لا دفاع ولا هجوم امام الاتفاق + الحين اكتشفت منهو اللاعب الخفي
 

لا اخفيكم مقدار صدمتي بالمستوى المرعب الي كان علية تفاريس والمرشدي في مبارة الاتفاق

بصراحة دفاع شوارع من بدت المبارة وثلاث انفرادات من العمق لبرنس تاقو في الشوط الاول بس

ومع كل رفعة من الاطراف وانا يدي على قلبي حتى الاظهرة امس مالهم وجود

لاعبين الاتفاق يرفعون وهم مرتاحين والمهاجمين يثبتون ويطقون راس على المرتاح بين السناترة

والله امس مهزلة دفاعية ولو فريق غير الاتفاق كان النتيجة كبيرة

والمصيبة الثانية في خط الهجوم المنتهي مع احترامي لبدر الخراشي وليلو وحط معهم الفلته عمر الغامدي

والله ان التايب تعب تعب تعب واهو يصنع لهجوم ميت ولا فية حياة

بدر الخراشي مستواه اسوء من السيء أمس بالذات وبشكل غريب بس لاحظت انه تحت الضغط وتلاقية يفكر يشوت الكورة قبل ما توصلة ومتعجل لدرجة ارباك نفسة

ليلو بداية المبارة تحرك وبعدين اختفى

عمر الغامدي تعبت وانا اقول عمر ما ينفع مهاجم بس يغطي لكن يشارك في الهجمة ما يصلح

ما يقتل الهجمة المرتدة الا عمر بتعطيل الكورة...!! اي جملة تكتيكية في الهجوم اذا وصلت لعمر الغامدي انحاست!! الشوت دايم فوق وغير مركز ....وشوف امس ضيع قدام الباب كورة ولا اسهل

طبعاً في كل مبارة للهلال لا اتطرق للشلهوب لاني مقتنع قناعة تامه انه بحاجة الي راحة مع اسرته حتى يرجع الموسم القادم مثل اول لكن مع وضعه هذا وضغط اعضاء الشرف علية باللعب اصبح الشلهوب هو اللاعب الخفي اللي تكلم عنه بدر بن محمد لانه ما ينشاف في الملعب....!!!

الحمد لله ان عندنا التايب + وعزيز + والدعيع ولا ما تشمون التعادل امس مع احترامي

كوزمين ما زلت انتقدة كثيراً واحس ان الهلال من بداية الموسم وهو يلعب بحوسة في التكتيك ويعتمد فقط على مجهود طارق وياسر و ما ادري وش المشكلة

بس انا اقول ان المبارة ان شاء الله تكون كبوة جواد ونستميح العذر للاعبين بسب الضغط النفسي اللي عليهم ونشوف المباريات قدام يمكن يتغير الوضع ويشفع لهم عطائهم

واتمنى من الجميع يراعون النقد والخاص بمبارة الامس مع الاتفاق

كـلآم واقـع صـادق مع كل كلمـه ولا آزيدكـ حرـرفـ.. نقـد هأدفـ واسلوـوبـ طرـرحي واقعـ .. اهنيكـ اخوـوي ع الرـروح الرياضيـه اللي فيكـ .. وعوـوافي يالغلآ ع الموـوع ولاهنتـ

للاسف ماشفت المباراة


>> الله ياخذ ART <<

م اقدر اعلق


شكرا لك

كلامك سليم
لاكن ليش المدرب يطلع ليلو ويطبب السعود ليه ماطلع الخراشي لان ليلو كان يحرك الهجوم ويوم طلع احس العب صار هادي

ليلو يلعب على الاطراف لان طريقة لاعبة تعتمد على المساحات ولا يصلح متمركز

والمدرب كان محتاج واحد يتمركز في منطقة الجزاء مع الخراشي وينتظر التموين من النص والاطراف

عشان كذا دخل السعود بدل ليلو

كــلأمـ ســلـيـمـ إلأأ شــؤؤؤي ,,

عــمــر لأعــب كــبــيــر بــمـســتـؤؤاهـ ,,

ومـألـكـ حــق تــتـكــلـمـ عــلــيــهـ ,,

تــحــيـأتــي ,,

شكرا اخوي على النقد الهادف ... وبصراحه تاكدنا البارح ان الهلال مايتأثر بأحد ... الا وبمركز الهجوم ... مع احترامي لجميع مهاجمين

لاعبين الهلال ... لكن ماعندنا لاعب نعتمد عليه بعد الله سبحانه ثم عليه مثل ياسر ... (( لاحظو اني اتكلم فقط بمركز الهجوم ))

اما الخراشي البارح فـ لا تعليق ... لاعب يبي الكوره تجيه ... استعجال ... ارتباك ...حماس على غير سنع

انا مازلت عند رأيي الهلال يعيبه خط الهجوم ... فـ بعد ياسر وبعد اصابه الصويلح ... هجومنا (( كيف الحـ1ل ))

مع ان عندي تحفظات على الصويلح ...


وتقدر تقول عن مباراة البارح ... الحظ لعب دوره .. سواء معنا او مع الاتفاق


يعيب هجوم الهلال :: لايوجد البديل اللي تعتمد عليه بعد الله سبحانه

تحيـ1تي لك يالغالي ع الموضوع الأكثر من رائع ... واعذرني ع الاطاله ... والله يوفق الزعيم ويوفق الجميع

خيرها بغيرها وبإذن الله هلالية

بإذن الله .. آآمين يارب

تحليل سليم الا الغامدي مالك حق الغامدي لاعب لاكبير بمستواه بقتاليته

مع إحترامي لك ما تابعت كويس أنت

الإتفاق ضيع و الهلال ضيع بعد

و لا تنسى أمس الخثران ما كان في مستواه

تحياتي لك ..

للأسف ا توقع أنك تتابع المباراة بعاطفتك ولم تكن منطقي

الغامدي لم يكن سيئا

بل طريقة كوزمين السيئة هي من تجعل الهلال وقدرات لاعبي الهلال تتعطل حتى الشلهوب يطلب منه مهام ليست مناسبه له الشلهوب صانع لعب ليه تطالبه بالرجوع بجانب الخثران وعندك محاور من افضل المحاور

العناد الدفاعي لكوزمين يضيع الهلال وكذلك استمراره على ليلو السيئ قاتل الهجمات الهلالية لأكثرمن شوط

هي مصيبة

الهلال بوجود ليلو يعتبر يلعب بعشرة لاعبين ولمعلوميتك رغم عدم قناعتي بالخراشي كلاعب هلالي ولكنه كان أمس متحرك لوحده في الهجوم ولايلام على تضييع كورتين للفريدي وكورة للتايب لأن هذي قدرات الخراشي
ولكن كان متحرك يسبب فاولات للهلال بعكس ليلو المقلب

وبعدين لنكن واقعيين حتى التايب لم يكن التايب الذي نعرف تعطيل كثير للكرة لابد أن يفهم التائب أنه مجموعة من اللاعبين تتكاتف يأتي الهدف وليس شرطا أن يكون الممرر

واكبر دليل الهدف الهلالي نقلات جميلة بين لاعبين ثم للفريدي الذي كسر الدفاع الاتفاقي للتايب الذي حولها ولا اجمل للسعود

الهلال ككل يحتاج تترتيب ولكن علته مدربه حين أحس بالموقف ترك قناعاته وتحول الهلال للأفضل

فرجائي ياعزيزي لاعبي الهلال لم يكونوا سيئين حتى الدفاع كله بسبب المدرب وقناعاته وتحطيمه لقدرات لاعبيه

يارجال لاتضغط على اللاعبين الحمدالله على كل حال وان شاء الله يعوضون بالجاي

ودي اعرف من انت ؟؟؟

اخاف انت سمو رئيس النادي ولا رئيس اعضاء شرف النادي وحنا ما ندري .

اتوقع يوم تكتب الي كتبته ماكنت بوعيك .

على العموم ارتقي بما تكتب وتذكر دائما انك في شبكة الزعيم .

عمر الغامدي احد ركائز الهلال

عزيز تفاريس الغامدي الدعيع هم الهلال ينقصهم مالك معاذ او شهراني النصر او الثقفي الاهلاوي


يكون حينها الهلال مرعب مرعب