|
بعد أن استحقرتني قالت:ماعليك منهم هذولا هم الشباب السعودي..!(قصه حصلت لي شخصيا) السلام عليكم ورحمه الله وبركاته حي الله الأعضاء والعضوات في موضوعي وأشكركم على دخوله حتى لو مارديتو قبل كم من يوم جتني الوالده الله يحفظها ويطول بعمرها وجميع أمهاتكم ان شاء الله قالت ياوليدي ابيك توديني السوق المهم مامنعت وقالت لي بعد العصر اهم شي جاء بعد العصر ورحت انا والوالده لم السوق ودخلنا واثر السوق تقول حج طبعا سوق عوايل>>هو فيه سوق عزاب الناس كب كب والله بعمري ماشفت الناس مثل كذا بسوق اهم شي طبعا انا ماخذ راحتي بالسوق بحكم اني رجل بين حريم هذي تطلع فجأه وذي توقف فجأه يعني قروشه أهم شي وبدينا ندور وامي تشوف هاللبس وتمدحه شوي وتلتفت وتاخذ هذا شوي وتناظر اهم شي صار موقف في السوق \ أهم شي امي قالت لي رح جب عربيه رحت لم محلات الي تصيرفين العربيات مالقيت ولا عربيه يعني بااااخ من الزحمه واروح لم السلات والقاهن نفس الشي وانا راجع لأمي وقفت عند واحد يصلح ساعات ومعطي حرمه ظهري اهم شي واتكلم معه وبكم تصلح ومادري ايش اهم شي الحرمه الي وراي تكل لصقت بجنبي بقوه يعني تقول انا رجلها شوي ومسكت ايدي قال اقول عبدالله وش رايك مانجييب حقت منى انا تنحنحت وجهي كله عرق المره من الفشله ماتدري وين تروح:d ظفت اغراضها ودويس مادري وين راحت وانا راجع للمحل ومع اني باااذل جهد كبييير على اني مأدخل محل فيه حريم واحاول ابعد ولا اخالط ابد حتى لو حرمه وحده بطريقي ابعد عنها عشان لاأدخل نفسي بشبهات ولا تجي وحده تقولي انت تغازل اهم شي حسيت انيي تأخرت عن الوالده وازود سرعتي شوي فجـأه طلعتلي بنتين لابسات عبايه كتف وريحه عطر ووجيههن باينه وأصقع فيهن بدون قصد الى وقلت لهن آسف قال واحده عادي والثانيه ناظرتني من فوق الى تحت وقالت .........هذولا هم الشباب السعودي دايمن مادروا ومشت انا بعد الكلمه هذي وش أقول بس هو ارتفع ضغطي هو تبي تجيني جلطه هو بالحقها واتوطاها ياناس على كل احترامي لها واعتذاري الى انه ماينفع تقول هذولا هم الشباب السعودي وسبقتها بكله بس ماحبيت اكتبها ماتدري ان واحد من الشباب السعودي يبي يعرس عليها بكره لكن وش نقول تحياتي للجميع !!هلالي الرس!! قفله..! الرياضيات مادري وش تبي من الحياة |
وهي ما كنّها من فئة الشباب ؟؟ :surprised: كان رديت عليها :naughty: فيه كثير ( آسف من دون قصد ) تصير واجد عندهم .. لذلك لا تستغرب إن عممت على الكل :yes: الله يتجاوز عنّا وعن جميع المسلمين .. هذا والسلام سكب الهلال |
هلا والله يا اخي انت s60s اما عاد والله موقف محرج بجد لك هع :d قفلتينينينيز:d:naughty:لغة الفارس-5:naughty: انت والرياضيات ووليد القحطاني ما ادري وش تبون من الحياة:d لالالالالالالالالا امزح الا صدق وين وليد اتمنا لك التوفيق:smilie47: الفارس-5:smilie47: ........................................... M.GOAL:smilie47: ILOVE YOU FOREVER:smilie47::smilie47::smilie47: |
وعليكم السلام ورحمة الله وبركاته ،، الله يكون بعونكـ صراحة إحراج :D والبنت ذي المفروض ماترد ماله داعي ردها:surprised: يعني لو كان واحد زي الي ببالها ورد عليها بترد عليه وتصير سالفة تلم عليها خلق الله:stoned: وبعدين أخوي أهم شي إنت ماشي سيدة ماعليكـ من أحد:yes: أسأل الله الهداية لشباب المسلمين ،،، |
موقف الصراحة محرررررررج :d تحيااااتي .......................................... |
وعليكم السلام ورحمة الله وبركاته الله يكثر من امثالك من الناس اللي يخافون ربهم مشكور وموقف محرج للغايه,,, تقبل مروري |
هههههههههههههههههههههههههههههههههههههههههههههههههههههههه يؤيؤ تدري عاد انها تصير لي بس اكلم وحده احسبها اختي وش رايك في ذا البلوزة وتعطيك رايهااااااااا وبعدين اكتشف من الصوت انها موب هي :d اما على اللي ردت عليك فلاتستغرب فيه ناس قليلين ادب فلاتستغرب (ودام هذا شكلها وعباتها وعطرها ) <<مفروض مااستغربت شي منهااا الله يستر على شبابنا وبنات المسلمين |
موقفك مع الحرمه الي بالمحل عااادي ياما تصير بأحسن العوايل بس رد البنت صراحه ماله داعي واضح عليك العجله ومنت قاصد اهم شي انت نيتك صافيه وماعليك منها اخر همك ياشيخ |
معقوووووووووووووووووووووله !!!! كلنا شباب ونعرف حركات بعض اصقع وكل اسف \ خخخخخخخخخخخخخخخخخخخخخخخ عموما موضوع جميل تحياتي |
موقف لا تحسد عليه صراحة إحرااااااااج بس ما لها داعي يوم ترد نفس مرة أنا صقعت في واحد جا راسي في صدره وربي كنت بطيح من قوة الضربة كنت بجنب الجدر وأختي بجنبي مدري على وشوا مستعجل الأخ بس لا هو قال شي ولا أنا قلت شي يعني هالمواقف تصير بس كيف الواحد يتعامل معها يعتمد على التربية الله يهديها بس وأما الرياضيات مالها داعي والله إنك صادق لا فض فاك مشكور أخوي تقبل مروري أختك: بني حارث |
اهم شي انك اعتذرت منها .. ونيتك صافيــة s60s اما هي بكيفهــا .. الله يستر عليها .. إقتباس:
:d:d:d:d:d |
انا مرة صار معي نفس موقفك ... بس المخرج مغير اطار السالفة :d... بـ رمضان كل يوم اروح اجيب جدتي -الله يطول بـ عمره على عملٍ صالح- من الجامع اللي تصلي به التروايح ... لي 3 سنوات انا اروح اجيبه << ياحظك ... خلصنا :d ومتعود انه لازم تركب مع وحدة من العجيزات اللي غلطانات ( هذا امام الجامع الله يسلمكم مااحد يصلي معه من الرجال الا صف ... صف ونص بالكثير ... اما الحريم مايلقن مكان لهن بعد الاذان رغم انه جامع ... وهالامام لو يروح للحرم راحن وراه عجز عنيزة :d )... نعود لموضعنا ... متعود انه بكل يوم عجيز او كم من عجيزة يركبن معي بالغلط ... اللي تظن اني السواق ... واللي تظن اني ولده ... ( جدتي الله يهديه آخر من يطلع من الجامع :d ) لكن مرة ركبت وحدة فتاة بين قوسين :d ... انا بالعادة اقول للعجيز الغلطانة : تراك غلطانة ياخالة ... وتقعد تعتذر : ( وخزياه السموحة ياوليد احسبك ولدي )... وانا: لا عادي ياخالة ( اقول بقلبي : منتب اول وحد ولاآخر وحدة :d) المهم هالفتاة مكحله عيونه ... ... وجسمها حلو :d ... وصوتها شيييييييييييييي يوم ركبت وسلمت ... يعني انا خقيييييييييييييييييييييييييييييييييت ....... وارتبكت .... والبنت ارتبكت .... حتى ماعرفت وشلون تفتح الباب من الربشه :d ... وكنت ذاك الوقت احتري جدتي على احر من الجمر ... لانه مابقى شي وتبدا باب الحارة :d ... :smilie47:جميلة :smilie47: ... المهم ... عقب هالسالفة قعدت اسبوع كامل مااروح اجيب جدتي من الجامع ... بديت ارسل اخوي يجيبه ... اخاف بعد فتاة اخرى تركب معي بالغلط ... ^ ^ ^ ادري انكم مافهمتوا شي بس الشكوى لله :d |
حبتين شباب ع الردود شاكر لكم مرووكم واحد واحد للرجال حبه ع الراس وللحريم وورد مالها داعي المحابب تحياتي للكل !!هلالي الرس!! |
اوهـ اوهـ اوهـ s9s صقعت فيها .. وش الاحراج ذا .. لقد انني لو انا مكانك سفلت فيها .. صح اني خجوول بالسوق .. :D لكن تجيك بنت ومسويه نفسها ترد على رجال .. وععع وع .. يا كرهي لهم .. توحياتي ورده |
ماشاء الله عليك يامؤدب اجل ماتقصد :d على العموم مشكور ياكابتن :razz: |
| الوقت المعتمد في المنتدى بتوقيت جرينتش +3.
الوقت الان » 04:50 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd