26/03/2008, 07:34 PM
|
 | مشرف سابق في منتدى الرياضة العربية والعالمية | | تاريخ التسجيل: 06/09/2003
مشاركات: 14,481
| |
تجربتي مع جهاز الزعيم بالصور
سمعنا كلنا عن عرض جهاز الزعيم اللي قدمته موبايلي، بصراحة أنا أول ما شفته فكرت بالأمر كثير وسألت كثير من الشباب عنه،،، وقلت لازم اروح بنفسي لموبايلي وأسألهم على راحتي...
دخلت على موبايلي في فرعهم اللي في شارع العليا. بعد المملكة.. واول ما دخلت لقيت أحد موظفي موبايلي يرحب بالعملاء ترحيب حار، وقلت له أبي اطلع جهاز الزعيم وأبي أسأل عنه قبل
وما قصر الموظف بكل رحابة صدر عطاني رقم وجلست تقريباً أقل من خمس دقايق وجاء دوري
واقعد عند الموظف واقوله يا اخوي ابي اشوف الجهاز قبل لا اشتريه ووش هي مميزاته
قام الموظف وبكل اسلوب جاب لي جهاز وفكه قدامي من كرتونه
طبعاً الجهاز نوكيا ان 95
لكن يا شباب اول ما فتح الكرتون وشفت الجهاز وقعدت اقلبه يمين ويسار بصراحه افتخرت اني هلالي وحمدت الله اني اشجع الهلال
يجيك شعور داخلي انك تمتلك شيء مميز للهلال وحاجه قيمه
مو بس كذا موظف موبايلي قام ووجه الشاشه اللي قدامه لي انا وخلاني اتنقى واختار رقم ذهبي مميز
وفيه ارقام مرررره حلوه
طبعاً أنا اخذت جهاز رقمه 313 J
بس الرقم الذهبي اللي اختارت طبعا مانيب كاتبه كله بس من جد مميززززززززز
054XXX8888
واخترت باقة الموج الأزرق معاها ويقولي الموظف انه بعد كل فوز للهلال تجيني دقايق مجانية غير كذا فيه قنوات اخبار الهلال تختار واحده يعطونك هي مجانا لمدة سنه
بصراحه انا مبسوط من الجهاز وهذي الصور بالمرفقات
ومبسوط بعد انه معي رقم مميز وطلع علي رخيص جداً من الموجود في السوق..
هذه هي تجربتي مع جهاز الزعيم
|
الوضع العادي
