|
((.. هي خاربه خاربه وكملها عيسى الحربين ..)) السلام عليكم ورحمة الله وبركاته مساء الهزيمه .. مساء القهر .. مساء الحزن .. مساء الاستغراب اليوم لعب منتخبنا السعودي الاول لكرة القدم وهو المنتخب اللذي يفترض ان يكون القدوه لجميع منتخباتنا السنيه .. ولكن ياهل ترى هل حقا لعب المنتخب اليوم ؟؟ لا ادري فما رأيت لم يكن المنتخب بل اشباه المنتخب واشباه اللاعبين كنا في اشد الحماس لان المنتخب سوف يلعب مباراته الثانيه في تصفيات كاس العالم 2010 <<< احس انها بعيده )) وفي غاية السرور والفرح لاننا اشتقنا لرؤية الصقور الخضر وهم ينقضون على فريستهم بكل سهوله وروعه ولكن بهجتنا لم تكتمل عند رؤية الهزيمه الثقيله ومن من ؟؟ من اوزباكستان ؟؟ الفريق اللذي لعبنا معه عدة مباريات ونعرفه جيدا ولكن يبدو انه استفاد من اخطاءه وعرف من اين تؤكل الكتف في حين منتخبنا ظل يبارح مكانه ولا جديد لانستفيد من اخطائنا ولا نحاول اصلاحها ان وجدت لعب اليوم المنتخب باسلوب جديد (( ممل )) ولباس جديد (( بايخ )) وروح جديده (( معدومه )) لم اشاهد في وقت المباراه مايساعد على اكمالها حتى النهايه اخطاء بالجمله وخصوصا من الدفاع ... لايوجد روح واصرار على الفوز ابدا ... لا ادري هل السبب هو امتلاء الملعب بالجمهور ؟؟؟ لا اعتقد لان منتخبنا قادر على الفوز في اكثر الملاعب حضورا وجماهيريه اذن ماذا حدث ؟؟؟ صحيح ان اصابة ياسر القحطاني هزتنا كثيرا وبعثرت اوراق المدرب انجوس وايضا هزت روح وعطاء اللاعبين ولكن ذلك لايمنع من القتال حتى النهايه صدقوني نحن من سلمهم اوراقنا وكشفناها بكل سهوله وجعلنا مرمانا سهل لدرجة ولوج ثلاثة اهداف في وقت قصير وقياسي .. وايضا مما زاد الطين بله الحكم الماليزي اللذي فعلها وبكل صراحه ووقاحه ايضا اخطاء بالجمله وعلى عينك ياتاجر ولم يحرك ساكنا هو ومساعديه اللذين لم نرى تدخلاتهم سوى ضد منتخبنا وكان اللاعبين ينقصهم الظلم بالاضافه الى انعدام الرغبه في الفوز تكسير امام الملاء واصبحت مباراة في المصارعه الحره ولكن مع وجود كرة قدم تتقاذفها الاقدام بين وقت واخر .. وفوق كل هذا وذاك اتانا المخرج الاوزبكي بتصوير اشبه بالافلام الهنديه القديمه وافلام بروسلي (( المغبره )) مع ملاحظة عدم اعادته لاي خطاء يرتكبه فريقه امام منتخبنا ولكن ماقهرني و بط كبدي (( بالفصحى )) وفع مرارتي اكثر واكثر هو تعليق المعلق الــ (( غير مركز )) اطلاقا (( عيسى الحربين )) تفاجات من اسلوبه هل يشجع منتخبنا ام اوزباكستان ؟؟ عندما تحضر هجمه اوزبكيه يتفاعل مع الحدث وعندما تاتي هجمه سعوديه يغير الموضوع ويتجه الى الكلام عن فرحة المشاهدين عند التلفزيون وعن اكلهم لوجبة الغداء وكرر هذا الموضوع اكثر من 3 مرات (( بعدد اهداف المباراه )) مما جعلني اتسال هل هو (( جوعان )) ؟؟ وايضا ان طلاب الجامعات اتوا مسرعين لمشاهدة المباراه وان الاجواء جميله خصوصا كلمة (( ياهي اجواء )) <<<< وش معجبه في الاجواء بوسط الهزيمه مادري ؟؟؟ لم ينقصنا في هذه المباراه الا عيسى الحربين :upsetw: لذلك اطلب من رعاية الشباب عدة اشياء 1) تتغير ملابس المنتخب (( ام ياقات )). فربما لم يشاهد لاعبونا بعضهم البعض بسبب لمعانها الزائد (( فيه منتخب بالعالم هالايام يلبس قماش ساتان ؟؟ )) 2) تغيير اللاعبين بالكامل وجعل السعوديه تشارك بمنتخبها اللذي يرفع الراس وهو منتخب ذوي الاعاقه الذهنيه ابطال كاس العالم (( لله درهم )) ... فربما ياتون بما لم ياتي به الاصحاء .. 3) تغيير المدرب الفاشل في تغييراته وفي تشكيلته وفي تفاعله ايضا مع اللاعبين .. 4) واخيرا طلب خاص من قناة الاي ار تي (( نحن ندفع اموال لدعمك فلا تجعلينا ضحايا لمعلقين من امثال عيسى الحربين )).. اسفه على الاطاله وشكرا :smilie47::smilie47::smilie47: |
اما سالفة ياهي اجواء هذي لحالها خخخخخخخخخخخ يعطيك العافيه زعيمتهم علما باني ماشفت المباراه لكن باين ان الازباكستانيين ضامنين الفوز قبل المباراه ممكن الحكم وممكن حاجه ثانيه غير الحكم المستوى للمنتخب السعودي في الملخصات حليو لكن مدري ماشفت شي يعطيك العافيه |
والله ياخيتو تحليلك يضحك اي لبسهم واي ساتان واي معلق احنا قاعدين نفكر بالمصيبه العظمى بالثلاثه صفر وبمستوى الاعبين السيء جدا المنتخب في مجموعه سهله جداً اذا ماتأهل فعلا مصيبه مااقدر اقول الا هاردلك ياصقورنا الخضر |
ياااااااااا شييييييييييخ المفروض ما احد يهرج خلاااااااااااااااااااااص تاكل (3 ) وتقول حكم هذي بطلوها من زمااااااااااان وباقي كمان عيسى الحربين يقلك انهم فازو بال(دنبشه) والله مافي عذر المدرب هذا المفروض يدرب سباحه مو قدم |
اعتقد ان هذي اول مباراه خارج ارضه موضوعك من بديته هجوم على اللاعبين وعندي فكره حقت (الستان)بنغيرها ونخليها تنتر>>> هذي اسمعه من امي ولاادري هههههههههههههههههههههههههههههههههههههههههههههههههههههههههههههههههههههههه فاصله حللتي المباراه بنظرتك الخاصه طبخ وازياء وتقبلي مرروري |
كنا في اشد الحماس لان المنتخب سوف يلعب مباراته الثانيه في تصفيات كاس العالم 2010 <<< احس انها بعيده )) حبيبنا يالله يعوضونها ان شالله في المباريات الجايه وانا قايلها من اول ماا اعتزل الذيب ابوعبدالله ( مافيه كاس عالم عقبك ياسامي ) |
هذ اللي معسكر أسبوعين مدري ثلاث وهذا رايح وهذا جاي ووخّر خلّ أشوف وفي الأخير ثلاثة !! ومن مين ! من أوزباكستان ,, أجل فيه فريق يسوي معسكر لمباراة واحدة في تصفيات كأس العالم أسبوعين أو ثلاث !! الإدارة تعتقد انها على حق وهي في ضلال << والله أعلم بحالهم .. وبالنسبة لعيسى الحربين ,, هو مو زين أبد .. بس القنوات اللي تنقل المباراة كثر التراب الجزيرة وأبو ظبي ودبي والدوري والكاس كلهن ناقلات المباراة ,, وبصراحة أعجبني صوت معلق أبو ظبي الرياضية وعلى ما أظن ان اسمه فارس عوض .. ,,,,,,,,,,, الهزيمة هذي للنسيان ويجب على إدارة المنتخب مراجعة حساباتهم .. ومشكور عالموضوع .. |
الف مبروك فوز الاوزبا وحضر اوفر للمنتخب ولازال المشوار طويل اهم شي انهم يصححون الاخطاء وزين ان الهزيمه جت بدريؤؤ |
الليوم قال مقالته الشهيره ليله خاصله ليله ولا احلى الليالي وش دعوووه الناس مقيله الظهر خخخخخخخخخخخخخخخخ يعطيك الف عافيه اماا با النسبة للمنتخب وهو ضغط المباريات المحليه شلون يبونهم يلعبون وهم يمرووو بضروف عندك لعيبة الهلال ولعيبة النصرر فكرهم مشتت ولعيبة نادي الشباب اعتقد من لا نحمل لعيبتنا الخساره نحملها الى المسئولين في الرئاسه العامه عدم وضع العيبه في اجواء المنافسه الئسيويه الف شكررر لك |
إقتباس:
...................مشكوووور على الموضوع الراائع................. |
تبي الصراحه ماوسع صدري الا عيسى الحربين خله يضحكنا شوي باسلوبه دامها ضايه من هالهزيمة المخنزه استانس انا لاشفت الحربين هو اللي معلق وش يسوي دام منتخبك فاشل يمدحه وهو يكذب وهو معلق ملزوم عليه يتفاعل مع اي هجمه سواء لنا ولا لهم بس لنا اكثر طبعاااااااا ومن كثر ماهو معصب شرشح المخرج من كثر مايهزا فيه ويقول انا ناقصينك يامخرج قسم بالله يوم قالها اني مت من الضحك وانا بعد معصب من جد هالمخرج مدري وش يبي الله يقوم ياسر بالسلامة ويحتفل مع زملائه بالفوز على الاتفاق وبالفوز والمستوى والنتيجه والبطوله ع النصر وان شاء الله يعوضونها المنتخب ويتاهلون بس لازم تعود لهم الروح وهالمدرب خلاص عد لايتفيلح ويقول منتخب شاب وبكون منتخب شاب العناصر الخبره وجودها ضروري على فكرة فاااااااااااااارس عوض تعليقه لايقاوم شيييييي (في ابو ظبي) <<تابع المباراة على تعليقه ماراح تندم عوافي يالغالي |
أنـــــــــا بصراحه شفت المبارة في قناة ابو ظبي وكان يعلق على المبارة المعلق الكبير فارس عوض والحقيقه أنه أبدع في وصف حال المنتخب وتحدث عن انخفاض مستوى بعض اللاعبين و تغاضي الحكم عن ركلتي جزاء وعن سوء الاخراج الذي لم يمكننا من مشاهدة هدف اوزبكستان بشكل صحيح وقال ان فوز اوزبكستان كان بسبب انخفاض مستوى المنتخب السعودي ورغم ذلك الا ان السعوديه سوت هجمات خطيره وتحدث عن عدم لعب مبارة وديه قبل هذه المبارة المفصلية و أبدى إستغرابه بصررررررررررراحه كان متألق للمعلوميه ابوظبي لم تنقل مبارة منتخبهم ونقلت مبارتنا |
مشكووووووووورين كل ابوكم على المرور الرائع اول شي انا بنت ههههه ثاني شي انا تكلمت عن المنتخب ومستواه في اول الموضوع مو بس عن اللبس وعن عيسى الحربين يعطيكم الف عافيه ويارب يتحسن مستوى منتخبنا ماصارت بصراحه انتظر مشاركات باقي الاعضاء |
يازينك ساكته بس !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! |
شكرا او زد من ذوقك يالغلا ليه خشيت الموضوع اجل ههههه |
| الوقت المعتمد في المنتدى بتوقيت جرينتش +3.
الوقت الان » 03:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd