نقطه مهم تغفل عن البعض عن المدافع المتميز تفاريس - نادي الهلال السعودي - شبكة الزعيم

فزاع الاجيال · #1 30/03/2008, 05:44 PM

السلام عليكم ورحمه الله وبركاته ..

في البدايه اتمنى التوفيق للهلال في مباراته امام الاتفاق .. ومن ثم امام النصر وسحقه و تمديد صبره لسنه اخرى

..

انا في هذا الموضوع .. راح ابين نقطه بسيطه للجماهير الهلاليه ..

وهي نقطه المبدع تفاريس .. الذي اعتبره ابن من ابناء الهلال .. و من افضل الاجانب واميزهم في تاريخ الاجانب بالكره السعوديه والخيجيه وايضا العربيه ..

وانا ما داعني اني اكتب الموضوع الا موضوع قريته في احد المنتديات عن ان الهلال بيجيب سعود كريري بمبلغ وقدره 10 ملايين .. وماندري هو صدز ولا لا ..

والاعضاء الله يهديهم رادين عليه وانه ما يستاهل وانه وانه .. مع انه بنظري يستاهل وزود .. لانه من الاعبين النادرين الي مسواهم ثابت طيله الموسم مع خالد عزيز ..

وهذا ماهو موضوعنا ..

الموضوع هو ان رد الاعضاء عليه انهم يخلون هالعشره يشترون فيها عقد تفاريس .!

وهذا هو الموضوع ..

يا اخوان تفاريس عقده لهذا الموسم تعدى 10 مليون .. ومكلف للخزينه كـ اعاره فقط ..

وما ننسى تصريح الدكتور عبدالله البرقان وقال بصريح العباره .. انه عقده مكلف الاداره كثير ..

يعني صراحه حرام 10 مليون وزياده اعاره .. ذي بعد عقب التطلب والتذلل للنادي البرازيلي عشان يوافق .. مثل ما وافق بعد طلعة الروح هذا الموسم ..

فيعني لو بغينا نشري عقده كم بيكلف ؟

بيكلف فوق 60 مليون وبالراحه بعد ..

وانا مؤمن بدور تفاريس وقوته .. وابداعه .. و انه من احد اهم الاسباب الرئيسيه في بطولات الهلال الـ 7 ..

لكن اتمنى ان تدعوا الاداره الحريه بعملها .. و عدم العتب على الاداره ان لم تجدد لتفاريس في الموسم القادم خصوصا بعد شراء عقد اللاعب الاقل من عادي اسامه هوساوي .. الي اشوف انه لاعب عادي لا اكثر ولا اقل ..

فهو مكلف للخزينه مبلغ جامد في اعارته .. فما بالك في شراء عقده ..

واتمنى عدم العتب على الاداره في هذا الموضوع .

تحياتي لكم ..

SAMI009 · #2 30/03/2008, 05:54 PM

ياحبيبي احط في تفاريس اللي احطه ولا اجيب واحد مايعرف يسوي باص صاحي مهب قطع كوره بعدين تيفا يكفي انه مخلص للنادي هذي لحالها تنشرى

تقبل مروريـــــــــــــــــــــــــــــــــــــــــــــ

عطــر الأمــاكن · #3 30/03/2008, 05:54 PM

مرحبا أخوي فزاع

إقتباس


	وانا ما داعني اني اكتب الموضوع الا موضوع قريته في احد المنتديات عن ان الهلال بيجيب سعود كريري بمبلغ وقدره 10 ملايين .. وماندري هو صدز ولا لا

أمس تعبت وأنا أقول الخبر غير صحيح ...

والمشكلة ما طلعت ( مصادرنا ... خبر حصري إلخ ) إلا بعد خبر جوال الرياض , طيب وينكم من زمان

أما بخصوص تفاريس فهو بالفعل مكلف جداً .. وعشمنا في إدارة الهلال القادمة أن تضع تفاريس من ضمن أولوياتها

تقبل مروري ,,

الشهري 9 · #4 30/03/2008, 06:13 PM

واذا حطينا في تفاريس ما هي خسارة
يا ما جاء لعيبة باكبر من هذه المبالغ ولا فائدة

أجيك يسلم راسك · #5 30/03/2008, 06:29 PM

السلام عليكم

اعتقد أن سعود كريري جدد مع فريقة الاتحاد

وايضاً تفاريس هو نجم النجوم الهلالي

وايضاً زي ماسمعنا أن اقتراح شراء بطاقة تفاريس

مطروح على الادارة الهلاليه

وان اؤيد هذا القرار وجميع جمهور الزعيم

لأن بصراحه تفاريس هو صمام الدفاع الهلالي

وداعم للاعبين ويرفع من ادائهم

وخصوصاً الذين يشاركون معه في مركز الدفاع

ودمتم بخير

أجيك يسلم راسك

♥ N E V E S ♥ · #6 30/03/2008, 07:36 PM

والله ان تيفا يستاهل هالمبلغ وزياده..
...................................

أحبك يازعيم · #7 30/03/2008, 07:42 PM

اسمح لي يا أخوي .. كريري مستواه أقل من عادي وليس مطلبا ولاطموحا للفريق الهلالي

أما تجديد عقد تفاريس أو شراء بطاقته فأنا معك وأبصم بالعشرة ..

عاشق القناص ؟ · #8 30/03/2008, 08:01 PM

مشكوووووووور اخوي على الموضوع الجميللل
انا معك في ان عقد تفاريس مكلف لاكن الحقيقه تنقال انه يستاهلها واكثر
لاكن ليس بالاعاره بالاعاره يجب ان لايكون مكلف
اما بشراء بطاقته فنعطيه الي يبي
واما بالنسبه لكريري فكريري لاعب ممتاز لاكن المحاور عندنا كثر ولله الحمد وكل واحد ازين من الثاني
واعتقد الان انه جدد مع ناديه الاتحاد
وفي ختامي اتمنى التوفيق للهلال في المبراة القادمه امام الاتفاق باذن الله مايرجعون من الدمام خايبين
تقبل مروري:::::::::::::::::::::::::::::::::::

فزاع الاجيال · #9 30/03/2008, 08:50 PM

للعلم فقط ..

تفاريس كلف الموسم هذا اكثر من 11 مليون اعاره .. و ما ادري هي بس مستحقات الفريق الي لديه عقد تفاريس فقط .. ام مستحقات الصفقه كامله .. غير الاشياء الثانيه من سكن و بدل و سياره .... الخ ..

فما بالك بشراء بطاقته .. انا مع شراء البطاقه .. لكن ما الوم الاداره اذا ما جددت معه الموسم الجاي واكتفت بهوساوي .. الي ما يفرق بشي عن المفرج سوى انه يمين والمرج يسار لا اكثر ولا اقل ..

alo0o0ol · #10 30/03/2008, 10:05 PM

TAVARES

ابن من ابناء الهلال ويستحق اكثر من عشرة

واتمنى من الادارة انهم يحطون هالمبلغ في عقد تفاريس

وكلامك سليم

هلاليه وقلبي ازرق · #11 30/03/2008, 10:41 PM

والله ثم والله ان تفااريس يستاااهل

ع الاقل لاعب مضموون لعبه ..

الخساااره يااخوي انك تجيب لاعب اجنبي عقده ب 8 مليون مثلا وفي الاخير ما ينفع الفرييق وترجع تجيب غيره

وبنفس المبلغ ..

اما تيييفا لا لااااااااااااازم يجددووون معه ..

R@K@N9 · #12 30/03/2008, 11:10 PM

واذا حطينا في تفاريس ما هي خسارة
يا ما جاء لعيبة باكبر من هذه المبالغ ولا فائدة

" MOHAMMED " · #13 30/03/2008, 11:11 PM

\\

لا ارجوك ،،
ما اتخيل الهلال بدون تفاريس ،،
.
.
لكن زبدة الكلام اللي بقوله أن تفاريس يستاهل اكثر ،،
عزيزي فزاع ،، ،،
لو تفكر كم اجنبي جبنا خلال السنتين
الاخيرتين وكم دفعنا لهم وكلها صفقات فاشله ماعدا التايب
إللي بوصل له ( ان اذا بغيت تدفع ادفع وانت مفتح عيونك )
يعني ربع هالفلوس نشري عقد تفاريس

أتمنى ان الصوره وصلت
\\

اخونورة · #14 30/03/2008, 11:41 PM

تفاريس مدافع صلب ولكن نخاف عليه من التهور والبطاقات الملونه

ابوايادالهلالي · #15 31/03/2008, 12:21 AM

تفاريس مدافع صلب ولكن نخاف عليه من التهور والبطاقات الملونه.......
صحيح واخوف يتوقف قبل مباراة الاتحاد.......... ابو اياد الهلالي