#1  
قديم 26/03/2008, 10:49 PM
زعيــم فعــال
تاريخ التسجيل: 02/07/2005
المكان: الرياض - الرس
مشاركات: 225
الهلال يخوض الاسبوع القادم 3 حروب منتظره ضد فرق تقودها اللجنه الفنيه

للاسف اللي جالس يصير من اللجنه الفنيه ومن ورائها شي يؤسف عليه بعد رفضهم تأجيل مباراه الهلال والشباب اللي راح تكون بعد مباراه النهائي بين الهلال والنصر ب48 ساعه فقط..واللي راح يكمل الناقص بعد انه الى الحين فيه شكوك ان اللي راح يحكم النهائي حكم اجنبي..يعني اذا كان محلي عز الله اللي الهلال راح فيها ..لانه اللي جالسه تسويه اللجنه الحين يالهلال حرب قويه لابعاده عن تحقيق الكاس خلاص حاطين بروسهم ان النصر لازم يفوز بالكاس..والدليل وضعهم توقيت النهائي.او حتى دور الاربعه وللمعلوميه جدول المنتخب في التصفيات معروف من زمان ووضع دور الاربعه في هذا التوقيت كان متعمد من اجل استفادة النصر ولايزعل اخواننا النصراويين لكن هذا الواضح من هذي الحركه واللي راح فيها المسكين الشباب واحتمال الهلال في النهائي.بالاضافه ان النهائي وسط جولتين مهمتين بالدوري لانه الاحد راح تقام جوله والاربعاء النهائي والجمعه تقام جوله اخرى

( فعلا خطه محبوكه بالتمام والكمال وعينك عينك )

اللي فالها ومرتاح الصراحه الاتحاد صحيح انه يستاهل الصداره وماننكر الشي هذا بس وضع الجدول وتقديم مبارياته ساعدته كثير على الصداره لانه قدمت له مباريات وارتاح وصاروا المنافسين يلاحقونه ويعيشون ضغوطات اللحاق يالصداره

والله يسلم فيصل عبدالهادي اللي زبط كل شي من خلال زياراته للبلوي في بيته ومن حق البلوي لانه يبي يشوف مصلحة فريقه

استغرب وش المانع من تأجيل مباراه الشباب خاصة انه مافيه مباراه للاتحاد بنفس اليوم عشان نقول انه لازم تقام مباريتين بنفس التوقيت ..


وضع النهائي في توقيت غريب واضحه جدا من اجل ضغط الهلال لان الوضع الحالي اللي يعيشه الهلال مجبر جدا انه يفرط بوحده من البطولتين ياكاس فيصل او الدوري..3 مباريات مهمه جدا جدا خلال 6 ايام بالاضافه ان لاعبين المنتخب خاظوا مباراه مع اوزبكستان الاربعاء يعني مرهقين من مباراه وسفر طويل

الوضع الحالي مايساعد ابد وصعب الدوري زادت امالنا فيه وكاس فيصل خلاص النهائي ومباراه وحده الحين كأننا مجبورين اننا نلعب بالصف الثاني امام الاتفاق يوم الاحد ونضحي بالدوري من اجل كاس فيصل او نركز بالدوري ونلعب بالاساسي امام الاتفاق وندخل النهائي بلاعبين مرهقين. ولو لعب لاعبين المنتخب امام النصر كأساسيين وراهم مباراه الشباب بعدها بيومين يعني يالهلال اختر وحده من ال2 يادوري ياكاس .وياخوفي يتلخبط اللاعبين وينحاسون ويضيعون بين البطولتين ويروحن كلهن علينا

الله يستر لو يحكم حكم سعودي النهائي..لانه فعلا راح يتعاطف مع النصر المبتعد عن البطولات خاصة ان الكل شاف الفرحه الهستيريه عشانهم تأهلوا الى نهائي كاس فيصل ومعذورين على فرحتهم وانا مااقول ليش تفرحون كذا بالعكس فرحه غير مستغربه ابدا..

بصراحه الاسبوع القادم اسبوع نااااااااااااااااااااااااااااري بكل ماتحمله الكلمه من معنى..
الاحد راح يلعب الهلال مع الاتفاق والاتحاد مع الشباب مباريتين نار راح تحدد ملامح الدوري كثير
والاربعاء النهائي المنتظر
والجمعه الشباب والهلال..
بالتوفيق للزعيم والله يوفقه ويعينهم على الوضع اللي يعيشونه



هل يفعلها بنو هلال ويفجرونها قويه ويقهرون جميع الصعوبات والعراقيل التي وضعت متعمده من اجل اسقاطهم.. ؟؟ ان شالله وانا عن نفسي اتمنى التركيز على بطوله افضل من اننا نضيع بين البطولتين
اضافة رد مع اقتباس
  #2  
قديم 26/03/2008, 11:10 PM
ابوفجر
تاريخ التسجيل: 30/11/2007
المكان: البدائع بلاد الروائع
مشاركات: 5,411
=
=

خلاص الرزنامة الظالمه تم اعتمادها000يجب ان نعمل المستحيل للوصول للقمة ونغيظهم
اضافة رد مع اقتباس
  #3  
قديم 26/03/2008, 11:37 PM
زعيــم مميــز
تاريخ التسجيل: 20/10/2006
المكان: الرياض
مشاركات: 1,995
في حديث للرسول بم معناه (لو اجتمع اهل الارض على ان يضروك بشيء بدون اذن الله لم يستطيعوا ان يضروك)
هذا بم معنى الحديث
الله بينصر المظلوم
اضافة رد مع اقتباس
  #4  
قديم 27/03/2008, 12:29 AM
زعيــم مميــز
تاريخ التسجيل: 03/09/2006
المكان: خلف بنشر السعاده
مشاركات: 1,699
الله يوفق الهلال ان شاء الله بكل مبارياته القادمه وما اقول الا الله يوفق الاعبين ومشكووورين من الحين لان الحمل علليهم موب سهل وان شاء الله نبارك لبعضنا بكل البطولات الجايه وهاذا شي طبيعي وموب غريب عى الزعيم
اضافة رد مع اقتباس
  #5  
قديم 27/03/2008, 12:48 AM
زعيــم مميــز
تاريخ التسجيل: 03/03/2003
المكان: الــــــرس
مشاركات: 1,626
يبي يسوون اللي يستطيعون

ولكن بحول الله وقوته راح يلقنهم الدروس في كيفيه الكفاح واللعب بجد
اضافة رد مع اقتباس
  #6  
قديم 27/03/2008, 12:58 AM
زعيــم مميــز
تاريخ التسجيل: 02/11/2005
مشاركات: 4,383
هي محاولات لكي لا يحتكر الهلال جميع البطولات
فلو ربح كأس الامير فيصل فسيكون من الصعب الحصول على بطولة الدوري
نظرا للارهاق الشديد الذي سياعني منه اللاعبين
وتقبلوا مروري
اضافة رد مع اقتباس
  #7  
قديم 27/03/2008, 05:22 AM
الصورة الرمزية الخاصة بـ فهد ذوالقبعة الزرقاء
زعيــم مميــز
تاريخ التسجيل: 28/06/2007
مشاركات: 2,772
ذكرني هذا الوضع بفيلم اكشن امريكي
لما البطل يحارب عصابة كاملة

اتمنى تكون نهاية هذا الموسم سعيدة لنا كهلاليين
اضافة رد مع اقتباس
  #8  
قديم 27/03/2008, 05:59 AM
زعيــم مميــز
تاريخ التسجيل: 05/02/2006
المكان: بـقـلـبهـــ!
مشاركات: 1,675
إقتباس
الرسالة الأصلية كتبت بواسطة فهد ذوالقبعة الزرقاء
ذكرني هذا الوضع بفيلم اكشن امريكي

إقتباس
الرسالة الأصلية كتبت بواسطة فهد ذوالقبعة الزرقاء

لما البطل يحارب عصابة كاملة

اتمنى تكون نهاية هذا الموسم سعيدة لنا كهلاليين





كل هذا حــاصل من ورانــا

يـا عـالم متى تعقلون ، هذا تخبط بجدولة المبـاريـات والهلال ليس المتضرر الوحيد .. !

طيب أيش رأيك ان في واحد نصراوي يقولي الأتحـاد السعودي متعمد قدم مبـارات
النصف نهـائي بكأس فيصل بن فهد ( رحمه الله ) علشـان الهلال مـا

يلعب قدام الأهلي بكـامل نجومه !!

انت تشوفهـا بهالطريق و غيرك يشوفهـا بطريقة ثـانية !!


اسمحلي بنصيحة أخو و لا تزعل ، ترى هذا الي قـاعدين تقولوه فيه نوع من الكذب و القذف !

مو بس انت كثيرين بالمنتدى ! و لا تقولون هم أنواع الشتـائم كل واحد يتحمل ذنبه ،

انت مستعد تتحمل ذنب يوم الدين ؟

الله يوفق الهلال ! و اذا لك شيء يجيك { يمهل ولا يهمل } !

تقبل مروري ،، و لا تزعل


اضافة رد مع اقتباس
  #9  
قديم 27/03/2008, 07:55 AM
الصورة الرمزية الخاصة بـ فهد ذوالقبعة الزرقاء
زعيــم مميــز
تاريخ التسجيل: 28/06/2007
مشاركات: 2,772
ما فهمت وضح تقديم مباراة الهلال والاهلي ؟؟!!



اثبتلي ان النصر والاتحاد الموسم هذا بالتحديد تضرر من اللجان هذي..




انا ايش قلت شي فيه شتيمة؟ انا قلت فيلم.. اتذكر واحد نصراوي مشهور من سنين قال بعد مباراة وكان معصب شوي:هذا اللي حصل فيلم هندي...
اظن كان يقصد التحكيم وعلى قولته : الطرفة في بعض الامور مثل الملح والبهارات في الاكل ...
الله يوفق الهلال ! و اذا لك شيء يجيك { يمهل ولا يهمل } !
آمين



ما زعلت .. بس ما احب احد ياخذ الامور من ناحية جد وزعل مثال .. معلق رياضة يقول : هذه المباراة مباراة ثأر للفريق .. طبعا المعلق لا يقصد انهم مسلحين وبيتذابحون.. هذي اسمها صيغة مبالغة ههه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:42 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube