السلام عليكم ورحمة الله وبركاته

اخي في الله ليتك قبل ما كتبت الموضوع رجعت لأهل العلم وسألتهم عشان يكون كلامك مثبت بالأدله واقوال العلماء لكن اتوقع انك اثرت نقطه تستحق النقاش لكن اتمنى لما ادخل الموضوع مره ثاني القاك مرفق معه قول احد العلماء حتى نستفيد اكثر وتطمئن قلوبنا وجزاك الله خير.

الله يجزاك كل خير و كلامك عين العقل يا الغالي

تحياتي لك على موضوعوعك المميز ..................

طيب خلونا بالجدد .. بوش وكونداليزا رايس والا الرسام الدنماركي ملاعين الجدف
تقدرون تعلقونهم على صدوركم ؟؟
كني اسمعكم تقولون اعوذبالله


تعلم كيف تنصح وبعدين اكتب موضوع .. نصح فيه لعن كيف تجي ذي ؟؟

جزاك الله خير على التذكير .. وفعلا هذا الواقع .. تجد أكثر الشباب الصغار شايلين أسماء كفار

الحمد لله انا حاط بعد قلبي الشلهوب الله يخلية ويطول بعمرة

,

وش المسكه هذي ؟!

وبعدين ياخي لاتحلل وتحرم على كيفك ,, اللبس يكون ساتر العوره وانتهينا .. !

بعدين بالعقل من الي يلبس ملابس رياضيه في الصلاه .. !

عموما التحريم والتحليل عند المشايخ الكبار لاتقعد تقولي بيكهام وابو لهب ومدري من .. !

احس انك توك سامع محاضره بمدرستك وجاينا هنا .. !

,

كل الي ردو عليك تلقاهم يظحكون اول ماقرأو ابو بكر
بس بصراحة فكرة جميلة بحط ابو بكر ورقم 2

إقتباس الرسالة الأصلية كتبت بواسطة المستشار 07 طيب خلونا بالجدد .. بوش وكونداليزا رايس والا الرسام الدنماركي ملاعين الجدف تقدرون تعلقونهم على صدوركم ؟؟ كني اسمعكم تقولون اعوذبالله تعلم كيف تنصح وبعدين اكتب موضوع .. نصح فيه لعن كيف تجي ذي ؟؟

انا والله مالي علاقه بصاحب الموضوع ولا اعرفه ولا يعرفني بس اليوم انا ناوي ادافع عنه من الردود المسيئه لأني اعرف النت مليان ناس كذا ياخوي انت الحين لا تحول الموضوع لمشكله شخصيه بينك وبينه يعني الحين وش علاقة تعلم كيف تنصح ثم اكتب موضوع طيب هو يعرف ما يعرف انت مالك علاقه شف كلامه اذا معناه زين الحمدلله واذا تشوف معناه شين وغلط علمه وش الغلط عشان يستفيد لكن تعلم شلون تنصح ثم تعال عيب نقول كذا لبعض كلام اطفال هذا

والله انك صادق وترى في بعض محلات الرياضة تكتب على الفانيلة اسمك والرقم الي تبيه

إقتباس الرسالة الأصلية كتبت بواسطة مـجـنـون بـيـكـهـام , وش المسكه هذي ؟! وبعدين ياخي لاتحلل وتحرم على كيفك ,, اللبس يكون ساتر العوره وانتهينا .. ! بعدين بالعقل من الي يلبس ملابس رياضيه في الصلاه .. ! عموما التحريم والتحليل عند المشايخ الكبار لاتقعد تقولي بيكهام وابو لهب ومدري من .. ! احس انك توك سامع محاضره بمدرستك وجاينا هنا .. ! ,

كثير ناس يصلون بملابس كذا وهو ماحلل وحرم اقرا كلامه زين هو قال انه المفروض ما نسوي كذا ونسوي شي افضل وبعدين لكلامك بالعقل مين اللي يلبس ملابس رياضيه بالصلاه اذا ماعمرك شفت فا اتوقع انك ما تصلي بمسجد يعني الحين لو هو كتب توتي بدل بيكهام اتوقع انك ما راح ترد عليه بس عشان اسمك مجنون بيكهام

وبالنسبه لك يا صاحب الموضوع بالفعل المفروض لو عندك الحكم الشرعي ومن اهل العلم انك تحطه عشان موضوعك يسير له معنى وقيمه

و الله إني حبيتك يا وليد .. طبعا في الله .. ! هع


كلامك عين الصواب و إن دل فهو يدل على طهارة و نقاوة قلبك ..


الله يجزاك خير .. و يا ليت يفهم هالكلام الجهال ..


ما قصرت .. أحر سلامي ..

إقتباس وش رايك لو احط اسم ابو بكر الصديق رضي الله عنه على فانيله واحط رقمه اثنين بما انه الرجل الثاني بالاسلام بعد الرسول صلى الله عليه وسلم . اوعمر بن الخطاب رضي الله عنه رقم 3 ؟؟ بدون ترقيه ياشباب تراي صاز

طـيـب لوٍ انـي ابي ادخـل دٍوٍرٍآت الميـآهـ .. كيف ؟

ادخل دورآت الميآهـ ( اكرِمكم الله ) بـ لفظ الجلآلـة اوٍ اسم خليفة رآشد هذآ مآيعتبرٍ آهـآنـه ؟؟

اما بآسمـآء اللآعبين الصليبـيـيـن اقـدٍرٍ اسوي بـهـآ اي شي ويمكن تطيح ولآ يجلس عليهـآ البعـض .. وِلآيرمـيـهـآ ويمكن تتوسـخ .. ولوٍ صآرٍ شي مـنـهـآ ع ـآدٍي

أخـــي وحبيب بالله ..

جزاك الله خير على مثل هذه المواضيع ... التي أن دلت فهي تدل على خلقك العالي وحبك للاسلام ...

ولكـــن أعتقــد أنه كان من المفروض .. أن تنتقي بعض الكلمات المناسبة وليس والكلمات التي تميل إلى الاستهتار والسخريه ....

كان عليك أن تضرب أمثلة دون دون أية سخرية ... وتصل للقارئ بكل سهولة ... ولكـن اتمنى عندما نكتب نريد أن نكتب مثل هذه المواضيع أو نتحدث عنها أن نكون اكثر جديه ودقة في أختيار الالفاظ ولامثلة ...

ما اعتقد فيها شي انك تلبس فنيله عليها اسم ميسي او غيره من اللاعبين

لانه لاعب فنان في مجاله وانت لو ماكان لعبه زين ما اشتريت فنيله بأسمه

ولا تتابعه في حياته الشخصية لانها ما تعنيك او لو ماكان لاعب كوره ما تابعته صح ولا لا

يعني ما تهمك حياته برا الملعب ولا اخلاقه خذ مثال مارادونا حشاش وراعي بلاوي

والصليب يبي يكسر رقبته من ثقله

خل عنك يا شيخ الكوره آينشتاين عالم رياضيات يدرّس في المراحل الدراسية عندنا

هذا يهودي بس ما يمنع اننا نستفيد من معلوماته

طيب غير كذا الحين تدرس شعراء جاهليين في مادة الادب هذولا فيهم الوثني والنصراني

ونستشهد بأبياته بلاغتها وجمالها

بعدين خلك ايجابي تقول ميسي وكاكا ورنالدينيو بالصف الاول

جزاه الله خير اللي جاي للمسجد وصاير بالصف الاول وماتعيبه هالفنيله

بلاك باللي ما ينزل الثوب والشماغ ولا عمره طب المسجد الله لا يبلانا