@@ والله هي هي ... حتى لو فـزنا على الاتفاق !! لا احد يزعل نفسه واحسبوها @@
السلام عليكم ورحمة الله وبركاته...
وش اخباركم عساكم بخير 
قبل البداية بالتوفيق للهلال في باقي مبارياته ... وان شاء الله الحصول على بطولات الموسم كلها 
بخش بموضوعي المتواضع على طول وباختصار ...
فيه كثير زعل من نتيجة مباراة الاتفاق بالامس ...
والحقيقة لو اي احد فكر فيها بمنطقية بيلقى ان الفوز والتعادل واحد ...
انا ما رح اشرح حظوظ الهلال بالدوري ...
لان ما شاء الله اخواني الاعضاء كفو ووفو ...
بس بقولكم شي واحد ...
الهلال بعد تعادله امس اصبح لديه 43 نقطة ... والاتحاد 48 !!
وباقي له 3 مباريات ...
لو فاز بمباراتين الشباب بيوصل للنقطة 49 ...
وهذا يعني انه يكفيه التعادل او الفوز على الاتحاد وياخذ الدوري
لو اعتبرنا ان الهلال فاز بالامس ... كان سيصل للنقطة 45 ...
ونقول ان شاء الله يفوز بمباراتين الشباب ...
سيصل وقتها للنقطة 51 ...
وهذا يعني انه برضو لازم يفوز او يتعادل مع الاتحاد ...
لانه لو فاز الاتحاد بيوصل للنقطة 51 برضو ...
وساعتها بياخذها الاتحاد بمجموع المباراتين !!
طبعا لو الهلال بمباراتين الشباب ....
فاز في وحدة وتعادل في وحده !!
او تعادل في الثنتين !!
او فاز وحدة وخسر وحدة !!
لازم يفوز على الاتحاد بكل الحالات اللي فوق ...
يعني مختصر الموضوع ...
الهلال بيفقد الدوري بس بحالة انه خسر الثنتين او تعادل وخسارة لا سمح الله ...
والمختصر الاكثر اختصارا من اللي قبله 
ان سواء امس فاز الهلال او تعادل او حتى خسر ... هي هي ... فوزنا على الاتحاد بس هو اللي بيجيب الدوري باذن الله 
يعني ... لا تشبون على لاعبين ولا احد ... وموب كل ما واحد بدا يهاوش فزعتو معه ... وما هو لازم كل من تكلم عن الهلال نقوله معك حق ... الهلال فقط محتاج وقفتكم حاليا ... اذا قصر بمباراة الشباب اجلدو الاعبين بس حسب المذكور اعلاه 
جولة الامس لم تقدم ولم تاخر شيء للهلال يعني ما في داعي تهاوشون احد روقو شوي
اتمنى انكم فهمتو الفكرة والموضوع 
تحياتي لكم 
الوضع الشجري
