بسم الله الرحمن الرحيم

لن أتكلم عن موضوع مباراة الاتفاق
ولن اتكلم عن الاتحاد
ولن اتكلم عن النهائي
ولا عن صدارة الدوري

فهذه مواضيع اشبعت بالكلام


لكن سأتكلم عن جزئية هامة في الفريق

وهي الهجوم

ياسر مصاب
لكن معقوله
فريق بحجم الهلال مافيه الا مهاجم واحد
والباقين دفاع للخصم؟!!!

يعني خلاص يغيب ياسر تبتعد الأهداف ؟!!

طيب وين مهاجميننا الشباب
وين محترفيننا اللي دفعنا فيهم ملايين

شفناهم أمس يتنافسون مع دفاع الاتفاق
من أكثر من يشتت هجمات الهلال ؟؟

بالنسبة لليلو من أول لمساته واضح انه لا يجيد مركز رأس الحربه وإنما
مركزه المناسب جناح .. هذا اذا كان لعب الكرة من ضمن مواهبه (ما اتوقع)
وهو المركز الذي يضعه فيه المدرب

وبالنسبة للصويلح مصاب الله يرده بالعافية

وبالنسبة للخراشي
مثله مثل العنبر
الله يخلف
ومباراة الأمس خير دليل

مع العلم انه بيجي أحد الأعضاء يقول اصبروا عليه
وشلون حكمتوا بمباراة واحده

للرد عليهم أقول
حكمنا عليه من بداية الموسم ومستوياته اللي يقدمها
وبعدين بمستواه أمس أثبت أن الخلل فيه مهب أخطاء وتتعدل
ولا مواهب وتتنمى
بل أساسيات وأبجديات المهاجم الناجح لا يمتلكها
فلا سرعه ولا مهارة ولا إنهاء للهجمة
مع احترامي الشديد لشخصه الكريم

قد يكون مبدع في الجناح أو في مركز آخر
ولكن كرأس حربة لا أرى فيه ذلك المهاجم ( رأي شخصي)


لكن سؤال عابر أرجو الإجابة عليه

مهاجم الهلال
اللي هو بالأساس رأس حربة
وحصل على هداف دوري الشباب العام الماضي
عبدالعزيز الكلثم
لماذا تم تغيير مركزه الى الجناح بدلا من رأس الحربة

اللي يشوف فريقنا يقول زحمه رأس الحربة ولا فيه مكان

مافيه الا الصويلح وياسر مهاجمين صريحين
ليش يغير موقع لعب الكلثم الى الجناح
مع شح المهاجمين في فريقنا؟؟

وسؤالي الآخر
الى متى نصبر على محترفينا اللي يكونون عالة علا الفريق بدلا من نفعه

لنا سنين نحضر محترفين
الى الحين ماتعلمنا

اللاعب الأفريقي من طلعة الدنيا معروف
سرعه . مهارة . تسديد
لكن مخ مافيه
مع احترامي الشديد

اذا بتجيبووش يمنع ماتجيبون لاعب أوروبي
برتغالي
سويسري
تشيكي
أو حتى هولندي وايطالي

مهب لازم يصير لاعب عالمي
بس على الأقل لاعب محترف بمعنى كلمة محترف
ولاعب يلعب بمخ مهب برجول

أو جيبوا لاعب لاتيني متوسط المستوى
الى متى ناكل المقالب باللاتينيين الرخيصين
جب واحد متوسط لاهو رخيص ولا غالي

أو الخيار الثالث
لاعب عربي من طراز عالي



برأيي
أرى أن هذه الخيارات هي أفضل الخيارات لاختيار اللاعب المحترف الأجنبي

أما أفريقي
ملينا والله


ليش ماعمرنا شفنا محترف أوروبي بنادينا؟؟
محترف مو معناتها رح جب لك فراش أو سباك ايطالي أو فرنسي وتقول محترف
لا
جب واحد متوسط القيمة
وعمره بحدود 28 عشان مايصير هدف للأندية الأوروبية



عموما الله يكتب اللي فيه الخير لفريقنا


-----
عن المباراة

- دفاعنا أمس شوارع !! وش السبب؟؟

- خالد عزيز .. ستبقى الأفضل

- عمر الغامدي .. ياليت ماتطول الكورة بين رجليك

- التايب .. شكرا لك

- الشلهوب .. متى ترجع ؟!

- الهجوم .. قشروا بصل

- المدرب .. كبير يا كوزمين


- الجمهور .. تبقون اللاعب رقم 1




دمتم زعماء .. ودام الذهب أزرق

كتبه رساوي برساوي

الصراحة مركز راس الحربة والمحترف
يبيله عبدالله بن مساعد يقص تذكرة ويتفرغ للبحث عن واحد فلته
واهم شي يكون سنايدي بالالعاب الهوائية


والا الذيب بندر بن محمد يستقعد بدرجة الناشئين والشباب يصنعلنا نجم





اما عزيز ............ بلحاله يعطيه العافية




البرنس ........ ان اطلق محترف مر على الازرق.....خذها مني

الهجوم الهلالي يحتاج الى اعاده نظر


ويجب اعطاء الفرصه

ل عبدالعزيز الكلثم

وسليمان المؤشر

والمووووووري

يالغــلا انــا أشوووف أن بــدر الخــراشي تتوفــر فيه صفاات المهــاجم النــاجح

يكـــفي أنه أهو هداف كــاس الأمير فيصــل للهـلال ......!!!

بس أمس لازمه سوء الحـــظ
وبعــدين اذا بتنتقد انتقد الفريق بكبره امس هو وقلته واحــد لا ونبي الدوري بعد يخلف الله بس ..!!

الشـــلهوووب بالتوفيق لـك يالبطــل وجمـــاهير الهــلال معك مهما صااااااار

بالامس لو كان موجود المؤشر خلف الكلثم في الهجوم والله كان يبي يصير كلام ثاني بالمباراة

لكن الهلال الله يهديه ضيعها امس بالخراشي وليلو اللي ماقصروا لكن انا عن نفسي مااحس انهم يسدون خانة الهجوم.

إقتباس ياسر مصاب لكن معقوله فريق بحجم الهلال مافيه الا مهاجم واحد والباقين دفاع للخصم؟!!! يعني خلاص يغيب ياسر تبتعد الأهداف ؟!!

للاسف هذا الواقع المر .. مافيه مهاجم هداف غير ياسر .. بلا خراشي بلا السعود بلا عنبر بلا هم ..

وحتى مؤشر و الموري وسرور .. مو مرة


مافيه الا الصويلح اللي يمكن يكون املنا بعد ياسر .. الله يرجعه بالسلامة

وايضا لا محترف زي الناس .. حركة بلا بركة ..

بإستثناء ياسر .. خط الهجوم الهلالي فاااااااااااااااااااااااااااشل ..


هذا اللي نشوفه

اعتقد اننا اذا طلعــنــا بدون ما ناخذ الدوري

نكون نستاهل

لأن فريــق يبغى ينافس على الدوري لازم يكون عنده دكه بدلاء هجوميــه متميــزه


لكــن احنا معد عندنا غير ياسر يعني لو ياسر اصيب او لعب مباراه بمستوى سيء نقول نقاط المباراه طارت


حسبي الله على من جعل سامي يعتزل

وين الكلثــم عن الهجــوم


حـــرام يــا كوزمــيــن يا احد افضل المدربين التكتيكيـــن في الملاعب السعوديــه لكن كالعـاده اقول فيــه خوف و جبان شوي

فعلا نحتاج الى مهاجم عند غياب ياسر
وما اقول الا متى ترجع يالصويلح ( ترجع بالسلامة )

مركز رآس الحربه في ثلاث لاعبين شفت لهم مبآرآه في تصفيآت كآس العالم ,,

مهآجمي منتخب الكويت بدر المطوع بعد دخوله غير مجريآت المبآرآه بالكآمل ,,

بجآنب احمد العجب اللي سوى العجب في دفآع ايرآن ,,

وفهد الرشيدي الي رشد طريق المرمى لآصدقآئه ,,

صرآحه بعد دخول بدر المطوع آصبحت الكويت تلعب على قول وآحد في آغلب فترآت المباراه ,,

آتمنى آستقطآب آحد هؤلاء ان لم يوجد الافضل ..!!

فآرى في آحدهم خليفه جآسم الهويدي ..!!

بالتوفيق للزعيم ..!!

سلطان السعود افضل من الخراشي بكثير لاعب يقاتل على الكوره مو مثل الخراشي

كلمك سليم

كلامك مايختلف عليه اثنين

هذا هو الواقع

الهلال يكدح طول الموسم وبالاخير يخسر اللي بناه

بعد اصابه ياسر والصويلح

مافيه احد يستاهل ان يلعب بخانتهم

لابدر الخراشي ولا العنبر ولا ليلو

شوف مهاجم الاتحاد الفيس جاء بالدور الثاني وشوف كم له هدف جاء هو وليلو بشهر واحد وشوف ايهم افضل

هذا هو الواقع الصحيح

والمشكله اغلبهم يقولون اصبرو عليه توه صغير

نصبر الا متى الى ماتهدر البطولات امامنا علشان نرتجي لاعب

لاعب بداله لاعب لكن بطوله تحسب على النادي

يبغا لنا لاعبين احتياط عشان ياسر لو اصيب الله لا يقدر يكون معنا شله