــن تـــــــــــقــــــــــــول؟؟؟؟ :

- ليت الفقعسي صلى ولاصام؟؟؟

- عساها تعرس لو صاحت؟؟؟

- جت الحزينه تفرح مالئتلهاش مطرح؟؟؟

- الباب الي يجي لك منه الريح لاتلحسه كله؟؟؟

- شارهيني بفرهيـتكب؟؟؟


- ليت الفقعسي صلى ولاصام؟؟؟
صف اولى/ ب بمدرستي الابتدائية بكالفورنيا بحي الشميسي القديم .


- عساها تعرس لو صاحت؟؟؟
نجفة خضراء ماكد ولعت حقت مخبز المجد بمنطقةالحبونية شرق شارع ستراندفورد

- جت الحزينه تفرح مالئتلهاش مطرح؟؟؟
بطارية ددسن 40 امبير عقب ماعطت اشتراك لجمس 454

- الباب الي يجي لك منه الريح لاتلحسه كله؟؟؟
لضحايا بركان كاشيمو بالدغمانيات .

- شارهيني بفرهيـتكب؟؟؟
بلدية بيروت مقابل بقالة ابو سرحان .

وياليت ياجماجم باشا تقلد لنا صوت كل من:

- البياله؟

- النمله الي بجخر غرفتك

صوت البيالة :
بادريق

صوت النملة اللي عندي ماتسمع مسيكينه ولا تكلم
لاني مره قطعت رجلينها ويدينها وقلت لها تحركي ..ماتحركت
فاأستنتجت انه بعد ماقطعت يدينها ورجلينها انها فقدت حاسة السمع و الهرج

تحياتي حبيبي هلالي النت وشكرا على الاسئلة المصرقعة ..

هلا بالغالي جمجوم
عندي سوال بسييييييط

وش رايك بهلالي الجوف مشرفنا بالعالميه؟؟؟؟؟

هلا بالغالي جمجمة الهلال ...

عندي كم سؤال كذا ..
1-> من هو ممثلك المفضل وما هو آخر فيلم هندي شاهدته ..
2-> كيف تعرفت على منتديات شبكة الزعيم ...
3-> ماهو سر احتكارك للمسابقات اللي كان يقدمها العضو سامي عبد الله واللي شكله كذا وقف المسابقة ..
4-> هل لك مشاركات في منتديات اخرى بالاضافة لمنتدى الزعيم والذئب سامي ؟؟
5-> كيف يمكن ان يجتمع امبراطوران في مملكة واحدة ( انت والأخ البارق ) ..


أكتفي بهذا القدر من الأسئلة..تقبل تحياتي ..

بسم الله الرحمن الرحيم

هذي الدفعة الثانية من الأسئلة
ترى الأسئلة الأولى كاتبها وانا مستعجل لكن هذي ركز لي عليها


س1) من هو اللاعب السعودي الذي تتمنى أن ينظم للزعيم في الموسم القادم ؟

س2) انت تحضرالمباريات ولا تشوفها في البيت؟

س3) متى بدايتك بالانترنت؟

س4) في اي حي تسكن؟ ومن هو العضو اللي ودك تفقع وجهه؟

س5) وش سبب إختيارك اسم (جمجمة الهلال)؟

س6) ياليت تحط لنا خلفيتك لسطح المكتب ؟

س7) من هم الاعضاء الذين لاتتترك اي موضوع لهم الا وتقراه فورا ؟


ضع علامة صح امام الإجابة الصحيحة وعلامة خطأ امام الإجابة الخاطئه:-

1- يقولون إنك يومك صغير كان عندك سيكل ثلاث كفرات مضلل فما صحة هذه المعلومة( )

2- يقولون إنك مصري في الدراسة يومك صغير( )

3- يقولون إن معك ددسن غمارتين موديل84( )

4- يقولون إني غثيتك بالاسئلة ( )


تحياتي لك يا ازين جمجمة في هالمنتدى
احتمال يكون فيها دفعة ثالثة

هلا والله ومرحبا الجمجمه مستضيفينه بجمجمته وجميع انواع العظامه اللي به لا لا مو معقول :

والله يااناابغثك بالا سئله لانك تعتبر بالنسبة لي كتاب يحتوي على اشياء عجيبه وغريبه >>>>لا تقفل تراني امدحك. ;) ......... والله يانا جايك بكومة اسئله شكلي لو افتح فيها موضوع احسن.

[gl]اسئله خاصه بجمجمه نفسه :[/gl]

#1#اسمك.وعنوانك .ومركزك. وااول والله العزيم ااوول الحق.

#2#كم مره تعرضت للنطل لمواضيعك.

#3#لعبه تعشقها لدرجة الخيال ماهي؟>>>>>>متوقع تقول سوني هذا حدكم يالمنسمين؟;) ;)

#4# موقف مر عليك وما زلت تذكره (محزن , مفرح).

#5# طريقتك بتعبية البنزين بسيارتك هل انت من الناس اللي تعبي فل او دايم ماتعبي الا بخمسه. ;)

#6# وش المركز اللي تجيد اللعب فيه بالكوره مع اني اتوقع انك من جنبه.;) ;)

#7 # مامعنى كلمة بندق .



[gl]اسئله خاصه بكتابات الجمجمه:[/gl]

#1# من هو مثلك الاعلى في الكتابه.
#2# من يعجبك من الكتاب على مستوى موقعي الزعيم والذيب سامي.وايضا على مستوى الصحافه (الجرايد).
#3# بشر فيه شيء عقب عدنان ولينا.
#4#ليش ما تكتب في احدى الصحف باسمك وخاصة في مواضيع النقد .>>>>>بس عسى مانتب واحد منهم وجاي تشخص علينا.

[gl]اتهامات للجمجمه:[/gl]

$1$ فيه اتهام يقول انك كبرت(ظخمت) موضوع السرقه لموضوعك علشان تكسب تعاطف الجميع معك وتخلق جو من الاثاره.لاحظ انا اقول اتهام .وش ردك.

$2$ انك مبدع في خيالك (تنسيمك)>>>>وهذي مدحه لك من قدك....... والاتهام هو انك مقل او بالا صح ما يروق لك>>>>(اقعد ياايمن جاده) المشاركة في المشاركات الجاده ماعدا الدينيه وغالبا الادبيه(الشعر والخواطر).........ردك مثلا على المملكه وما حصل في موضوعها الشعري ...وش ردك.


[gl]كلمات تحتاج الى رد: [/gl]


هذي ما ابي منك يالجمجمه بالرد الا بكلمه وحده او جمله وحده:

مثلا_
* البحر ــــــــــــــــــــ غدار
يله نبدا/
*البعير.
*حديقة الفوطه.
*الدالوب.
*اللاذقبه
* البارق,الغريب,الهدف,عاصوف.
*جمانه.
*نسيم حميد.
*5.5.
*جوز حمام قلابي.
*شارون.
*الخبيبيه.
*سوق الحمام.
*ايس تي.
*كيبورد مكبوب عليه ميرندا.
*مراصيع الهلال.
*الفيصليه.
*الشات.
*لاتسيو.
*مفك اربعطعش.
*الخزف.


[gl]مقاطع الى من تهديها(في منتدانا اوخارجه) ,مع التعليق لصاحب المقطع:[/gl]

مثلا:
ياناس احبه واحب اسمع سواليفه ^^^ صوته يذكرني هموم عايشن فيها
الىـــــ.......
صاحبه اللي هو علي عبدالستار.........اي تعليق........ لايشترط كتابة اسمه >>>(وين صارت اسئلة وزاره ;) ;) ).

نبدأ/

@لا تجاملني باسـف خلي اسف للجديد ^^^ ياما عددت الرسايل وانت في رايك عنــيد

@هلا جاي تصالح هلا وعيني تراضي^^^ لما صار الا مـر معلقـى بيديـن القاضـــي

@الك وحشـــــه يابـو الضحكـة الحـلوه ^^^ تعودنا عليــــــك وشـــلــــون بـــــــلــوى

@زد صــــدودك صـــدود ولا تــعــــود^^^ خــلك ابــعد علـي مــن السماء

@ومنيـــن ابتـــدي يــاجـــرحــي النـدي ^^^ حــسـبي عـلــى الايــــام والحــظ الـردي

@ابتعــد عــني مـــاحــبك وش تبي بي ^^^ حبــك الغــــالي رمـــيتــــه فـــي الــــثرى

@ان لاقـاكم حــبيبي سلمــو لــي عـليه ^^^ طمنيوني الاسمراني عامله ايه الغربه فيـه

@تنتظر مني الرضا وتجاهل مامضى ^^^ماكــن في قلـبي ولع واستوى جمر الغضـى

@باباااول للماماداح بابا اوبـح^^^ انت حبــي انـــي صــح بــابــا اوبــح





اعذرونا ياللي ذكرناكم بالاسئله والاعتذار موصول للجمجمه على الاطاله.....



وش رايك عاد ماغثيتك .



تحياتيbig head

@ الغالي مراصيع الهلال



1-- وش معيارك يوم انت صغير؟



معياري والا عيارتي ؟؟؟

لاتخاف فاهم وش تقصد
والله ياحبيبي كانو ينادونني اللبناني يوم انا صغير
مادري ليه ؟؟



2-- ماهو برنامجك اليومي مافي شك انك (يقالي احم احم مافي شك) تقضيه بالفائده بس ابي التفصيل


طبعا الصباح دووام بالمكتب الى الساعة 2

ارجع للبيت الساعة خمس تدري ليه ؟
لاني امسك طريق خريص
واغني ياليل ماطولك
اتغدى واقيل الى صلاة العصر
بعد العصر اجلس مع الوالد والوالدة وكان فيه مشاوير للبيت رحت خلصتها

بعد المغرب على حسب .. بعض المرات ازور بعض الشباب والا على النت

بعد العشاء اروح لبعض الزملاء باستراحة واتعشى عندهم عادتن
همن ارجع الساعة 11 بالليل للبيت اجلس شوي على النت الى مايجيني النوم

نهاية الاسبوع تلقاني كاشت مع الزقرت .
وبس

شكرا مراصيعكو بيه

ــــــــــــــــــــــــــــــــــــــــــــــــــــــــــــ
الغالي ميلان آسيا

هلا ومسهلا ..


وش رايك بهلالي الجوف مشرفنا بالعالميه؟؟؟؟؟

والله ونعم رجال سنافي شكله راعي بر وصيد وفلة قحاش

اشراف مميز ...

يخليك تكتب مواضيع مكررة ولا يقفلهن الا بعدين

وصراحة ماكد شفت موضوع مقفل بمنتدى العالمية ..

سياسته بالاشراف مرنة جدا ..
واقعي بإختيار الردود

منسم في كثير من الاحيان .

والله يخليه لنا .

تحياتي اخوي ميلان اسيا

ــــــــــــــــــــــــــــــــــــــــــــــــــــــــــــــ
الغالي H-CrAzY

1-> من هو ممثلك المفضل وما هو آخر فيلم هندي شاهدته ..


ممثلي المفضل ( روبرت دينيرو )
آخر فلم هندي شفته من زماااااااااااااان بالقناة الاولى وكان اسمه الظاهر ( العم وابن الأخ )
كان تذكر الخيول اللي تنط القطار هذاك هو ..
اذكر بدأ الساعة اربع العصر وانتهى 9 بالليل .

2-> كيف تعرفت على منتديات شبكة الزعيم ...

مثل ماذكرت سابقا من ساحة الاقلاع لاني كنت عضو هناك .

3-> ماهو سر احتكارك للمسابقات اللي كان يقدمها العضو سامي عبد الله واللي شكله كذا وقف المسابقة ..

والله المسالة لا احتكار ولاشيء انا ماكتبت الحقوق مدفونة للجمجمة
وبالنسبة لمسابقة 6×1 تراني من زمان احطها .
الا على فكرة وين سامي عبدالله؟؟..فاقدينه

4-> هل لك مشاركات في منتديات اخرى بالاضافة لمنتدى الزعيم والذئب سامي ؟؟

كنت اكتب بمنتدى القافلة ومنتدى الدرر العربية وساحة الاقلاع بس الحين توقفت .

5-> كيف يمكن ان يجتمع امبراطوران في مملكة واحدة ( انت والأخ البارق ) ..

العلاقة الثنائية بين الامبرطوريتان الجمجومية والبارقية منذ قديم الازل
ومهما حاول العابثون هز كيان هاتين الامبراطورتين فلن يستطيعوا وسيندموا واسأل غريبووووف

شكرا حبيبي اتش كريزي

@ الغالي عاصوف

إقتباس هذي الدفعة الثانية من الأسئلة ترى الأسئلة الأولى كاتبها وانا مستعجل لكن هذي ركز لي عليها

على كيفك تسأل مرتين ...
منيب مجاوب عندك شيء

لا وش دعوى كلش الا عاصوف ابو خمس حروف
أنت تآمر ..

س1) من هو اللاعب السعودي الذي تتمنى أن ينظم للزعيم في الموسم القادم ؟

عبدالله الشيحان

س2) انت تحضرالمباريات ولا تشوفها في البيت؟

والله على حسب المباراة
بس اكثر الاحيان اشوفها بالتلفزيون .

س3) متى بدايتك بالانترنت؟

قبل ثلاث سنوات تقريبا .
س4) في اي حي تسكن؟ ومن هو العضو اللي ودك تفقع وجهه؟

اسكن في حي الروضة بالرياض
العضو اللي ودي افقع وجهه انت ومن فيه غيرك

س5) وش سبب إختيارك اسم (جمجمة الهلال)؟

كان يوزري بساحة الاقلاع جمجمة من دون الهلال
يوم جيت للزعيم اضفت الهلال .
وسبب لإختياري جمجمة لانه مميز وغريب .

وبعدين كل واحد منا له جمجمة ..
والهلال الأحق بأن يكون له جمجمة
س6) ياليت تحط لنا خلفيتك لسطح المكتب ؟

هذي هي...
بس يمكن ماتطلع الصورة عاد انت تعرف وش تسوي علشان تخلي الصورة تظهر .



س7) من هم الاعضاء الذين لاتتترك اي موضوع لهم الا وتقراه فورا ؟

والله اقرأ المواضيع حسب العنوان اولا همن حسب العضو ثانيا .
يعني مافيه عضو مميز عن الاخر كلهم في الهوا سوا..مميزين ومبدعين .
وهذا من أهم اسباب تميز شبكة الزعيم عن الآخرين .


ضع علامة صح امام الإجابة الصحيحة وعلامة خطأ امام الإجابة الخاطئه:-

1- يقولون إنك يومك صغير كان عندك سيكل ثلاث كفرات مضلل فما صحة هذه المعلومة( )

خطأ ..كان عندي محل لتظليل السياكل ابو ثلاث كفرات

2- يقولون إنك مصري في الدراسة يومك صغير( )

خطأ..يقولون اني مثل الافغاني بقض الجدران


3- يقولون إن معك ددسن غمارتين موديل84( )

خطا .... معي شبح على شكل ددسن غمارتين

4- يقولون إني غثيتك بالاسئلة ( )

..صحححححححححححححححححححححححححححححح
هيا ..هيا ...هيا

إقتباس احتمال يكون فيها دفعة ثالثة

ماتنعطى وجه انت
ترى ابنادي غربيبوووف يشوف شغله معك

هلا والله بعاصوف حبيب الالوف


خلنا نروح لبيق هد شكله راعي طويلة